大丼家燒烤牛丼專門店 (已結業)

最近由於疫情，都少左出去食飯，星期六突然心血來潮想出去食個lunch，就一個人去試想食左好耐的餐廳-大丼家！ 星期六1點半去到，餐廳大概坐滿8成，不用排隊就可以直接入去。食到一半就已經見到門外排了6，7個人。🤣 量了體溫之後就直接坐底點餐了。座位之間都是有安裝好隔板的。身爲芝士孔，一見到芝士燒牛肉飯（HK$56）就二話不説落單🤤！ 首先成個飯分量不少，食完係好飽。感動的是飯多，芝士牛肉的分量也不少，另外還有少量菜。牛肉真心好食，芝士燒到微焦，牛肉雖然薄片但係牛味夠，而且嫩口。飯有加到燒汁，配埋牛肉，成碗飯清了。 價錢合理，食物好食，我絕對是回頭客！✌️

大家去荃灣食嘢都會第一時間諗到路德圍嗰邊🤭，的確嗰邊搵食嘢又多選擇，價錢亦都夠平民👏，不過大家有冇試下去另一邊嘅荃灣搵下其他餐廳呢？今次我去嘅呢間位置唔偏僻，就近千色匯🤲，食嘅嘢都係以日式為主，呢到就有比較少見嘅黑咖哩飯🍛，既然無乜點食過就入去試下係點啦🕺。🎈黑咖哩吉列豬扒飯 $58日式咖哩通常都唔係辣咖哩，男女老少都啱食👍，而黑咖哩除咗顏色上較傳統咖哩深色之外，而且都偏咸，好似混咗一款醬汁，有些少醋味🧂。薯仔外皮幾硬，相當有咬口，另外吉列豬扒炸得啱啱好，唔會過乾又或者炸過時間偏硬，幾好食👍。賣相方面，將啲飯壓偏少少令整體視覺上大碟🍽，咖啡白飯平衡分配，不過啲白飯就略為硬身要撈多少少咖哩先可能😧。餐廳亦為醫護提供優惠，同心抗疫🤝，好有心。

之前已經有去堂食，而家叫左幾次外賣，品質好穩定，擺盤精美，和堂食相差無幾。 講番食物，同堂食真係差唔多，一次過食曬三種肉，好好好味，之後仲懶健康，叫左個野菜，爽脆兼仲熱。

呢間荃灣既牛肉飯真係好出色！難怪門口都大排長龍！好多人都推介既芝士肥牛飯 啲芝士加落啲牛度一齊食口感好好 味道都好濃 肥牛肥瘦適中 同埋啲汁撈落啲飯都唔驚唔夠味😆佢仲有好多跟餐小食可以嗌不過今次有啲飽所以冇試到😢😢

三色燒牛肉飯 $57三色分別係原味、芝士同辣味。原味好食過普通照燒醬好多，唔會香椰椰杰撻撻，應該係自家秘製；芝士味係一層芝士擺喺牛肉上面再攞去燒，芝士鹹香同脆卜卜得黎仲痴得住塊肉，唔會天一半地一半；辣味有驚喜！佢係酸辣黎，但個酸唔係醋酸味而係茄膏嘅酸，幾開胃。牛肉質素對得住價錢，薄薄地唔韌唔會好似cheap cheap肥牛咁勁多肥膏。overall三款牛肉都偏向重口味，但配埋飯一齊係啱啱好👍🏻。下次我都好大機會encore呢個，可以一次過食晒三種味。黑咖喱炸蝦飯 $58蝦炸得唔錯唔油膩，皮又夠薄，結論係普普通通冇特別。

💛💛💛黃店推介💛今日同朋友去咗荃灣行吓城門水塘，落山之後大家都好肚餓，即劇喺荃灣揾間靚黃店食先😋黎到位於 嘅大丼家，竟然大排長龍，咁多人鍾意，更加要食啦😤我叫咗個 三色燒牛肉飯（$56）💛佢係集合咗 元祖燒牛肉、香辣燒牛肉、芝士燒牛肉 於一身嘅牛肉飯，一次過滿足曬我三個願望🤪第一色係啡色🤎嘅元祖燒牛肉，佢嘅牛味特別出，牛汁好香，又有少少甜，我覺得係最好食嘅😋第二色係紅色❤️嘅辣味燒牛肉，佢係燒牛肉加咗啲辣椒粉好惹味，鍾意食辣嘅朋友可以揀呢個，但我就唔係太食得多啦XD第三色係黃色💛嘅芝士燒牛肉，芝士都牛肉融合埋一齊，芝士份量超多，拉絲嘅感覺好正好邪惡🤣每位黎食嘢嘅客人仲會送一張八達通貼☺️我一直都貼住喺自己張個人八達通咖！P.S. 揀咗試食活動因為送咗呢張貼紙

大丼家係荃灣最近都幾多人食嘅餐廳，我都食過好多次，真心覺得唔錯。.呢次我試咗佢哋嘅照燒雞粒飯（ $48 ）。.肉嘅份量頗多，用照燒汁煮到好入味，撈飯食一流。.而且仲奉送大量蔬菜，夠晒營養。加埋蛋絲同埋大蔥，口感同埋味道更加豐富。

好久沒見朋友了 決定小聚一回兒 經推介到這餐廳吃午市 離荃灣站不遠 就在千色匯外面的小巷 座位不多 約十台左右友人推介黑咖哩系列 帶有少辣 愛帶辣的日式咖哩的朋友可一試 昨天吃了 所以今天就試其他先吧《芝士燒牛肉飯》燒過的芝士鋪得滿滿的 看不了飯 芝士已與牛肉融為一體 燒芝士味極濃 再加上半肥瘦的牛肉片 正👍🏻《日式豚肉餃子拉麵》湯底有點鹹 幸好料挺足的 木耳粟米溏心蛋 當中餃子值得一提 入面十分足料十分飽肚《碳燒雞串》不過不失 有點兒韌《原味芝士蛋糕》再來甜品作個完美句號左《香檳葡萄梳打》右《荔枝紅茶》飲料都不錯 挺清新 不會太甜最後人均$80 又正餐 又飲品 又小食 這價錢不錯

沒有吉野家🟧 還有大丼家🟥 認住呢間門面紅🟥但內裡黃🟨的牛丼專門店可能早左去到(ard18:30)竟然唔使排長龍😲餐廳🍴唔算好大🤏🏻 同埋好靜添呀🤫連店員基本上都係無咩講野交流既😵今次試左2️⃣款最出名🏅既燒牛肉飯🥩🍚牛肉🥩其實燒得好香🤤 完全沒有吝嗇地多😳薄薄地唔韌唔肥幾易入口🤤 送飯岩曬🍚雖然飯唔係好多醬汁但都好夠味道😳👍🏻<香辣🔥燒牛肉飯🥩🍚>配上香辣既牛肉飯🥩🍚夠曬香同惹味🤤呢種辣🔥入口已經感受到😮 不過唔係勁辣🔥個種😉 越食會越愛上🥰會有想再翻桌既慾望😏<芝士🧀燒牛肉飯🥩🍚>芝士🧀味道幾香濃而且份量都好多😲仲有幾分似焗飯焗意粉上面既芝士🧀味道基本上每一啖都會食到芝士🧀➕牛肉🥩食到中後段會有少少🤏🏻滯滯地既感覺🥺

原本唔係好想食飯，想食啲有汁既野，不過見到芝士牛肉飯係招牌菜，就一試，點知！！真係有驚喜，好好味丫，薄薄既牛肉片上面加層芝士燒左佢，個飯仲有燒汁，好好味，唔乾身，易入口，配菜都有水準，旁邊既配菜有少少柚子味，試完個飯好滿足！！！另外，叫左蕃茄湯海鮮烏冬，個人比較喜歡再軟少少既烏冬，可以煮耐多啲啲，海鮮乾淨，湯唔算好濃，蕃茄味岩岩好，唔會太鹹，加上海鮮既清清地既味，喜歡食烏冬既朋友可以一試喔！小食都唔錯，滿意丫！

🇭🇰下午茶價錢☕️迷你香辣牛肉飯🐮 $37配一款小食個飯賣相好正🤤不過就有啲細做下午茶fit 做晏晝就未必夠飽啦🤔配料有辣牛肉 蛋絲 同埋柚子醋椰菜椰菜少少酸 幾開胃牛肉醃得好入味好正 不過佢係一塊牛剪開做三小塊 唔夠喉😖個辣味唔重 算係bb辣程度 唔太食得辣但間中想試下挑戰下嘅朋友可以食呢個小編同朋友分別叫左日式餃子同燒帆立貝日式餃子🥟就係正常質素嘅炸餃子 但勝在上枱都仲係熱嘅😋燒帆立貝帆立貝有三粒 唔會話燒到好乾 個汁咸中帶少少甜 都唔錯🤓

呢間由6月開始已經好想食，終於有機會畀我食到啦！雖然店名話係食牛丼，但其實都有好多唔同款式嘅丼飯，叫咗鰻魚飯 (半條)，80幾蚊望落個樣好似好細條咁，但鰻魚味好重好濃，肉質唔差，而且個鰻魚汁調教得剛剛好，單係用黎撈飯已經夠晒正～另外仲叫咗個生薑豚肉飯，估佢唔到真係有好多生薑蓉係撈埋入面，但唔會食到薑嘅辣味，反而配合薄切嘅半肥豚肉同個汁底反而好惹味～好快就會食晒成碗飯最正係用嘅應該係日本米，粒粒分明，呢個價錢平靚正~

依間舖喺612 1111休市 仲有派發過印有抗爭標語毛巾而且係荃城同步其中一員💛💛-#迷仔芝士燒牛肉飯 $38今次去咗食佢嘅下午茶可以揀一款主食 再揀一款小食而小食都有好多選擇有雞串 帆立貝 日式餃子 雞中翼 同埋炸饅頭帆立貝有啲似日本即食嗰啲咁 不過就冇咁乾而個主食牛肉飯嘅牛肉有好多芝士而且芝士面頭係燒過嘅 所以好香🤤配菜係椰菜 仲撈咗柚子醋 幾香幾開胃飯嘅份量就少咗啲 不過下午茶唔想食太多嘅話都ok嘅評分:7/10

🐷🐷響應同路人講，今日老豆去左荃灣既知名深黃店：大丼家燒烤牛丼專門店!!🐷🐷坐位唔多只有廿幾個左右，大量食客一罰再罰，等左半個鍾入座！黃店食野本身唔需要睇價錢，但一睇餐牌！飯麵都係40至70蚊，好平呀！抵佢咁多客！張單寫住香港人反抗香港人加油非常親切！🐷🐷食左咖哩芝士流心漢堡扒飯，芝士好多好飽！咖哩唔同一般日式咖哩，會有小小辣！🐷🐷另外加左$12有兩隻雞翼食~ 再加$8飲凍檸茶~!!

今天到大帽山行山後，落到荃灣為黃色經濟圈打打氣於是，就找到在千色店樓下的《大丼屋》。約下午兩時，仍要等大概10-15分鐘才能入座大大張餐牌在門外，等位時可思考吃什麼。大部分飯麵都只消約$50，相當經濟實惠。鎮店的芝士燒牛肉飯 $55炙燒芝士在牛肉上，咸香味十足，與濃烈的牛油香，互相輝映有少許椰菜伴碟，都幾健康。惜飯粒太乾，如果多些醬汁，會較易入口。燒牛肉烏冬 $60湯底不算香濃，但牛肉燒到散發牛油香氣，份量又夠多。糖心蛋大大隻，香甜到不得了烏冬都幾堅韌，煮得不碎很棒。迷你小泡芙 跟餐加 $14不過不失吧，為香港苦況中的苦中一點甜！如帳單底所言：「黑夜過後是黎明。」多多支持黃色經濟圈，此時香港人更需互相扶持，共勉之。