影片
开饭介绍
设有数间分店的上海菜馆，定价相宜，招牌菜必试排骨担担面、鲜肉小笼包、松鼠鱼等，另外多款上海小菜也值得一试。
继续阅读
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
-
网上订座服务暂停
优惠
78折
精致上海菜$100 现金券 (只限堂食)
$78
$100
招牌菜
相关文章
之前系旺角食过夏面馆既蟹粉宴后念念不忘, 估唔到餐厅系第一城都有分店, 经过见到就入去食喇!!!餐厅环境舒服, 装修别致, 座位宽敞阔落系门口见到蟹粉系列做紧推广优惠好吸引, 捞面仲系限量添, 好彩点个时仲有姐餐厅仲有好多上海菜式选择, 好多都好想食丫!!!生煎小笼包 $48一上枱就闻到阵阵芝麻香！包底煎到金黄脆口, 咬开即刻爆出滚烫汤汁~猪肉馅松软可口, 沾少少醋食整个提鲜凉菜五小碟(9选5) $129蒜香四季豆蒜香味浓, 四季豆口感爽脆~~鸡丝粉皮夏日必食！粉皮滑溜到筷子都夹唔住, 鸡丝撕得幼细, 仲有青瓜丝增加口感~ 麻酱香浓但唔会太稠四喜烤麸正宗上海风味！烤麸吸饱咗香菇、金针、云耳等嘅精华, 甜中带咸, 烤麸质感松化得嚟有咬口镇江水晶肉水晶肉晶莹剔透, 啖啖都系啫喱状嘅胶质, 肉香味浓~~虎皮素鹅腐皮炸到虎纹咁靓, 脆得嚟唔油腻, 口感丰富~~韭黄炒鳝丝 $105考师傅功架嘅菜式！鳝丝去骨起得干净, 炒到刚熟嫩滑~~韭黄火候啱啱好, 保持翠绿爽脆!最正系个芡汁, 浓稠得嚟唔会浆口鲜蟹粉河虾仁捞面 $68蟹粉金黄油润, 河虾仁爽脆弹牙~面条用咗幼身面, 挂汁力超强~食之前捞匀, 每条面都沾满蟹粉, 鲜味爆登
继续阅读
Blingbling美食推介✨📍沙田 🫖 夏面馆 (置富第一城)✨超高性价比上海菜 💠💠💠💠💠💠💠💠 如果钟意食上海野，又追求性价比，我推荐夏面馆！价钱合理而且质素高~ 选择都好多，菜式正宗，老少皆宜😉 置富第一城座位舒适，不错~💠 蟹籽虾球赛螃蟹 $108虾球超级弹牙，而且好鲜甜，分量亦都好多，好有惊喜！赛螃蟹 抄得好滑，一d都无油腻~ 岩晒一家大细食！😋💠 砂锅云吞鸡（半只） $118最近食左几间餐厅既砂锅云吞鸡，夏面馆价钱最高性价比！只系💲1⃣1⃣8⃣就食到半只！汤浓郁鲜甜，鸡肉嫩滑，云吞皮薄馅多，仲有好多菜！云吞同鸡肉完全吸收汤既精华，饮完一碗又一碗啊😋💠 鸡火炒饭 $68镬气十足‼饭炒得干身，粒粒分明😍鸡肉嫩滑，火腿咸香，口感丰富又唔会太油腻👍每一啖都食到材料嘅鲜味同炒饭嘅香气，简单得嚟又好味😋餐厅环境：💎💎💎💎💎/5 服务质素：🌸🌸🌸🌸🌸/5 食物味道：😋😋😋😋😋/5 性价比：💰💰💰💰💰/5 夏面馆 (置富第一城)📍沙田银城街1-2号置富第一城1楼117A号舖
继续阅读
呢间上海菜都唔错，住沙田咁耐都系第一次食，冇谂过啲嘢又几好食，尤其个蟹粉狮子头，好食到不得了，个蟹粉临落个狮子头度狮子头嘅肉汁好嫩滑，真系成个可以一个人食得晒，蟹粉小笼包入面嘅汤汁饱满加埋少少醋好香甜，花雕醉鸡花雕酒味好浓，呢个食落去头一啖系好浓嘅酒味之后淡淡嘅香味加埋啲鸡太滑喇都系食唔停口，红油抄手原来唔系太辣呢个系比较上偏甜少少不过我几钟意呢个味道我直头想攞佢啲酱汁返屋企，鲜蟹粉河虾仁捞面呢个真系不得了捞咗以为佢好结身，但原来加少少醋一啲都唔会黐埋一旧旧畀我想像中更加好食
继续阅读
屋企楼下既上海小菜馆，估唔到价钱又几街坊，老公食到好满足蟹粉小龙包四粒大大粒，入面真系有蟹粉，多汁皮薄多料，每人两粒都好饱鲜蟹粉河虾仁捞面鲜拆蟹肉，虾仁爽口，同蟹粉好夹，鲜蟹粉河虾仁捞面色泽诱人，味道鲜美，是一道适合海鲜爱好者的佳肴醉猪手酒味香浓，唔多骨，好多collagen，咬下咬下几过瘾鳝糊啲鳝好粗好大条，唔会太咸，几好味，好钟意呢间用好多笋丝，同鳝口感好夹最后叫左两个甜品高力豆沙啲豆沙唔太甜酒酿丸子好香桂花味
继续阅读
今日抽空去咗沙田银城街1-2号置富第一城1楼117A号舖嘅夏面馆，呢个地方初睇唔大，但一入门就感受到阵阵浓厚嘅地道风情同温馨气氛。入面装潢简约却不失温暖，员工笑容亲切，好似朋友间嘅招呼，令人即刻放松下嚟品味每一道精心制作嘅美食。首先，点咗代表作之一嘅蟹粉河虾仁捞面。捞面条口感滑溜有弹性，每一口都充满咗海味与蟹粉嘅香浓，河虾嘅鲜甜与弹牙完美融合，真系令人一试难忘。面身轻轻包裹住酱汁，仲带有啱啱好嘅微香，食落去就好似喺海边享受咗一阵清新微风。随后试嘅蟹粉炒粉皮亦系一大惊喜。粉皮炒得香滑透亮，充分吸收咗蟹粉嘅精华，每根粉皮都散发住浓郁嘅海鲜香气，咬落去既柔韧又带有层次感，令我不由自主多添咗。而椒盐猪排骨就系另一道令人赞不绝口嘅佳肴。排骨表面炸至金黄酥脆，又洒上独家调制嘅椒盐，香气四溢。猪肉部分保留咗鲜嫩入味嘅极致口感，油而不腻，完美平衡咗香脆同嫩滑嘅对比，令人每食一口都充满惊喜。再嚟就系充满清新风味嘅夏伯伯凉拌茄子。凉拌后嘅茄子入口即化，带有淡淡嘅蒜香同微微酸甜，好似炎炎夏日中一阵凉风，瞬间抚平味蕾上𠮶份燥热，俾人一种返乡嘅温暖回忆。最后，花雕醉鸡以其醉人嘅酒香同滑嫩嘅鸡肉完美演绎出一种随性却又讲究嘅美味艺术。醉鸡肉质鲜美细致，花雕酒嘅香气融入每条鸡丝中，食落口感层次分明，彷佛带住一段讲述历史嘅经典故事。总括而言，夏面馆以独到嘅手艺同用心嘅调味，将传统与创新融汇贯通，每一道菜都勾起咗我对往昔味道嘅美好回忆。无论系海鲜捞面嘅浓郁香滑，定系排骨同醉鸡嘅独特层次，每款菜式都尽显厨师精湛嘅厨艺同埋对食材嘅执著。对于钟意探索地道美食，想揾返旧日风味同新意融合嘅朋友，夏面馆真系一个唔容错过嘅美食小天地。
继续阅读