壹號車仔麵 (已結業)

放工返屋企，個人又熱又攰一於決定唔煮飯，係樓下近近地買野食，之前成日行過依間餐廳都冇食過今日一於試吓你，不過成身臭汗都係叫外賣返屋企食舒服啲🙈先係門口填紙仔揀想食嘅麵、餸、湯汁同飲品，仲可以加其他小食，最後我揀左兩碗麵加一份牛𦟌🍜🍜🥩外賣包裝好好👍麵底同湯汁分隔開，麵身唔會吸晒啲湯搞到脹晒，外賣碗本身夠硬正仲可以循環再用😄餸菜都算足料，個人認為鯪魚球有咬口過鯪魚餅，牛腩爽口，但係雲吞就好似浸得太耐有啲散🥲牛𦟌好軟荏同好夠味，拎嚟送麵一流大大碗好飽肚，仲差啲食唔晒🙈車仔麵真係懶人恩物