今晚同老公, 仔仔去o左筲箕灣夜功府食晚餐.
今次已經係第3次去食了, 記得上兩次都係平日放o左工, 同老公去"撐檯腳".
今晚老公book o左檯, 7點鐘準時入座.
之前都未試過真係咁想的起心肝去寫一篇食評, 但今次唔同了...
除o左今日係某個特別紀念日之外, 仲想讚下一d 服務就到o既店員!
因為今晚老公帶o左兩支酒去慶祝, 一支白酒, 一支紅酒.
坐低之後, 老公即刻請店員幫忙雪o左支白酒先.
之後再問佢攞幾隻紅酒杯. 但個位醒目o既店員就即刻問老公要幾多隻紅酒杯, 幾多隻白酒杯.
之後見到仔仔, 又問佢識唔識用筷子, 需唔需要比隻叉佢? 真係好細心呀! Like!
(唔知佢係咪呢度o既老闆娘呢? )
同之前一樣, 老公都係鐘意食呢度d串燒!
唯一一樣失望o既係... 雞皮唔脆... 希望有待改進.
其他o野食都好有水準! 而且真係好鐘意呢度o既服務!
記得之前o黎過兩次, d 店員都比較冷淡, 同埋說話比較粗俗...
問o個樣無o個樣, 又成日漏o左唔記得...
最興就係之前o個次, 想要杯水食藥o者, 問佢攞3次, 係3次!!!!! 3次都答我煲緊!
但今次唔同啦! 可能之前遇到個d咁岩放假???
希望下次o黎會見到o個位細心既靚女姐姐啦!
最開心同覺得最貼心o既就係, 今次因為老公叫左大虎蝦, 叫店員姐姐同支白酒一齊攞o黎,
真係一樣都無漏到呀!
姐姐又不時幫我o地換過d乾淨碟, 又不時為我地添加d汁.
d串燒點o左d 汁一齊食, 真係好好食o架!
最好o既係, 佢有一隻叫做"青檸汁", 一d都唔辣, 酸酸地, 好開胃! 岩唒阿仔!
阿仔食完之後就即刻問下次幾時再o黎呀媽媽?
好開心聽到仔仔都話喜歡o黎呢度... 又食得好多o野!
因為d o野食真係好好食呀!
最後個甜品 - 芒果糯米飯, 真係不得不讚!
從來未係出面o既泰國食店食到呢種咁特別o既味道!
同靚女店員姐姐所講o既一樣... "唔會o係出面食到呢種味道"!
食飽飽之後, 店員姐姐仲讚仔仔乖, 成晚肯坐定定自己食o野, 無走來走去,
之後仲請仔仔食糖!
依家呢d 咁貼心o既服務, 已經買少見少了...
题外话/补充资料:
雖然地方比較細, 但勝在分開o左上下兩層, 咁岩今次有機會坐上層, 好有私人空間感!
岩唒一家人食飯, 或者朋友聚會! =)
(以上食记乃用户个人意见 , 并不代表OpenRice之观点。)