影片
更多
2019-09-12
285 浏览
突然想食拉麵就排隊試試，夜晚7:15左右到，排咗大約45分鐘，叫咗多賀野醬油拉麵、豚鴨沾麵、蟹肉薯餅及炸蠔。先講吓多賀野醬油拉麵，味道清唔算好油好咸，麵質彈牙，叉燒唔太肥膩（可能薄過紙嘅關係），但碗麵嚟到啲湯只係暖，唔夠熱，要快食。而豚鴨沾麵就比較出事，麵質同醬油拉麵一樣，叉燒都一樣，個湯係比較咸，但因為沾麵材料會分開上，本身啲麵係凍，叉燒同蛋都係凍，碗湯一樣都只係暖，將啲凍嘅麵放入暖嘅湯到點浸都唔會熱，成碗嘢越食越唔想食，但有樣嘢好，碗湯凍晒都無「瓊」一層油響湯面，證明啲湯都唔係好油。啲炸物都夠熱夠脆，炸蠔個皮厚咗啲，蟹肉薯餅可能太少蟹肉關係，食落似只係食炸薯餅咁。試過一次就夠，要比住個價錢同時間排隊，係唔值！豚鴨沾麵多賀野醬油拉麵炸蠔及炸薯餅
先講吓多賀野醬油拉麵，味道清唔算好油好咸，麵質彈牙，叉燒唔太肥膩（可能薄過紙嘅關係），但碗麵嚟到啲湯只係暖，唔夠熱，要快食。
而豚鴨沾麵就比較出事，麵質同醬油拉麵一樣，叉燒都一樣，個湯係比較咸，但因為沾麵材料會分開上，本身啲麵係凍，叉燒同蛋都係凍，碗湯一樣都只係暖，將啲凍嘅麵放入暖嘅湯到點浸都唔會熱，成碗嘢越食越唔想食，但有樣嘢好，碗湯凍晒都無「瓊」一層油響湯面，證明啲湯都唔係好油。
啲炸物都夠熱夠脆，炸蠔個皮厚咗啲，蟹肉薯餅可能太少蟹肉關係，食落似只係食炸薯餅咁。
試過一次就夠，要比住個價錢同時間排隊，係唔值！
豚鴨沾麵
多賀野醬油拉麵
炸蠔及炸薯餅
张贴
