大丼家燒烤牛丼專門店 (已結業)

荃灣岩岩開左間新文具店✒📏, 行之前緊係要醫下肚仔先🙈 男朋友openrice完之後就決定去試下E間日式牛肉飯😋 Lunch時間坐滿哂人, 不過咁岩有人埋單, 所以我地等左5分鐘都無就入得去😊 我地叫左兩個牛肉飯🐂🍚, 兩碟小食同一杯凍檸茶少甜少冰😃 上菜速度好快, 10分鐘內就嚟齊哂😁日式麻醬凍秋葵, 秋葵份量唔多, 味道正常, 不過賣相一般😂炸雞皮, 熱辣辣, 幾脆口, 味道亦夠, 唔錯😊香辣燒牛肉飯🌶🐂🍚, 牛肉份量一d都唔孤寒☺️, 大大塊嘅牛肉上面搽滿左辣醬, 但唔會太辣🤔 唔食得辣嘅朋友仔都可以試下😊三色燒牛肉飯🧀🌶🐂🍚同樣係大大塊嘅牛肉😊, 三色係指芝士, 香辣同燒汁, 三個味都ok嘅, 個人比較中意食燒汁多d😊總結一下, 食物味道ok嘅, 價錢亦唔貴, 上菜快, 係快靚正之選!

今日lunch去左食拉麵，平時見好多人等位，難得無人排隊，就即刻入去坐低試下先。叫左碗豬軟骨拉麵、同埋一碗燒牛肉拉麵🍜糖心蛋好好味，好滑嘟嘟豬軟骨係我鍾意嘅透明入跟即溶嘅軟骨，正不過如果軟骨部分多過肉就最好不過鳴門卷ok,普通魚蛋味道，至於拉麵係粗身拉麵，夠彈牙，而且份量足夠，加埋佢個味道唔錯嘅豬骨湯底，令每啖拉麵掛上湯後好美味碗麵仲有粟米同木耳做配料，令成碗拉麵好豐富至於牛肉就無食，因為盡量戒食牛

未食過咁離譜嘅咖喱！飯好多，咖喱好少，少到大約係飯嘅9分1！外賣APP有圖見到咖喱同飯和佔一半，外賣來到一打開搵到得嗰一行一蚊硬幣寬嘅咖喱打直喺飯盒入面，直頭覺得俾人玩野！當時好餓，見到真係好激氣，諗返都好離譜

因為呢家野在家附近，以前一直都有間中來吃，因為味道還可以。不過今次等了二十分鍾野食都未上，先知漏左單，差評。會考慮以後還否繼續光顧。時間畢竟很寶貴。遲來的好幾桌客人都上了。

燒肉+丼飯呢間價錢都幾平 就食到一碗丼/拉麵味道都okay 行過可以試下 又未到要特登食嘅程度.芝士燒牛肉丼飯🧀好邪惡啊 無論乜野加芝士都會好食左不過燒牛肉好薄 只係將三大塊鋪係面.豬骨湯叉燒拉麵🍜味玉水準又不差喎 幾入味 蛋黃半熟叉燒唔會太乾/似煲湯肉 仲有啲油脂添但敗筆係個拉麵 同茶餐廳一樣的口感.日式章魚燒🐙超級脆！好似炸甘脆 有驚喜無奈饀好少 有啲直程章魚粒都失蹤左

呢間餐廳如果唔係朋友介紹都唔知咁正餐廳位置都幾隱密，睇落細細但坐落都幾闊落舒服，環境都好乾淨。個日一點左右去，人流唔多，唔洗排隊就有位坐低。叫咗個元祖燒牛肉飯試下，果然係元祖！牛肉雖然薄薄地，睇落得兩三片，原來唔係食落去唔會好乾，好柴，配埋醬汁一流！（雖然就咁食有啲重口味）碗飯面頭有蔥，食之前攪勻啲醬汁、蔥同蛋，一齊食好香。飯嘅份量好足，食完都已經好夠飽朋友叫咗個豚肉飯，一般，因為無醬汁，較為乾同單調。如果同朋友一齊食可以叫埋小食試下諗唔到Lunch或者Dinner食咩都可以試試呢間，價錢都適中

今次跟朋友黎到大丼家燒烤牛丼專門店 話明係燒烤牛丼就梗係要試試佢個牛啦望佢既外表平平無奇 但都幾多人幫襯緊架經朋友推介 嗌咗個芝士燒牛肉飯 而另一個朋友就嗌咗照燒雞粒飯首先係照燒雞先上場 試佢舊雞 果然係照燒汁味 冇咩特別 再試啖飯加菜 咦!有d驚喜 香香既麻油味加上淡淡既柚子味 食落又幾夾個雞喎 唔會齋啖啖肉 可以一解齋食肉既膩 清新再黎就係芝士燒牛肉飯喇 由落單到上菜用咗十分鐘 一上場個賣相已經相當吸引 有三大件芝士燒牛肉放係碗上面 完全同餐牌張相一樣大呀食落係燒牛應有既厚度 冇薄切 加上有熱辣辣芝士覆蓋住 認真唔錯 淋上燒牛肉汁同友善地幫食客切開九件 一啖牛兩啖飯 唔經唔覺就食完 飽肚好味!

我最鍾意喺荃灣捐窿捐啦搵嘢食今日嚟到呢間大丼家試牛肉丼飯地方有少少偏 喺荃灣千色店附近坐低就梗係即刻叫嘢食 見到招牌牛肉丼同芝士牛肉丼都好吸引 最後我決定試邪惡既芝士牛肉 而我朋友就叫左照燒雞粒飯等左唔洗五分鐘 朋友個飯就黎到 好大碗呀我都試左一啖 味道普通 同平時食既日式雞飯冇咩分別 唔特別推薦大家試我個牛肉飯就等左好耐 差唔多15分鐘後先到 等到我都好肚餓牛肉飯終於嚟到 見到芝士牛肉舖滿成個飯熱辣辣 聞落仲好香 好興奮 芝士夾埋牛肉食落口唔會好膩 加上燒到牛肉有少少脆口 真係過返尋味唯一不足就係個飯冇菜 得牛肉同白飯 食到尾有小小寡如果可以多小小伴菜 就完美啦

🍚食物「👍🏻大板燒$35」好平大板燒，份量也不算少，簡直係超市價，味道不差，值得一試。「👌🏻日式餃子$15」係炸餃子，味道正常無伏，仲要熱辣辣的。「👌🏻章魚燒$32」即叫即整，每粒都有好細既章魚，但配料很少，同街邊小食店既小章魚燒一樣。「👌🏻原祖燒牛肉飯$49」見好同食評話吉野家仲好食，但同吉野家牛肉飯係完全不一樣，個燒汁係甜甜地，牛肉也偏瘦。「👌🏻黑椒照燒雞粒飯$48」黑椒味十分突出，雞粒分量算多，但沒有醬汁整體上十分乾身。「👎🏻黑咖哩流心芝士漢堡扒飯$57」完全不像漢堡扒，似芝士肉餅，個流心芝士味不太重，味道怪。「👎🏻燒魷魚$15」係一個醬油碟分量，魷魚好鹹不值得試。👎🏻環境:環境十分逼，夜晚時間枱與枱好密集，隔離枱講咩都聽得很清楚，係個食快餐的環境，建議座窗邊位較寧靜。⭐️價錢便宜，質素普通，不值得特登前來試。

一直都知道有呢個店既存在，不過荃灣太多選擇喇，所以一直都冇試。今次心血來潮就走去試下係咪咁好食，我同朋友各自嗌左一碗牛丼。三色燒牛丼係朋友嗌既，不過我都拎左元祖同辣味牛各一塊試下有咩分別，其中香辣味比較失色，味道辣但個種辣味唔太好食。反而元祖同芝士都好食，形強烈既對比。芝士燒牛丼由於係最熱門，所以我都嗌左佢嚟食。果然不負我所望，芝士配上燒牛肉係幾夾同好食。但係由於成碗飯只係得牛肉冇配菜，食食下會覺得好滯，有點失色，但對於鐘意剩係食肉唔食菜既人就冇咩問題。大阪燒真係最無特別，餡料少，面粉比較多，而且份量少。

叫左個芝士蕃茄海鮮飯加$13有個醬油蔬菜，等緊嘅時候有蚊滋喺我面前陰魂不散，送到埋嚟見大拿拿有5小粒西蘭花，筆左幾啖蕃茄湯之後見到有隻斷晒手腳嘅曱甴身浮左出嚟，叫個waitress 埋嚟，佢好似老花咁伸個頭埋去先見到有咩問題，然後淡淡然咁話換過碗俾你...

朋友約我來這裡吃晚飯的。我的朋友們都點了三色牛丼，就是辣味，芝士，原味！女性朋友說芝士口味的超好吃～說辣普普通通～但男性朋友卻覺得辣味最好吃～就是說每人的口味愛好都不一樣！而我沒吃牛丼，我食的是海鮮蕃茄湯烏冬。蕃茄湯底味道普通，沒什麼特別，也不難吃～只是說$69 的話，我會期待它是更濃蕃茄的湯底。 不過它的海鮮還挺多的。 有蝦，元貝，青口，蟹柳。另外還叫了大阪燒味道不錯👍🏻 就是我超愛的沙律醬的味道啊！整體來說，價錢不算很貴～ 質素也不錯，個人覺得吃牛丼會比較划算！我個人還是會encore的！

正徬徨緊一個人食飯，吾知食乜，就遇上了這間牛丼燒門外放滿了色彩繽紛的宣傳照，尤其這個+1元升級大行動，就已經拉左我入去👣😂😂環境也不錯大大碗，份量十足，🔥牛肉也香味濃，只是過火了少許，勝在是薄薄的一片片, 加上脂肪比例較多，入口也不會覺得鞋加配飲品是要加錢的😬😬連檸茶、🍋水或奶茶都要另外最吸引是期間限定的甜點🍮只可惜食完飯後，太飽了，不能夠品嚐這個日本福崗直送的日式芝士蛋糕🍰，有點失落😞

我同老公真係個個星期六都會落荃灣行過圈, 荃灣小食店就好多但每次一諗到想正式食過平平地既lunch就永遠諗到頭都爆, 今日經過千色匯見有間餐廳係角落頭, 又唔多人唔使等位, 見價錢大概五十蚊左右, 就試一試佢啦我地分別叫左元祖燒牛肉飯同辣味燒牛肉飯, 配菜都幾豐富, 但唯獨菜有d酸酸地既汁,我個人就唔太鐘意, 至於牛肉偏甜, 我就覺得唔錯, 份量都好多, 至於辣味牛肉就一般般, 唔辣又係偏甜, 飲吅跟餐要加八蚊, 有點兒貴, 總括唻講依間餐廳唔需要專登去試

晚上同女朋友行下荃灣，唔知食咩好，經過就入去試下。Menu 都幾多選擇，又有丼飯又有拉麵，仲有好多款小食，我叫左芝士燒牛肉飯，非常有驚喜，下次必定再去食！價錢合理，叫埋小食飲品都係80蚊一位！