壽司安

营业中

休息中

見葵涌廣場開咗咁多小食店😍，就特登係元朗黎到呢度覓食，一見到呢間舖就比$30半板海膽手卷吸引左😍😍😍，即刻買黎試下，可能因為即叫即整，等候既時間都相對較長。🙊海膽手卷尚算新鮮，咁既價錢有咁多海膽，其實都算唔差，最可惜係食晒面頭既海膽之後，手卷入面就得返啲飯，有啲寡，同埋，紫菜唔夠脆，比較難咬，不過整體黎講都幾值得食。👍🏻原隻軟殼蟹手卷比較普通，份量雖然大但軟殼蟹唔夠脆，可能是因為不夠新鮮，以及吃到中段才發現不是原隻軟殼蟹😂，有少少失望！

本想試半板海膽卷，點知佢話賣晒，只有加拿大馬糞海膽卷（貴啲），以及雙拼卷，即海膽拼凡立貝或赤蝦。只好試了海膽拼凡立貝（貴過半板海膽$10），好難食 早知試排長龍的大滿足。

海膽手卷$30 以30蚊大大件大大堆，有成半板既海膽，質素唔算太差 ，都幾creamy，但亦唔可以話好新鮮好甜 。 但30蚊可以填補我對海膽渴求， 我比！朋友說每次黎到都大排長龍！ 今次我一開門就黎✌🏻️ 等左5分鐘就可以食😻

最近見到好多PO都推依間店既海膽手卷當我去到店門口的確好多人都站吃緊除左手卷 都有多款刺身丼飯供選擇所以決定試下丼飯係咪一樣咁吸引北海丼:甜蝦、玉子、海膽、三文魚、帶子配底層壽司飯整個份量一D都唔少 非常足料將海膽撈壽司飯加埋醬油 wasabi拌住食鮮甜海膽沾上每一粒飯 好好味其他配料一樣鮮甜美味 真係大碗又抵食👍🏼

上網見到葵涌廣場開咗新既日式料理店，主力推介半板馬糞海膽手卷，睇見到都心郁郁就走去試下黎到當然係試佢既半板海膽手卷啦～～手卷係即叫即整，平日既夜晚人唔算多，所以唔洗等好耐就有得食手卷真係有半板海膽同介紹既一模一樣，唔係“圖片只供參考”海膽新鮮且鮮甜，而且色澤好靚值得一提既係手卷上既紫菜非常脆口，令到手卷味道層次提升唯一不足既係海膽食晒之後手卷得返柴菜同壽司飯略嫌有點dry，如可於手卷內加少少材料就更好啦

最近葵涌廣場開左幾間新外賣手卷店，興起一股邊行邊食手卷潮，講到抵食，梗係一定必試嘅半板海膽手卷啦，店在二樓扶手電梯附近一條巷仔內，走廊堆滿了人，皆是等待買手卷的，人龍大約十幾人，幸好點完付錢後等了五分鐘手卷已經整好喇。嘩，手卷上堆滿了一排排的海膽，望落鮮色，食落口好新鮮，海膽味濃，而且塊紫菜脆，$29一個，難怪排晒人龍

之前雜誌有介紹過葵涌廣場賣既海膽手卷，行開街黎到依個商場，當然唔可以錯過一試這個手卷既機會~ 行行下終於見到想食既海膽手卷，就叫左一個半板馬糞海膽手卷黎試~ 等左大約5分鐘，終於可以見佢既真面目啦~ 海膽分量適中，睇落去唔會覺得少得可憐，味道冇苦味，但又食唔到佢既鮮味，總括黎講味道唔算太差，可以一試~ 由於全程都睇唔到佢既製作過程，所以唔肯定佢既衛生程度係未乾淨~

嘩嘩嘩！海膽滿瀉喇❗️世界各地海膽控大召集😍超足料海膽手卷攻陷葵芳！👊🏻半板馬糞海膽手卷 🍣 ($30)嘩！真係俾足半板海膽！😳成個頂層都鋪滿哂海膽BB🤑真係無偷工減料喎👏🏻👏🏻👏🏻夠哂吸睛！性價比100%！💯海膽BB色澤呈金黃色☺️食落口感軟綿綿～👄質感水潤亮澤🌟入口微微回甘無腥苦味👏🏻好有驚喜呀！😛😛😛一路濕平💃🏻一路嘆海膽😛好似食緊海膽雪糕筒咁🍦感覺好爽YY呀！👻食完一個真係會唔夠喉架🙊好想食過番尋味添～😂

『壽司安日式料理』是葵涌廣場一間開業不久的平民小食店，專賣特色手卷和魚生飯。今次試吃了大人氣的「半板海膽手卷」，只需$30，就有滿滿的海膽鋪在手卷上，雖然是即叫即弄，但紫菜拿上手已有點軟。不過勝在海膽夠新鮮，且帶有鮮甜味，滿口海膽的口感實在非常辛福，如果手卷內也包一點海膽就更好，因為吃到一半只剩下紫菜和飯……不過以這樣的價錢來說，這個海膽手卷實在不俗呢！------------------------------By alvahana (ig: alvahana)

到葵廣梗係要試下掃街啦！成個葵廣都係野食，今次去左好多人都會去食既「半板馬糞海膽手卷$30」，排左一陣隊，由於都好多人去買，所以都等左一陣先食到！有日式豉油同芥辣自行添加，但唔建議添加太多，怕會搶走海膽的鮮味。海膽份量超多，整個手卷的頂部蓋滿，食落都好鮮好好味，顏色呈橙黃色，質地好軟綿！值得再去食！

呢間鋪仔開左無幾耐 葵廣好似愈做愈旺今日有事出葵芳 難得入到黎就試下新野(其實都唔係第一次食)門口一眼睇晒 無咩位坐要坐只有格離啲吉鋪 有好心人放左小量枱椅 我就買左一個海膽手卷份量OK多 一口咬落去好充實海膽味道唔錯 但無濃郁嘅海膽味味道比較淡唯一問題係壽司飯比較暖 好似食緊飯咁

今日行過未食飯，見到葵廣開左一堆新小食舖，其中一間就係壽司安鍾意食海膽嘅男朋友好堅持要食個海膽手卷，於是我地就一人一個海膽手卷呢個就係海膽手卷佢包得好穩陣，唔會跌野落黎海膽味道好淡，飯嘅味道有淡淡嘅日本醋味，唔會濃到酸又唔會淡到冇味

係放工後當然要搵好野食黎獎勵下自己 咁今次搵食既對象就座落係葵涌商場 依加真係多野食到不得了 今次就試住呢間叫壽司安既先 下次先試其他野 咁其實行到附近就已經會見到d牌就咁睇落個圖同價錢係幾吸引既但由於本人仲要番屋企吃飯 於是決定淺嘗一個辣味三文魚手卷以只係賣8蚊既份量黎講係非常足料既咁食落其實就吾係話真係辣既 係香香地咁 同埋佢有少少芝麻係面 聞落係好香 佢成個手卷係即整果下好 紫菜係脆口同d飯仲係暖既總結 呢間係食得過 下次可以試下佢d魚生飯

昨天經過葵涌廣場2樓，看見附近翻新完畢，開了很多細細間的"立食"食肆，其中兩間壽司店新張期內，半板馬糞海膽手卷只賣$29元。剛好明天放假，一於中午來試試，應該不用排長龍!今次先試規模較細間的壽司安，落單後等了5分鐘,就可以取手卷。海膽新鮮份量足，手卷上舖滿海膽。色澤水潤，呈橙黃、金黃色。買的時候心想不要抱有太大期望，結果出來倒真令人驚喜!海膽入口creamy帶微微回甘。質地軟綿綿，沒有怪味，但不夠鮮甜。壽司飯味道一般，份量正常。紫菜應該是即叫即包的，但到我手時已經不是脆身。整體來說$30 有半板新鮮海膽吃已經很高興!! 

我就好鍾意食日本嘢嘅 咁有一日啦。 我就行經葵芳嘅葵涌廣場呀 咁就見到一間新開嘅 壽司舖 。間嘢就叫做壽司安，咁我就行埋去一心睇下有咩好食呀??咁我就去試咗呢個三文魚腩手卷，海膽手卷同吞拿魚蓉海膽丼，(自問我對食日本野好有要求)我一試g下 ， 三個字形容，無得輸。因為佢d三文魚真係好有魚味而且新鮮，同出面唔同，d海膽無益味，丼飯又足料。大家快d去試下。(聽閒依加成日排隊，好多人食)