夢の丼 (已結業)

今日要往土瓜灣有課程報名,11:45左右路經見到有日本野食。午市定食$88都幾吸引,所以入內一試。牆上有推介社交平台點like送小禮物,每人兩片三文魚。水準當然一般般喇兩個人選咗不同配搭,朋友選A1腐皮湯赤面+B2刺身三點丼。先上檔係三點丼,份量出奇咁充裕,滿滿嘅一小碗刺身水準係可以嘅,無雪味,飯量充足腐皮略嫌稍為甜咗啲,面係爽口彈牙嘅,唔錯自己點就叫咗A2關西風鰻魚玉子丼+B3細花錦魚生丼。細花錦魚生丼非常吸睛,七彩班班當中有青瓜粒嘅爽口,魚子嘅彈牙,玉子嘅甘香,簡直要親自試試,不能盡錄至於關西風鰻魚玉子丼,當然鰻魚份量多些會更好係帶油份香滑溜嘅玉子亦好味。另外一提服務水平。首先小店擺檯闊落,在疫情期間格外令人安心前檯員工亦指明必需填寫電話及(全名),態度認真。座落大約一個小時內見有兩次外賣及五六檯客人,環境幽靜令人食得格外放心以附近食肆臨立有另類可以選擇,十分滿意。

在 外賣app點了$298 的夢之丼+三文魚壽司，送來後魚生丼食到一半覺得魚生種類偏少，跟餐廳/uber eat夢之丼的圖片對比發現少了海膽、松葉蟹和甜品/前菜，打電話去餐廳交涉，說海膽沒貨所以換了吞拿魚腩蓉，松葉蟹的話顧客可以親身去餐廳補回少少。。。餐廳準備訂單時如果沒有食材可以取消訂單或者先跟顧客溝通吧，不是你想們想換什麼就什麼（要200字所以再說一遍）餐廳準備訂單時如果沒有食材可以取消訂單或者先跟顧客溝通！

去土瓜灣探朋友，因為早咗到，就想食少少好味嘅嘢，突然之間好掛住日本料理，咁就去咗附近搵日本餐廳啦。呢一間日本餐廳，望上去普普通通，不過佢嘅裝修都幾似日本傳統餐廳嘅，所以就膽粗粗決定試吓。🌸夢之丼 食後分享：1️⃣真係冇諗過，喺土瓜灣呢個地區，竟然遇到一間咁好味嘅日本刺身飯。用料係新鮮，亦都好足料嘅，食落去啖啖野味，絕對會返頭再食。2️⃣疫情之下，性價比會再高啲，因為外賣有discount，否則係堂食嘅話，其實以午餐來講都係有少少貴。3️⃣唯一美中不足，就係餐廳格局比較狹窄，座位唔算好舒服，疫情之間限二人一枱，如果係正常營業時間的話，應該會比較迫。下次去土瓜灣，一於再試試佢其他魚生飯！☺️👍🏻

第四波殺到，又開始WFH生活。平時搭車會經過呢間食肆，見openrice有好多好評，所以特登行過嚟試下。餐牌上寫住可以order 2個A或“A+B”。因為唔想食太多飯，所以叫咗烏冬(A3)和飯(B1)，2款都相當美味 。下次再來試下晚餐

特登放工後坐車來食咗碗飯朋友說這間丼飯好正店面感覺隱世好神秘丼飯大約$200，老實講在土瓜灣算是消費很高有少少不捨得這樣吃見到這個套餐，$288二人，有兩個迷你丼飯，又有炒牛肉及刺身，這個價錢就可以接受雖然只是迷你丼飯，不過也真是很滿足，味道不錯

夢之丼都係聽朋友推介而去食嘅一間有比較多刺身丼同埋特色丼嘅一間日本菜食店。店內裝飾好有種日本都市風嘅感覺，擺設又充滿日本食店嘅嘢。 燈光略暗，感覺幾放鬆，放工一班嚟食都幾好Feel。丼飯一到俾我感覺用心，擺盤又靚，新鮮刺身又好甜，而飯都有汁底味道好豐富！蝦肉呈膏狀勁滑勁水汪汪！咬落蝦味好重，好正！帶子好大粒，吞拿魚蓉配飯好啱。另外黑松露玉子第一舊又幾好食 幾香！玉子有甜味 但同黑松露唔算太夾，反而食太多會覺得好Over，小食多滋味！餃子多汁，煎到好香，食完一舊又一舊 哩個唔算貴又真心可以叫一碟送飯好正。整體來講，好好食！至少魚生飯質素都拍得住日本！新鮮好食又甜嘅刺身，值得親身幫襯幾次

經朋友強烈推薦下走左去試呢間嘅魚生飯🤣Lunch set $88 雙拼真係好抵 仲可以加$10小食由於我個胃唔受得飯 咁樣細細份真係好stomach-friendly(?😂)啲海鮮超超超新鮮😭🥺💗刺身冇得彈 勁鮮甜連吉列蝦同蠔都係新鮮嘅🤣味噌湯入面啲蜆仔都好鮮好正🥺💗唯一要數嘅係佢啲飯同烏冬麻麻地 飯太酸 烏冬太淋🤣不過啲料太好食啦都係比5個心佢啦🤟🏻🤣♥️♥️♥️♥️♥️

入到鋪頭入面，黑麻麻，無乜料到姐！見到黑板上寫住幾條野有1）柔煮鲍鱼，2）金鵰立鳞燒，試下啦，估唔到食物非常出色，物超所值，以為$40有隻刺身船一樣嘅滿足！真心推介！柔煮鲍鱼上面绿色好似青苔咁嘅汁，嘩食落有驚喜wor, 你間野收人咁平，肯定冇$買味精！再食金鵰立鳞焼，上面D皮，真係脆過薯片，咬樂啪啪啪聲,加少少lemon juice , 估唔到嘅日本餐！原来唔係黑shop wor, 起碼真係有heart 做日本餐！必食推介

突然發現土瓜灣都幾多好嘢食🤩依間丼飯好出色！佢哋使用赤醋飯，飯身係咖啡色，有股獨特酒香味，而且食落無咁酸。午市有$88自選雙拼，揀咗蟹皇丼，滿滿嘅蟹肉蟹子，仲有第一次食嘅蟹膏豆腐，滑嘟嘟，蟹肉完全唔會有雪藏味，好新鮮，每一啖都勁豐富🤤👍🏻牛肉生姜燒丼亦十分出色，重牛味之餘，仲好香炭燒味道，飯質煙韌，連帶都有炭烤嘅味道。雞軟骨餃子湯烏冬用稻庭烏冬，小編初頭以為係雞軟骨同餃子分開🤣餃子煎到好香脆，啖啖菜之餘又有雞軟骨嘅咬口，好食！

嘩！其實我呢個人就有嘀偏見嘅～成日覺得土瓜灣嘀食市好有街坊味！好有自己屋企都煮到嘅感覺！因為通常比較港式，我冇話港式唔好呀！口味嘅野你同你呀媽都唔同啦！冇得一概而論嘅～今次見人貼嘀丼相，好似間餐廳好揼本咁，嘀刺身切到厚厚咁呀！起碼點都滿足到我嘅刺身慾先啦！去到門口，佢一至四重有八五折，請叫我幸運星～幸運星～⭐️入到鋪間，竟然比想像中闊落，光猛，除咗吧枱，仲有五六張大枱，你睇唔睇到樽橙酒醋，好靚咁，但點解我冇得試嘅？果然飲不到的橙醋是酸的我好怕飲嘀微暖嘅麵豉湯，曖曖昧昧咁！佢呢碗熱騰騰㗎！飲到尾重有幾隻蜆肉！一口氣飲晒～舒服！真係太懶，有咩餸可以自已對返！真係同餐牌幅相毫無出入！份量足！侍應姐姐重提我地個飯已經調味，唔需要再加豉油！先講嘀海膽，上高加咗雪鹽，唔洗再加其他調味料，一食入魂！好鮮，香又幼滑！一嘀都冇苦味，師傅亦相當大方，起碼兩三層海膽咁疊起！咁嘅價錢，見得人，拜得神！三文魚子新鮮，卜卜脆，爆開咸香～赤醋飯本身微酸，我自己亦喜歡有味飯，但我唔捨得撈嘀海膽落飯食，食哂嘀餸先食飯，所以去到尾個飯酸咗少少！不過我相信，如果每啖飯配以海鮮咁食，係完全冇問題嘅！正確食法✔️get！你睇下三文

土瓜灣喺香港都算係舊城區但同樣都有好多隱世小店同老字號今日搵到間比較隔涉嘅日式小店店面唔算好大但樓底高感覺空間感十足——————————————————當日推介有活赤貝刺身好少見有活赤貝係咪好靚仔呢？🤪好新鮮啲肉仲閃令令架入口爽脆👍🏻另外兩個刺身丼都好ՕƘ咁啱有款仲做半價優惠又啱食入面仲有啲特別配料好似素翅😂😂出面未見過「蟹膏豆腐」其實一撈埋都唔知邊啲打邊啲🙈👨🏽‍🦱個就有「海膽醬蝦蓉」呢啲應該自家製為左唔好太漏仲叫左個青瓜小卷清口腔無論壽司定丼飯都已經喺飯度落左豉油所以上檯都有提我地唔好再落👍🏻題外話佢地連廁所都係日式坐廁🤭🤭———————————————————✥ 赤貝刺身 $68✥ 花錦魚生丼 $94 半價✥ 青瓜小卷 $28✥ 炎の丼 $198

📍 夢の丼📍 土瓜灣 • 譚公道2號地舖土瓜灣區日本餐廳不多，《夢の丼》這家是絕無僅有的了！他們家的午餐超級划算又好吃！！Lunch Set (Mix combo) ($88): A + B // A + A 像我們這天各點了一個烏冬加一個迷你丼飯，吃的我們很撐！！！，也只是一百塊不到！！隨餐附麵豉湯跟前菜；+$10還能加小吃耶！炎之丼- 醬油燒白身魚、芝士燒三文魚、牛油燒帶子刺身三點丼- 三文魚、赤蝦、帆立貝刺身海鮮很新鮮，滿厚切的🍣軟骨餃子湯烏冬咖哩吉列海鮮拌烏冬這樣的份量一點都不小！！超滿足的🥰 我們還點了兩個小吃XD三文魚刺身 兩切 (套餐 +$10)牛油炒雜菇 (套餐 +$10)-Menu:

土瓜灣的「夢之丼」開張了一段時間，今天才第一次去，一進店舖，就見到一張長長的吧枱，可以近距離觀看到廚師的製作過程。每款丼飯都附上豆腐昆布味噌湯和沙律，丼飯以赤醋煮過，所以看上去會帶點啡紅色。《夢之丼》$298這款丼飯附上一小杯自家製橙醋，可以先呷一口，然後加少許橙汁，搭配帆立貝，有提鮮作用。丼飯豐富，材料新鮮，陣容鼎盛，有三文魚蓉、三文魚子、帆立貝、海膽、牡丹蝦、松葉蟹。三文魚子粒粒圓潤咸鮮，海膽甜蝦蓉是那般醉人，吃得出滿滿的誠意。《牛肉湯烏冬》$78相比丼飯，這個烏冬就稍為遜色，沒什麼驚喜。《鹽燒鯖魚》$58鯖魚新鮮，燒得香口

朋友極力推薦呢間日本餐廳裡面的海鮮丼飯，趁住中午落班時間就過來食個中午飯了，餐廳裝修得唔錯，加上暖光好溫馨，裡面都幾大的，有十幾款各式丼飯任你揀，我就揀左一份火炙明太子芝士三文魚丼，火炙芝士融得岩岩好，每一口都好滿足，石鍋又可以保持溫度，所以可以慢慢食咖。

之前嚟過呢度兩次，丼好抵食，又新鮮。今次試omakase，十分有驚喜。成餐飯食得好開心，師傅又好nice，功夫又好，最緊要食材新鮮，真係忍唔住要喺OpenRice讚讚！講多無謂，睇相最實際，有相有真相😜😜