夜上海 (已結業)

夜上海分別係金鐘的Pacific Place同馬可孛羅酒店两間! 我比較喜歡馬可孛羅酒店嚟間, 因有八折ma! 每次飲完荼結賬時, 待應都會送上一張八折優惠卷, 可於一個月內使用(lunch only)! 再加上接受booking, 唔需要等位, 又座得舒服, 仲有一大瓶XO醬提供,係我地family lunch的不二之選!我最愛啲是君悅港灣一號啲XO醬, 而夜上海啲XO醬就排第二, 原因除了是料靚好味之外, 這裡會放一大瓶XO醬係枱面,足足有係超級市場買到啲size啲半瓶! 每次未食完枱面上的食物, 我都可以沽清瓶XO醬! 小籠包...唔係誇張, 係我食過最好味的小籠包! 比香港啲鼎泰豐 (我未試過台灣啲鼎泰豐), 翡翠明珠, 金滿庭, 小南国...好味好多! 當挾起小籠包頂部時, 可以見到D湯汁係飽內"蕩來蕩去", 肉汁juicy...正!生煎飽都唔錯, 夠juicy,飽皮夠鬆,個底又煎得香口! 平時燻蛋都好好味㗎, 但唔知点解今次就燻得唔夠香!五個人, 八折後$680....座得舒服, service又好, good place!

今晚家人又聚首一堂, 十人叫了很多食物, 憑記憶如下 :冷盤 : 醉雞 - 酒味濃, 肉質偏硬! 千層素鴨 - 腐皮炸得好脆, 不過我唔鍾意食! 馬蘭頭 - 味道唔濃, 無特色! 脆鱔 - 呢個要讚, 真係幾脆! 鎮江肴肉 - 無食!主菜 : 片皮鴨兩食 - 皮有十數片, 很薄, 唔覺脆! 松子魚 - 一般水準! 無錫排骨 - 見老公食到好多肥膏! 咸肉津白 - 夠腍, 不過, 啲津白碎濕濕! 炒四季豆 - 炒得幾油! 炸菜肉鬆燒餅 - 餡都唔錯, 不過, 燒餅硬咗少少! 河蝦仁 - 無食! 黃金炒蟹 - 無食!小點 : 小籠包 - 唔覺好鮮味! 蘿蔔絲酥餅 - 無食!甜品 : 酒釀丸子 - 無食! 高力香蕉豆沙 - 無食! 蛋撻 - 都無食, 不過, 要等佢半個鐘, 佢話現焗, 究竟漏單定現焗, 黎到個賣相又唔太靚仔!是晚有其他親友所以不便失禮地影相, 仲有金鐘既分店無論服務, 環境同食物都較呢邊好!

由於開茶會的關係,有機會嘗試一下:-1)小籠包-ok2)鎮江肴肉-好味3)生煎包-一般4)炒飯,上海粗炒-可以唔試5)高力豆沙-最不知所謂(沙糖粉紅色~古怪),總括以上,環境非常好,要俾錢食的話真的要考慮!!!

朋友介紹訂咗位,但睇完d 食評都有d 驚, 但實際上都唔係,酸辣湯好味, 炸菜肉鬆燒餅超正, 獅子頭夠鬆化入味, 煙鴿唔咸好有薰煙味,其他嘢都起碼有一般水準,唔似其他食評講到咁難食, 不過價錢係貴, 公平d 講,以 "li "種食物水準, 响出面可以以平好多價錢都食到, 不過酒店價錢來講,ok 啦.最特別係食完飯有CD送,懷舊歌配合間餐廰都幾得意

有朋友生日，而主角又點名要去夜上海，無問題。打開門愘一跳，黑漆漆，以為出錯門口，當晚2人點了薰蛋、海哲頭、小籠飽、四季豆、一炖湯、一魚羮、炸菜肉鬆燒餅、蘿蔔絲穌餅，除了燒餅及炖湯ok，其它的真失望，薰蛋唔够薰味，何謂薰蛋，海哲頭有點腥，小籠包無肉味，四季豆煮得太耐，無牙吃都得，魚羮唔夠熱，蘿蔔絲穌餅皮厚，值得讚的花膠海參冬菰炖湯，夠熱夠材料，燒餅過得去，最好的，還是杯茶。可能我們不是食家，所以會有出入，所有食家們當下次推介的時候，要做多少少工夫，揾唔識的人試下，オ好推介，無下次。

一心諗住食家推介一定唔會差得去邊, 點知就一d 也不好吃, 二個人吃了薰蛋, "寧波"好食過佢多多聲, 似烚蛋多d , 無乜薰味海浙頭, 又有點腥味燉湯(花膠海參), 還可以鮮魚羹, 略咸炸菜肉末加燒餅, 尚算可以干煸四季豆, 炒得過軟, 很難吃蘿蔔絲酥餅, 一般小籠包, 好一般, 不大好吃"翡翠拉麵"好食過佢總之今餐貴得黎一d 都唔值!加上服務一般, 我地兩人訂了枱 就真係比張兩人枱 我地, 但同樣地一對金髪外國人就比四人枱 , 擺明係做遊客生意, 所以下次不會再去了! 香港地大把上海菜好味過佢喇!

這裡環境比較黑暗, 吃中菜好像格格不入.燻魚: 汁比較甜醉雞:酒味好香, 雞就"鞋"了少少.皮蛋豆腐: 皮蛋碎上, 不是糖心, 有點失望. 但豆腐很滑.泡菜: 有點像韓國式的泡菜, 好味. 主菜:無錫排骨: 排骨好"淋", 汁好味奶油津白: 奶油多了點點, 普通水準樟茶鴨: 好脆好香, 樟茶味不太濃.花彫醉蟹: 酒夠香, 蟹都夠大隻, 不過冇乜膏.紅燒元蹄: 肥肉好滑, 像溶在口中. 冇得頂!侍應收碟時, 居然把整碟花彫醉蟹的花彫倒在媽媽身上, 而且新的手提電話也不能幸免. 經理隨後過來道歉, 並奉上咭片, 說如果手提電話有問題, 可以打電話找他處理. 事情既已經發生, 而且是生日的大日子, 無謂攪到唔開心, 算數. 經理隨後更送上6款甜品當作道歉.甜品的名稱就不知道了, 但每一樣都係超好味. 最好的地方是不太甜, 老人家岩食. 我爸爸平時唔食甜品, 今次佢居然吃了其中三碟的半份, 幾好食可想而知.

一上到去覺得格局係俾d 旅客, 商務(都幾呃錢下o個隻).上星期四我一行5 人因為東亞咭有半價食呢個精算套餐(@$295/位) d 食物真係一般.我o地叫o個套餐有兩部份一係特式拼盤: 醉雞(幾好味,d 雞幾滑, 不過都係生o左少少), 海蜇十八鮮(個名好似好勁,其實只不過係海蜇加海帶絲,紅蘿白絲等等,一d特式都冇), 海襟片(都可以又唔腥), 千層素鴨(幾油同炸得幾老)以上都係頭盤.另一部份係mains : 蟹粉紅燒翅(5個人得兩個係有d 翅外其他都水汪汪,不過我都唔會預有啦咁ge 價錢,不過都冇理由浠成咁,我寧願飲南瓜湯), 龍井河蝦仁(雖然d 蝦仁一毫大細但係好爽好味,記住加少少黑醋,好味d ga), 崧子雞米配叉子燒餅(食一個都飽晒,因為個叉子燒餅都可以裝得幾多崧子雞米, 味道一般食落有點乾哽,我都係覺得加少少黑醋好d), 崧子黃魚(太厚粉了,完全蓋了魚味,都唔似食緊魚), 干煸鮮筍四季豆(辣辣o地都可以), 小籠包(皮薄多湯). 另外我o地加了高力香蕉豆沙(好好味,叫完一客我o地又叫多客^^), 豆沙鍋餅(炸得實在太老了)不過要講一講下個前菜,係炸菜o黎都幾好食,幾爽. o

一年無去，今天再光顧，食物和服務都差了。以往很喜歡他們的鎮江排骨，汁做得出色，排骨有咬口。但今日食的鎮江排骨，肉不是用排骨部分，吃得像煲湯豬肉，沒有咬口。服務直頭大大退步，待應好似趕客般，菜未來完己給人收碟了，是因為我今天沒有叫紅酒嗎?

如果把車子泊在海運大廈的停車場, 走幾步就直達"夜上海". 等位的時侯, 可坐在寬敞的酒吧, 聽鄧麗君金曲之類的音樂, 感受一下上海的懷舊氣氛. 雖然餐廳裡的人客不多, 但還是要稍侯片刻, 才可就座.星期日的午飯, 第一碟點心叫"十八鮮". 包含十八味新鮮蔬菜的冷盤, 材料豐富且顏色鮮豔, 吃起來像中式沙律. 想像中, 把各種瓜菜及菰類切絲, 煮熟, 再加芝麻油, 即可製成"十八鮮", 但在家裡卻從來沒吃過.另外一道第一次吃的是"蟹黃湯包". 從廚房端出湯包之前, 侍應首先每人派一個精緻的盤子和一根飲管. "蟹黃湯包" 猶如比正常大三四倍的小籠包, 而吃的方法, 則有趣得多! 在湯包尚熱的時候, 用飲管插入湯包, 吸完裡面的湯汁之後, 剩下的就是蟹黃和薄皮, 混合薑蓉與淅醋來吃, 味道媲美大閘蟹!其他的常見上海菜式(如獅子頭和紅燒豆腐), 也做得中規中矩. 另外, 空間充足的餐廳, 中西合璧的裝修, 及慇懃週到的服務, 都令整個午飯吃得十分開心! 不過, 好戲在後頭, 最精彩的是自製甜品, 嘗了花雕雪糕, 茉莉花雪糕, 及西柚花旗蔘雪葩, 全都既新奇, 又美味!

前男朋友生日, 挑了夜上海為他慶祝, 再見亦是朋友嘛!夜上海......夜...真的很深了, 當電梯門打開的時候, 我倆幾乎都不敢出去, 因為真的很黑......尖沙咀這間似乎比金鐘那間更黑, 美其名是情調吧!值得一讚的是服務真的不錯, 就算價錢較貴, 起碼不會食到一肚氣。是晚叫了:冷盤: 百頁馬蘭頭卷(馬蘭頭不錯, 新鮮有味) 脆鱔(真的很脆, 但越食越覺味道怪怪的)熱盤: 龍井蝦仁(一般,正常啦) 扁尖豆腐(味道不錯, 豆腐很滑, 但扁尖太少了) 咸肉豆腐津白(津白非常正, 很甜, 豆腐很滑, 湯很鮮)甜品: 花雕雪糕(嘩! 完全沒有花雕味! 真的不能相 信雜誌, 我是看了雜誌才order這雪糕 的, 失望!) 凍蜜糖栗子露(讚! 值得一試)總括來說, 是一間食氣氛環境情調的餐廳, 作為慶祝什麼是OK的, 食物方面沒有驚喜

最愛: 糖醋魚塊, 燻蛋糖醋魚塊冇記錯要成$160, 但物超所值, 好新鮮, 一上就要即刻食, 凍D魚塊就唔脆架, 份量都幾多架.燻蛋就$16一隻, 一人半隻就夠, D蛋黃半生熟, 打開個口一啖食就最正^_^平均D菜都唔差, 不過比起一般上海飯店當然貴好多啦, 佢地D地方唔差, 同朋友or家人慢慢食, 傾計都唔錯架.題外話: 唯一唔好, 泊車太麻煩, 要行好遠先到車.

間間restaurant 都fully booked 喇, 我就打黎呢間問下, 點知有位, 所以即係由泉x 居飛taxi 去我地冇叫298同埋350一位既餐, 因為都幾貴食, 我地散叫, 5個人食左都叫ok 飽就1200 (係會員, 打個87折咁), 即係original price around 1300, 唔叫好貴, d 野食都唔錯,不過個portion 就好細, d starters細唔在在講, d fried rice同埋面食都細, 所以要叫好多碟service ok, 食物方面我唔係好明, 佢一個砂鍋雲吞雞120, 但係分到5個好細既bowls, 之後d 料就唔叫哂, 佢又唔會serve d 料出黎, 唔知係咪因為人地係hotel唔係一般既restuarant, 所以唔會咁做呀?d 湯比起出面飲既多左一陣好香濃既靚金華火腿咪另外佢有個deep fried 銀雪魚都好好食, 不過幾貴, 150一碟!最開心係佢擺左一bottle 既XO sauce 比人任食, 用黎送白rice 正, 可惜佢d 飯都係一碟碟, 成幾十蚊o個d, 我唔知佢有冇幾蚊一bowl 既白rice 啦, 不過

自己部門今晚要同個日本人farewell, 去佐夜上海食飯, 果度D野食麻麻地, 但係收得勁貴, 菜單如下(一人份):花雕醉雞+鎮江肴肉+涼伴海參+十八鮮+青瓜海蜇拌粉皮(一個碟裏面有齊咁多野, 每款少少咁)砂窩雲吞雞煲翅(D雲吞唔好食)龍井蝦仁(細隻到死...)崧子黃魚(好細舊)稻草札肉(唔知咩黎, 好難食)金華火腿津白陽春面(無咩特別)蟹粉小籠包(每人一粒)香米布甸伴茉莉茶雪糕(淡淡地但都幾好食)本來收每位$350, 但好似bargain到$300一位, 另外包一杯飲品(有豆漿, 蔗汁同薏米水揀)講真食物又唔係話好好食, 但係價錢就貴過出面多多聲, 好唔抵食囉. 好彩公司比錢0者...

一開始staff比左2個餐揀..一個係母親節$298..(好似)一個係$350餐...咁由於個staff又推薦話個餐做埋呢段short period, 同好抵食...所以就揀左...首先係個前菜..唔錯..都諗唔到佢會係5款野放埋同一碟,仲要分好每人一份..幾好..難忘個燒肉..都唔似燒肉ge..有者喱凍feel!!~個醉雞媽媽話唔太醉~!!!跟住一人一碗仔翅, 都好多雞肉同有好大啖翅..套餐都差不多啦, 龍井炒蝦仁, 由於我唔食蝦, 成家人意見係唔錯, 係覺得龍井唔夠多來炒, 跟住就金華火腿津白..正常quality, 無話特別, 仲有蟹粉焗蟹蓋, 由於我又唔食蟹關係, 又係家人意見係唔錯, 只係奇怪點搵到大閘蟹係咁細個蓋(佢地覺得似大閘蟹)..仲有酸甜唔知咩魚..呀幾好食bor..我平日唔係太食酸甜野都肯食, 不錯~!! 跟住呢係咩稻草扎肉..呢個就差,除左家姐個碟d肉係有d肥糕無咁鞋, 我地個個d肉都鞋都只係有渣係個口...失敗左d~ 我阿媽仲話唔通d肉燉完碗翅,先用黎整呢味??仲有個蟹粉小籠包,麻麻地,可能我凍左食,好普通, 唔覺太special.反而係另外order松子叉子燒