夜功府 (已結業)

次次都揀雞排，今次突然想試牛肉配清咖哩，估唔到都唔錯！d牛肉燒得啱啱好唔會太熟，另外又幫我地切好，直接食得。青咖哩好特別，一碗碗咁另上，稀都好似水咁，但撈飯好好食。

今日我既lunch係呢間個名都幾搞笑既夜功夫餐廳! 早前朋友推介話呢到真係即烤上碟! 好新鮮!我當然係叫佢個招牌烤香飯~我揀左豬頸肉~有D朋友叫左雞扒~可以互相share下 ^^可能因為真係即烤! 等既時間又真係都幾耐~15min以上@@不過食左就覺得係值得既! ~首先當然係食左個開胃沙律先啦~~~估唔到又幾清甜! 幾新鮮!豬頸肉個量都ok~唔算少~烤得好香好好味~完全唔洗點醬都已經覺得好好食!不過最令我驚喜既係佢個飯~ 好有心思~ 唔係齋配碗白飯or 炒飯底就算!個飯好香~油油地既感覺 我估係落左某種調味料焗過~~~ 同佢個即烤豬頸肉一齊食簡直係絕配!!!飲品我揀左凍柑桔青檸！幾大杯 咸咸酸酸既感覺 配即烤豬頸肉飯！爽呀！

去到筲箕灣唔知食咩好，見到呢間野係行仔到就試一試下。烤肉香飯+烤雞扒 $54個雞扒好正，烤得好脆，味道岩岩好。個飯好香，味道好似海南雞飯啲frd。佢仲有啲配菜有蜜桃同啲菜食下冇咁滯👍👍。菊花茶 跟餐就free佢個啲菊花茶唔同出面，好似係自製，飲落唔會太甜，唔會好假，有種好清新既感覺。配埋知雞飯就好消滯😁。

今天吃了雞扒飯，五十四蚊，飯有加炸香了的蒜片，兩舊番茄仔同小量菜，味道不太差。而雞扒有煎香，都合格。而我也幫襯了這家店數次，所以之後發生的服務態度真的令我感到可惜。由於跟友人一起付帳，為減小他們工作量，所以我先代他付，並是要求黑衫男性收銀員給我找零錢給我方便找續給友人。但他約用了半分鐘，還考慮好如何找續給我，於是我好心地跟他說：「你找一張廿蚊紙，其他十蚊就可以了。」但他竟態度惡劣地回覆說：「我地都無散紙，找左比你咁我點呀？」我心底想，你沒有零錢，今天生意不多，問題不在我這兒吧，無論如何也不可以拿客人出氣吧！我來光顧，你說沒有零錢其實都沒大問題，只要態度正確，有什麼事情不可以討論及解決呢，但連最基本服務態度都沒有，我一定不會再光顧這家店！

太古與筲箕灣之間確實有一段距離，能夠將我從太古召喚過來筲箕灣的美食，絕對有一定水準。小店座位不多，午膳時間需與其他食客搭枱為平常事。同事介紹，這裡的扒類全部都以即叫即烤的形成處理，甚具土風味兼帶炭香，好吧讓我嚐嚐招牌烤肉香飯配烤雞扒。以炭火即席烤好的雞扒已經預先切件，方便食客。外層經炭火烤至微焦，有脆口感。雞肉部分並沒有因炭火處理過而乾身，反而尚帶肉汁，甚有驚喜。香油飯具油香而不膩，米飯粒粒分明，不會有預先做好一大批量冷卻後黏住一團飯球的感覺。季頭工作未算繁重，時間許可下必會再來。

是夜 泰好味。想食惹味菜 為了就港島區朋友 揀了這間小小店。串燒 全部即叫即燒 材料新鮮 正。墨魚鬚 軟熟 新鮮 彈身。雞脾菇 好juicy 一點都不乾身。雞肉丸 香口惹味。燒豬頸肉沙律 好正 配上紫洋蔥生菜絲 拌上酸酸的汁 非常醒胃。清邁生菜包 豬肉碎是半肥瘦 所以很滑 酸辣配上泰國香料 生菜爽脆 包著一起食 讚！香葉炒花甲 花甲鮮甜 九層塔香氣撲鼻 食得滿足。

成日行過覺得呢間夜功府好香串燒味，決定先試下佢個午餐。坐位不算太多，分成兩層。午市都多人食，如果太多人來可能要等下。睇完餐單後決定食香燒牛扒飯！$50 不加一，仲配凍飲。比起筲箕灣其他餐廳食個lunch 係貴少少既。牛扒到！因為既叫即燒，都等左15分鐘，不過好似坐得幾舒服，坐近門口冷氣都夠凍牛扒鬆軟，咬落去好多汁！燒既火候控制得好好！午扒相信都係靚料，肉質好好。仲有一個醬辣辣地好惹味！個飯都好正，粒粒份明，亦都好大份。小女子食唔哂。總結可以再試！

鋪頭位置有點難找入到去裝修好屋企feel嚴格黎講無乜裝修哈不過食物係幾有驚喜叫左幾款串燒！都係即叫即燒牛肩肉非常好味肉汁豐富而且好牛！雞翼I like原條粟米也香甜其他雞皮雞軟骨都無乜特別泰式生菜包係必食之選堅係辣越食越過癮不過另加碟生菜要$20燒生蠔好好味啊夠肥美有海水味兩隻時價$75算合理泰式生蝦其實味道係好不過我嫌隻蝦唔夠凍Overall食物質素算不錯不過下次黎希望唔駛再坐廁所隔離

今天去了遊船河釣墨魚, 玩了一天, 玩完才知道餓 東大街美食多大家都知, 開完一間又一間, 夜功府其實開業時間不短, 今次還是第一次一坐下, 努力的看MENU!!! MENU有好多的都是時價, 就連泰式生蝦都是時價就有點怪看到有生蠔, 我跟男友是蠔怪, 忍不住叫了兩客!! 老闆說吃生的跟燒的價格一樣, 我們就兩客都是吃生的, 應該一客燒一客吃生才對, 蠢了!! 生蠔我自己覺得太太好...不夠冷, 吃起來口感不太好. 他沒有說是什麼蠔, 亦沒有提供COCKTAIL SAUCE, 而且檸檬是青檸檬, 怪怪的. 破壞了生蠔的味道曼谷香葉生菜包, 這個肉碎真的做得很好, 但非常的辣!! 香葉的味道好濃, 但不會蓋過整個肉的味道! 每一片的生菜大小適中, 不會有上些太大/太小, 非常的惹味!! 燒泰式原條茄子, 我們都好喜歡吃燒茄子, 因為感覺綿綿的!!這裡的燒茄子跟在外面的不一樣, 上面的全部都係蝦米乾, 有兩款, 非常的香口, 口感很好! 有一點比外面的燒茄子有明顯的分別, 就是他應該是下了一點的青檸去燒, 吃起來感覺蠻清新的說燒物我們只叫多兩款, 先說說醬汁吧:左邊的是燒烤辣肉汁, 味道較

我經常經過這間店舖有次睇到餐牌, 介錢唔貴可以一試今日就去試試雖然這間店舖細小原來樓上還大有一層裝潢很有心思, 實而不華, 很喜歡這樣我地選擇了這個2人餐 (只供星期二, 三和四供應)而我的食評都寫在相片內啦~!下次我還要多試試其他的串燒先得

朋友介紹來这间小小的泰國菜饭店，本來期望不高，估不到原來相當不錯，可以再來。先说这里的裝修，看得出花了不少錢，最贊的是洗手間，十分乾淨，洗手盤也很有特色。閒話不多说了，最重要是食物質素如何，店員哥哥介紹了这里几个必'食菜式，我們全都要了，果然没有失望。首先是柚子沙律，柚子非常新鮮，配料才出色，花生完全冇益味，他們说是自己炒的，椰絲也是自己炒的，生菜全是BB菜，最甜的部分。再來是这里的招牌楊氏烏头，果然一点泥味也没有，而且燒得刚刚好，不會太熟太鞋，还有黄油在內，非常美味。其他燒烤也很好吃，燒自家打的墨魚棒，墨魚相當弹牙，讓在內的甘蔗棒仍水分十足，而且很是甜。燒壕相當清甜，因為这里是用新鮮生壕烧，外面較少这样造，所以燒出來还帶有海水味，一定要试。还有其他燒烤也十分好吃牛肩肉，羊架，北海道带子，茄子等等，不多说了。还有青咖哩軟蟹，咖哩味道十分適中，不会太辣，带少少耶计甜味，十分适合我。招牌炒飯雖然沒什麼特別，但廚師炒得煱气十足，每粒飯也分开的，比起茶记的炒飯好食得多。最可惜是吃不到黄咖哩炒蟹和芒果糯米飯，下次來必'定先預订。这里除了食物不错，服務也十分贊，那個店員哥哥不知是否老闆，十分有礼貌

門口有d難搵，如果唔係有人帶都搵唔到。同事叫咗青咖哩牛肉飯，我叫咗青咖哩雞排飯 。 青咖哩有d 辣 但好好味，雞排煎得好香好脆。個飯配搭得好好，個salad d芒果可以中和返個辣味。 另外跟餐叫咗杯菊花茶，清清地唔會太甜，d staff話自己煲架。

昨晚老公諗住出街食, 去到筲箕灣想起有人推薦過夜功夫, 所以就去試下, 去到以為冇位, 原來佢仲有閣樓, 上到去坐都幾舒適, 店員好好禮貌.叫咗兩杯青檸梳打, 燒魷魚筒, 招牌炒飯, 青咖哩軟殼蟹配米餅, 焗雜菌.焗雜菌最早嚟, 唔知落咗咩香草焗, 好香;燒魷魚筒就一般啦, 本身就冇比醬汁, 我諗如果有會好d, 不過懶就攞, 都ok啦;之後等咗好耐都冇嘢到, 追單至發現漏咗, 個店員非常唔好意思, 但見我地冇咩, 仲主動同我地講下嘢, 都幾得意;好快招牌炒飯嚟啦, 好好味好香, 食食下見鄰近有人食炒金邊粉, 本嚟都想試, 不過仲有軟殼蟹未到怕食唔晒, 最後到冇叫;青咖哩軟殼蟹配米餅要比3個正佢, 好好味好香, 雖然我自己唔係好食得辣但都接受到, 因為d青咖哩好好味所以我老公都忍唔住叫多碗飯嚟撈埋d咖哩汁, 食飽我老公仲話估唔到佢d白飯都幾得(因為試過喺第二間食, 個白飯好唔掂), 下次再去試其他嘢.

There are only few Thai restauarnts in Shau Kei Wan, and 夜功府 ranks the highest in openrice. From the map of openrice, it is located just next to MTR exit B2, but its location is a bit tricky and not easy to find.For the food, most of them are 串燒. For rice and noddle, only Pad Thai and Thai fried rice are avialable.  It would be better if they can provide more choices on main dishes.For the 串燒, there are many varieties and most of them are at reasonable price. 燒牛肋粒 tastes good even without the sa

今晚同老公, 仔仔去o左筲箕灣夜功府食晚餐.今次已經係第3次去食了, 記得上兩次都係平日放o左工, 同老公去"撐檯腳".今晚老公book o左檯, 7點鐘準時入座. 之前都未試過真係咁想的起心肝去寫一篇食評, 但今次唔同了...除o左今日係某個特別紀念日之外, 仲想讚下一d 服務就到o既店員!因為今晚老公帶o左兩支酒去慶祝, 一支白酒, 一支紅酒.坐低之後, 老公即刻請店員幫忙雪o左支白酒先.之後再問佢攞幾隻紅酒杯. 但個位醒目o既店員就即刻問老公要幾多隻紅酒杯, 幾多隻白酒杯.之後見到仔仔, 又問佢識唔識用筷子, 需唔需要比隻叉佢? 真係好細心呀! Like!(唔知佢係咪呢度o既老闆娘呢? )同之前一樣, 老公都係鐘意食呢度d串燒!唯一一樣失望o既係... 雞皮唔脆... 希望有待改進.其他o野食都好有水準! 而且真係好鐘意呢度o既服務!記得之前o黎過兩次, d 店員都比較冷淡, 同埋說話比較粗俗...問o個樣無o個樣, 又成日漏o左唔記得...最興就係之前o個次, 想要杯水食藥o者, 問佢攞3次, 係3次!!!!! 3次都答我煲緊! 但今次唔同啦! 可能之前遇到個d咁岩放假