大一海鮮火鍋料理 (已搬遷) 新店位置

趁住家姐生日🌟🌟 一年一次緊係要食返餐好 見我幾個朋友試過話哩間夠高質 有水準 就一早book咗位同佢好好慶祝生日 地方幾易搵 一上到去伙計即刻斟茶同拎咗八款調味料黎😀招呼幾好 一開始唔知嗌咩好 伙計見我地好似冇乜諗法就介紹咗幾款招牌比我地 我地就嗌咗3樣野 每款都幾大碟 絕對夠飽👍👍👍1) 金湯雞翅鍋👅👅👅😀聽侍應講入面有半只新鲜雞🐔 係幾出名既嘉美雞 仲有一大隻西班牙黑毛豬🐷 兩樣野都好成功令到個湯好鮮甜 好濃郁 我地之後當湯飲 就算之後侍應加湯都唔會令個湯底變得淡 入面d翅好大舊 真係幾真材實料😁😁😁2) 美國雪花霜降肥牛片🐂🐂🐂一黎覺得唔係好大碟 好似好快就食完 但食落就發覺原來都幾大碟 一個人至少食到8,9片 牛肉唔會話好薄身😉 都幾有牛肉味 放佢地落鍋 拎出黎基本上唔洗點豉油 因為個鍋好入味 d肉好快吸哂d味😆😆3) 黑松露帶子餃😃一碟有8隻餃子 入面有我鍾意既黑松露 味道岩岩好 餃子d餡好多 有一小塊帶子 一堆黑松露 有肉同蘿白粒 口感唔錯 食落會不停咁食😊

今日放早，約咗細妹出尖沙咀行街之後食飯。細妹話想打邊爐，本來諗住行去禾牛薈，行到中途經過寶勒巷，見到開左一間新嘅火鍋店「大一」，新張期內全單九折，10點後仲全單八折！咁就最後決定上去試吓新野！搭𨋢上二樓，一開門見到「大一」，環境超級乾淨光猛，枱與枱之間嘅空間好闊，仲有好多張卡位同埋獨立房！對我同細妹呢d潔癖怪黎講，乾淨真係無比重要！之前去過好多唔同嘅火鍋店，大一比我嘅感覺真係好舒服好企理！打開餐牌，原來除左火鍋之外仲有小菜供應！見到d小食好吸引，有炸芥末蝦丸、椒鹽軟殼蟹果d，我地都好想嗌，可惜我地得兩個人，今次都係主攻火鍋吧！湯底嘅選擇有好多，有成十幾款！職員推介野菌黑松露湯底同埋金湯腿翅鍋！我地決定豪一豪佢，叫個最貴嘅金湯腿翅鍋！用鮮雞、黑毛豬骨煲嘅湯底，再加上翅群，打邊爐之前先飲啖湯！味道非常好，好有媽咪愛心老火湯嘅味道，咸度剛剛好，誠意之作！翅群份量比想像中多好多！職員叫我地唔好食隻雞住，煲耐少少等d味出哂落d湯度先食！仲話煲得耐d雞都唔會「鞋」！我地聽落去半信半疑，心諗邊有煲湯雞係唔鞋？！後尾打到一半嘅時候食d雞，發現真係一d都唔鞋，仲好滑！食下食下我地竟然將呢半隻雞食哂！哈哈

好友生日 佢好鐘意打邊爐 一年四季都岩。同佢食好點 除了好出名的'高'字火鍋 我覺得新開的大一係不二之選。環境好舒服 有好多卡位 夠乾淨 又光猛 侍應服務好好 有笑容 值得一讚。金湯腿翅鍋大一的金湯腿翅鍋 真是非常推介。用36個月黑毛豬骨煲既湯 再加半隻新鮮雞 再有好多翅群 真是一個無得頂的湯底。滾起左 先飲湯 經理話絕不加味精 湯底好濃好香的咸豬骨味 又夠鮮甜 魚翅好多好足料 毫不吝嗇。半隻雞要後段先食 得豬骨湯入曬味落隻雞。滾左成個幾鐘 隻雞依然好滑 連雞胸都唔會鞋烚烚 我們兩個人KO曬。講真 淨係食翅飲湯 都值回票價。P.S. 侍應間中會黎幫我們隔油 好好服務。本地手切牛肉（脊位）無得彈。唔會太肥 肉質鮮嫩有咬口 牛油味好濃 而且湯底清甜 完全係食到牛肉的原汁原味 好yummy!!!!!!手打墨魚滑好彈牙 真材實料 有粒粒墨魚 夠曬有口感。而且蟹籽亦好新鮮 脆卜卜 正。雲吞即叫即包 夠誠意。每粒都漲卜卜 一大隻蝦 爽口 而且豬肉唔會太肥。兩個人 實在食唔到太多野 另外再點了個蔬菜藍 全部菜都好新鮮好乾淨。最後 為了令晚餐有個完美的句號 我們點了日本直送水蜜桃雪葩。水蜜桃雪葩一食包

上週去尖沙嘴，品嚐了新開張的火鍋店：大一，兩個字形容就是驚喜！一行人試吃了花甲，翅及黑松露味湯底，味道超正！唔落味精，真正健康好味。火鍋料叫左牛肉，豬肉，牛丸及菜，幾樣都量足且新鮮好味。餐後甜點是日本直送，是否特別吸引？味道都清新怡人。定會搵機會帶家人再來食

最近依幾日天氣真係好熱好熱🌞日日都酷熱天氣警告♨但無損我依個「邊爐怪」對邊爐既熱切渴求同喜愛前幾日聽朋友講起尖沙咀開左間新派火鍋店，好似幾得，我即刻mark低，心想經開尖沙咀一定要試試，以我對火鍋的執著程度同喜愛一試便知龍與鳳今日剛好在尖沙咀開會，我當然不放過這個大好機會，捉埋同事齊齊烚下烚下大約7點多到達，已有幾枱客正在打邊爐，我就快速拿起餐牌看看湯底已經有好多選擇，超過十多款，而且有別於其他火鍋店的湯底，大一火鍋自創了幾款湯底，如野菌黑松露湯鍋，大一花甲湯鍋， 銀湯雞翅鍋等，樣樣都好似好吸引，真係花多眼亂 待應好像看穿我有選擇困難症，特意向我介紹一番，好窩心聽他介紹完，我就選定了金湯雞翅鍋，因為他講得好吸引，鍋內的材料好似豐富到爆之後點了幾樣火鍋配料就等食啦順帶一提，茶是熱熱的玄米茶🍵，飲得出是高級貨，好有茶香，不像其他火鍋店求其用茶葉翻泡多次!我飲了好幾杯💁金湯雞翅鍋一上枱，我真係忍吾住「嘩」左聲，真係好足料，待應真係無介紹錯，魚翅大大片，半隻新鮮嘉美雞，嘉美雞出名雞嫩鮮味，配上36個月大既黑毛豬肘，散發出濃濃的雞湯香，相信廚師係落左不少心機熬左好耐而成等鍋底滾起，待應會來幫手為

火鍋一向是筆者太太的至愛，一年四季不論天氣也是常掛嘴邊的選擇。是晚到訪的大一海鮮火鍋料理由好友 J 介紹，裝潢光猛簇新。主要用餐區以卡座為主，坐處寬敞舒適。餐廳另設數間貴賓房，每間房皆可擺設一至兩張大圓枱。火鍋店開宗明義以海鮮冠名，一眾游水海鮮當然是主打，數斤重的大龍蝦、腳長逾尺的長腳蟹、眼仔碌碌的牡丹蝦... 全部都十分吸引！在點選各式火鍋生料前，首先選定一個美味湯底。金湯腿翅鍋是餐廳的首選推介，主要湯料有風乾三十六個月的西班牙火腿骨、半只嘉美雞及六両魚翅。愛環保的朋友，可以花膠取代魚翅，同樣矜貴可口。湯底以仿石鍋盛載，湯料相當豐富。依照店員建議，待湯汁煮滾後先作品嚐，往後才淥煮火鍋生料。因湯底以鮮雞及火腿骨餚製，味道相當鹹香濃郁。煮湯後的雞肉仍保一定嫩感，而在火腿的鹹鮮引味下，雞香亦份外突出。至於花膠，用料厚身，為數不少，入口黏著感雖不算重，但味道已算不俗。晚飯剛開始時大家肚空空，很多時也會選擇淥煮最易熟的牛肉充充饑。這碟頂級手切安格斯肥牛，脂肪紋理不講求分佈跨張，而是追求清晰有序的感覺。這款牛肉普遍肥瘦鬆軟感適中，肉香濃郁沉穩，是十分優質的牛肉。頂級澳洲黑豚肉也不讓牛肉尊專美，薄

講起火鍋通常覺得熱辣辣人多同迫狹最近朋友發現到有家樓上店不錯~便跟他來吃吃看一進去看以看見空間感很大~完全不會擠迫兩旁有卡座店員安排了窗邊位~景觀不錯看, 而且兩個人坐位置實在太多了四個人坐仔不為過呀~調味料有8款~我下了很多辣椒和辣粉, 全都很夠勁兒!先選湯底~ 我選了比較少見的杏汁白肺湯底~很期待配料選擇也很多~別看它價錢並不算是十分便宜~因為它每份份量也很多!先來的是湯底~豬肺洗得干淨無任何異味~且已經煲得很腍身又不失嚼勁整個湯白雪雪的~飲落帶點淡淡清清杏仁味~比坊間假的杏仁味來得不一樣撈起杏粒一看它們都被煲成半透狀, 可見一班!芋絲是我打邊爐的最愛~我可以把它當飯吃!哈哈$39有14份 也不錯吃再來的是蕃薯粉絲~比較少見, 又是飽肚健康之選~想彈牙點的不要烚太久~我覺得這個比較耐麻辣湯底呢~別看它好像不多 也是$39元但整個下鍋後會變很多很多!雲吞$59有八粒, 皮薄肉多而且帶香!蔬菜拚盤$69 整個迫在一卷下鍋後又是超多的生菜白菜等等什麼也有! 岩晒樣樣都想食心大心細的你而且洗得干淨, 菜的顏色也新鮮最後點了駝鳥肉 $89看到就超道就是超正的色調! 駝鳥肉不用烚太久~它自身帶

與朋友來到這間餐廳，一入去便，被它優雅的裝潢吸引了，這裏一點也不像打邊爐的地方，那麼優雅而令人享受。而且食物質素也完全地使人感驚喜，材料明顯是新鮮特製，而且用料十足，選用較良好的食材，所以適合想一試別類而舒服火鍋的朋友。以下是我食過而覺值得推薦的:第一款:雜菌黑松露湯底超級好食，一點也不會淡，黑松露的香味貫徹湯底，配合各類菌類的淺淡香味，相得益彰。勸各位朋友不要一下子就放材料下去，而要先喝一口湯，品嚐它最原本的味道，你會愛上的。第二款:芥辣海蝦丸充滿新意而用料十足的蝦丸，熟後咬下去非常彈牙香口，除了考用料(據我所知，此餐廳是原隻蝦地製作蝦丸的)外，也考廚師功力。而到內層，你會發現一小許芥辣醬，挺刺激的，但不會使人感難受，而且芥辣也更能突顯蝦的鮮味。所以非常好食，贊。第三款:綾魚滑也是很贊的食材，配上干魚柱，熟後咬上去彈牙，加上內裏配上小小蔬菜類，更具風味。當然，此餐廳還有很多好食的食材如切得薄薄但份量十唸的美國雪花霜降肥牛片、爽口牛筋丸、蘿蔔等，都非常好食!

如果要打邊爐，我會推介大一呢間。因為佢既環境好乾淨，而且職員勁有禮貌。今日食左好多網友推介既黑松露雜菌湯底，不過真係冇介紹錯，因為佢既湯好濃郁，好重姑味，未落其他材料之前仲可以當湯咁飲👍👍有益又好味。仲有必試既係佢既芥末蝦丸，佢真係用原隻蝦去包住芥末，所以超彈牙佢既美國肥牛我都會推介，好大碟，而且脂肪分佈平均，如果食得牛既人，我都會推介你地試下

打邊爐就打得多，但高級既邊爐真係第一次食，好在今次男朋友話要慶祝下完成公司project,就帶我來食貴小小因為兩個人關係，避免開寛肚窄，所以叫食物都好小心，免得做大嘥鬼！雖然小心叫，個睇落樣樣都好好味咁，最後都叫左7款食物，好在我們都是大食之人，要全部食晒都無難度首先點的是豬頸肉，豬頸肉切割均勻，不太厚，所以一放落去10幾秒就食得，可解肚餓之苦 另外，其肥瘦分佈平均，爽得來又硬，有陣脂香味年糕袋平時只會在吉野家先食到，仲要得一個；今次竟然俾我見到呢間有，諗都無諗就立刻點了，好在無令我失望！年糕煙韌，非常有口感到鮮打海蝦丸方便，睇得出好真材實料，不但爽口而且更有濃濃的鮮蝦味，very good肥牛是打邊爐既best friend, 軟綿綿的牛肉，大大碟，非常滿足有咩方法將湯底既味道完全享用，答案就係利用薯粉將湯底既味道吸收喇！最後當然唔少得至愛既軟殼蟹作整餐飯的總結啦。

雖然到了炎炎的夏人，但無損我打邊爐的興致，哈哈！因為工作了一整月，難得唔洗OT, 準時收工，所以就食餐貴dd既，“餵”勞下自己啦～大一有多款既湯底選擇，而我們就揀了秘製牛湯沙嗲鍋，湯底濃郁香甜，再配上薯粉，將所有既味道吸收晒，就算普普通通的薯粉都變極度美味另外，雪花霜降肥牛片脂肪比例剛好，厚薄適中，食落軟綿綿，好正而小食方面，私心推介—椒鹽軟殼蟹，甜脆不油膩而環境方面，可能係新鋪關係，所有野都很新淨，食得很舒服整體來講，都好滿意

辛苦得來志在食！公司忙完個project，老闆請一班同事去一間新開張既火鍋店打邊爐慶功。首先黎個刺身拼盤，個拼盤重類繁多又夠新鮮，誠意推介象拔蚌、立魚、牡丹蝦！(老闆之後仲叫餐廳拎D 蝦頭去炸來食)打邊爐最緊要梗係個湯底啦！我一行十幾人，叫咗3個湯底︰黃金雞翅鍋、黑松露雜菌鍋同花甲海鮮海鍋，各有特色。但我最鍾意既都係花甲海鮮海鍋，湯底非常香甜，仲有淡淡酒味。呢個鍋D料又足，D花甲大大隻傳說中，最簡單既菜色最考功夫。絕對認同！個簡簡單單既牛丸係非常之咁好食，結實彈牙唔在講，牛丸係有好香濃既牛肉香味，睇得出餐廳係好用心製作既。另外要讚既就係佢既黑毛豬喇！我打邊爐通常都係食牛多，硬係覺得淥豬肉好似唔知點咁。但呢隻本地黑毛豬完全改變我既睇法。薄薄一片，肉味鮮甜，點少少豉油已經好惹味，好似食緊shabu shabu咁！仲有佢個黑毛豬雲吞，真係同傳統雲吞舖有得fight！雖然食到肚滿腸肥，但甜品係另一個胃既，我地試咗日本直送既原個生果雪葩做甜品。雪葩充滿果香味，酸酸甜甜咁，好醒胃，啱晒夏天消暑降溫！ 亦為我地呢餐劃上完美句號！

新嘅火鍋店所以黎試下：裝修一般，服務好。首先有好多醬和配料比我地選擇比我地落，Order左一個黑松露湯底及醉雞鍋，黑松露湯一黎到好香好，即刻飲咗一碗蝦丸，招牌牛丸，因為我鐘意食牛，鯪魚球都新鮮，彈性因為經理推薦我地試刺身，象拔蚌，新鮮牡丹蝦大大隻一口食，一個字＂甜＂值得一試，刺身和牛🐂牛頸脊就是牛頸至牛膊中間的一段肉這個部位由於郁動較多，肉質因而細緻、結實、肥瘦適中相比其他部分，質感和味道都優勝得多所以口感十分好！

最近行開尖沙咀當然約d朋友一齊打下邊爐，傾下解喇，見到寶勒行新開了一家海鮮打邊爐，裝修的幾靚又有d日式風格，所以決定試下！一坐低已經送上暖茶，因為3，4個人，就試了他們的招牌湯底（金湯翅腿鍋）真的好足料，又叫了些海鮮食，侍應推介我地食佢地個牛丸同豬肉丸，真係都好有驚喜，因為個牛丸係我從來沒食過裡面會爆漿的牛丸，就憑個牛丸都一定會再翻嚟食，個響鈴就一般喇，不過最後的甜品又卑到我驚喜呀😍香橙雪芭同蜜桃雪芭，都真係好好味，尤其最後食完打邊爐食d雪芭，成個感覺fresh晒，這一餐好滿足，同埋間鋪d嘢都好新鮮，下次一定會再來

火鍋店向來著重用料新鮮上乘，這是基本功，這家火鍋店卻在細節和配搭都別出心裁，花了許多心思。待應分醬料時發現刺身醬油和炸物醬酒分開上，Wasabi 是生磨貨色便知道應該不簡單刺身拼盤用料新鮮不在話下，後續就更精彩，椒鹽蝦頭外面酥脆，蝦膏豐腴，佐酒一流，魚骨腩偏又要用陳皮清蒸，陳皮味香濃夾在魚腩油脂之間，令人回味。燒羊架跟西式製法略有不同，應該是煎的但火路恰到好處，七成熟見紅但無血，配上特別的岩鹽和孜然粉，令肉味更出色，席上有人表示欠羊羶味，但如果連油脂部份一起進食是會羶的。是晚人多，可以點兩個鍋，這個花甲鍋鮮味濃，另一個黑松露鍋香氣四溢，後者到最後配麵食更一流。牛爽肚據說是牛的橫膈膜，遠望肥膏有點嚇人，但灼熟之後卻入口即溶，滿口甘香餘韻。牛肉相信是每家火鍋店必備之選吧！這家選用的是本地手切牛肉，肥瘦適中又稔滑，而且肉味香濃。牛舌切得厚薄適中，彈牙但又易咬，用料新鮮就不在話下。這碟羊肉同樣是肉味濃郁但無羶味。這碟是全晚最有特色的一碟，生墨魚滑釀進油炸鬼中，再上鋪蟹籽。食法是墨魚滑向下灼熟，食的時候墨魚滑彈牙有鮮味，旁邊的油炸鬼吸收了湯汁又是另一種鮮味，最難得是底層的油炸鬼因為一直浮在湯面，