壽司郎 (已結業)

最近佐敦開左一間日本過江龍餐廳，人氣鼎盛，WALK-IN等位分分鐘要等2個鐘😨。唔想企係門口呆等，都可以用餐廳個APP預約(兩個月內既時間)或者拎飛。不過禁過既朋友都知，預約期長時間都係FULL BOOKING😖，收工及放假日子真係一位難求…..但係皇天不負有心人，居然比我BOOK到中秋夜7點鐘呢個黃金時段!! 😎晚上6點半黎到佐敦，未見彌敦坊門口有人龍，以為時間尚早，但原來係壽司郎入面已經有一堆顧客係度😯。見到咁爆場既情況下，心諗餐廳應該無可能可以準時安排入座，但居然7點正安排我地就座，日本果然非常重視時間。😏餐廳除左有迴轉壽司外，客人亦可用IPAD落單，所點既食物會由上面另一條輸送帶送達，但由於輸送速度好快，壽司上既魚子或海膽會因撞擊而散到一碟都係😣😥，呢個位置需要改善下。我同朋友兩個人，共點左18碟。黑碟$27共四碟，分別有同朋友每人一碟既大吞拿魚腩壽司(每碟一件)自從係日本築地食過之後，一直念念不忘。雖然呢度既大拖羅不及築地既肥美，但色澤新鮮、好有油香、入口即溶，切得都算厚身，$27呢個價錢食得過。炸蝦卷(每碟三件)前後點左兩碟。炸蝦新鮮炸出黎，而且好有蝦味，入口果陣依然脆卜卜

香港人特式，有新野要去試試試！聽說由日本遠道而來，就去試試，都知實好多人，我們大慨4點去取票，估計要等2小時，最終我們等了4小時 最終知道原來可網上取票，感覺已太遲.......店內格局就像去了日本，全自動！落單自動！食物送到自動！味道一流呀！材料也新鮮！價錢更非常合理！值得再試！

對我來說壽司郎在日本簡直是恩物！100日元就食到赤蝦，每次都同家人食起碼5件，過江龍黎香港，點都要試下。App開啟無耐已經滿額無得預約，我無放棄繼續耐不耐就開app黎睇下，點知有一晚見到勁多日子可訂，即刻訂個2人位同老公嘆下啦。當晚7:45到，由出電梯到入座都排滿等候的食客，心想幸好有預約，而且好對唔住咁講，有少少少少優越感，呢種感覺係黎自我老公，因為見到我老公好驚訝可以越過咁多人直入，好讚許我既表情，我的確飄飄然了😂😂好～入正題！比起日本，香港店多了這個牌，用黎帶你入座同埋最後埋單拿去收銀台用，幾有心思。任飲區有汽水、花茶果茶、咖啡等，不過成餐飯都無見人有飲。先黎店內期間限定，海膽分量多，但不算好鮮，中規中矩。再來香港店必食之選$17的吞拿魚壽司，油脂色澤中上，稍稍有筋，不錯。但呢一款三味我期間限定就真係唔係咁掂，刺身色澤暗啞，赤貝唔算好新鮮爽口。三文魚壽司更是劣質，薄到爭鮮都好過佢。我留意返餐牌，有分$12三文魚壽司，即圖中呢款之外仲有$17厚切三文魚壽司。我叫過黎食，頂！厚切先係外面正常既厚度，取巧！我點了兩款熱食，可以好肯定說：熱食好難食！其實日式店家好細心，一碗湯拉麵會在設計

登。登。登。登！🤤終於食到壽司郎啦！早一個月前用app訂枱。book左閒日12:30。入門口已經人山人海，walk-in 真最好食少少野打底先。。app訂枱會有個編號，去到用番個編號登記，等嗌位入座就得。兩個人坐吧枱岩岩好～因爲第一次黎，店員帶位後會先簡單講解餐具擺位，iPad 點餐，用餐時間60分鐘。。我地用iPad 篤左少少壽司，係迴轉帶又拎左少少。至於小食、拉麵同甜品就要iPad 篤。呢個係帆立貝忌廉餅，忌廉餡有帆立貝味，好creamy細細碗茶碗蒸裡面有帆立貝、蝦、冬菇、雞肉各一粒。超級足料丫！雞蛋滑嘟嘟海膽又幾新鮮～叫左兩件同朋友一人一件🤤🦐蝦 蝦 蝦！甜蝦、熟蝦、赤蝦一碟三件！赤蝦大隻鮮味之後我地無點拉麵揀多一兩款壽司試試🍣🍣✨炸蝦牛油果卷 槍烏賊🦑。。普普通通一試無妨南瓜天婦羅，一份四件。南瓜甜甜地，脆卜卜好味。限時60分鐘過得真快，兩個人食左15碟，埋單二百幾（有加一）。唔算好平不過質素唔錯值得一讚坐位設計。二人吧枱有塊板間住傾計唔洗就住就住

繼台灣丶韓國之後，終於殺到黎香港，之前喺日本成日食，可以用抵食夾大件嚟形容，今次即管試吓香港一號店今次2個人食都可以坐卡位，日本公司係唔同啲，首先服務人員好用心解釋壽司郎規則，即刻係平板電腦點壽司，選擇真係好多，過幾分鐘就已經開始陸續送達首先叫咗海膽壽司，呢度唔似出面嗰啲一碟2件，反而將所有海膽放喺同一件飯上面，一啖食落去，非常滿足食得出啲海洋嘅鮮味，味道又唔似加拿大進口，唔通真係日本嚟嘅？以咁嘅價錢食到咁嘅質素，只可以講係必食推介跟住試吓中拖羅，又係好肥美，有冇搞錯，咁嘅價錢，食到係日本海嘅吞拿魚？我諗元氣丶爭鮮，可以摺埋件烤帆立貝，應該係北海道產，一個字「鮮」再試下極上海鰻丶原條海鰻，非常高質食過咁多次壽司郎，第一次見到有蓋應該係迎合香港衛生標準最後試個甜品，賣相都算幾吸引，食落好重抺茶味，但係嗰卷蛋表面比較硬，似係唔係好新鮮香港店可能係新開關係，反而好食過日本分店希望壽司郎，可以喺香港發揚光大，令到香港人知道什麼叫壽司🍣

壽司郎🍣] 其實聽人講話要排好耐都冇諗過我同大肥肥👦🏻會食到。我地walk-in去，11:30am一拎張飛前面有100個人都心知不妙🤧所以行咗去附近嘅商場食咖央多飲奶茶，點知食完就到咗我哋嘅number🙈其實都係等咗半個鐘，所以食住其他野先都得😏。我地點咗20碟🤧不過我就唔介紹晒啦，大家自己去試啦，吞拿魚腩係大推！1️⃣特選中呑拿魚腩握壽司🍣 $17其實我覺得呢個仲好食過大呑拿魚腩。佢嘅魚脂香味一路留在口腔中，回味無窮，非常肥美，而且性價比極高！🙆🏻‍♀️好味指數: 8.12/10 2️⃣特選大呑拿魚腩握壽司🍣 $27大呑拿魚腩好肥美，但係魚油香味較中呑拿魚腩淡，不過都值得一試。🙆🏻‍♀️好味指數: 8/10 3️⃣蔥花吞拿魚軍艦 $12食落去啖啖肉，加上蔥花同埋外層脆口嘅紫菜，食到索索聲，大滿足！🙆🏻‍♀️好味指數: 8.09/10 4️⃣三文魚子軍艦 $12三文魚子多得滿瀉，爆漿果下嘅感覺好爽，充滿海水味，咬落去鹹甜交加，配上青瓜🥒更加清新🤤🙆🏻‍♀️好味指數: 7.22/10 5️⃣日本產帆立貝握壽司🍣 $17大大粒帆立貝超高質，肥美鮮甜嘅感覺環繞着口腔，食落去會覺得好幸福。🙆🏻‍♀️好味指數: 8/10 6️⃣

在脫胎自工廠生產線的輪迴轉動壽司帶上，嬌豔的壽司宛如小白船，列隊在小河飄逸。旗艦標示壽司名稱，芥辣穿插其中，如曲水流膓。「支流」的「江小魚」敏捷地隨食客的訂單泉湧，每次以四碟為限。如不快撈，魚兒會跳入妳的胸懷。壽司飯團比尋常的明顯纖細，不礙胃納，軟糯醋芬，深得玉人的心意，不枉費我為她輪侯一小時的代價。我一貫認為很多壽司的飯團過大，有滿口子「一舊飯」的感受，以大型超市的為甚。外賣的壽司小店的壽司則多是過份「迷你」，「奀仔」鮮味大縮，無口感可言。此新店的壽司飯團如韓男團，瘦削型格。「司郎」如穿白禮服，盛托著刺身小姐。腴魚願托司郎，司郎默默承載著她。魚生完全抱緊司郎，司郎甘於屈居其下，彼此缺一不可，碟圓魚圓。壽司款式多如彩蝶群舞，多穿霓裳羽衣，塗脂抹粉，是青樓楚館？非香港兩大大型壽司食店可比較。我們倆都鍾愛三文魚、蝦和鰻魚。此三類款式特多，很切合不少香港人的喜好。碟分紅銀金黑四款，代表12，17，22，27元四級價位。素顏的紅碟三文魚是庸姿俗粉，絕不可取。厚切三文魚銀裝的「厚切三文魚」則魅力倍增，魚油在口腔爆發，潤舌塗唇，不是廣東式蒸魚和炒片所能比擬。灸燒三文魚腩「灸燒三文魚腩」的脂香爆炸力

之前聽過好多人講呢間壽司郎有幾好食有幾平，依家終於可以食到啦！ 食物確係好新鮮，比起元氣要新鮮，抵食仲有啲很少見到嘅款式!當中有幾款值得推薦：吞拿魚刺身$27/碟，海膽壽司$17/碟，蟹肉蟹膏壽司$17/碟，仲有茶碗蒸$27/碟都好值到食！其他基本上都好好，只係以上呢幾樣我覺得特別出色。其實價錢只分三個$12、$17、$27。不過可能啱啱開業，人山人海，週日要預早至少兩個鍾攞飛，我兩人8號過去，18:30已經截左攞飛，大家可以參考下啦！

今日襯自己放假，去試近期熱門新店壽司郎。當日約5pm到達，估唔到平日都咁多日等位，由於app上好多人試過攞唔到位，所以我決定親自去拎位，結果等了約40分鐘才可入座。😢餐廳有規定限時食60分鐘，若叫號超過30分鐘就會失效，要人齊才可以入座，非常嚴格的規定，但當你見到周圍排隊的人盛況，你會明白和體諒他們的規定。壽司種類唔算太多，各類型都有一些款式，價錢親民。由於價錢平，所以唔好有期望壽司上的刺身係厚切，有些甚至係超薄，但質量和味道唔錯，除了帆立貝有些“腥”外，其他味道都合格。以咁的價錢和質素，我覺得可以接受。但若果平日食飯時段要等超過一小時以上，卻只可以食一小時，我覺得唔值。題外話：每次食滿$80可以儲印花一個，每次只可以儲一個印花，儲夠一定數量印花可以換餐廳的特別公仔。

真係第三次先食到首先拎飛要預左等兩個鐘咁嗰兩個鐘應該唔會有人企定定等一等去行下但冇電話app又冇顯示叫到幾多號完全係靠直覺！！！！！！呢個位真係要改善不過佢服務真係好店員主動問我要唔要bb櫈Bb用餐具等仲提供好多資料雖然冇傳說中跪喺度但其實咁樣已經夠食物抵食係賣點另外算多款烏冬好味壽司新鮮個$27拖羅必食另外千層蛋糕好抵食

High  quality  sushi  in  HK,  I would  say  value  for  money  with  superior  standard, to sum up we can copy and produce high quality food but staff manners and attitude still miles away from Japan, in fact the most rude staff is the man in check out when paying bill. Pros 1) fresh  2) many choice3) taste good4) value for moneyCons 1) staff  not  so  friendly  especially  check  out  staff2) App  is  no  use  as  can’t  register  points  or book  table  due  to  system  overload.  3) Waiting 

人少去食嘢，沒法一次試多幾款，唯有有空再次排隊再吃多幾款。今次差不多中午12時多來取籌，好彩約20分鐘便有位了。這店全都是固定2人位或4人的卡位，如你一人來，排到了也一樣不會搭位的。今次坐卡位呢！今天有很多推介產品：天然貝類三味$17，一次試齊赤貝、白鳥貝、北寄貝，赤貝有些腥味，其他ok。炸帆立貝忌廉餅$16，以為內有帆立貝粒，但只有少量帆立貝絲，只吃到糊糊的忌廉醬，麻麻地。銀魚仔蛋黃醬油海苔包$17，將紫菜卷起一啖放入口，咬到卜卜脆的口感，蛋黃醬油的味道並不突出，吃不到腥味。海膽海苔包$17，海膽吃到海水味和海膽的獨特鮮甜味。蜆肉麵豉湯$17，需另點送到，為保清㓗衞生和保溫，密封湯碗直送麵豉湯色深飲落的不太濃鹹。蜆肉無沙。炸蝦天婦羅拼盤$27，炸蝦很細隻的，炸皮畧厚，試過便算了。亦有$17 無限暢飲區

在香港新開張的迴轉壽司店，主要以價錢相宜，食物質素有保證吸引食客。店內的各種迴轉壽司價錢分為三種，$12，$17，$22一碟。每碟壽司都由壽司師傅即場握的，食客可從玻璃窗看廚房內師傅的工作環境。而壽司的選擇都包括不少香港人普遍吃的壽司。

Sushiro 有手機訂坐位，但要提早一個多月前book 定，由於心急想試下，所以決定現場排隊。中午十二時前去到拿票，要等到二時才可以入坐，好在對面有間百貨公司減價，可以走過去消磨一下等位的時間。壽司的價格很便宜，12蚊有三文魚丶呑拿魚等壽司，17蚊有海膽，二十多元的帶子很大粒，整體食物質素不差，新鮮好味。汔水是自助的，有橙味的可樂和雪碧。希望Sushiro 快D在香港開多幾間分店，等位的時間也可以縮短一些。

是咁的...上星期已經預約定今天去食呢間店，本人已經係台灣食過一次，今日就諗住試下香港既質數如何。我一早用手機app預約，到預約時間就已經可以即時入座，限時60分鐘。每當有壽司送到或60分鐘後需要你結帳都會有部pad提示你店員既服務態度值得一讚，好有禮貌同笑容咁解釋落單程序。環境衛生感覺都比較光猛，餐具用碟都乾淨，座位都算闊落，坐得舒服。食物方面都有驚有喜亦有多款醬油可供選擇首輪，點了一碟忛立貝，北寄貝，三文魚壽司，已經留下一個深刻既印象，有心臟病或怕魚腥味既朋友最好吾好亂試二輪，主攻了一些普通壽司，火炙壽司，天婦羅壽司，火炙壽司一般，係天婦羅停油時間不足，食落口比較多油。最後一輪終於有喜了食左一個茶蒸蛋和炸忛立貝忌廉餅茶蒸蛋比較足料，有多款海鮮，味道正常，有雞蛋香味忛立貝忌廉餅真係幾好味但我食哂食粒都吾知忛立貝去左邊我覺得食物質素只屬於一般般，軍艦紫菜已經淋哂，壽司飯好多時有痴碟程況和比較易散，天婦羅都比較多油。但環境同員工既態度真係為店舖增添色彩，整體感覺係舒服既一餐