夏麵館 (樂富廣場A區)

营业中

休息中

今日同屋企人嚟左呢度，因為佢地都鍾情上海菜。叫咗五小碟($98)，一次過滿足晒五個願望。涼拌小木耳，虎皮素鵝，雞絲粉皮， 鎮江水晶肉，同埋海哲。本來想叫嘅四喜烤夫同埋糖醋排骨午市已經賣晒，有啲失望。好彩呢個拼盤整體來講都叫有水準，木耳略腍，海哲夠色水但味比較單一。如果想有多啲唔同嘅選擇，試吓唔同嘅菜式，點都係叫拼盤抵啲嘅。擔擔面超級大碗，啲湯好似唔駛錢咁。上枱熱辣辣，辣味麻味撲鼻。先試一試湯，湯底夠濃，微辣，醬可以多少少。麵質算彈牙，偏腍但唔痴牙，掛湯力好。 豬肉碎同花生碎都夠，。唯一可以挑剔嘅係，可以多啲蔥，另外因為個湯太多，要將所有豬肉碎同埋花生碎撈起有難度！ 鱔糊面都係大大碗，我哋一行四人叫三個餸就已經夠飽。相比起擔擔麵， 清湯麵就比較失色。初初見佢大大碟鱔糊，以為好抵食，睇真啲原來有一半都係筍。黃鱔都算煮得爽嘅，不過屋企人就話，始終冇以前啲鱔咁好食，食左好多地方都食唔翻以前嘅味道。 屋企人鍾情食鱔糊，我諗應該係，對回憶嘅情意結吧。

樂富廣場三樓有間叫夏麵館，除左麵有好多選擇，鮮蟹粉，涼菜，炒麵拌麵，小菜，點心，湯麵，年糕同甜品，真係好多款，不過我推介吃排骨菜飯和麵，排骨肥而不油，麵就幼嫩，再吃埋擂沙湯丸，價錢合理，地方坐得舒服，服務後生侍應好耐性

我差不多每星期都去樂富廣場，因為是約了網球波友在摩士公園或聯合道公園打波。通常都會在打波前或之後到廣場覓食。 樂富廣場餐館都是大約中下價，選擇很多。我之前每星期來都會選一間來試試，當然要符合幾個條件，味道當然要好、不需排隊、吃完後不會俾人趕、價錢大約$60 - 80。麥當勞價錢低但始終是快餐、有一間意大利餐館符合食完長坐都無問題，但不知為何質素越來越差。 眾裹尋他，夏麵館是暫時首選。 他們有午巿自選套餐，可選涼菜/點心 ＋麵、飯、年榚 （一款）＋飲品。  今午我選了蒜香四季豆、酥炸雞排麵和熱豆漿，麵算頗彈牙，排雞則炸皮肉大多分開了。  我今次特別試試另一款麵，其實我的首選是黃魚煨麵。對比之前，我發覺午飯來的客多了，對餐館來說是好事，但我卻不好意思久留了。

12點3黎到樂富的夏麵館，幸運地不用等位，入座不久便人滿。是次午餐點了涼拌粉皮 +炸醬牛肉拌麵 +熱豆漿 （$55)。難得的事，這間麵館的上海面十分彈牙，微辣的炸醬溢出著慢慢的肉香，和彈牙的上海麵拌在一起，非常完美。另外，一般店鋪的熱豆漿普遍都會有一股奇怪的漿糊味，尤其粥麵鋪。然而夏麵館的豆漿裝在果汁杯上，溫熱的豆漿散發著濃濃的豆香，毫無漿糊味，實在抵讚。這間夏麵館還有4人同行一人免費的優惠，1點前結賬還有85折，以這麼如此高水準的上海麵來說十分滿意。

.夏麵館 三鮮湯年糕 $62配涼拌青瓜加熱豆漿.呢個係個午市套餐，1:00前結脹有85折👍🏻所以我俾$59炸😝.三鮮即係雞肉，蝦仁同火腿。雞肉去左皮，蝦仁挑左腸，火腿係金華火腿，種要唔係得1,2塊，份量足👍🏻但湯底太濃郁，但有陣味精味，偏鹹👉🏼👈🏼配合埋雜菜，有娃娃菜，竹竿，紅蘿蔔，纖維足👍🏻.年糕方面，好實在，份量多，女仔會食唔晒.拍青瓜加左蒜，但普普通通，係接受到嘅油量.豆漿熱嘅都有糖，額甜☹️.🌱健康小貼士：年糕由糯米做，糯米雖然同白飯卡路里差唔多，但佢嘅升糖指數俾白飯高，所以會好快再肚餓

這次到夏麵館，有點小失望😞點了四個菜，分別是蟹粉小籠包、蟹粉炒年糕、家常煎餅和酸梅湯先說蟹粉小籠包和蟹粉炒年糕，那都是噱頭而已，年糕還好，可是那加了薑茸下去炒，我就不是太愛吃了，而那蟹粉小籠包，其實普通的小籠包還比它還好吃。原來還點了素雞，可在吃了炒年糕後，就不太想吃素雞了。之後改點了家常煎餅和酸梅湯，那就比較好一點。最後，在現金券上沒有寫著要印出來，可到使用時，卻被告知要列印出來，這令人有一點不快。

今次再去夏麵館吃擔擔麵和豆沙鍋餅，依然沒讓我失望，吃得很是過癮。不過擔擔麵和豆沙鍋餅不是今次的重點。這次去夏麵館，見有晚市優惠，點了砂鍋雲吞雞，非常好吃。先說那湯，有很濃的香味，喝得是完全停不下來；然後是雲吞和菜，雲吞有點太咸，但配上菜一齊食還是不錯的。

同三個朋友一齊去左食夏麵館，裏面既裝修好有中國上海味道，打開餐牌 見到好多唔同款既主菜，湯同小吃，左睇右睇最後order 左一個小籠包，上海炒年糕，雞絲燴麵同高力豆沙，份量啱啱好，味道就不過不失，不過值得一讚既就係職只服務態度，好友善同有禮，而價錢都合理，係一個好啱朋友食飯傾計既地方。

與朋友岀來玩，第一時間就想到這裡，皆因上次老爸要求吃米線🍜。今次專程去食，點了麵、冷盤、點心和甜點，吃完有好幸福的感覺最大的驚喜最沒想到他們的麵會這麼大碗，還那麼好吃，吃到少許辣和很重的香味，重點是還不貴。而且商場有推廣，在這吃飯會送小籠包。點了兩個油菜，其中一個有獅子頭，柔嫩得讓我快把舌頭一塊吞下去。而冷盤也是不過不失，有做到醒胃的效果。棗泥糕和豆沙鍋餅細細塊，絕對是畫龍點睛的效果。沖著這麵館，讓我都有沖動想要搬過去住了～

突然之間又想吃上海風味嘅拉麵！於是乎再次嚟到呢間全香港連鎖啲夏面館。食呢間一定要试面啦！種類繁多，各試唔同做法嘅面都幾好食！除咗呢次品嚐嘅擔擔麵，蔥油開洋（蝦米）拌面，之前亦都有品嚐酥炸雞排麵，砂鍋獅子頭麵，香辣牛腩麵等等，都勁好吃！個有個嘅風味，個有個嘅特點，全部都好推荐俾大家。擔擔麵有啲啲辣味，蔥油拌麵嘅做法特別，我好鍾意裡面嘅油蔥，同埋今次食到嘅松鼠桂魚，酸甜可口，肉質細膩，份量很足。對於喜愛上海風味的食客，快D嚟盡情享受！

因為有事要去樂富，但係肚仔同個心都想吃少少東西，於是，近近地去了樂富的夏麵館！時間是下午一點多，只有7、8枱食客，已經感到可能中伏了😅為了減低風險，只點了菜肉餛飩！湯底普通，慶幸有蛋絲和紫菜點綴，餛飩皮厚，肉很硬很實兼無味！

我食晏時訓醒，肚餓出去醫肚，家住屯門寶田邨，附近冇乜特別好食嘅餐廳，就搭車出發去樂富廣場夏麵館享受它嘅特價下午茶。我去到D侍應服務好好，幫我加茶，個度環境新淨寬闊乾淨，坐得幾舒服，叫左嫩雞煨麵、凍豆漿加$20鲜肉小籠包，上餐好快，豆漿甜度👌，鮮肉小籠包👍👍😋😋夠新鮮熱騰騰多汁肉鮮，煨麵😋😋湯底係奶油雞湯，夠濃味道👌，本人喜歡濃味湯底。整體來說Very OK，埋單只是$68，唔食晏等食下午茶價錢都算抵👍👍😋

蟹粉小籠包 （$38兩粒）☹️得勁少蟹粉 同普通小籠包都差唔多擔擔麵都唔錯 可以花生味再濃d三鮮湯年糕👍🏿👍🏿👍🏿呢個幾好食 個湯幾鮮味 三鮮有蝦有雞絲高力豆沙球👍🏿個人覺得呢個最好食 整得夠淋夠鬆軟生煎包都算唔錯 個底有芝麻脆脆地 入面有肉汁 細細個整體黎講唔算有咩特別 不過團購有72折 都抵食嘅 但待應嘅態度唔好 放碗麵放抬勁大力 好似掉埋黎咁

這間食店我在門口行過無數次但都沒有光顧過🙈可能因為價錢比較貴所以沒有進過去今次第一次光顧環境唔錯，坐得都幾舒服 ●蟹粉小籠包小籠包，蟹味勁重我一啖都充滿着蟹嘅味道juicy又多湯汁😋 ●炸醬牛肉菜飯這個炸醬牛肉菜飯我超級推薦堅好食！炸醬同牛肉都炒得好香我都係第一次食到咁野味嘅炸醬配合埋菜飯一齊食👍🏼👍🏼 very good食完真係想再encore多一次😘 ●花雕醉雞花雕醉雞酒味勁重食多幾啖都會醉😆😆如果可以再加多少少調味應該更加好味😋不過鍾意酒味重啲嘅朋友不妨試試 ●夏伯伯酸梅湯最後飲埋個酸梅湯夏天呢款野飲非常合時消暑解渴，而且味道酸酸非常開胃👍🏼同埋呢個酸梅湯一啲澀味都冇！抵讚總結：呢間上海菜味道唔錯只係覺得有少少貴😆不過都值得一試再試😋

唔使排隊又有bb櫈，價錢合理，岩哂我湊住阿囡食飯😁菜肉餛飩面係叫比阿囡食，雞湯底，面質彈牙，菜肉餛飩有湯匙咁大隻，菜和肉比例剛好，阿囡食左大半碗老上海炒面：份量比較多，有筍絲、冬菇絲、白菜仔一齊炒，白菜仔鮮甜無炒過火，味道剛好不會太咸鮮肉小籠包：皮簿用筷子夾都唔穿，湯汁好多可裝滿整支湯匙，肉鮮嫩多汁食完鮮肉小籠包唔夠喉，叫多份蟹肉小籠包食🤤，每夥小籠包上都有蟹子，同樣皮簿要小心夾，肉餡加埋蟹肉，散發出陣陣蟹香味🦀