夏宮

营业中

休息中

4 人晚飯. 有 coupon, 於是一試米芝蓮2星級食肆Order 了 2 個小食:1) 鴨舌 (一般) 2) 鎮江肴肉 (有夏宮推介) (一般) 另外 order 了 5 個餸:1) 無錫肉排煲 (有夏宮推介) (正正) 2) 醉雞 (差) 3) 爬樹菇花姿片 (一般) 4) 蟹黃帶子蒸乳酪 (正正正) 5) 梅子蒸雞 (一般) 個人認為好多餸菜都好一般, 只有 (無錫肉排煲) 及 (蟹黃帶子蒸乳酪) 就真係幾好, 至於醉雞就好唔得, 雞肉完全無酒味, 好似 d 雞就咁放落 d 酒到. 因我個人好喜歡醉雞, 夏宮呢個醉雞真係令我失望. 小南國的醉雞比夏宮好好多.抵唔抵食就見仁見智, 如果比我選擇, 我會選小南國

最喜歡試酒店中餐廳，上星期終於去此間，裝飾以中國化為本，但食物方面比起已前試過酒店的份量少，價錢雖然差不多，不要以為相中看上去那般大:帶子碎的帶子餃，手指頭咁大。素芋盒，全為粉皮，的多芋頭餡。炸鯪魚球，比乒乓球細。馬友咸魚雞粒炒飯，百幾元碟飯，都唔知馬友咸魚在那裏，要用放大鏡，雞粒都是好少。服務又不及水準，無人沖水及換碟，令到茶濃，茶葉本身又唔係咁靚，比起今日去尖東嘉福酒店海景軒差一皮。匯豐銀行PREMIER CARD 85折咗後埋單$320。

本想和媽食越南餐, 但妹及細佬已訂了呢度檯, 又近佢地, 今餐就由佢地話事啦.1點來到, 坐了房內.地方好靚, 好中式, 唔再多講了, 連隔離檯的老外都話"very chinese"!有碟芽菜, 係小食, 有少許辣油的, 幾醒胃.叫了幾個點心, 蝦餃燒賣等;另妹話要個义飯, 媽要乾燒伊麵...點心好快上, 蝦餃係青色的, 皮係有波菜咁, 幾爽口, 但好細粒吓.燒賣一般, 冇咩特別.蘿蔔糕係一舊磚咁的, 幾得意.似炸的多過煎, 上有不少椒鹽, 好香口. 勁熱注意!臘腸卷雖得兩條, 但已切好了4份俾我們4人, 好細心, 一讚!腸係幾瘦的, 唔肥膩, 看相; 相對健康d!鍋貼又係有四個, size好細的, 剛煎起的, 味一般.义燒叫半肥瘦, 又真的係半肥瘦; 夠咬口之餘又不太韌, 蜜味足夠, 正.伊麵係粗麵, 上都好多肉絲 菇絲等; 加少少醋, 撈埋, 一人一碗剛好.麵唔太淋有texture, 獻汁略厚; 味道尚算不錯.服務很好, 之前叫點心, 哥哥主動問, 一d點心如果只有2, 3 舊的, 要否加到4舊, 一人有一粒呀?好少地方咁貼身...好體貼呢.

位處港島香格里拉酒店內的中菜廳<夏宮>，一向甚有名氣，而最近更獲得米芝蓮兩粒星榮譽。是次茶局原本在三粒星<龍景軒>進行的，但因為訂位上一波三折，故改在<夏宮>繼續茶局。事前是充滿期望的，因獲得米芝蓮及一些專業食家的推介。不過，絲絲點點計算，偏偏相差太遠。環境方面的確是無可挑剔，細聽下有古典中樂播放。雖然有食友說看不到海景，但古時中國宮殿都是遠離海洋的，而且宮殿一向是與外界隔絕。菠蘿奶黃包 - 作為茶局序幕的第一個點心，是合格的，可惜亦是唯一合格的點心。奶黃算香滑，包皮亦鬆軟，水準不俗。大家心想應該會越食越精彩，誰知…上湯炸粉果 - 粉果皮和鳳城的不同，是類似芋角的酥皮，更鬆化，而且較易吸收上湯。可惜粉果內的蝦及上湯又係完全無味。葡汁海鮮批 - 絕對令人失望，批皮做得差，葡汁味欠奉，海鮮呢？找不到！蝦餃 - 索價$60元一籠，比福臨門更貴，可是質素不單比福記差天共地，就算是平價的<蓮香>、<寶湖>亦遠比她好，甚至連鎖酒樓<稻香>、 <富臨漁港>等等都勝過她。蝦肉鮮味及蝦味完全欠

我認我們膚淺,是次茶局,是為了"摘"星而來,其實本來我們去的,是香港唯一三星的米芝蓮"龍景軒",可惜訂位時候出現岔子.結果最後退求其次,來到二星級別,港島香格里拉的夏宮,一起享受周日的中午茶.環境華麗堂皇,帶有一點點古代的色彩,有如置身在宮廷之內,浮誇之極.論環境實在無可置疑.那些米芝蓮試食員未吃前,已經在環境上加分.我們一向對此點不甚注重,任由你花拳繡腿,如果菜式不行的,環境點靚也沒有用.中午來到,未算太多人,酒店的茶客不同街坊酒家,未過中午也不會來.是次"摘星"茶局組長高達兄,拿住份點心菜單,似乎胸有成竹,而我們一邊飲住靚茶,一邊期待著"星"級點心.首先上的菠羅奶皇包,同酥皮海鮮批,前者的奶皇尚且香滑.但一早上此味,有點頂肚.另一道的海鮮批,說其是咖喱海鮮批,食落都幾酥化,係吃不住咖喱的味道.叉燒包的包身沒有甚麼問題,內裏的叉燒餡,有何特別之有?我吃不出.出發之前,有聽聞過此店的化皮乳豬,被某些人吹捧到上殿堂級數.既然說到如此巴閉,自然不會錯過.區區六片薄薄的化皮乳豬皮,要成$180一碟.五星級酒店中菜廳,再加米芝蓮兩星的名銜,似乎是收得起這個"天價".一上大家快手拍照後,即一擁而

金鐘三間五星級酒店的中菜廳中，夏宮和金葉庭都是頗著名的，也都能獲得米芝蓮的推薦。weekday繁忙時間要來夏宮吃午餐，是一定要訂座的，而且要起碼早一星期訂座，因為聽說常常會full booking的。環境夏宮的環境很好，裝修過後新淨了也更加華麗了，裝潢是宮庭式的，古色古香，富麗堂皇。weekday午餐雖然人多，但由於檯與檯之間非常闊落，加上樓底夠高，有空間感，所以環境仍然清靜，坐得很舒服。服務服務員態度都很親切有禮，只是不知為何，夏宮裝修過後人手少了，在weekday午餐繁忙時間，很難才能叫到人，有時要等很久。以五星級酒店中菜廳來說，這絕對是不合格的，一定要改善。價錢論價錢，夏宮自然是貴的，午餐大概是$200-250一位左右，但是在金鐘，是地方的問題吧，差不多所有餐廳都是over-priced的，所以夏宮的價錢還算合理，畢竟是在五星級酒店中啊。用HSBC白金/Premier卡，更有8折優惠。折扣之後，這次我們每位剛好$200有找。茗茶試了龍井茶，十分清香，茶甘而不苦澀，是有質素的茶葉。點心夏宮的點心可以指定隻數的叫，非常方便。(1) 菠菜餃：外皮軟硬厚薄適中，晶瑩剔透，蝦很爽口和有鮮甜

抱著奪得米芝蓮2星級食市的期望來品嚐菜餚.結果……失望. 以價錢及食物味道來定，本人真覺得有2星的價錢但沒有2星的味道.是日點了以下菜餚•廚師推介的火腩大鱔煲 (味道幾好唔係太濃,但大鱔燜得過霖,無牙都可以食,火腩口感剛好)•豬腳仔 (又是太霖了,口感覺像食點心鳳爪)•乳豬 (非常鬆趣,夾了餅皮及一小片瘦肉一齊食非常好吃)•荷香四疏 (草菇、菜芯、西蘭花、露筍) - 除了味道淡到似開水的草菇(完全沒有了草菇的香味)，其他疏菜都很稚,很甜•馬友鷄絲炒飯 (一般,味道淡了一點)•花旗參響螺湯 (一般,本人覺得味道偏咸了一點)•西米焗布甸 (一般)•楊枝金露 (本人覺得酸一點會好食d)是日埋單$1400+

記十二月上旬星級之旅金鐘幾間五星酒店，加埋共取下四星，四粒落到港島香格里拉袋中，除灘萬無分外，中、法兩間餐廳呼聲很高，亦順理成章地取下恰如其分殊榮。商務式的「中華風」，由步出電梯一刻已感受得到，絕不能少看I-Shang每一著的骨節位，甫入夏宮，裝修後的金殿堂依舊古典華麗，中央大圓柱應該是礙眼的，但任你從那角度觀察，亦挑不出半點骨頭，高樓底加上吸音地氈，午市縱然Full House亦不覺嘈雜，奈何二人檯比較迫夾，多放兩款菜拍照起來也有點難度。二人午市的商務套餐每位約七百，比三星的龍景軒仲要高，只叫了些散點淺嚐星級貴氣，看看周遭配套。餐牌上五湖四海南、北名菜足夠招呼外賓，由粵式點心開始，叉燒包、煎鯪魚餅，涼菜要了滬式鎮江肴肉，這裡燒味從不失手叫下了燒乳豬。由切片乳豬開始，三層金豬件伴著細切綠蔥絲，賣相精緻，金黃薄皮改了刀，酥化帶油甘，見不著多餘肥脂，料靚燒功出色，一塊薄而富彈性的肉片蘸以鹹甜適中乳豬醬確是美味，放近十分鐘再吃仍不失酥香，也沒甚可挑剔了。兩味點心不見佳處，叉燒包麵皮很薄，發得不夠鬆軟，蒸得過火麵皮起「水泡」，蠔油叉燒餡味道很薄，收四十八元應該做好一點吧。煎鯪魚餅，下了薄粉兩面

有同事on board, 來了這裡午膳.先來一個粉葛綾魚湯, 雖然本身唔太鍾意呢種湯, 不過都覺得幾好味. 飲得出係落足料去煲.點心方面叫左燒賣, 碧綠鮮蝦餃, 芋角, 雞札等等. 燒賣同蝦餃好普通, 唔係好夠熱. 個人比較喜歡芋角, 外面炸得好香脆, 裡面d芋蓉又夠滑. 雞札都唔錯.另外個上湯浸小棠菜都好ok, 個湯好鮮味. 仲有叫左一個燴麵, 料就少左d, 得d叉燒咁.最後食埋楊枝甘露, 係佢既推介, 不過只係一般.服務當然好啦, 話哂都係酒店. 不過自己就唔會黎啦, 貴之餘又唔係真係咁好食.

今日3個人來呢度飲茶,我地叫左:-灌湯餃: 湯好清,魚翅亦係靚翅(唔係出面酒樓個d翅裙邊);-叫左燒賣不過黎錯左菠菜餃,我地掛住傾計無叫佢改返. 個菠菜餃基本上無乜味,個頭食完已經唔記得左;-叉燒包: 完全無特別,除左好的式;-珍珠雞: 全部都係燸米,得好少冬菇,其餘就食唔出亦見唔到;-薑汁炒芥蘭: 一d薑味都無!芥蘭就好爽無渣.基本上真係無乜特別,下面Marriot間萬豪殿好食過佢多多聲!

很久沒來夏宮吃晚飯，是晚心血來潮，一家人前來舊地重遊。點了必食的酥炸鮮蝦雲吞，香脆可口，點酸甜汁伴吃，水準依舊。蜜味中式牛柳一貫大路水準，牛柳算嫩口。帶子炒鮮奶口感太稀，只勝在忌簾香濃，帶子亦鮮味厚肉。西檸雞的檸味尚算清新，好肉地，但毫無鑊氣，炸皮一點也不脆。金銀蛋莧菜一貫酒店的精緻，倒也不錯。在沒叫名貴菜式下，6人埋單只$1,300元，菜式份量又generous，是出奇的經濟。

和一位靚女吃lunch,我們點了灌湯餃,燕窩shrimp dumplings,上湯豆苗,steamed蚧鉗,無錫骨,和一個炸菜什麼的..service很好,很醒目!可惜裝修空洞,食物不好吃!特別是那個豆苗..yuck............一D都沒有酒店的水準!唔怪得冇乜客人啦!一定不會再去!

紀念日的晚飯﹐很少選擇中菜﹐於是今次選了shangri-la 的夏宮。還是頭一次嚐酒店內的中菜晚餐﹐環境比我想像中的casual﹐也ok。酒店的服務﹐一貫的好。先來一壺普洱......是夜的晚餐﹐點了......前菜: 鎮江肴肉(很好﹐比平常在外間吃到的好﹐不肥膩﹐加上香醋一起吃﹐入口感覺清清的)主菜: 菠羅咕嚕肉(味道也是咕嚕的味道﹐但這裡﹐咕嚕肉的那塊肉﹐比平常吃到的鬆軟)香麻鍋貼鳳尾蝦(一碟有八隻): 鳳尾蝦配上多士﹐再加上滿滿的芝麻﹐雖然是炸的食物﹐但一點都不油膩)蜜豆百合炒藕片﹐清淡之選。不錯。是夜中菜﹐配上了白酒。點了2杯German Riesling....最後甜品: 我要了楊枝甘露﹐滑滑的。good。他要了一客芒果杏仁豆腐花﹐因為我不吃杏仁﹐所以不知道是什麼味道﹐但他說了一句: [ 很好味。]是會再一次光顧的店。吃到好的﹐有時候﹐破費一點﹐也是值得的。

今日去飲茶，居然BB要俾茶銭。個BB得17月大。就算食Buffet，都係3歳先要俾銭。

因为CONRAD金叶庭爆，才来这间。以前吃了也是觉得味道一般。这次的蒸东星斑我觉得味道不错，不过朋友觉得味道太浓。最不满的是服务。我们去的较晚，2点多了，可能他们等3点收工。我们还吃着，服务员就在整理隔离台布，说了一次，这个走了，一会儿那个又过来整。这也算是5星？