壽司安

营业中

休息中

行行下葵涌廣場好想食海膽手卷，知道新開左一條美食街，即刻走去試新野食，就見到呢間新開嘅壽司舖。見到佢＄29一件海膽手卷，好平，即刻買左！多人排隊，有人食壽司飯等等，但師傅都好快手整起。👍🏻咁平以為佢會偷工減料，點知佢真係俾足半板海膽，馬糞海膽好新鮮，夠凍，色澤鮮黃，好鮮的海膽味，無怪味，好似食緊海膽雪糕杯咁，超滿足！剛剛想回購再食，已經賣光了！

應該係新開張，有半板海膽手卷30蚊嘅優惠。海膽手卷個樣係幾吸引，用料足，舖滿成個手卷面，仲夾雜幾條青瓜絲。紫菜都算幾脆，飯都係粒粒分明嘅，可惜海膽有怪味，唔鮮甜。不過只賣30蚊有半板海膽又冇得要求咁多嘅，只可以話要食靚/起碼有甜味嘅海膽一定唔好貪平。見有其他刺身丼飯好似幾抵食，下次唔食海膽可以試下。

平時好少行葵芳廣場 但今次一行就發現有好東西 嘿嘿 是一間新開的壽司店 睇相覺得食材都幾新鮮 而且價錢也算合理/平民 所以一試 半板馬糞海膽手卷 師傅一端出來已經😍😍 食材真的好新鮮而且足料 海膽好香好鮮甜😍😋👍🏽而且壽司飯粒是暖的 不過稍嫌飯有種酸味😛紫菜都脆丫 真係那叫即整的 好豐富的手卷 整體來說 好吸引又好好味 會有下次再光臨的機會 下次要試下其他😁😁價錢為$40(推廣價) 可以接受 因為真係平靚正。

噚晚去葵芳睇演出，行經葵涌廣場，有間新開嘅手卷店🍣貪新鮮嘅我當然唔會放過試新嘢嘅機會。雖然選擇唔算太多，但勝在價錢合理，最終㨂左45蚊（加3蚊仲可以加大）嘅迷你北海丼🍱，貪佢裏面樣樣都有我中意食嘅，不過可惜我最愛嘅海膽售罄，老闆就轉在赤蝦比我。迷你丼一D唔迷你，玉子、帶子、甜蝦都好鮮甜好味，哇最令我驚喜嘅係赤蝦同飯，赤蝦肉質新鮮非常鮮甜，而飯裏面加咗D醋，唔會太酸，味道同黏度適中食緊丼之際，突然聽到海膽返貨，因為佢地賣半板海膽手卷都只不過係40蚊（40蚊喎）心有不甘，一於試試，果然選擇無錯，海膽份量十足，雖然只係馬糞海膽，但鮮甜無比，齒頰留香，同埋值得贊贊嘅係，紫菜依然保持新鮮脆脆，並未因為飯嘅溫度而影響總括嚟講值得推薦好想再去食嘅食店不過希望老闆考慮下，遲D再推出更多款式啦

葵芳舖位裝修, 有新食肆進註, 壽司控唔放過試新野!不過現實與理想, FACEBOOK D相好靚仔, 但坐落上台既時候, 真心有D失望雖然標榜平價(廿幾蚊就有碗丼), 但真係無咩驚喜,午餐時段就算免費加大飯量, 但真係無咩驚喜 午市外仲要俾HKD3先有加大?! 計落都要卅蚊先落樓, 呢個份量呢個價錢, 其實仲有好多選擇希望小店盡快建立優勝之處, 以吸引更多食客惠顧, 加油! 三文魚反卷, 普通, 味道唔特出, 加左D好小氣既青瓜, 食落感覺有少少清脆口感辣味三文魚碎太多油, 切件三文魚食落無咩味, 飯乾同硬, 醋味重,  免費加左飯都無咩驚喜, 整體感覺唔良好角切雜錦魚生丼, 飯重醋味, 芥末豉油無芥末味, 魚量少

葵芳行街見到有間壽司店新開,門口都有5,6個人排緊隊..店舖主要外賣為主, 只有數張枱凳,一個人就方便係到食完先走...餐牌有手卷有飯,見個價錢又唔算貴, 細碗 $25~29, 大碗就 $45,問左職員先知細碗 $25得2塊三文魚,細碗 $29 就有4塊三文魚..我就叫左個 $29蚊既三文魚蟹子飯,4塊適中既三文魚, 望落都新鮮,顏色唔會好淡或太深, 旁邊有大量蟹子,配菜就有2塊酸蘿蔔, 飯既份量唔算多..吃落口都覺得唔錯, D飯唔會有好大陣醋味,三文魚都算新鮮, 唔會雪到好凍, 如果三文魚再厚D長D就好啦~蟹子份量多到吃完飯都仲剩低...不過細碗既份量真係太細, 吃完我係唔覺得飽,如果當正餐就要叫大碗, 小食就細碗就夠啦, 滿足