大丈夫食堂 (已搬遷) 新店位置

呢間小店開左幾個月，唔算好近地鐵站，見佢新開就去試下，原來主打便當形式套餐，有湯有飯有沙拉，仲要無限任添，老闆話因爲想人出街食多d菜喎。其實份量都多 唔洗再refill。佢的吞拿魚蓉魚生飯份量很多，$98 真係幾抵食同埋都新鮮。另外吉列豬扒脂肪分佈好均勻，即叫即炸，食落口一啲都唔油膩，仲有自家調製的豬扒醬,真係好好食 好鬆軟，絕對推薦大家試試。至於鰻魚飯眼見係最多人食嘅，不過不失,鰻魚比較軟腍。整體來說都不錯，性價比頗高。

上星期日晚特登嚟試下新食店，真的抵食有heart嘅日式小店，雖然迭擇不多，但鰻魚，刺身，吉列豬扒樣樣都做得好。我寧願佢做精选食品好過做垃圾食物，事實香港而家係食租唔係食品質，好希望多啲佢地呢類有水準又有heart嘅小店可以繼續落去。加油！

年廿八阿太經過長沙灣大中華旁邊, 發現一間日式食堂, 她說:「深水埗都有間幾有Feel日本食堂, 不如去試吓囉」 於是, 新正頭假期過後, 我們便年初四去食定食飯...(時為晚上19:50, 門外約有4-6人在等位) 小店大約有26個座位, 坐無虛席. 我們點了三個定食, 阿太指定要海鮮丼 $128, SY則要他最愛的鰻魚定食$88, 而我就點選最便宜的鯖魚定食$68 因為不吃蛋的SY卻偏獨愛日式蒸蛋, 所以我向店員說:「我想加$8要一個蒸蛋」, 店員回答:「每個定食都送一份蒸蛋, 所以可以食完有需要再落Order, 好嗎」(可以省錢, 梗係好啦) 記得從前經常去吃大戶屋, 就是貪可以免費添飯, 想不到這裡除可以免費添飯, 就連沙律也可以任添. SY:「我個鰻魚飯好食呀! 我最驚就係多骨, E度唔係好多骨, 我鍾意呀」(細食的SY今晚竟然KO了全碗鰻魚飯...簡直神跡顯靈一樣) 我:「我覺得我個鯖魚最抵, $68蚊煎得夠香」 SY:「個蒸蛋有好多菇菇喎」, 我:「仲有蟹柳, 蓮子」 阿太:「我個丼飯有帶子, 雞蛋, 魷魚, 劍魚腩, 吞拿魚, 蝦, 三文魚, 三文魚子」(SY:媽媽,

前一排某媒體介紹左呢間日本餐廳，招牌菜係吉列豬扒，第一次黎緊係要試呢樣先啦！咬第一口「哇，好好味呀！😍😍😍（家燕姐mode）」。豬扒炸得好鬆脆，內裡肉質仍然保持鮮嫩，成落唔覺好肥膩，好快就掃哂成塊豬扒落肚。當日我叫既係定食，有滑溜溜的日式蒸蛋、麵豉湯，白飯沙律免費任添，但其實對於女士黎講，食完所有野已經飽到上心口，最緊要係咩？定食只係$98，絕對係性價比高，物超所值！由豬扒，到每一粒飯，你都會感受到經營者對食物的熱誠！題外話，呢間小店係長沙灣一個唔起眼既位置，如果唔係經傳媒報導都好難發現呢間餐廳，經佢一報導，經常爆場，最好避開繁忙時間去食。（提提大家，下晝last order係2:30pm，試過遲左幾分鐘摸門釘😞）大家一齊撐小店，撐有heart小店。（利申：絕對唔係打手，真金白銀自己俾錢，係真心覺得好食先推介俾大家）The best deep fired breaded pork lion cutlet in Hong Kong!

其實我唔係好想介紹，因為一介紹咗就會多人去，不過做人唔可以咁自私。今次講呢間大丈夫主要係食日本式套餐為主，本人食過幾次都係食雙式魚套餐（餐名大約係咁），主要原因我鐘意食三文魚同埋真係好食，厚切味道鮮，另外我朋友鐘意食佢豬扒套餐，吉列外皮夠香口鬆化，而裏面豬扒夠新鮮軟綿綿，唔同外面茶仔質數。值得一提套餐飯同沙律可以任添，而餐有跟麵豉湯及玉豆腐，男人唔怕唔飽。而價錢由$68起，無收加一，我夜晚九點點响運動場跑完步去食，食品及伙記質數都無因為夜晚就收工而下降。

行開D2 Place ，果邊又無咩好食，又想食日式定食，搵左好幾間都星期日唔開，可能係工廠區。咁就誤打誤撞搵到哩間日式定食，原來係正大中華隔離，本身都糾結食邊間好，最後都係比個機會佢。總評價食物：新鮮，份量足料，可以任添飯及沙律價錢：相宜，性價比高👍🏻環境：舒適，寬敞等候時間：45mins 其實有d耐 我知 想食好野就要等耐d上菜時間：慢！當你入到去就會知點解出面咁多人等緊，上菜實在太慢！可能新開，店員唔熟悉枱號，每次都問，但我地根本唔知自己係咩枱，一係你就寫係枱面，或者記熟佢。另外上菜次序，明明我地枱入先，其他枱已經食緊佢個炸雞/炸豬扒！但我仲未等到個海鮮丼，但係個3點刺身已經到左，要即刻催單先有，完全不解？刺身仲耐過炸野？不過整體黎講都唔錯，價錢同環境同質素都幾好，希望出餐時間會改善，咁大家都唔使等咁耐👍🏻👍🏻

晚市同朋友嚟食，鋪頭唔算好大但裝修簡潔，幾日本風。但再遲啲嚟就好多人排隊。我嗌咗個吉列豬扒定食套餐，啲餐具例如茶杯，木匙都好配合日本風，好靚；同埋啲侍應都好好服務態度！份套餐都好抵食，好足份量，唔夠飯仲可以添飯。套餐配有兩種醬汁，可以點唔同口味，而豬扒份量都好大，但有啲肥膩，不過整體嚟講都算好食！佢仲有個玉子杯，入面除咗蛋仲有有好多料例如菇、蟹柳，感覺都幾新鮮😂

荔枝角黎講，非常抵食！因為＄70就已經食到成個set!喺日本九州都係呢個價錢＄70有沙律有面試湯有飯仲要有個蒸蛋荔枝角冇乜幾多間餐廳有咁豐富嘅午餐食值得讚係個蒸蛋因為一啲都唔老

呢間野日日lunch 都排晒長龍，好彩今日早放lunch 先有機會食到。佢地個lunch set真係好抵，$50-70食到高質日本定食，唔怪得之咁多人排隊食。三文魚飯鋪到成碗飯都係三文魚，角切果隻係醬油三文魚，另一邊就係刺身，一碗飯試晒兩隻味三文魚真係好正！佢個蒸蛋都係高水準，蒸得好滑唯一係落咗青豆係入面我唔鍾意，口感有些怪麵豉湯就無咩特別鰻魚定食又一驚喜之作，鰻魚燒得好香好入味，最重要係份量相當足，兩大條係飯面可以好好享受

見大丈夫新開為咗個茶碗蒸而去試食叫咗炸雞烏冬同鰻魚飯，地方比一般日式餐廳舒服，炸雞咬落脆口雞肉軟滑，烏冬浸咗一陣都無糊口嘅感覺，鰻魚新鮮份量大，茶碗蒸啲蛋好滑夠味，雖然舖頭位置有啲吊腳但沒有失望

太耐冇寫食評，但今日想寫一寫。之前上網睇到介紹，覺得呢間餐廳唔錯，專登同波子頭去坐車去食。知佢營業時間到3點，落咗車行咗15分鐘，去到已經2點45分。準備入去開餐時，嗰侍應話已經last order，所以冇得食。但個侍應都都好好，入廚房幫我哋問多次。但出返嚟話廚房已經洗哂嘢，唔再煮。咁好啦，放棄唔食喇。

今晚無意中同朋友經過長沙灣，見大中華旁邊新開了間日式定食，裝修新潮，坐得舒服.決定試下. 侍應姐姐推介了剛剛新加的吉列豚肉定食.吉列豚肉好厚身，賣相唔錯. 豚肉炸得剛剛好，肉質不會太乾身，好嫰口，點埋醬汁，好好味😋，有意外驚喜.朋友叫了個鰻魚飯定食. D鰻魚都厚身，幾大塊，冇咩骨，加埋D鰻魚汁都好好味，最緊要係價錢好平民化，成個set 都係$88. 仲唔加1，咁的價格算好抵食另加了個清酒煮蜆，好香牛油味，值得一試！原來佢地跟餐沙侓同白飯🍚仲可以免費添加，啱晒鍾意食菜的的. 仲唔使加1⃣️，埋單1人都係$100多D，好抵👏🏻

今日去咗長沙灣大丈夫食晚飯，一去到裝修整潔，感覺唔錯。我叫左個燒鯖魚定食，因為我唔食魚生。我男朋友就叫咗個三文魚親子丼。我男朋友嗰個飯一嚟到就嘩一聲因爲魚生好新鮮。都係90幾蚊，就好興奮喇。之後聞到廚房有好香嘅燒魚味，我就諗仲唔係我嘅嘩60幾蚊條燒青魚大到呀！仲要冇魚腥味，應該好新鮮，燒到啱啱好，果皮脆脆的，裏面魚肉仲有好多汁個沙律應該係用咗柚子沙律醬，酸味味好開胃，仲可以添食😍食完其實好飽但都叫咗個日式燉蛋😂🙈個燉蛋好滑，裏面有兩片菇，好香，應該係花菇味。真係一試愛上，好期待下次去試佢嗰個鰻魚飯

又再大丈夫！ 三文魚檔係最好味，同埋最平。 小妹每日都窮過，偶爾一餐都唔敢洗多。如果你都同我一樣，大丈夫係你既選擇！ 三文魚無乜雪味，夠哂厚身又肥美好油膩！味增湯夠晒味，又唔會喊。 見微知著之處，個飯入面有啲咖啡色嘅原來係壺蘆瓜嘅皮！ 最重要係個蒸蛋超好味佢入邊有啲菇又有蟹柳，真係超有心機而且唔會老。

今日終於可以食到個個都話好食既鰻魚飯，真係好食到喊，本人超鐘意食鰻魚,依度既鰻魚係我食過最好味架，厚肉又大條又無骨，仲要只係88蚊，真係好抵，阿囡食炸雞，佢話d肉一d都唔乾，仲好 juicy，炸得又脆，超讚，我哋噚晚去，仲啱啱出咗炸 八爪魚小食，真心推介， 酥脆又唔韌，如果配酒一流，可惜佢哋仲未有酒牌，阿仔食三文魚飯，好新鮮既三文魚，又多又厚肉，價錢又平，只係68，真係無咩機會食到，佢哋仲出咗d新既定食，吉列豬扒，我見到隔離都話好食，下次都要叫黎試下