夏茶 (已結業)

好耐冇飲夏茶了😛經過元朗順便買杯同朋友開心share😎🍻今次試下佢地嘅芝士菠蘿雪沙 ($38)芝士奶蓋厚厚的，味道岩岩好，好中意佢地嘅奶蓋😍下面嘅係菠蘿雪沙，飲落去朕味好似食緊菠蘿冰一樣多甜甜小小酸🤣呢排天氣熱咗飲就perfect🤩

黎到夏茶附近，真的忍唔住要去幫襯一下，因為上次飲完佢個奶蓋後好味到念念不忘，今日決定encore!!!見到佢轉左新menu今日就想試下orea 芝士奶蓋！原本都無咩期望，但一飲個奶蓋之下，真係好飲到嘩左出黎，oreo 碎粉加埋佢個芝士奶蓋真係好夾，又唔會係太濃個隻味，加上四季春個隻茶味，可以消除口中覺得太濃既感覺，成件事真係好match. 而且佢個蓋係特別款，專登方便客人可以飲到d oreo 碎粉，好貼心呀！ 真係極力推介呢個茶飲！

經過了《夏茶》今次再來試一次這店的飲品上一次有點失望 希望今次的飲品不會吧上一次的評論只有數人看看 應該沒有人發現haha這次買了2杯飲品 店員說本新已是小甜小冰版本價錢是HKD$33 這個價錢是中上價位·草莓芝士紅玉草莓味的芝士奶蓋耶🤩 感覺棒棒噠家人是很喜歡飲草莓的飲品味道不太甜 味道剛剛好 飲品很大杯·抹茶芝士紅玉第一口沒有太大的問題第二口發現抹茶芝士的味道有點苦之後連茶飲才感覺好一點吧

•海鹽芝士四季春茶 $30•.係全港最top既芝士奶蓋呀🥰連平時唔太鐘意奶蓋既👭都話100分！佢地既奶蓋真係好濃厚 好重芝士味分量又唔度縮 飲幾多都唔會濟茶底清香 仲有得揀走糖😘佢地無論係水果雪沙 抑或芝士茶都勁出色定價雖然高 但係佢真係俾返上等貨色你👍🏻而且佢地開咗咁耐 都完全冇退步仲經常性出新野俾你揀☺️我愛夏茶 夏茶愛我

本身一心想飲佢個草莓雪沙😞去到佢話賣哂士多啤梨 雖然失望為咗氹返自己開心😃我就試下巨峰雪沙啦.個芝士奶蓋好l好飲呀🤩好飲過東喜茶呀又夠咸香 又夠綿密 分量都算多添完全係飲完返唔到轉頭 要一啖接一啖個隻😋個雪沙用新鮮巨峰打成 你地都見到啦d提子皮攻陷哂成杯野飲🍇唔單止睇得飲落去超重提子味 味道一d都唔假好似飲緊液態巨峰咁🤣隻紫色仲好迷人同埋佢真係超大杯 好似仲多過貢茶.好好飲呀 夏茶爬升咗上我心目中三甲😇迷客夏 夏茶 天仁😘

呢間夏茶主打水果茶，不過我今次揀左飲芝士茶，茶底揀左烘焙烏龍。先飲芝士，咸咸地，味道好好，但少左d，如果芝士多d就更好了！茶底方面，好正！烘焙味剛剛好，不會太燶，係我飲過咁多間嘅茶底最好飲嘅一間！下次行過都會再試埋佢嘅水果茶！

喺IG見人哋post 夏茶好多次，今日平日放假，專程嚟到元朗試一試。本來想試牛油果沙冰，但今日無貨，唯有轉試菠蘿味。下午茶時段，三點左右，無長龍，五分鐘左右就有得飲。兩個人，點左兩杯。芝士菠蘿綠 $38我有飲過東喜茶，兩間相比東喜茶啲芝士比較thick，味道黎講就差不多。由於唔喜歡太凍，所以揀左「菠蘿綠」而唔係沙冰。哩間嘅飲品default 左係少甜少冰，飲落好舒服，自然嘅菠蘿味，唔會一味得個甜字。冰真係十粒內，飲完啲汁，仲有一大堆菠蘿肉喺杯底，好！草莓大滿足 $35朋友唔鍾意奶味，叫左鮮果茶，覺得味道自然。有時叫莓味，一係好清新，一係有種藥水味，好伏。哩一杯係前者，仲有一粒粒士多啤梨可以咬。拎飲品時仲會教你點飲，飲管都可以慳番。

-早兩日連假去左元朗覓食飲左依杯近期好火熱既夏茶-芝士草莓冰沙 $38如果大家有飲過大陸既奈雪之茶/喜茶你就會覺得夏茶不過不失但價錢就偏貴喇芝士香口，冰沙係用真草莓加奶加冰打出泥，每一啖都係果肉，大大粒果隻。整體感覺較為濃郁，飲完會飽，係香港泥講算係好好飲嚕。見到飲品種類都好多，但同時間都好多人排隊所以都等得比較耐，值唔值得就見仁見智啦！都好過排2個鐘喜茶既！總等候時間30分鐘，但條路就比較窄所以都比較麻煩...唔知企邊好

難得出元朗吃開年飯，完場後當然要飲一杯特式茶飲。近月在社交媒體上看到元朗有不少新茶飲店進駐，間間各有千秋。今天大年初二來碰碰運氣，看看有哪家營業，就遇上了「夏茶」。「夏茶」的價錢定位頗高，每款茶飲動輒三十多元，幾乎與一碗麵食價錢並頭。今回就讓筆者點一杯試試看，到底是什麼葫蘆賣什麼藥吧。「夏茶」的芝士茶系列是自由搭配的，茶底和芝士奶蓋口味任君挑選。筆者點的是宇治抹茶跟海鹽芝士；而另一杯則是紅玉茗茶與Oreo芝士（筆者弟弟喝的）。海盬芝士奶蓋質地打得頗挺身，喝下一口後，芝士咸香味重，入口後還能齒頰留香。但份量有點少，很快便融入抹茶當中了。宇治抹茶有一點小失望，畢竟這個茶底要額外多加3元。即使筆者只點了微冰（店員當場亦表示他們下的冰度一向是最少。），但茶味很淡。開初幾口尚有絲微茶香味，後來已是淡如水了。

元朗最近開左好多間手搖飲品店，夏茶就係其中一間，同一條街有良辰吉時，真係打對台‼️‼️驟眼睇飲品選擇都算多，比較特別嘅可能係好多生果嘅鮮奶，例如木瓜鮮奶同埋牛油果鮮奶。✨左：牛油果鮮奶（$32）🔹呢杯無比飲管，店員話可以就咁飲，話好滑🔹可能之前飲過其他好出色嘅牛油果鮮奶，真係唔覺得呢杯特別滑，不過甜度OK，感覺健康✨右：牛油果雪沙+芝士奶蓋（$40）🔹芝士奶蓋好杰，好漏🔹下面嘅牛油果雪沙都幾好味，感覺上係比較凍嘅牛油果鮮奶夏雪整體OK啦，不過價錢偏貴令人卻步！

草莓芝士四季春🍓🥃 | $32 之前飲開草莓雪沙果類 但真係好大杯 好飽😂 而之後就比我發現左清茶系列都好好飲 冇咁滯 仲好清涼、解渴🤓 依杯係四季春茶 加上有草莓肉的芝士奶蓋 兩者十分夾😍 佢個芝士奶蓋好濃郁，唔係一般貨色～值得推介👍🏻OREO芝士四季春 ＄32（熱）芝士奶蓋好滑～ 但熱飲係冇凍咁好飲～面頭D OREO 飲飲下會溶左係熱茶中，口感唔係咁好😂所以建議都係飲返凍好D～～已經飲過好多次，但都會再回頭支持～

芝士草莓雪沙🍓 x 芝士瓜瓜綠🍉.不斷有好多foodies朋友推介，終於到小編去試啦❣️❣️❣️聽聞飲到芝士草莓雪沙🍓並非必然，小編真係超級幸運😭🤩首先杯野飲超級大杯，芝士奶蓋絕不吝嗇🤤好滑好濃，芝士香味出晒黎仲有啖啖鹹香！草苺雪沙既製作過程都可以店外望到，士多啤梨肉預先雪凍，再加埋碎冰同牛奶攪勻，製作出黎既顏色好靚☺️夏茶預設左係少甜，但係小編較愛原味甜所以覺得甜度爭少少🙈媽媽則簡左芝士瓜瓜綠🍉，佢一樣好欣賞個芝士奶蓋，評價係茶味好香，西瓜都甜，讚左幾次好味啊！🤓

台式飲品店有增無減，尤其是一眾以「過江龍」之名作招徠的品牌如喜茶、珍煮丹、老虎堂等總是能夠吸引大批食客爭相朝聖；夏茶這間位於元朗的「本地薑」，一直以來口碑之佳絕不遜於其他「過江龍」。奈何元朗對我而言實在不太方便，若非特意到元朗覓食的話大概永遠不會踏足此地，而是次元朗之行其實最大目的正是拜訪久仰大名的夏茶。飲品選擇分為芝士類、鮮奶類、原創特飲、鮮果類及奶茶類，亦不時會有期間限定款式推出；雖然價格看似不算相當便宜，但真材實料以鮮果作材料加上每杯容量十足，個人覺得亦屬合理。芝士巨峰雪沙 ($38)本來一心打算先試招牌芝士草莓雪沙，可惜因鮮果供貨問題當日沒有供應，幸好能有幸嚐到期間限定的巨峰味。推出初期曾見有評論指飲品混有過多提子核，而我這次卻是完全不帶半顆提子核，個人相當欣賞他們認真接受意見的態度，作出改善人手去核。雪沙質感細滑並無粗大冰粒，而且飲到最後亦沒有出現水冰分離的情況；巨峰果味香甜自然，完全不帶絲毫藥水香精感；芝士奶蓋份量充沛，細膩香滑不帶顆粒，極之豐厚稠密而非走輕盈路線，彷如一般芝士奶蓋的濃縮版，芝士鹹香突出而不過於濃烈，更伴隨陣陣奶香溫醇討好。芝士金珠奶茶 ($32)小試數口朋

海鹽芝士四季春茶 $30事關小編攞完行左一陣先影相 果時啲芝士同茶已經開始混合 導致睇落好唔分明💩不過飲落都影響唔大 仲係明顯食到芝士同飲到茶😂芝士奶蓋企身到嚇親我 從未食過咁結既奶蓋 不過又幾綿滑架喎 海鹽令咸香味加倍 四季春既茶底清淡得黎又不失甘香😌店員話本身預設已經係少甜少冰 但都係好甜下 下次會嗌微甜🙈

每次去元朗都會飲嘅夏茶，暫時仲未覺得厭，有啲口味係中規中矩，唔算好特別，但so far就冇覺得踩雷過。個人認為水果系列值得試，不論係沙冰抑或鮮奶，當中最鐘意芝士草莓雪沙、巨峰雪沙同牛油果鮮奶幾款，難得連男朋友都喜歡。除左原味芝士，仲有草莓芝士、抹茶芝士、oreo芝士，幾特別，確實冇喺其他地方飲過。宇治抹茶芝士宇治抹茶 $36/熱年尾流流，雖然心裡好想飲草莓雪沙，最終都係罕有點左熱飲，細杯裝。店員先將抹茶加熱，需時等候，最後先倒入抹茶奶蓋。接過飲料後，杯身熱辣辣。奶蓋層呈淡綠色，確實係有抹茶味，奶蓋係凍嘅，當熱抹茶衝破奶蓋層入口時，唔會好熱，只係暖粒粒，幾得意，不過好快同抹茶融合。至於熱嘅抹茶中規中矩啦，有茶味冇粉感，唔會太濃，亦冇苦澀味，細杯裝嘅比例更好，唔覺得過甜。芝士西瓜雪沙 $36睇住店員拎大半杯西瓜出黎，加冰製成雪沙口感，水份重，西瓜清甜多汁，仲有少少果肉口感，加埋個奶蓋，好飲嘅但唔特別。