夏龍灣 (已結業)

星期六是很忙的一天,schedule排得滿滿,見這間小店開了一段時間未食過,未到12點,店內又未有人,就諗住吃個快速午餐入到餐廳沒有人理會便自行坐下,坐一陣發現位置太熱自行換位,但也沒有涼多少,整體餐廳冷氣不夠涼餐廳好像沒有準備好營業,想order食物時,店員就說先幫我們倒杯水,其實所有店員都有禮貌,不過就真太慢手腳我們order了豬頸肉飯,豬頸肉金邊粉,生牛河雖然餐廳只得兩枱客人,但上餐都需時豬頸肉飯有4-5片細細的豬頸肉和約一碗白飯,豬頸肉好硬和乾,味道可以,但真不知道得幾小片怎伴白飯吃,我仔仔話加小小豉油都好,可惜沒有豬頸肉金邊粉的粉偏硬,個湯像即食麵粉+水生牛河整體可以,但湯面有層油跟餐的飲品普通,奶茶好麻麻重點係在廚房工作的員工行出來拿材料時沒有戴口罩舖面清潔度也麻麻這小店除了平和店員有禮貌外,沒有什麼可取之處,我真擔心...

試了生牛河、春卷、蝦餅，味道可以。河粉不算大碗，睇之前小評以為好大碗，誤會只，正常人食一碗應吾够飽，加埋小食就差唔多了。環境小迫，都乾淨企理。服務無麼。整體評價無特別賣點。

📍#夏龍灣🇭🇰香港筲箕灣筲箕灣東大街114號地舖#MFJ筲箕灣 #MFJ越南菜人均消費: HKD73味道: 👅👅賣相: 👀👀👀價格: 💰💰💰環境: 🌹🌹🌹服務: 🤬🤬🤬🤬🤬性價比: ⭐️⭐️回頭率: 見東大街新開越南菜，就入去試試，結果食到一肚氣🤬🤬🤬 餐廳選擇多，價錢平，但食物質素偏差，態度方面後續吧👎🏻火車頭🍜$68份量超大，足夠兩個人食！ 不過主要係粉多，牛丸牛腩等都無味無口感，河粉好散，最大問題是湯底，毫無味道，愈食愈寡🆗秘製咖哩雞飯🐔$52雞就有三件，不過不失！咖哩汁其實十分惹味，但食第一啖已經覺得咸，而且愈食愈咸！🆗越式烤豬肉串撈檬🍝$48又是超大碗，份量勁多，賣相不錯，食落尚算開胃！烤豬串就偏咸，普通⭐️越式蒸粉卷🌯$45剛蒸好的熱辣辣！外皮煙韌香口，餡料亦不錯，加上魚露，好味！仲有好多扎肉，扺食的🆗越式炸蝦餅🍤$55炸蝦餅賣相好似魚蛋，$55有六件，味道不錯，略嫌口感不夠爽口彈牙⭐️益力多沙冰🍧$15大熱天時，飲杯沙冰的確涼快！味道調校得不錯，不會太酸，透心涼一開始時點了一個火車頭，兩份小食，店員問我要什麼飲品，結果：👩🏻：我地係有幾多杯飲品？🤵🏻：飲品除左椰青咖啡半價👩🏻：咁

這家餐廳的服務員態度很好。吃過2次，堂食沒有加一。一進去有一人一杯水。牛腩飯，法式牛腩飯，蒜蓉麵包都很好吃。今天點了個蝦頭膏的湯檬，震驚了。量超級大，好多蝦🦐在上面，吃的很過癮。點的飲料 凍檸茶很好喝，牛油果沙冰像是在喝一個奶茶裡的奶蓋，很濃，可以喝很久。

疫情開始之前越南係我差少少就去到嘅地方🥲 聽朋友講夏龍灣哩個地方出名玩浮潛🤿風景一流😎 今日黎到係筲箕灣東大街新開嘅同名越南餐館，品嚐越南菜😋《 火車頭湯金邊粉 》 $68 4 / 5原本都想食抵啲要個午市套餐，但係一食越南菜我最想食嘅都係火車頭湯麵🙈 配料好足份量多，有牛丸、牛筋、生牛肉、腩片同牛柏葉😋 唯獨湯底味道偏淡，差咁啲香葉味🤔 金邊粉就好索湯 😛《越式豬頸肉撈檬》 $50 4 / 5豬頸肉啱啱煎好熱辣辣，肉質爽脆之餘醃得夠入味😋配菜蘿蔔絲酸甜開胃，檬粉份量十足，加入店家秘製撈檬汁🤤最啱夏天食！《 越式炸春卷 》$48 3.5 / 5呢個炸春卷同以往食過嘅越式有少許唔同，味道偏甜，單吃會有啲痴牙嘅感覺🤨不過外層鬆脆，餡料都足，包生菜食口感更佳👍🏻整體份量偏大，抵食，味道不過不失，東大街又多個選擇😋

特色越南菜黎到筲箕灣東大街搵野食見到依間鋪頭幾光鮮乾淨就去試試☺️☺️☺️叫左幾樣野發覺都幾有水準👌🏻🥰👌🏻香茅雞翼炸得十分之好非常香口係有些少油肉質嫩滑👌🏻蒜蓉包都唔錯幾香放耐左食都ok生牛肉湯河好大碗呀😚😚😚😚😚十分抵食牛肉都有7/8片河粉都好多下加埋青檸汁 個湯好正我地都差唔多飲哂d湯😂😂雞肉沙律又係幾好食大大份個汁好開胃😚係會令人食到停不到口鹹柑桔零七唔算好鹹好味！

Jumbo size抵食越南餐廳～～～收工媽咪突然間話冇飯食，佢要去打牌，即刻去屋企附近搵吓有咩食。～～～見到呢間越南#餐廳，幾新淨，又冇食過，入邊有幾多人，就揀佢試吓黎做晚餐。食食下大舊都收工，就過嚟搵我一齊食晚飯。～～～咖喱雞飯 $55大大碟嘅咖喱雞飯，香到不得了，雞肉嫩滑，咖喱濃郁，仲有雞髀，好下飯，味道越式得黎又幾港式，非常地道嘅美味，配埋凍冰冰嘅鹹檸水同濃郁薏米水，解膩，味道平衡得啱啱好。（鹹檸水偏鹹少少，鍾唔鍾意好睇個人口味）～～～越南金邊湯粉 $50鮮蝦爽口，扎肉厚切，仲有啲青口同埋蜆肉，湯底食落冇乜味精，甜甜地，金邊粉亦都好重手，係一種幾家常嘅味，成件事幾抵食。～～～生菜包香茅豬肉檬 $50本身以為係小食，點知嚟到都幾大份，材料有青瓜 蕃茄 紅蘿蔔 白蘿蔔絲，仲有花生 同埋香蔥，包埋豬肉係個生菜入面，成件事非常清新，好啱夏天食，不過都幾飽肚，兩個人食三樣野，由於size好大，食到就嚟爆炸。～～～夏龍灣 (筲箕灣)筲箕灣筲箕灣東大街114號地舖

今日晏晝見人食生牛河食得好開心搞到我又好想食最後真係去左筲箕灣搵食🤣—————————————————————本身真係諗住叫生牛河架但又見到香茅牛肉撈檬好似幾得意最後都係放棄左生牛河好彩只係叫左一碗粉一碗有接近二人份量之前第二間食撈檬食到怕左因為食過個汁勁酸🙃呢度甜酸度啱啱好香茅牛肉又夠味挽回番之前嘅壞印象👍🏻之後叫左個豬肉串因為餐牌無相本身以為係串燒上檯先知原來係類似蔗蝦咁粗竹串豬肉好似韓國食嘅熱狗腸呀個造型🤣係好食嘅 味道有啲似台灣腸但少甜版個人幾喜歡越南蒸粉卷上枱時熱辣辣好吸引個皮好薄好煙韌 最中意食D咁有韌性嘅野面有好多蔥同札肉 令本身冇汁嘅粉卷加左味道餡料有蝦 配埋木耳、沙葛等嘅配料食落好清爽！值得一試而且都好大舊因為全部菜式都好似比較清淡所以叫個咖哩雞配法包黎刺激下味蕾！用雞脾肉黎整 所以雞肉都好滑溜食到咖哩香味之餘雞味都好出唔似印度果隻咖哩香料味咁重！搶曬肉味而個法包點左咖哩之後個軟硬度岩岩好唔驚介到個口，正呀！當日見到有客叫套餐 果碗粉大兜到真係成個面盆咁 嚇死寶寶🤣順帶一提佢哋啲椰汁類堅正就算啲冰溶曬都仲係好濃郁嘅椰汁❤️—————————————————————⋎ 香

呢日放工有啲攰 諗住近近地食個飯就算 於是就同你朋友約咗喺筲箕灣睇有咩食見熱熱地又冇咩胃口 所以就入咗呢間食越南野嘅餐廳 貪佢有撈檬呢啲涼涼哋嘅嘢食🙈入到去感覺幾親切 類似係街坊餐廳咁嘅形式之後我哋就叫咗個二人餐首先嚟到嘅就係我嘅撈檬啦😏•香茅豬肉 雞翼撈檬🍜•-估唔到平民餐廳一食物質素都唔錯 豬肉同雞翼係另外用香茅燒過 所以外皮脆口之餘仲好香👍🏻至於檬粉撈埋酸甜汁就好清涼 啱曬夏天食🥰•生牛肉湯河🐮•-牛肉熟度剛好 而且湯底味到濃而不膩 啲河粉雖然唔係正宗越南河 但吸曬啲湯汁食落好惹味👍🏻•越式蒸粉卷🌯•-呢到嘅米紙卷較切合香港特色 入邊包左蝦同豬肉等等嘅配料 面頭仲有越南扎肉點綴 味道更豐富之餘仲幾特別🙈•烤豬肉串🐷•-豬肉串嘅表皮烤得好香脆 而且入邊嘅肉汁同埋脂肪一咬爆晒出嚟 勁Juice👍🏻今餐仲有兩杯港式飲品添😏•越式甜品🍮•-最後仲有個斑蘭味嘅甜品配椰汁作為呢個晚餐嘅結尾添🙈

生活….每天離不開的就是吃近日好像新開了很多越南美食，而中餐又經常吃，食吓越南餐也是一個好選擇😊—————————好有夏日feel的環境與裝修，小小的一間餐廳，設計成一間有心思興雅緻的環境，就像一個小鎮中的美食👏——————————🟧飲品：椰汁🥥鴛鴦豆冰：清甜與清香的椰汁🥥、不偏甜也不偏淡的一杯飲品，有清爽的綠豆、又有令人好溫飽感覺的紅豆、鴛鴦豆與椰汁🥥的混合就是天生一對，好一杯椰汁🥥鴛鴦豆冰🧊🍹⋯⋯—————————🟩飲品：薄荷葉青檸梳打：清爽的夏日、冰冰🧊凍凍又涼快的感覺、喝一口怡人的薄荷，再帶出青檸檸的清新梳打、令人喝得鴨快又涼爽的感覺⋯⋯—————————🟫法式牛油蒜蓉包：即叫即焗的牛油蒜蓉法式麵包，又香又脆口，帶着香蒜🧄和牛油🧈特別好吃—————————🟨越式牛肉湯粉：自家調製用足料的牛餚製出來的湯底，濃郁美味的甜，飲落完全不覺有味精，就是喝著一個夠曬火喉的老火湯、又是要稱讚廚師👨‍🍳的時候，烹調時間又恰當。牛肉軟熟幼嫩、河粉滑溜，加有芽菜，香蔥，香葉…….等等的配料，吃落就更加淸新的口味😋————————🟪越式拼盤：🔺越式炸春卷：春卷也是自家包，多款配製饀料，炸得香脆又鬆化

🐉筲箕灣夏龍灣🐲今次探索新區域來到港島東又有乜嘢店舖嘅美食等住我哋呢聽說東大街有很多食店有中菜西餐東南亞菜一人晚餐又有什麼選擇呢～就來個越式三寶飯吧香煎豬扒雞翼扎肉煎得香脆又不會油膩配上酸菜蘿蔔開胃又飽肚😛又怎少得特色飲料呢紅豆冰～綠豆冰～椰青樣樣有透心涼 yummy yummy 🤤📍夏龍灣（筲箕灣）筲箕灣筲箕灣東大街114號地舖#夏龍灣 #筲箕灣 #筲箕灣美食 #越式美食 #hkfoodie #shaukeiwan #hkig #igfoodies

兩個人放咗工喺筲箕灣唔知食咩好，行行吓見到一間新開嘅越南嘢，就走入去試吓。見到個Menu都好多選擇，咁肚餓得滯所以都叫左唔少野。火車頭檬粉，入邊真係好多料，牛丸牛筋牛柏葉生牛肉牛腩片，好多牛！個湯又好好飲，完全係煲咗好耐嘅牛湯！仲落埋咁多牛嘅料入去，成件事好正。香茅雞翼湯河，個雞翼真係好正，即刻煎出黎，再加咗少少蔥油喺上邊，連埋個湯河一齊食，又係好正好好味。木瓜牛肉沙律，個牛肉又係煎得啱啱好，又唔會太油，有啲花生喺上邊，成件事好舒服。下面都有好多切咗絲嘅木瓜，好彩唔係好油，所以好好食，夏天食呢個都幾清涼幾清爽啱啱好。熱薏米水，薄荷葉青檸梳打，薏米水好解油膩，食咗河粉飲下都啱啱好，個青檸梳打因為有薄荷，夏天飲係好清涼好舒服。

冬陰公海鮮湯檬🌶🦐 - 唔好睇佢好紅咁，湯底唔算太辣，兩款湯麵湯底都偏甜，同埋超大碗好多粉，依個價錢幾抵食。海鮮有大大隻青口，蝦，蜆，帶子等等，不錯。越南金邊湯粉🍜 - 依個湯底無咁重口味的，亦都唔會太咸，比較甜，餸都有好多，有札肉，蝦，青口，真係好大碗食到好飽。香芧豬肉蝦片🐷 - 蝦片脆卜卜，香茅豬肉煎得好香口，上面仲有啲檬粉，同蔥油，幾好食。青檸soda🍸 - 好refreshing，叫麵飯可以半價加野飲，抵。

今日過嚟筲箕灣工作，一定要係東大街食個lunch先返公司啦，東大街出名多嘢食，鷄蛋仔，魚蛋粉.....不過今次行過見到新開一間越南菜「夏龍灣」店內光猛，竹笠吊燈，一於試試🥰🥰法式牛腩法包 $55 咖哩牛腩法包 $55我和同事分別點咗牛腩法包做午餐🥣，但兩種不同嘅食味，先講下法包焗得外脆內軟，一份餐一條法包，分量十足，燉得軟嫩的牛腩與略帶咬勁的法國麵包 ，真是絕配！再沾點兩種不同湯汁，咖喱牛腩湯汁，法式牛腩湯汁，各有各風味。單單這一道菜，幾乎就可成為豐盛的一餐了😍😍越式蒸粉卷下午茶 $35越式蒸粉包，我最愛吃 小吃一款，包入肉碎、沙葛、木耳、洋葱、芫荽、蝦切碎豐富材料，淋滿爆香蒜蓉、乾葱、蔥花及扎肉，健康好味😋😋跟下午茶餐特飲$13 單叫餐飲 $25珍多冰，粉條軟滑、椰漿香甜，確實是消暑良伴😘😘

東大街覓食之旅又黎啦!~今次去到新開既夏龍灣，食越南野。叫左生牛肉湯河 ($48) ，牛肉份量算多，牛肉好薄夠滑嫩，河粉亦係滑滑的，非常唔錯。塊塊肉都大大塊嫁~越南手工自製春卷撈檬 ($48)，撈檬既甜酸汁有埋魚露既鹹鮮味，非常醒胃。春卷皮係用越南米紙，炸出黎同平時既中式春卷唔同，更加脆口，入面食到係有木耳同肉。鮮蝦米紙卷，係特色小食，薄薄既米紙透出滿滿既原隻大蝦! 每一件都有一或兩隻蝦，完全對得住個價錢! 另外仲有生菜、紅蘿蔔、青瓜，凍檬粉，非常fresh，再點埋泰式辣醬就更惹味。呢度既烤豬肉串唔同平日既串燒，係似豬肉腸咁，都幾得意。飲品叫左益力多沙冰同越式牛油果沙冰。益力多沙冰應該大家都知咩味，但牛油果沙冰都幾有驚喜，又幾好飲，除左有陣牛油果清香，仲係幾滑有D creamy 感，應該加左D奶一齊打成沙冰。食食下就好多人黎食同埋叫外賣，見到2人餐都好似幾抵食! 其實整體都算唔錯，環境都光鮮，店員友善。門外仲有投影宣傳，都幾得意。位置顯眼，岩晒想念東南亞風情既朋友。