夏茶 (已結業)

🧀 芝士OREO雪沙 HK$38個人鐘意食偏鹹味嘅奶蓋，所以幾鐘意，但口感比喜茶厚身。Oreo味道好重。口感唔似沙冰一粒粒咁冰，比較soft，夏天飲好爽。真心大杯飲到飽。

呢排日日都三十幾度 出街行一陣都成身汗 諗起夏茶杯沙冰專程來飲之前有飲過芝士草莓同菠蘿雪沙 今次試下巨峰提子 飲品無額外添加糖的 所以唔使特登叫少甜 好欣賞佢d冰係打到勁幼細 用飲筒大大啖吸入口係超級透心涼 而且因爲用上左大量鮮果去打 飲到最後一啖都好有果味 唔會出現得番d無味冰咁既情況 芝士奶蓋杰身咸白 唔會同沙冰撈埋一齊 個杯蓋有個細孔比人直接飲d奶蓋 所以可以一啖奶蓋一啖沙冰咁樣飲 勁享受呀 雖然40蚊有點點貴 但質素超高 而且同區完全無同類產品 所以都係值既

之前聽住係元朗既同事講夏茶好好飲，今次終於有機會嘗試。叫了一杯橙橙大滿足，真係令我好滿足！橙味突出，最正既地方係佢免費送埋愛玉，愛玉同飲品好夾，一路飲又一路有d嘢咬，十分正！下次都會再黎幫襯

入咗元朗試吓呢一間喺元朗幾出名嘅飲品舖。由落單到拎嘢飲大概10零分鐘左右就得。嗌咗杯芝士牛油果沙冰。芝士好濃厚，感覺好足料，但略嫌過鹹。牛油果味道好清，砂冰幼細，幾啱夏天飲。

上次飲完佢地嘅芝士芒芒真係念念不忘，覺得個奶蓋緊貼到東乜茶嘅奶蓋，今次難得黎到又要翻撻飲佢地比較新嘅飲品，#奧利奧芝士黑朱鮮奶 $36，比佢張海報吸引左，睇落仲邪惡過黑糖珍珠 😍 用呢個黑朱古力做掛杯，上面就有 Oreo 碎，用黎打卡的確一流，可惜就味道不似預期，芝士奶蓋今次稀左，最諗唔到嘅係飲落去個味道係淡到呢，同期望嘅味道反差都幾大，似係淡味嘅維記朱奶，底下嘅珍珠仲要生生地有啲硬，仲要成 $36 ，不了，去七仔買包朱奶飲仲好飲 🤤❤️-夏茶元朗康樂路 8 號康樂廣場地下 3 號舖

#芝士芒芒綠 $38之前見到啲人成日話依間好飲難得去到元朗 就梗係要試下今次小編叫咗新嘢芝士芒芒綠芝士奶蓋好厚 而且好滑🤤又唔會鹹 味道啱啱好而芒果味重得嚟又唔會蓋咗綠茶味仲有好多芒果粒添🥳第一啖飲落去覺得有啲似許留山只係多咗綠茶味🤪好飲到冇停過所以好快就飲完依杯係小編今年飲過最好飲嘅飲品大家經過真係可以試下🤩🤩依家寫返都搞到小編心郁郁想去飲多次🥳評分：10/10

Oreo芝士金珠奶茶少甜雪糕就食得多Oreo口味喇 但配落芝士同珍珠奶茶都係第一次.本身好驚會伏 但飲落個奶茶底都幾好 慢慢品嘗係會飲到有茶味 唔係一味只有糖水甜椰椰 飲到最尾再用距跟比你既膠叉撈埋好有咬口既金珠、Oreo同帶少少鹹香既濃滑芝士奶蓋一齊食 - 好滿足*珍珠好有口感 唔會”Lam pat pat”*好足料 好Orea舖滿左個頂*夏茶既芝士奶蓋好出色

平時同boyfriend喺元朗食完飯都會去呢間茶飲店買杯飲品🥤🥤🥤，兩個人👫share！呢間店嘅飲品大多數嘅size都係大杯裝，得少數熱飲有返Medium size！咁大杯裝我通常一個人都飲唔晒嘅，因為要30分鐘內飲完先可以享受到飲品嘅最佳狀態，可以同人share就啱啱好！好似仲share咗一半脂肪俾人添呀！罪疚感都少啲！哈哈！😆😂😆😂今日就試咗呢杯芝士菠蘿雪沙，$38一杯，其實都唔算平架，坊間好多都係 $2x 至 $30頭，呢間set得呢個價都咁多人排隊幫襯，就知有佢值得幫襯嘅原因啦！就係新鮮同埋好飲喇！海鹽芝士奶蓋都幾厚身，菠蘿食得出唔係罐頭菠蘿，因為真係有啲酸！不過加埋芝士奶蓋又啱啱好，唔錯嘅配搭！

曾經我都係個「不喝飲料會死星人」，每次外出，一定會出入大大小小飲料店。不過而家開到成行成市，我諗有部份人都好似我咁，開始厭厭地。唯獨元朗夏茶，令我一而再，再而三回購，黎親元朗都要飲番杯相對於茶，我比較欣賞夏茶嘅足料水果系列，芝士水果雪沙系列無得輸，以芝士奶蓋搭配水果沙冰。除左一直好受歡迎嘅草莓，都有時令水果例如芒果、巨峰、桃等，幾款都好好飲嘅呢芝士芒果雪沙 $40芝士奶蓋唔洗多講，我覺得份量不多也不少，濃稠度高而滑溜，芝士香少少鹹同水果沙冰係最佳配搭。芒果味新鮮濃郁到爆，沙冰質感順滑，冰感唔算好重，甜度頗高但不涸喉芝士巨峰雪沙 $40顏色更偏深紫，人手去核，連皮柞，一路會飲到好細碎嘅巨峰皮。巨峰嗰種濃郁香甜、新鮮料足，唔係一般提子可以媲美。芝士奶蓋厚而稠，存在感強，我更鐘意用飲管將兩者混合飲。巨峰嘅雪沙相對其他產品粗粒，冇咁細膩順滑，冰感強啲。時令水果黎架，要飲就要快，哈哈芝士草莓雪沙 $38草莓雪沙一向係我地首選，連芝士奶蓋都有草莓味、果肉，製作有誠意，有少少奶昔感覺。士多啤梨唔係甜到爆炸嗰種，帶自然果酸香氣，飲落清爽，當然冇香精藥水感而且保留少許果肉；沙冰打到滑溜，冰感冇咁重。暫時

日日放工都咁晏真係要好好獎勵自己 襯食lunch有時間去飲夏茶放鬆下🤓🤓唔知係好彩定好早嘅關係 我買到芝士草莓🍓雪沙 香濃嘅士多啤梨加冰加奶攪拌成沙冰 淡淡嘅粉紅色唔覺意同我手上嘅指甲💅🏻襯咗色😂😂 士多啤梨配咩都好好飲 但加埋呢個奶蓋真係無敵🙆🏼‍♀️奶蓋厚度適中 口感軟滑 唔會話芝士味太重變咗漏 飲奶蓋製品一定要打開個小蓋飲咗第一啖先 咁樣個口就會充滿淡淡咸味之餘 又有少量沙冰 沖淡返口腔過多嘅芝士😼如果一星期獎勵一次都唔係好過份啫 元朗返工嘅好處

每次去元朗都要飲番一杯🤣落完單先發覺叫錯左，本來想飲芝士芒果雪沙💕不過#芝士芒芒綠 $38都okay，比雪沙冇咁凍，而且會清少少，但芒果味都好香，有啲芒果絲，味覺一啲都唔假🤤🤤亦都唔會太甜!!!!!無得輸🤣🤣🤣佢地既芝士奶蓋真係好好味架..睇到奶蓋既份量都好多🤩🤩🤩又軟綿 又帶咸香😋一個人飲晒一杯都唔過分🤣🙈.📸#夏茶地址：元朗康樂路8號康樂廣場地下3號舖

飲台式飲品，都好像上了癮一樣，隔一段時間就很想喝一口。最近迷上了夏茶，質素真不差。今天點了杯海鹽芝士四季春，呷一口芝士，咸中帶芝士的香味，茶底是清新可口的烏龍，比起岸焙烏龍清淡一些。偶然喝一杯，也是不錯的選擇。

夏茶係小弟近期愛上嘅一間飲品店，主打果茶同芝士奶蓋，老實講，我相信夏茶係元朗區內最有質素嘅一間非連鎖式飲品店。今次叫咗Oreo芝士奶蓋烘培烏龍，另外一杯就係海鹽芝士奶蓋四季春。Oreo就當然係會有Oreo餅乾碎，不過我就略嫌佢會搶咗芝士味，同埋飲時無咁方便，所以我下次都係會叫返海鹽，因為淡淡嘅鹹味溝埋芝士奶蓋係非常之match！茶方面，喜歡濃味的話可以選擇烘焙烏龍，茶味對比起四季春係濃得多！下次我會選擇叫海鹽芝士奶蓋烘焙烏龍，咁樣應該會係我最想要嘅味道！

I actually came to try their fresh fruit smoothies because I heard great things, but the fruits hasn’t been delivered yet that day 😭Opted for a typical oolong tea with cheese foam instead.The cheese foam was quite nice, thick and creamy. Above average.Overall it was nothing special though.

下午時段排隊人流不是多，但Fingerx男職員態度依然十分惡劣😠有顧客在店外等了半個多小時，但沒有職員向她提及需要等這麼長時間。另外，嘗試了芝士芒芒綠，不及喜茶的濃度，不值一嘗，沒有下次!