壹號車仔麵 (已結業)

我哋六點左右坐低之後，好多街坊都嚟幫襯🤣有啲係買啲小食返屋企，有啲坐低一個人自己食車仔麵，亦都有班後生仔！同好多外賣單🤣🤣個店主都無停手👍🏼餐牌價錢唔算貴，38蚊已經有3個餸😍雞翼，滷水雞蛋，手工鮮蝦雲吞烏冬(+$3)我再加咗沙嗲汁，好香！食落啖啖都有沙嗲味👍🏼其中滷水雞蛋係必叫！！入面係糖心㗎❤️而且好夠味，我覺得可以食多隻添呀！好高質！雞翼亦好入味，唔會浸到淋哂🫶🏻鮮蝦雲吞就食得出係手工做嘅，唔重味精味👍🏼健康！牛腩，魚腐，手工韭菜鮮蝦雲吞幼麵 今次里碗就加香辣汁，都幾辣🙈鐘意辣嘅人可以試下！牛腩唔算好大舊，預你一口一啖，但好入味好淋，好食😚魚腐係新鮮煮起，唔會淋哂！香辣陳皮魚蛋 $10/8粒陳皮魚蛋真係好好食😋好有咬口！叫咗香辣味，原來就係加車仔麵個個香辣汁！！腐乳通菜 $15性價比高！咁嘅價錢有一大碗通菜，仲要好多腐乳！正呀！！

壹號車仔麵位於新港城旁富輝花園商場地下，扶手電梯一落就會見到一間黃色招牌嘅車仔麵小店，依家仲做緊仲夏大割引，三餸車仔麵只係$38 街坊價🤩我叫咗兩個三餸車仔麵同一個小食都係一百出頭，超抵食😌仲有超過20款餸可以揀，當中有幾款仲有手工自製餸記梗係要揀啦。小妹就揀咗三款手工餸-鯪魚球、鮮蝦雲吞同鯪魚餅，鯪魚球乒乓球size 夠大粒又彈牙有口感唔會腥👍🏻大推🤩反而鯪魚餅就略嫌太薄但煎得香脆可口都唔錯，其他配料就揀咗一口牛腩、玻璃魷魚🦑同魚腐就發揮正常。另外必點嘅係生炸椒鹽魷魚鬚，一路番屋企已經一路聞到椒鹽香味流哂口水，番到屋企仲有少少脆度真係食唔停口😋😋

見咁多好評就試下，點知激伏已加腩汁 但成碗野除咗腥味 乜味都無 幼麵同玻璃魷魚都腥得好交關，滷水雞翼 無滷水味得濃烈雪藏味，蘿蔔唔入味都算 就連基本甜味都冇。車仔麵今時今日可以做到難食到咁 難度都好高，腥到完全食唔到。不可一 不可再

今日去馬鞍山搵朋友，順便去左食呢間車仔麵小店。見佢價錢又幾抵食3餸車仔麵：一口牛腩，台灣黑椒脆皮腸，滷水雞翼，配出前一丁公仔麵，腩汁湯底牛腩係好香滑，一點都唔會韌，又重牛味，同腩汁湯底又幾夾，唔錯。台灣黑椒脆皮腸好大條好彈牙，有d黑椒又有少少甜甜地幾好食。滷水雞翼都幾重滷水味同滑，都不錯。4餸車仔麵：手功鮮蝦韮菜雲吞，牛柏葉，牛丸，豆卜配烏冬，汁選左麻辣汁同沙嗲汁兩溝，兩隻汁加埋又真係幾好食。雲吞幾足料，皮又滑，舉柏葉又幾爽口，牛丸幾彈牙同有牛味，再加埋豆卜索哂d味又幾正。生炸椒鹽魷魚鬚（$45）：炸得超級脆口！椒鹽味又夠重非常好食！腐乳炒通菜（$15）：腐乳味好夠，好入味，都幾好食。台式牛展（$38）：牛展好淋肉味又好夠，真係幾好食。

入去馬鞍山行街上網搵吓周邊有冇得食搵到係近馬鞍山中心側邊屋苑除了車仔麵仲有其他懷舊小食👍🏻仲有特別推出"仲夏大割引"全日三餸一麵外有輕食麵款(一餸一麵)有香茅豬扒選擇𠻹👍🏻可追加飲品$6~$10(特飲)三餸一麵全日都係$38 👍🏻汁類有五款選擇👉🏻三餸一麵(鮑汁鳳爪+蠔皇冬菇+豬紅)河粉+香辣汁🌶三餸好入味河粉好幼好滑身👍🏻👉🏻三餸一麵(牛腩+蘿蔔+手功鮮蝦雲吞)👍🏻牛腩肥瘦均勻蘿蔔無根雲吞好有蝦味👉🏻懷舊小食"生炸椒鹽魷魚鬚"👍🏻😋脆醬好薄身唔油膩真係好好味😋😋😋👉🏻懷舊小食"碗仔翅"👍🏻仲有魚肉生菜或者三溝都有👉🏻小食"酸齋"味道正常只係凍咗d 有代改善👉🏻小食"腐乳通菜"仲有另外選擇腩汁👉🏻特飲"鹹檸七"👍🏻用不鏽鋼冰杯

呢一晚睇完戲之後，我哋嚟到壹號車仔麵食晚餐😊 車仔麵絕對係一個快靚正嘅小食，同埋好多選擇，自由配搭，係我哋喜愛嘅港式快餐落單之後好快嚟到喇！😊😊油麵份量都好多，牛腩湯底同油麵好夾😊魚肉餅煎得好香，有彈性，我估唔到咁大塊，有住家餸嘅感覺😊蘿蔔香甜，夠林😊滷水糖心蛋超級好味！我平時都好鍾意食糖心蛋😊 加埋充滿鹹香及滷水香料香味，唔錯😊另外一碗本來想要河粉但賣晒，我哋轉左米線。米線麵質都不錯，都夠爽滑😊牛腩夠林夠入味😊雲吞都足料😊仲有加我哋平時好少食車仔麵時候食嘅司華力腸😊另外我哋叫咗一碟腐乳通菜，味道也不錯，腐乳夠多最後，我哋嗌咗一個脆炸魚肉餅煎得好香，有彈性，我估唔到咁大塊，有住家餸嘅感覺😊蒜香雞翼小食😊 雞翼外皮都好香脆，蒜香味夠，裏面嘅雞肉都好滑，值得推介！另外，飲品方面我哋叫咗一支雪梨海底椰，一支竹蔗茅根😊 食完車仔麵之後清一清，都幾好😊

今日三號風球，我和朋友突然想食車仔麵，就來到附近的壹號車仔麵試試看，支持下小店😀店舖裝修簡潔整齊，店員非常有禮貌。 這非一般的車仔麵店，有驚喜，主打多款手工配料：鮮蝦雲吞、韮菜餃，仲有手工鯪魚球，手功煎鯪魚餅，好吸引我們叫了外賣，叫了2個三餸麵和一個小食我叫了手功煎鯪魚餅，陳皮魚蛋🍢，魚腐 選了油麵，香辣汁🌶 香辣汁比想象中正，非常惹味，少少辣，好好味。鯪魚餅超大塊又好食，好彈牙又煎得好香，推薦👍我鍾意嘅陳皮魚蛋有好多粒，好足料魚腐加埋d辣汁湯底，好入味 朋友就叫了手功鯪魚球，滷水溏心蛋🥚，牛栢葉烏冬（+$3），湯底選了沙爹汁🥘 手功鯪魚球真材實料鯪魚爽口彈牙，鯪魚肉鮮甜好味，都幾大粒，抵食 滷水溏心蛋🥚，好入味，唔多車仔麵有得揀溏心蛋 牛栢葉份量都幾多，佢個沙嗲汁實在好食，配大大舊牛栢葉非常夾，大件夾抵食。生炸椒鹽魷魚鬚呢個非常有驚喜，炸得好香脆，啱啱炸好熱辣辣又香，炸粉唔會太厚又帶有椒鹽味，魷魚好味又彈牙，必試。 佢餸同麵嘅份量都幾多，男仔都夠哂飽，大件夾抵食之選，高質車仔麵😀

放工返屋企，個人又熱又攰一於決定唔煮飯，係樓下近近地買野食，之前成日行過依間餐廳都冇食過今日一於試吓你，不過成身臭汗都係叫外賣返屋企食舒服啲🙈先係門口填紙仔揀想食嘅麵、餸、湯汁同飲品，仲可以加其他小食，最後我揀左兩碗麵加一份牛𦟌🍜🍜🥩外賣包裝好好👍麵底同湯汁分隔開，麵身唔會吸晒啲湯搞到脹晒，外賣碗本身夠硬正仲可以循環再用😄餸菜都算足料，個人認為鯪魚球有咬口過鯪魚餅，牛腩爽口，但係雲吞就好似浸得太耐有啲散🥲牛𦟌好軟荏同好夠味，拎嚟送麵一流大大碗好飽肚，仲差啲食唔晒🙈車仔麵真係懶人恩物

食物種類好多，又街坊價錢，完全係放飛自己想食咩就叫。另外座位都有得向窗口唔錯㗎。埋單都係人頭＄100鬆啲，好爽，配細枝養生涼菜類都唔洗加錢咖！ 手功鮮蝦雲吞、豬腸、一口牛腩幼麵配沙嗲汁雲吞皮好薄，餡料都幾多。豬腸厚身、一口牛腩食落好暢快，唔洗慢慢咬嘛！沙嗲汁幾香又唔會點辣，有蒜香味。 手功鮮蝦韮菜雲吞、手功煎鯪魚餅、冬菇烏冬配沙嗲汁韮菜雲吞包得好靚、鯪魚餅超大塊又好食，好彈牙又煎得好香。冬菇又厚又多汁，好食！佢款烏冬都幾好食，唔會重酸醋味。 生炸椒鹽魷魚鬚呢個非常有驚喜，炸得好香脆，粒粒炸粉出黎又夠薄身，魷魚有味又彈牙。 滋味三寶（玻璃魷魚、牛栢葉、豬皮配沙嗲汁）豬皮！！厚身索汁又入味！！！呀媽極欣賞！佢個沙嗲汁實在好食，配爽身嘅玻璃魷魚、大大舊牛栢葉非常夾。 腐乳通菜通菜嫩，份量多，腐乳香。 生菜魚肉碗仔翅生菜魚肉都好多，粉絲又好粗身，似湯羹都幾飽肚唔係講笑。

今晚入咗呢個美食沙漠，發現有間隱世車仔麵店，佢喺一個細商場嘅入面，座位唔太多，但都幾企理嘅😉呢度除咗車仔麵都唔少小食，所以我哋都叫得幾豐富☺️我叫咗手功煎鯪魚餅、蠔皇冬菇同蘿蔔麻辣汁米粉($45)😉個湯好多花椒，飲落都真係幾辣，不過好惹味🤣煎鯪魚餅有一大塊，口感煙韌，鯪魚味濃，仲煎得好香😌冬菇好厚身，蘿蔔亦都一啲都唔苦澀😋另外一碗叫咗手功韮菜餃、魚腐同貢丸清湯米粉 ($45)～呢碗賣相就相對健康🤣不過韮菜餃都非常足料，一咬開爆哂出嚟😗三餸車仔麵會送埋一枝嘢飲，好抵食😌小食方面，梗係唔少得我最鍾意食嘅生菜魚肉碗仔翅 ($30)啦😋我覺得呢個翅濃度適中，食到最後都仲有好多冬菇木耳，口感十足😋魚肉都係好有咬口～係我鍾意嘅口味😗男朋友想食脆炸燒賣 ($10)～炸得好脆，仲要粒粒都比椒鹽包住，好邪惡嘅小食😌流心芝士魚蛋條 ($28)就係我想食嘅😋感覺有啲似獅子狗入面釀咗啲芝士，芝士好多，幾好食～食咗咁多熱氣嘢，叫返個生菜 ($15)中和吓先😗食車仔麵都可以食到咁飽🤣抵食👍🏻

☝🏻🥢【 壹號車仔麵 】🥢☝🏻⋄ —————⧫♟⧫————— ⋄非一般車仔麵店，主打多款手工配料——鮮蝦雲吞、韮菜餃，仲有超大粒嘅手工鯪魚球😍💯⋄┄ ┄ ┄ ┄ ❖ ┄ ┄ ┄ ┄ ⋄在街角的轉角位置，有落地大玻璃窗，非常開揚光猛。店面乾淨企理。▪️◾️壹號車仔麵餐◾️▪️（$45）麵：米粉🍜餸：手工鯪魚球🐟、手工鮮蝦韮菜雲吞🦐、陳皮魚蛋🍢汁：麻辣汁🌶揀左三餸車仔麵，每一款餸都分量十足，超豐富！麻辣汁都唔係講笑，非常濃味，夠惹味。飲：豆漿🥛麵：烏冬（+$3）🥢餸：手工韮菜餃🥟、滷水溏心蛋🥚、生菜🥬汁：沙爹汁🥘飲：豆漿🥛最鍾意嗰粒滷水溏心蛋，流心效果一流。韭菜餃都係店家手工包，滿滿的誠意。🥬生菜魚肉碗仔翅🦈（$30）深啡色的湯頭，又香又濃，仲好足料，啖啖充實。⋄┄ ┄ ┄ ┄ ❖ ┄ ┄ ┄ ┄ ⋄📍地址：馬鞍山鞍誠街28號富輝花園商場地下1號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #h

餐廳係商場入面，轉角位既落地玻璃都好易搵到~韮菜雲吞、芝士腸、貢丸粗麵餐廳有幾款特別啲既蜃吞，依個韮菜雲吞都幾香。沙嗲汁都幾濃整體係味道OK的，餸既入量都幾多，略縑麵既份量會比較少。雞翼、豬腸、雲吞幼麵雞翼索左啲湯汁之後好好味啊! 豬腸都好乾淨而且入味。見到廚師剪既時候都每舊差唔多大細，幾細心。跟麵送既飲品可以揀樽裝飲品或者豆漿揀左豆漿唔會太甜味道都唔會水汪汪~加多左個菜好似係腩汁，下次都想試腩汁麵。

朋友住馬鞍山，喜歡吃車仔麵的我，找來同伴一起吃個夠我們各點了一碗車仔麵再加各式各樣的小食煎香的紅腸外皮脆脆韮菜餃材料豐富，餃內滿滿韮菜和肉牛腩炆得好淋，肉味甚濃。加上餐廳秘製辣汁，少少辣好惹味。另外有飲品跟餐，十分抵食。 點了滷水雞翼，豆卜，酸齋。酸齋酸酸甜甜好開胃我點了這碗雞翼、魚腐、生菜車仔麵。坦白說，雞翼是家庭式的雞翼，幾乎沒有味精！吃過後不會口渴對於我來說，非常重要，因在街外吃到的味精比比皆是雞翼很淋，再encore 一碟！😄 魚肉碗仔翅材料有香濃冬菇，爽口雲耳，粉絲，肉絲再加上魚肉，魚肉是真材實料的，有陣陣魚肉味，不是粉糰。真的是街市買那種鯪魚肉，店家非常大方 最後點了一份魚蛋，魚蛋是用陳皮魚蛋，爽口彈牙，魚味濃郁，配上辣汁，更加美味。

馬鞍山區呢間平民車仔麵價錢抵食，車仔麵店細細間，但係入邊相當企理、非常乾淨！$45有3餸車仔麵仲送飲品！除咗車仔麵仲有好多小食都好吸引！辣陳皮魚蛋$10有八粒，少少香辣。鍾意食陳皮魚蛋有口感！滋味三寶$30/份，有玻璃魷魚、牛栢葉、豬皮，揀咗香辣汁。鍾意食牛柏葉夠爽口，豬皮好入味，魷魚加辣汁少少辣香口。脆炸手功鯪魚球$18/3粒，呢個鯪魚球我覺得一定要叫😍😍😍因為新鮮炸起好好食，外皮脆入邊魚肉又有口感。車仔麵我揀咗沙嗲汁配豬紅、鮮蝦韭菜雲吞、魚片頭米線。個沙嗲汁幾香，如果再多啲就更Perfect！雲吞韭菜夠多，好香！魚片頭爽口。令一碗叫咗豬腸、台灣黑椒脆皮腸、魚腐、韭菜餃粗麵。豬腸好好食😋脆皮腸大大條！都係揀咗沙嗲汁！車仔麵味道真係唔錯！再加返碟腐乳通菜$15！呢一餐真係食到飽飽！

相約老朋友在馬鞍山睇戲，之後大家都想尋回舊日的足跡，學生時代大伙兒一齊放飯都在富輝花園吃午餐，這間店舖已經頂手了😔 。但是新店舖(壹號車仔麵)風格大同小異，而且還有學生優惠，不過我們😏😏,店舖員工講在年頭開業，因疫情生意都非常困難，所以大家抱着支持小店心態。店舖裝簡潔整齊，光猛令人精神。店員非常有禮貌，而且好健談。三餸車仔麵~手功雲吞皮薄饀靚滑嘟嘟，鮮蝦爽口，雲吞有大地魚味一口牛腩細細粒吃得非常方，牛腩軟腍適中無黏牙玻璃魷魚爽口彈牙另一碗三餸車仔麵手功鮮蝦韭菜雲吞皮薄滑嘟嘟，用筷子大力一夾皮薄原因，即時裂開豐富饀料一眼看清"正”手功鯪魚球真材實料鯪魚爽口彈牙，鯪魚肉鮮甜好味皇冬菇入味爽口又腍又多汁😋菜豬紅濃濃醬汁滲入一磚磚軟腍豬紅中，而且無腥味