夏麵館 (置富第一城)

营业中

休息中

本身趕時間其他食肆都要等位，見依間有擔擔面午餐就求其入去試吓，點知就中伏。要咗個午市上海擔擔麵乜餸都冇只得啲碎水肉粒少量花生，最重要係個湯勁淡，剩係得啲辣油冇乜味，裝修又茶記風格俾埋啲單邊大家樂單人枱，你坐冷氣又唔夠一邊食一邊流汗。最後都冇食晒嗱嗱臨食完閃人未見過咁垃圾嘅上海淡淡。同樣價錢價位嘅去上海姥姥用嘅料味道都比佢好好多埋單嗰陣時仲要原來收茶錢同埋加一 共$77食埋啲咁嘅嘢。根本就搵笨。咁嘅垃圾舖頭仲好意思收人加一和茶錢，痴線。怪唔之得裏面冇乜人食。

The food quality has massively degraded compared to a year ago. The rice dumpling claimed to have scallop and shrimp in it, and was priced at 80 hkd. There is no shrimp at all; only two tiny pieces of scallop that is half the size of my pinkie nail. You can order the same one at a local place for less than half the price. The dumplings with the soup are also way smaller than what they used to be. It tastes like dough. In summary, overpriced food with poor quality, not worth the buck.

平日晚市，坐位太多，10枱客都沒有，好多食物都沒有貨，如最基本小籠包，甜品豆沙鍋餅都沒有，侍應企晒係度講嘢，上菜勁快，但味道差，已經沒有以前夏麵館的味道，但現在點餐叫咩無咩，上海菜式最基本小籠包都沒有，唔會再來光顧，味道好鹹，食完好口渴，炸排骨，炸漿勁厚，味道唔好食，醉雞好淡口，沒有酒味。

最近轉左甜品及包點menu，冇左雷沙湯丸已經有點失望，就打算試吓佢個「忘返榴槤酥」啦！酥皮係好好嘅，但誰知個餡硬到呢，黑黑的，甜甜的，好硬的，唔知係乜？唔知點解叫做「榴槤」囉！😅

星期六食下午茶，諗住近近地，去附近食，最初諗住去元氣，朋友話想食上海麵，所以去呢度試吓，叫咗兩個豬扒擔擔麵，連加一要$80一個人，點知質素都係非常非常普通，唔會再去了

午餐時間好多鋪頭都要等位，呢間反而有位，就黎食下。叫左豬排麵，小食四喜烤夫，飲品酸梅湯麵好大碗，分量好多，豬排都係平時食開上海菜豬排既調味，四喜烤夫平時少食，甜甜地幾得意，而且小食分量都唔算少。 酸梅湯就太濃同同偏甜，需要加水溝稀飲。總結：主食配小食同飲品＄75加一，午餐價錢黎講算少貴，偶爾食一次都ok，分量真係大，如果係女仔食可以3個人share兩個餐，食物質素正常，係附近又想食上海菜都可以試下。

行咗好耐，肚仔餓，要食麵醫肚。開胃菜青瓜就普普通通的，有少少蝦仁點綴。一份酥炸雞排麵落完 order即上，大大碗份量，雞排香酥，麵似手工做，有口感。牛腩麵竟然是用煲盛住上，可能咁就等耐少少，辣味有，還好不是太強烈，可接受。高力豆沙，新鮮熱辣辣的，加埋糖霜唔會好甜。完～

見咁少人，以為只係地點問題。錯。D飯硬嘅：菜肉飯搵唔到肉，d菜切到微細，應該用咗好多功夫，但係份量超少。紅油抄手冇味嘅。擔擔麵點可以做到完全冇味道又唔熱。總之食物一言難盡。唯一個菜心仲食得落。杯酸梅湯叫做Ok.唔會再來。

與好友在「夏麵館」午飯慶生。我的烏金蟹粉拌麵套餐與好友排骨菜飯套餐齊齊分享。套餐還有煎鍋貼和小籠包，好甜好甜的酸梅湯。背靠在高高的椅背是挺舒服的，我們忙聊天、打卡，柔和的燈光也非常合適拍攝，冷落了烏金蟹粉拌麵，到吃的時候有了腥味，要了辣椒油闢腥，排骨菜飯也凍了！靠我們的熱情暖和食物，主菜都夠份量，吃得夠飽！皮薄肉餡鮮味的小籠包蘸薑醋吃，很美味！厚厚的鍋貼皮煎得很香脆！簡單開心的慶生午飯，多謝好友安排和窩心禮物！

📍夏麵館❇️午市自選套餐❶【麵/飯/年糕任選一】🐥雞排擔擔麵 $75雞排嘅份量算多，幾大塊，炸到金黃色，一共有5大片～肉質普通，冇乜肉汁，炸粉略嫌有啲厚🫣但勝在雞排幾入味，應該係有醃製過嘅～而且係即係叫即炸，食落熱辣辣，亦都幾香脆！另外，擔擔面有得揀辣度🌶️：唔辣、普通、小辣同中辣，而我就揀左小辣～湯底唔算好濃，味道有啲淡🥲而麵嘅份量比較多，感覺好似加咗底咁，食唔曬🫣麵質就普普通通，不過不失啦😗❷ 【涼菜/點心任選一】🥟鮮肉鍋貼新鮮熱辣炸起，鍋貼底有金黃色，食落係幾脆身～但鍋貼皮比較厚，就有少少失望🥹但內餡肉汁豐富，加翻唔少分！😛❸ 【飲品任選一】🥛熱豆漿味道偏甜，同出邊餐廳飲既差唔多，正常發揮～✨個人建議：中午放lunch諗唔到食咩呢間幾適合去試,食物款式其實多嘅，而且有好多自選組合👍🏻雖然味道上唔算出色，但價錢上實惠而且好飽肚，可以一試～⭐️好味指數：6.5/10📍夏麵館 (置富第一城) (沙田)沙田銀城街1-2號置富第一城1樓117A號舖

呢間上海野轉過一次手，前身叫尚點，食物質素都算keep到。叫左上海熏魚，上海排骨菜飯，火腿奶油津白，四川雲吞擔擔淮山麵，嫩雞煨麵。上海熏魚幾好食，炸得好脆，熱熱地，唔怕魚骨嘅人必食，幾好食！上海排骨菜飯個菜飯一般，排骨太乾，不正宗，但不過不失。火腿奶油津白正常發揮，津白煮得淋，幾好。四川雲吞擔擔淮山麵超級好食，個湯底非常惹味，辣辣地好開胃。個淮山麵都必食，好淋好好味！嫩雞煨麵，都ok，分量大且飽肚。

未食過咁差的上海菜！😵😵 我從來未寫過負評，我本身好鍾意食上海菜，所以今日食完之後真係只想佢可以大力改善下，唔好做差自己個招牌。夏麵館質素每況越下，好多年前係樂富、荃灣食個黃魚煨麵令我印象深刻，個魚湯同黃魚，黃魚好嫩滑，尤其係冬天食飲埋熱辣辣嘅魚湯好正！上年係鑽石山食雖然差左但都還可以，見沙田第一城新開後未去過，好耐冇食去食下，真係唔止用大失所望來形容。今日星期日有卡位坐仲等我都幾開心，但點知係個伏，星期日12點全店一半人都無…（1）最好已經係個酸辣湯，都足料但唔夠熱。（2）最期待嘅黃魚煨麵，以前個魚湯係有魚鮮味，今日果個離譜到飲滾水咁樣，麵又唔多，盛惠$72，真係煮個出前一丁都無咁嬲。（3）牛肉生煎包，我已經唔會expect係清真牛肉館果種灌湯牛肉餅，但真心感受唔到牛肉係邊，應該叫梅菜生煎包。（4）最差係個紅油抄手，上海雲吞皮本身應該係薄同滑，可以包到幾層厚食落一團麵粉裡面一小嚿肉餡幾乎無菜。真係憑良心講，希望管理層你自己去品嘗下自己餐廳煮出嚟嘅嘢，食下同行價錢相若人地煮出嚟嘅上海菜，再諗下你店鋪嘅歷史和品牌，糊弄敷衍食客嘴巴真係唔會走得好長遠。

上海擔擔面 配熱豆漿$42 ✨：7.5/10呢個係下午茶價錢，所以比較抵食。😋😋擔擔面湯底唔算話最濃嗰啲，不過都食得到花生味 etc係好味嘅，當然，再濃啲就更好。😛麵嘅分量正常，冇話特別多或少。👀質地都ok，唔會太腍(好驚太腍嘅麵😂😂)至於豆漿就揀咗熱，甜度就冇得揀。飲落都平時差唔多，無論味道定係甜度都係豆漿唔算大杯，不過食完個麵加杯豆漿都幾飽唔夠嘅話佢仲有得加配小食，幾好👍不過今次就冇加到lu

如果要食上海麵食，夏麵館是我區內首選。食物質素經常保持水準，推介香辣牛腩麵、排骨担担麵，其他小吃都唔錯，例如虎皮素鵝、煎餃及粉皮。而且佢哋d員工都好友善，有次買外賣員工比漏個烤麩，打電話去問時，個阿姐非常有禮貌答我即時比番我或下次落去拎番都可以。上次買外賣個經理重同我講要小心拎，怕個袋太重，可以幫我分袋，怕我難拎番屋企。其實夏麵館我都响荷里活商場食過好多次，但不論是食物質素及服務態度都比不上第一城分店。

由細到大都鍾意食上海菜，上次同完同事嚟食lunch，份量勁多，完全食唔晒。今日見唔使等位，又諗住下午茶應該細份啲，入咗嚟試吓啦。叫咗排骨擔擔麵，加咗我至鍾意嘅鍋貼。食物到，排骨同麵係分開上嘅，不過我見到啲排骨有啲粉紅色，於是問吓係咪熟嘅。店員話：「熟㗎啦，不過，如果你唔放心，我哋即刻同你做過。」呢一個話已經足夠俾Like。👍🏼雖然再上嗰塊都係差唔多！🤣🤣整體嚟講：擔擔麵（佢哋講明係上海式）我都係覺得出面傳統嗰啲好味啲，不過碗麵勁大碗，我食咗一半就投降。鍋貼okay。今次服務我俾like👍🏼👍🏼。