夜上海

营业中

休息中

香港是美食天堂，全世界大部分食品都有得嘗試，當然不少得中國各種菜式。上海菜館在香港也不算少，尖沙咀海港城的夜上海也做得不錯，停業多月，搬到K11 MUSEA，更强的裝修，更强的景觀，但菜價相若，原因又是疫情。由7樓入，要落樓梯到6樓，見到熟悉的經理，很好，午市有個二人套餐，才$500，超抵食，碟頭是正常尺寸，美味上乘，基本上食唔晒，加上面向維港景色，疫情下的苦中作樂。餐廳比舊店略細，記得要訂位，免白行一次。

🌹疫情嚴峻，放假出去搵食會選擇較為乾淨食店，收藏中有一間位於K11 Musea的上海菜館，店名《夜上海》。🌹沒有預訂位，開門不久到達食店，窗口位置沒有了，說已有人訂了，這個疫情能有客人預訂，相信質素不差。🌹夜上海環境充滿著懷舊上海灘味，播着上海的歌曲，坐位舒適，很喜歡！🌹餐牌內有不同的單點，亦有不同的套餐，我們選了最普通的品嚐，最主要是每樣都可以試試，都是上海菜。🍽點餐選了午市特備套餐五道前菜🌟🌟🌟🌟🌟每樣少少，開胃前菜湯：雲吞雞湯🌟🌟🌟🌟🌟用料豐富，有菜、雞、雲吞、雞湯主菜：回鍋肉🌟🌟🌟🌟🌟炒得香口，豬肉不肥不瘦主菜：蔥爆牛肉🌟🌟🌟🌟🌟牛肉軟滑，滿口蔥香點心：鮮肉點心🌟🌟餃內湯不夠，肉較‘鞋口’點心：鮮蝦餃🌟🌟不知道蝦餃是否上海菜來，較奇怪的配搭😂額外叫了豆漿，$35一杯，個人覺得稍貴，而且不知道價錢！😂🤣個人評分5💙為滿分食物💙💙💙💙服務💙💙💙💙衛生💙💙💙💙環境💙💙💙💙抵食💙💙💙💙回頭率💙💙💙💙

因為金鐘店冇位，所以今晚來尖沙咀店試。衣度有兩層，安排了往下層，張枱剛巧近窗，可望到日落景。前菜牛油果素鵝卷，估吾到味道幾挾。主菜紅燒牛肋條，同金鐘店一樣咁出色，燒汁惹味，肉質軟腍。但小籠包同鍋貼就金鐘店好D，主要D肉太腍。甜品紅棗糕唔太甜。服務金鐘店比較好。走時發覺上層坐位比較開揚。

轉到新場新環境擁有兩層向海的景緻，繼續老上海嘅風格有旋轉樓梯丶一流餐廳環境顯然是米芝蓮星級飯店的格局。可能因為是星期六, 一到六點開始人多而枱與枱的距離比較近，以米芝蓮飯店來説，有點不像樣。食物質素大部分都維持水準但小籠包真是有點失望，皮薄多汁但一夾就穿有侍改良。另外，有些餸菜煮與上檯時間可能太耐，冇左熱騰騰的上海美味。服務方面，絕對比以往差、服務員欠缺熱誠，於客人附近竟然談到太忙做唔切等說話，服務管理真要多加注意。距離好的客戶體驗暫時談不上，要加把勁；如果不是，相信很難繼續保留於米芝蓮之列。

早排夜上海新店試業,心郁郁想去食片皮鴨同上海菜,二話不說約朋友去食好野😛。。🔘 片皮烤鴨(兩食 - 片皮鴨餅) | $500評分: 🌕🌕🌕🌕🌑評語: 夜上海嘅片皮鴨以傳統漢族製法,加上塗上佢哋秘製佐少而燒成。烤鴨分兩食,第一食係片皮鴨餅。有別於大家多數食到嘅片皮鴨餅,廚師保留所有鴨肉製作第二食之用,香脆嘅鴨皮則用以包鴨餅,配合京蔥同鴨醬,口感同味道層次都好豐富,做到外脆內軟,由淡至濃。。。🔘 片皮烤鴨(兩食 - 銀芽炒鴨絲) 評分: 🌕🌕🌕🌗🌑評語: 除左大家成日食嘅片皮鴨餅外,仲有一碟銀芽炒鴨絲。鴨肉絲經過烤同炒之後仲保留到幼嫩,食落唔鞋口,但可能廚師太重手,調味有點濃。。。鮮肉小籠包(4件) | $60評分: 🌕🌕🌕🌕🌑評語: 食上海菜必定不能少嘅一樣野 — 小籠包。個人認為小籠包好與壞,餡要靚之餘,皮必須要薄而不穿。夜上海嘅小籠包唔單止皮薄,食落口有一大啖肉汁而隨後帶有一陣咸香味,真正做到皮薄餡靚。。。蟹粉釀蟹蓋(2隻) | $132評分: 🌕🌕🌕🌕🌕評語: 呢個餸我差d即刻再點多份...廚師用清水大閘蟹蒸熟後再拆蟹肉,然後加入雞蛋清炒制,再係面頭鋪上蟹粉焗至金黃,鮮甜甘香非常吸

夜上海由Marco Polo搬到K11 Musea, 景觀比以前更開揚, 裝修執維持着以前充滿著”木”的元素, 清幽而不俗套. 夜上海的菜式説是滬菜, 但也少不了西方的Fusion元素, 像是蜜汁火方用上桂花蜜, 而高力豆沙上面被灑上的粉紅糖粉, 看起來更迷人, 吃下去則少了些傳統的濃重味道. 説到維持傳統, 她的松子魚和小籠包味道上就能做到, 前面者包皮厚度和內裡的Juicy程度就是傳統滬菜餐廳要有的樣子. 後者魚肉口感結實, 炸起來的形狀就像松鼠, 這就是其原形”松鼠鱖魚”的形狀, 酸甜度的平衡當然也是值得讚賞. 在滬菜見到炸子雞並不驚奇, 反正在香港無論任何種型的中菜餐廳也會見到它的身影, 結果果然中伏. 雞皮炸得頗焦, 雞肉肉味不足而且口感偏硬身, 還是不屬於那個餐廳的傳統菜式, 應該就不要點吧!

每年6月都會飛去上海， 探我啲男朋友，今年疫情當然要取消，早陣子海港城店關了，以為失去心頭愛，怎料在openrice知道，佢搬遷在此。未食前，讓我們先幻想，經過廂房長廊，充滿中式大宅典雅，木地板，錭刻窗花的花梨木屏風門，看着有一位苗條淑女背影，修長長腿,要有肉地，穿着絲質旗袍，腳穿高跟鞋，婀娜多姿，扭吓，擰吓，擺擺纖腰慢步，配中國小調輕音樂，花樣年華，美！從接待處，侍應帶你走下曲形木樓梯，牙籤大少先到，坐在寬敞雅緻卡位，有懷舊高雅氣氛，側邊西式酒吧！侍應推介多款飲品，大少不問價錢，叫薏米水，我照跟，稠，不甜，色濃奶白，解渴（無叫茶，要杯水，另收茶錢）。鮮肉窩貼$52，肉嫩有汁，有型外表，脆底煎得剛好，粉滑。陳皮糖醋排骨$68，走油不過火， 果皮香甜非陳皮，灑幾滴青檸汁，清香。香蔥雞髀菇$65，賣相精緻，葱油，青葱油滑，感覺還有另種香草味，講不出，菇淡味，不值。金銀蛋莧菜餃$38，幾特別，此菜食得多，用來包餃食第一次，不錯，有新鮮感。葱油開揚拌麵$48，忘記這裏不是我要個種，無豬油，所以炸葱不夠香濃，大隻蝦米無用，不得我歡心。要推介枱面Xo醬，香瑤柱，頂捧！此處播jazz及英文舊歌，雖然

疫症前致電香港酒店舊店裝修疫症後結束營業原來店舖由香港酒店搬來了K11 musea四人行點了個套餐前菜五款無得選擇不過想叫的都齊晒兩款點心蝦餃和小籠包酸辣湯和雲吞雞任選一款主菜四個人可以選四樣今次選了最大路的清炒蝦仁宮保雞丁糖醋魚柳奶油津白由前菜到主菜都很美味份量大碟吃得滿足再加了上海燒賣 擔擔麵和雷沙湯丸最後要打包回家結帳時發現套餐包茶免加一250元一個以夜上海的質素超值加上華麗裝修和寬敞景觀夫復何求

同一班老友食飯，我地成班都係片皮鴨一族食十次飯有四次都係食片皮鴨今次簡左位於尖沙咀的「夜上海」，呢間係我朋友介紹黎食前菜特色菜甫上湯小籠包 皮薄多汁呢個好似係甜醋排骨海帶燒鴨主菜到啦片皮鴨，佢同其他餐廳有點唔同係佢無鴨肉，係得脆卜卜的鴨皮，我朋友話正宗的係咁咖喎炒四季豆呢碟我忘記了是什麼有飯桶朋友緊係要叫煲飯比佢食銀芽炒肉絲呢個甜品係我地叫左唔同款式好正咖！你地如果去食，記得叫埋飯後甜品下次要帶屋企人黎食