夏麵館 (樂富廣場A區)

营业中

休息中

放工去到樂富揾朋友，有見「夏麵館」推廣蟹粉食品🦀鍾意食蟹嘅我決定試試！鮮蟹粉河蝦仁撈麵 $68————————————原價$128，試食價$68，每日限賣20碗，非常好彩order到😆不設外賣🥡可確保到蟹粉嘅鮮味同温度，鮮蟹粉真係要趁熱先滋味🦀金黃嘅蟹粉加河蝦仁，雙重鮮味！蟹粉小籠包(4隻) $70————————————粒粒都超爆多湯，好鮮甜🤤皮薄餡靚，媲美上海食到嘅蟹粉小籠包，有驚喜🤤水煮魚 $148————————————魚嘅份量好多🐟麻辣嘅香氣令人垂涎三尺，配上乾辣椒🌶️香蒜、芝麻等等令到香味更加昇華，非常滿足。薑茶湯圓 $32————————————温和又甜甜嘅薑茶🫚加上我最喜歡嘅芝麻湯圓，寓意團團圓圓，好意頭🪭

於1999 年於上海創辦，以自家製的麵條聞名，標榜少油少調味，非常適合現代健康飲食新潮流，近日更推出多款蟹粉系列菜式。蟹粉撈麵用上人手鮮拆好的蟹膏及蟹肉，加入爽口河蝦仁，滿滿鮮蟹精華，每條麵都沾滿蟹粉，味道很鮮味。蟹粉撈飯同樣蟹味濃郁，份量很足，蟹肉飽滿，真材實料，油香十足，色香味俱全。上海粗炒以麵條、肉絲同蔬菜絲，以自家調配豉油汁炒製，火喉十足，滿滿豉油香，好夠鑊氣。雞皮雞肉配搭香甜的花雕，充滿花雕的酒香，醉香四溢，口感肉質嫩滑，皮脆肉彈、肉汁鮮美。小籠包是上海傳統點心的典型代表，皮薄、肉嫩、汁多、味鮮、點一點酸醋薑絲，就更消膩開胃。

午市三重奏$168呢個午市套餐好抵食，總共包咗四樣嘢，分別係一份前菜、兩份美點、一個主食～我哋就揀咗美味海蜇頭🪼、菜肉大餛飩🥟（6隻）、紅油抄手🌶️（6隻）、雞扒擔擔麵 🐔，每一碟嘅份量都係重量級！其中海蜇頭酸酸地又爽口好開胃，啱晒春夏天食！另外雞扒擔擔麵亦都非常出色，佢哋嘅湯底花生醬味濃郁得黎又唔會太杰，整得恰到好處！除咗午市套餐入面嘅海蜇頭之外，我哋仲嗌咗兩個小食，分別係涼拌小木耳 $30 同埋 蒜香四季豆🫛 $38，我覺得蒜香四季豆好唔錯，原來凍食一樣咁好味！另外非常推薦，大家都一齊試吓佢哋嘅蟹粉系列，因為真係平靚正！好多地方食蟹粉系列價錢都貴到得人驚，你就幾十蚊就有交易，大家唔係唔試吓呀嘛😌😌我哋今次揀左鮮蟹粉河蝦仁撈麵🦀 $68 同埋 蟹粉小籠包（兩隻）$38，真係清晰見到入面有一梳梳嘅蟹肉同埋蟹膏，真正真材實料，鮮味十足！

今日去樂富行街竟然撞到一個好多年冇見嘅朋友即時揾地方食午餐同吹水，見這店門口有張海報寫住蟹粉河蝦仁撈麵每日只賣20碗重要有試食價$68，至愛蟹粉嘅我二話不說即時入去試試，剛剛開門有卡位坐環境都幾舒適坐位唔太迫花雕醉雞~花雕酒味好香濃雞肉嫩滑如果唔喜歡酒既人可能會覺得酒味太濃😃鮮肉小籠包~輕輕一咬就湯汁四溢鮮甜美味皮又唔太厚鎮江水晶肉~層次分明吃時蘸以少許鎮江醋，豐富味道亦可平衡豬肉的膩滯感蟹粉炒粉皮~口感滑韌的粉皮加入蟹黃及蟹膏好野味先蟹粉河蝦仁撈麵~麵質Q彈我自己就喜歡加少少鎮江醋食更美味

小籠生煎包上枱熱辣辣，個底煎到勁脆，入面湯汁爆滿，個湯汁好鮮甜，而d肉都好嫩滑。鮮蟹粉河蝦仁撈麵上面勁多蟹粉，好濃郁，撈埋落d麵，d麵吸收晒d蟹粉嘅味道，好正，而d蝦仁都好爽口彈牙。特式五柳魚條魚炸到好香脆，而魚肉仲係嫩滑，個汁開胃，酸酸甜甜，掛晒喺d魚上面，味道啱啱好。雞排擔擔麵雞排炸得外皮好脆，而雞肉仲好juicy,擔擔麵好香芝麻香味，個湯好掛汁，d麵都幾淋滑。高力豆沙都幾大粒，唔會太油膩，入面d紅豆涵，唔會太甜，呢個甜品嘅甜味啱啱好。

樂富專吃蟹粉的上海菜✨原來呢間餐廳有很多款以蟹粉為主題的菜式，非常吸引！記得好多年前都食過！點知宜家推出咗晚市優惠，都幾抵食！鮮蟹粉河蝦仁撈麵 $68蟹粉鮮甜美味，配上清甜鮮美的河蝦，味道層次豐富，加以撈麵來吃，非常滋味！蟹粉豆腐煲 $80人氣蟹粉之菜式！滿滿的蟹粉蟹黃與豆腐融為一體，滋味十足！另外點了饅頭配搭食用，原來點上蟹粉的饅頭也很有風味！蟹粉小籠包四隻 $70小籠包入邊爆汁美味，鮮嫩肉質和蟹粉滋味溢出，讓人齒頰留香！上海醬鴨 $63特色上海菜，皮黑肉嫩，醇厚不腻，鮮嫩誘人！黑醋話梅骨 $88酸甜鬆軟有醋香，有真正嘅梅子配搭，濃而不膩。

週末去開樂富廣場順道午餐，喜歡上海菜的我見到有夏麵館便二話不說進去。餐廳有以蟹為主題菜式，點了兩款試試。蟹籽蝦球賽磅蟹 -晶瑩彈牙的蝦球鋪滿整碟，加入蟹籽炒的蛋白，令賣相添色彩，味道更豐富。蟹粉豆腐煲 -軟滑豆腐加入了蟹粉及蟹膏，味道口感相襯，送飯一流。還有多款午市套餐，點了雪菜肉絲炒年糕，年糕炒得乾身夠火喉，每塊都分明不會黏著，雪菜肉絲令整個炒年糕更香口，簡單味美。 跟餐小食選了紅油抄手，大粒少肥膏，少辣惹味。環境舒適又價格相宜，水準有保證。

一碟上海粗炒埋單100蚊，呆咗，仲要係超級無敵極度難食，難食到嘔….個菜單寫住70蚊過陣已經覺得有小小離譜了，仲要加20蚊洗茶杯嘅茶位費同12蚊服務費，冇提前講有茶位費呢樣野（其實呢d都可以消費者委員會投訴）…..好癲，真系好癲！100蚊都算拉仲要難食到嘔🤮，就係因為有咁多呢d餐廳存在，香港真系玩完又冇料服務又差，好似香港乜野冬菇豆腐白卡都可以做廚師，全部去左做廚師，求下你地，唔識料理就放過自己人啦，香港人何苦為難香港人呢？大家一齊北上食野啦，香港冇野食得架啦，一齊玩完拜拜

餐廳位於樂富商場，鄰近地鐵站，位置便利。店內的裝潢走典雅風格，餐桌餐椅古色古香，有多幅玩味十足既墨水字畫張貼起來，有趣且別緻。餐廳主打鮮蟹粉和各種滬菜，經典和創新菜式都兼備。蟹籽蝦球賽螃蟹賽螃蟹口感非常嫩滑，蛋白香味濃厚，鮮味十足，而且蝦球大大隻，咬落相當彈牙，有肥豬肉粒增加脂油香味，最後以蟹籽點綴，色彩鮮豔奪目。特式五柳魚五柳魚用甜酸醬完全覆蓋，伴碟有菠蘿、蘆薈及松子等，味道豐富而且有層次感。五柳魚魚肉炸得香脆，色調金黃，賣相相當吸引，而且食落只有少許魚骨。上海擔擔麵擔擔麵湯底味道豐富，有芝麻、肉粒、香葱及辣椒碎等。麵條口感綿密亦掛汁，食用時沾滿了醬汁，經典滋味之選。

食砂鍋雲吞雞我必去夏麵館，今日就同妹妹去食。餐廳裝修古色古香，地方環境都不錯砂鍋雲吞雞⭐️⭐️⭐️湯底鮮甜，有半隻雞上枱，雞肉嫩滑，同鮮雲吞配搭相得益彰，份量至少可3人，非常超值蟹籽蝦球賽螃蟹⭐️⭐️⭐️蛋香炒得滑滑，蝦球大大粒同超多，彈牙爽口，加上面層蟹籽增添口感，用來撈飯食一流開心果鍋餅⭐️⭐️⭐️⭐️開心果粉絲必吃，用開心果磨成粉混合麵糊後煎裝而成，外皮酥脆，餡料全是開心濃濃開心果，夠香滑，每啖都有濃郁香氣整體不錯，每樣都好好味，價錢合理，必再來食

琴日約咗媽媽朋友去沙田，帶小朋友玩恐龍公園放電😉玩完之後就去夏麵館飲茶！近排夏麵館推出咗鮮蟹粉宴，見到宣傳單好吸引，一於去試吓。入到去乾淨衛生👍🏻店員有禮貌帶位～美食⭐️⭐️⭐️⭐️🩵蟹籽蝦球賽螃蟹蟹籽和蝦球本身帶有濃郁的海鮮鮮味，尤其是蟹籽的鹹鮮和蝦球的甜美！口感豐富好豐富，蟹籽的顆粒感和蝦球的彈嫩口感，模擬了螃蟹肉的質感，吃起來層次豐富。🩵砂鍋雲香雞（半隻）雞肉鮮嫩，雞肉經過砂鍋慢燉，肉質變得非常鮮嫩，入口即化，同時吸收了湯汁的精華，味道濃郁。湯汁濃稠，砂鍋烹飪的方式讓湯汁濃縮，味道更加集中，通常帶有微微的甜味和鹹鮮味，非常適合搭配米飯。🩵老上海炒飯鑊氣十足👍🏻鮮蝦雞蛋炒飯非常香濃！米飯粒粒分明，老上海炒飯講究米飯的質感，通常使用隔夜飯，炒出來的米飯粒粒分明，口感彈牙。🩵源舊茄子煲茄子較爽身，芡汁鹹鮮微辣，裏面有豆瓣醬、蒜蓉、醬油等調味料，帶來鹹鮮的基礎味道，並帶有一絲微辣，刺激食慾。香氣濃郁，蒜蓉、薑末、蔥花等香料的加入，讓這道菜的香氣非常突出，尤其是砂鍋的保溫性讓香味更加持久。

-夏麵館-📍樂富.喺樂富廣場見到夏麵館有一個特色蟹粉宴嘅推廣，只係$498就有前菜、小食、主食、甜品同飲品，就帶埋男朋友試一試。雖然話係二人嘅份量，但其實份量可以足夠三個成人。.餐廳嘅裝修好古色古香，座位都好闊落。料理好食之外，最令我印象深刻就係店員真係超級有禮貌同有活力，值得10個讚。.精裝五小碟頭盤已經好豐富，有蒜香四季豆、虎皮素鵝、鎮江水晶肉、美味海蜇頭、涼拌小木耳。特別欣賞海蜇頭，咬落爽口清脆。虎皮素鵝一口一件，腐皮香酥配上香口的餡料，特別酥香。.皇牌酸辣湯瑤柱豆腐羹湯羹有兩款選擇，我們兩人各點一款，個人非常喜歡酸辣湯，用料好足，酸酸辣辣，非常開胃。瑤柱豆腐羹非常順滑，豆腐粒配蛋花，清淡而美味。.生煎蟹粉小籠包4隻用鐵板上菜的生煎小籠包，底部煎到金黃香脆，鄙薄餡到，咬開非常多肉汁，仲有淡淡蟹粉鮮香。.哆唻咪即是鮮蟹粉河蝦仁，用上新鮮蟹黃，加上蟹粉和鮮蝦仁，睇賣相已經令人食指大動。口感細滑，咪咪都係蟹黃蟹粉嘅鮮味，真係必點嘅推介食品。.蟹粉扒菜芯可以選擇菜心或者芥蘭，菜心嘅清甜配上濃郁蟹粉鮮味，連平時好少食菜的男朋友都大讚。.蟹粉撈飯蟹粉撈飯用熱煲上菜更添風味。店員教我哋先將蟹粉

本身諗住入去食個麵同小籠包，點知食左個蟹粉宴。個二人餐包好多野食，精裝五小碟包括蒜香四季豆、陳醋雲耳、水晶肉、青瓜海蜇頭和素鵝。四季豆蒜蓉的味道恰到好處。海蜇頭搭配青瓜，口感清新爽口。陳醋雲耳略帶辛辣，增添了風味，而水晶肉則不油膩。生煎蟹粉小籠包小籠包的皮薄而多汁，內裡充滿蟹粉的鮮味，特別之處在於它是用鐵板上的，口感獨特。哆唻咪這道鮮拆蟹粉河蝦仁用量十足，蟹粉的鮮香與蝦仁的鮮味相得益彰，無論搭配飯或麵都非常合適。單吃一匙也不會感到油膩，整體的蟹膏味道濃郁。蟹粉扒菜心菜心爽口無渣，每一條都黏滿了蟹粉，這道菜的蟹粉用量非常慷慨，讓每一口都充滿了蟹肉的鮮香。三蝦煨麵湯底清甜濃郁，內有蝦仁、蝦子和櫻花蝦仔，無論是單吃麵或是撈起來一同享用，都讓人感受到鮮味十足。瑤柱豆腐羹豆腐切得細小，配上蛋絲和瑤柱絲。瑤柱煙韌的質地與豆腐搭配得宜。開心果高力高力外皮熱辣脆口，餡料用開心果醬代替了傳統豆沙，濃郁的開心果味道讓人驚喜。口感類似流心的開心果巧克力，好食。套餐還包了兩杯飲品，可以選擇酸梅湯或豆漿，服務好。

於2025年1月17日晚，我們在夏麵館慶祝公公的生日，這是一個溫馨的團聚晚餐。選擇了這家餐廳，因為它在公公家樓下並且菜品多樣，適合家庭聚餐。我們選擇了多人套餐，並額外單點了幾道特色菜。涼拌木耳🌶️ 這道菜清爽可口，木耳的脆感搭配香辣的調味，讓人開胃。鎮江水晶肉這道經典的江南菜色，肉質鮮嫩，色澤誘人，甜中帶點酸。砂窩雲吞雞🐔 湯底鮮美，雞肉的鮮香與雲吞的搭配相得益彰，雞肉很嫩滑，份量也足。蟹粉小籠包🦀 小籠包的湯汁豐富，不過蟹粉的鮮味不夠強。韮黃炒鱔鮮🐟 ［推介］鱔魚鮮嫩，韮黃的香氣提升了整道菜的風味，鑊氣十足，口感極佳。松鼠魚*🐟 這道菜色香味俱全，魚肉外脆內嫩，酸甜的醬汁讓人印象深刻。上海湯年糕*🇨🇳 湯底清淡卻不失風味，讓人感受到家的溫暖，可是年糕過於軟，口感像糊仔。整體而言，夏麵館的菜品選擇多，味道正常。服務十分周到。地址：樂富聯合道198號樂富廣場A區3樓3125-3126號舖

11、12月食完大閘蟹🦀，令我發現其實唔使拆嘅蟹先係最正😆。見到夏麵館而家推出咗🦀特色蟹粉宴🦀，平日去食二人餐先$498！蟹粉真係超級正，味道好鮮甜，夾雜住蟹膏嘅鹹香。最誇張係海量蟹粉，多到可以用匙羹潷嚟食🤪！幾款蟹粉美食裏面，我最推介哆唻咪（鮮蟹粉河蝦仁），河蝦仁清甜又彈牙，而且成兜有七成都係鮮蟹粉，邪惡地好味😈😈😈。第一次食生煎小籠包，食落去香啲而且冇咁易穿。湯汁充滿蟹粉香味。開心果高力口感鬆軟，裏面係濃郁嘅流心開心果醬💚💚💚。🔹哆唻咪（鮮蟹粉河蝦仁）🔹精裝五小碟🔹蟹粉撈飯/三蝦煨麵🔹蟹粉扒菜芯/芥蘭🔹皇牌酸辣湯/瑤柱豆腐羹🔹生煎蟹粉小籠包🔹開心果高力🔹豆漿/夏伯伯酸梅湯