夏宮

营业中

休息中

今日8個人來呢度飲茶，叫左：冷盆：豬耳、海哲頭–細細碟，幾好食；點心：燒賣、菠菜餃、牛肉、臘腸卷、椒鹽百花釀豆卜、蛋撻仔–以燒賣同菠菜餃最好食，牛肉同蛋撻仔好細粒；荷葉飯、海鮮伊麵：好食整體d食物都好好食，服務又好，但冷氣唔係好夠，有d熱。雖然今餐有人請，以飲茶來計價錢都貴，而且我地食得好保守（唔好意思叫太多野食），叫做試過就算lu。今餐用匯豐Premier信用咭埋單有75折，平均每位$160。

早前聽KC兄說，這裏的點心幾好食，辣椒女生日當然要食好一點，所以便來試試。我們叫了碧綠鮮蝦餃、豉油皇煎蝦米腸粉、上湯煎粉果、香煎蘿蔔糕、菠蘿叉燒包和椒鹽百花釀豆卜。碧綠鮮蝦餃- 外皮因加了菜粒，所以綠綠色，感覺幾特別；內裏的蝦肉彈牙鮮甜，很好味。豉油皇煎蝦米腸粉- 一來就看到腸粉啡啡食，相信係因為加了豉油一起煎，蝦米唔多，腸粉有點腍口，初初感覺都幾好，但食多一點後，感覺就太鹹了。上湯煎粉果- 外皮煎得好香又脆，加上上湯又是另一種感受。香煎蘿蔔糕- 很香蘿蔔糕味，煎得幾脆，味道也唔錯，可惜沒有蒸的，如有相信會更加好。菠蘿叉燒包- 外皮的菠蘿包，做得很脆又鬆軟；內裏的叉燒肉熱辣辣，味道唔算，但肉質就比較上瘦了點。椒鹽百花釀豆卜- 椒鹽百花炸得好脆，又好味，蝦肉彈牙；豆卜就過份炸得太干身和太硬。這裏的點心唔多選擇，只有二十種選擇；雖然只食了六樣，但相信其它都有一定水準。雖然價錢比較上貴，但食物質數幾高。

例牌唔想比人放血, 所以一如以往, 情人節當天都不會吃西餐. 今年選了夏宮只因有朋友吃過話好吃, 尤其是咕嚕肉, 而我倆亦很喜歡吃咕嚕肉, 所以便選這裏.裝修佈置都很樘煌, 很有氣派, 雖不是燈光暗暗, 不帶點浪漫, 但令人感舒服自在.可能很少情侶選吃中菜, 令當晚也不是太多人客.經過一輪討論後, 點了以下菜式:-前菜: 醉雞–花雕味濃, 酒味入骨, 雞肉充滿酒香但亦不會完全蓋過雞味, 很好吃.湯: 雲吞香菇湯(一位) - 一位已有四粒雲吞, 所以便和女友分來吃. 湯好清不油, 重雞味, 雲吞普普通通, 但沒有肥肉.主菜: 醉蝦(堂煮) (二位) –一位有四隻中蝦, 雖然合共得八隻蝦, 但侍應小姐一點也不馬虎, 倒了整整一瓶花雕去灌醉那八隻蝦. 等了一等, 蝦動也不動時, 侍應小姐便一隻隻放進熱煱裏煮熟上碟. 中蝦新鮮, 肉爽脆, 鲜甜無比亦帶着陣陣花雕味, 尤其是蝦頭, 又有花雕味又有蝦膏的甘香, 真是好好味, 雖然看著牠們醉死有點不忍, 但不能不吃.咕嚕肉–真係好好食, 原本以為的咕嚕肉唔肥唔好味, 點知這裏的咕嚕肉嚿嚿唔肥但係都好好味, 的肉應該是先炸了炸, 因的肉咬落脆脆地,

外國同事到訪, 老闆請佢黎食午飯, 帶挈我地有餐好野食! hehe!點心選擇唔多, 叫左幾款較大路o既, 每款都有幾高水準,其中脆皮蘿蔔糕外皮好脆,裡面餡料仲有汁,超正! 另外蝦餃同燒賣o既蝦肉都好彈牙,好味!不過黃橋燒餅就略嫌油左少少.仲叫左幾個小菜,最好味o既就係露筍炒大蝦, 露筍又甜又爽,大蝦又係超彈牙!主食要左一個炒飯, 不過上桌時已經凍左, 而且濕左d, 唔係好好食.最後梗係唔少得甜品啦! 紅豆糕甜度適中, 椰汁味唔重, 好味! 外國同事就好欣賞個炸馬蹄條, 無食到, 所以俾唔到意見!老闆有hsbc白金咭, 所以有20% off, 而且仲送左兩枝wine, 計落每人消費先至$200左右(當然係公司數啦!), 以咁o既環境加食物質素黎講, 好抵!

總廚李師傅親力親為.好難得,所以水準好穩定炒帶子鮮奶好滑,用來墊底o既薄脆都好味另外有個炒陳村粉亦好味至於依家週街都有o既楊枝甘露其實係由李師傅始創o架,食過呢度o既就知同出面D 大有分別

No doubt that the Summer Palace in the Island Shangri-La is the right place to go when you are inviting some friends. This has been my choice for a couple of occasions. Nevertheless, you pay what you get.

招呼親切，經理態度誠懇有禮，無微不至，賓至如歸 食品選擇多，價錢公道 裝修古雅，氣氛熱鬧 神李入三十年，經驗豐富，實至名歸