夏茶 (已結業)

這次真的是三顧草蘆，第三次為夏茶特登入元朗，前兩次都未能夠飲到朋友極力推薦既芝士莓莓雪沙，今次終於飲到😭😭 果然不負多次摸門釘，雖然夏茶其他飲品都非常好飲，但呢個芝士莓莓雪沙真係無得頂，好似成杯士多啤梨打汁咁PS係全杯由士多啤梨打成🤭。雖然價錢係有啲貴$38，但我都會捨得買來飲，因為真係好x正。可惜既只係呢個係限定嘢來，飲唔飲到真係要看有無緣份。雖然只係開店1個月，希望佢既質素可以保持落去，香港數一數二正飲品店👍🏻👍🏻，屬於 極力推薦之店。

星期五夜晚經過見到開左新奶蓋 忍唔住試下門外都仲有好多人等緊拎野飲等左10分鐘左右 有得飲喇！落單後先醒起茶底冇走糖好彩店員都肯幫忙改單大大杯！店員話可以直接飲 所以冇比到飲管但係我都係慣左用飲管「撩」黎食～奶蓋好濃厚 帶咸芝士味👍🏻茶底走左糖 清新茶香 帶少許苦澀味 仲有回甘👏🏻飲得過，可以再試😋

以價錢睇，的確係高價飲品，但係當見到佢真係拎d芒果出黎打汁，加落杯綠茶到，又真係感覺良好好多，至少唔係芒果糖漿🙈🙈個芝士奶蓋又真係唔錯嘅，夠厚夠滑，味道亦係好香濃👍🏻👍🏻以服務黎講，佢嘅員工都算係好笑容同有禮貌，仲好好甘set 靚個拎野飲位，俾人影下相，打下卡。不過甘計啦，如果好久唔久飲一杯其實都ok ge,但呢個價位，我又唔覺得甘值成日去飲👉🏻👈🏻始終，如果真係想要鮮果，我行多兩步就買到

開始懷疑自己連流汗都會有黑糖鮮奶味了，最近真係飲得太多。假日前往元朗，本想試有不少人介紹嘅車仔麵，卻遇上小人龍，大熱天時，實在唔想喺街邊曬，於是轉戰霸王雞飯，飯後打算飲杯野。選擇呢間位於小巴站旁嘅新店，茶店外約有十零人，幸好以等飲品嘅人為主，下單無需排隊，最終以15分鐘到手，可以接受，畢竟我都「訓練有素」，好排得下有別於其他大行其道嘅黑糖飲料，夏茶供應鮮果茶、奶蓋、多多、奶茶、雪沙、純茶等，定價$22-38，分中/大杯，可加珍珠、芋頭、愛玉等，部分可調整冰量、甜度。比較特別係奶蓋除左海鹽芝士、oreo芝士，仲有芒果芝士同草莓芝士海鹽芝士奶蓋四季春茶 + 金珠 $34珍珠約有1/4，奶蓋層約2cm，可能係大杯裝嘅關係，第一下會令人覺得唔夠厚，我個人覺得還好，就類似飲緊喜茶嘅沙冰系列般。唔知係故意咁做定點，我呢杯四季春係冇冰的，所以唔會超級凍，但對於凍飲控黎講，梗係唔夠冰涼。奶蓋稠而挺身，加上冇冰，不易跟茶混合，芝士味唔算好濃郁，帶點鹹味，以奶蓋黎計，係我喺香港飲過少數對辦、啱口味的。飲左幾口奶蓋，茶底就湧出來，確實唔係好夠喉，但其實奶層一直都係茶之上，當飲哂茶後，就飲到餘下嘅奶蓋。直接以

難得今晚朋友有空入來元朗，當然又跟她來個簡短的美食之旅，朋前晚已經跟我說想試夏茶，所以我們趁等候漁民麵館之時走去夏茶買杯飲品邊喝邊等漁民麵館入座。正當眾人在喝芝士飲品之時，我就挑了鮮果青霧綠茶來喝，朋友則喝芝士莓莓綠。我沒有拍朋友那杯芝士莓莓綠的照片，她說她的味道偏淡，士多啤梨不太新鮮，不太好喝。至於我的鮮果青霧綠茶唯一可讚就是綠茶底不會甜膩，挺清淡的，水果方面我亦認同朋友所說不太新鮮，且搭配有點奇怪。百香果籽略嫌生硬，我第一次吃到這麼硬的百香果籽。裡頭滿是青檸，檸檬和橙，太多同類水果了，沒有多元化的味道，西瓜淡淡的，丁點甜香感也沒有，與平日所喝的水果茶差異極大。

今日入元朗行街，有點熱，又有d口渴，就去咗夏茶買野飲（因為我突然好想飲水果茶😄）本身冇留意佢有條隊等拎茶買完，有個姐姐示意我地去排隊等拎茶，先發覺中伏😤我地由17:19等到18:00都未拎到2杯水果茶，why??????????😡(其實入面已有3-4個人整緊，點解可以咁耐.....）有好多人係門口追單/問幾時有..........都係見到有位姐姐示意話未有....（個堆人仲要排係我前面）何況係我個2杯呢？時間完全失晒預算😡😡😡

難以置信的出茶速度，平均要3～5分鐘先出到一次茶...買兩杯茶，前面排了約十人，但等了近50分鐘的等待時間不要以為多人排就以為好，可能只是他們效率的問題有2～3人制茶，他們是在做什麼？

嘩！好多人排隊呀，又係呢期好hit既芝士奶蓋，即刻試試先！買連等野飲大概15mins，唔趕時間都ok既。 叫左杯芝士四季春茶，第一啖全部都係芝士，好濃厚。之後細飲茶加芝士，茶香係有，不過唔夠突出，可能比芝士蓋過左小小。但中意芝士既，會覺得唔夠芝士，飲到一半已經冇哂芝士lu。

真係難飲到無言以對。路過見到，見鋪面唔錯咁，新開就試下，叫左杯 皇牌 - 海鹽芝士奶蓋@芝士紅玉茗茶完全無茶味，直頭無任何味唔知飲緊乜，奶蓋係有芝士味既，但普通，無咩特別而且奶蓋份量太少。🤦🏻‍♀️得罪講句，真係未飲過咁難飲既奶蓋仲要$30蚊皇牌價錢太貴，雖然係幾大杯。個人覺得完全唔值😢人量少都等得耐難飲，飲左一啖就扔了浪費錢。去7仔買野飲仲好。無下次，伏。30蚊買杯咁既野覺得都幾肉尺((((

《夏茶》 #HACHA #元朗📍元朗康樂路8號康樂廣場地下3號鋪-🔹OREO芝士四季春 $32 #芝士茶系列茶味唔算好濃 今次無嗌半糖🤢好甜芝士黎講我都幾鐘意 咸咸地未算好濃厚 都有8分嘅芝士茶黎講算幾大杯 但芝士嘅份量並無因為咁而多左 所以飲左一半已經得返d茶🤦🏻‍♀️-加左大量OREO係面😂但無比飲管我話就咁飲umm 我試過係有d難度嘅 不過因為我買返屋企飲 用不鏽鋼飲管 唔用即棄飲管 當係環保d啦 ♻️另外個杯幾高質 不過即棄黎講都幾浪費-😂諗起喜茶係會比個匙羹仔方便我地食d OREO另外 以呢個價錢黎講 同區黎講有第二間選擇

誇張茶店 - 夏茶·話佢誇張既原因係因為我第一次去一間飲品鋪居然有落場時間，當時去到6點鐘，門口大閘寫住6:30再開，我真係O左嘴，而且未開閘既時候已經大排長龍等開門。係Facebook見到元朗谷大力推介，而且有元朗朋友都話正之下就走去試下。一個係芝士芒果雪紗，另一杯係草莓芝士四季春。芝士芒果雪紗就新鮮芒果肉打成，本身芒果汁已經好好飲，芝士帶小小鹹鹹地，加埋埋一齊非常唔錯。草莓芝士四季春上面既芝士就係連埋草莓一齊打，所以層芝士有士多啤梨味，而茶底都非常好，夠曬茶味。呢到既飲品質素真係非常好，芝士飲品方面既缺點只有芝士份量唔夠多，好快飲曬，但我覺得已經係香港最好飲。🤤🤤

連續兩星期都番黎幫襯呢間小店，因為好味，又因為想試其他味道既飲品。上星期剛開門點了草莓芝士青霧，味道清香，芝士有淡淡的粉紅色，芝士跟士多啤梨味道很夾，飲落有淡淡茶味，夏天飲很清爽。今個星期遠遠已見門口人龍，一邊排隊，另一邊等飲品，埋到去已經無晒草莓味飲品，只有芒果，就點了芒果大滿足及芒果芝士青霧，芒果大滿足內有芒果肉，飲下去伴著果汁果肉，感覺滿足，但芒果味不算濃，芝士青霧一如以往味道清香，個人覺得草莓跟芝士更夾。

見係屋企附近。已經第二次經過今日又落雨無乜人等所以停低買左杯試下。第一次買！亦係最後一次唔好飲❌❌❌❌❌憑咩賣$36我點既係芝工奶蓋芒果雪沙(流流地)材料份量比例完全係無定。店員隨心攪拌啲奶蓋同杯飲品唔岩比例。縱使另外店員望到吳啱比例都得過且過2隻字求其呢36蚊係直頭浪費唔想太多人麻木跟隨廣告

元朗呢期又興番好多手搖飲品店，唔好講咁多，試下個芝士奶蓋得唔得先。點左個芒果芝士奶蓋紅茶，先lam一啖芝士，唔～淡淡地，有鮮芒香味，濃度適中，唔會太杰身，仲有啲果肉添。茶底本身已經少甜，入口順喉，尚算甘淳，加埋輕盈嘅芝士，炎炎夏日飲都好消暑～(不過鍾情重口味芝士人士，呢款香芒芝士可能未必啱你🙈)至於朋友點嘅水果茶同鮮檸多多都可以，不過個人覺得芝士系列同鮮果沙冰系列較為吸引～另外仲有加分位～雖然不停有人泥幫襯，但條隊唔長，店員出茶都出得幾快，仲要服務態度好好，俾埋個photo corner你打卡，一個字，encore～

話說元朗近期又有開多幾間台飲店，今次介紹呢一間啲飲品選擇好似大陸喜茶，好多芝乜乜同水果茶，今次飲呢杯係每日限定嘅，恆常Menu係冇㗎！🙂呢杯飲品似喜茶嘅芝士莓莓，但呢間嘅誠意比喜茶多出好多倍！😍奶蓋呈淡粉紅色，係因為落咗士多啤梨肉一齊打！🍓🤤 飲過好多間奶蓋，呢間陣cream cheese味係最濃，正正因為咁，陣士多啤梨味都遮晒！🙈 而士多啤梨沙冰部分，真係冇得挑剔，整個冰底都係由真果肉+冰+維記奶打成，冇落糖同人工果汁，所以味道勁清新，果味濃郁！🤗 起初覺得$38有啲貴，但飲完已經飽晒，lunch一杯飲品搞掂！😂再講落去，我怕大家覺得我係打手，但我真係真金白銀買咖！🤑其實⋯已經諗定下次飲水果茶喇！🙊