壹加一手抓餅專門店 (已結業)

#20230416 🤍📍 壹加一手抓餅專門店 @oneplus1mk 旺角彌敦道688號旺角中心第一座2樓SB07號舖➖➖➖➖➖➖➖➖➖➖➖➖➖➖➖➖➖➖➖➖➖#手抓餅 #紫薯味 #蜂蜜芥末醬 #奶酪洋蔥味 $30 🫧 #漢堡扒 #豬頸肉 $5/款💭 雖然個皮係紫色，但完全食唔出紫薯味🍠感覺同普通超級市場買急凍果啲皮差唔多咁，餡都有幾多可以選擇，豬頸肉非常之彈牙🐖加漢堡扒再配生菜絕對係完美既配搭，有諗過食其他例如腸但好似唔太融入到咁😂始終最正都係可以自己揀料，砌自己鐘意既口味.#旺角美食 #🐷在旺角 #🐷_食

平時去旺中掃街，記住要試下呢間手抓餅！現場製作，餅皮外脆內鬆軟❤更有少見多款配料選擇，最愛滿滿幸福嘅餡料(๑‾ ꇴ ‾๑).我鍾意食辣，所以覺得香辣醬好正，培根🥓，漢堡扒，煙鴨胸，鹹牛肉。大胃me叫咗四款配料，೭(˵¯̴͒ꇴ¯̴͒˵)౨”勁多餡勁正，西式鴨胸搭配港式鹹牛肉，真係好fusion😆鹹香口味，估唔到都好match，咬落份量頗足，搭配埋生菜，清新不膩。.朋友大讚香蔥餅底清香，下次有機會都想試下紫薯🥹女仔想light啲，都可以學佢走醬，調味粉揀咗芝士味，~\(≧▽≦)/~鮮味嘅吞拿魚沙律＋🐮鹹牛肉，欣賞牛肉係整成肉碎，食得好方便。.拉絲熱狗棒，小食連手抓餅一齊叫會有優惠！🔥中意熱狗上邊嘅醬，◕‿◕酸酸哋好開胃，入邊有拉絲🧀芝士同粟米腸仔，幾好食。麥樂雞，經典口味，撒上香草，🍯搭配蜂蜜芥末醬，非常滿足。.桂花酸梅湯，山楂甘草茶。🥰兩款都好難決一勝負！前者開胃，後者回甘，記住都買嚟試下呀，唔會覺得太甜，推薦好健康。

旺角中心開咗各式各樣小食店，呢間主打台灣手抓餅同夜市小食，食一個手抓餅已經夠晒飽揀咗店長推介3：雞蛋+粟米+吞拿魚手抓餅🌮$40餡料多亦都均勻鋪滿每一啖都可以食都到三樣嘢，餅亦煎得好鬆脆👍🏽大份又抵食另外加小食拉絲芝士熱狗棒，差吾多攤凍10分鐘先食都仲可以拉到絲不過略嫌炸粉好厚好油膩如果可以小啲會更好，腸仔好細條😿📍壹加一手抓餅專門店 (旺角)旺角彌敦道688號旺角中心第一座2樓SB07號舖

好耐都冇去台灣，但係旺中都食到當地風味既手抓餅！店舖主要有好多種配搭選擇，我今次嫌麻煩直接揀左店家配好既鴨胸雞蛋肉鬆手抓餅！份量好足、而且可以配埋醬料同調味粉～等約10分鐘左右，就有熱辣辣既食物到手，店舖亦有提供打卡位～🌯餅皮好食，味道有啲似蔥油餅加印度薄餅，加上雞蛋肉鬆意外地好襯鴨胸鴨胸好香口好足料生菜就其實有啲多餘因為無味同埋望落無好新鮮

叫左2號手抓餅現場都幾多人，同埋佢地即叫即整，所以等嘅時間都比想像中耐，以為5分鐘就有，點知行個圈返黎都未有，但店員姐姐都一早講左話要十分鐘嘅味道方面幾好食，個餅底揀左香蔥，幾香口，唔油得黎都有少少脆。件雞柳好有味，係有餣過嘅燈燈地色，有少少似BBQ會食到嘅雞柳。芝份量好足，可以拉到絲。成個餅好夠熱所以好好食🥰

呢間真心想推介畀各位！小編無諗過旺中小食竟然可以做得如斯出色！【原味+蜂蜜芥末+芝士+蜜糖腸+紫菜】$50小編都只係胡亂配搭個組合（因為想要肉鬆但已賣晒⋯）😩諗住純體驗求其醫下肚就算。點知咬第一啖，餡料都無咩咬到既情況下都足以驚艷到小編😳😳😳！不錯哦！好酥脆！以為只係得chewy感，點知可以咁脆真係無得頂，連埋入面既餡料食就真係無得輸啦！😋❤️❤️❤️呢間小編一定會encore試多幾個唔同口味！【鹽酥雞粒】跟手抓餅加$15正正常常，夠脆口好抵食！口痕食埋絕對一流😋

之前經過幾次都想食，今日終於食到，見到有咁多配料，都諗左陣先揀到食咩揀左鴨胸、肉鬆同雞蛋，另外加左芝士😫😫竟然唔記得影芝士拉絲既相🥲🥲第一啖咬落去已經芝士拉絲，仲要勁長，煙煙韌韌好得意，幾好咬，同埋佢D蛋唔會煎到好厚，其實咁仲好食，試過有間個蛋勁厚（其實幾有良心），但係搞到其他配料個味唔夠特出，呢個手抓餅overall D味都幾夾，重點係個餅皮鬆軟又有少少脆脆地，中間塊鴨胸都幾有良心，唔算細塊（我冇影到相🥲），同埋塊鴨胸都幾好食，下次試下其他味先

旺角中心，真係由細行到大，每次出旺角都好中意去兜個圈。而家旺中除左賣衫，仲變左個小食區，入面好多好多野食！今次試下手抓餅，勁中意食手抓餅，每次去台灣必食，仲要日日食。估唔到呢度竟然有得食🤤🤤仲要有好多自選材料可以加！餅底本身已經包左雞蛋同生菜，我另外加左芝士，肉鬆同雞柳！勢要食一個豐富嘅手抓餅😎😎原來嗌一份手抓餅可以半價加小食同飲品，我就加左份鹽酥雞粒同山楂甘草茶。手抓餅可以自選醬汁同調味粉，我揀左奧爾良醬同奶酪洋蔥粉😆之後等幾分鐘就有得食啦！！新鮮熱辣出爐緊係好正！等我要打卡先，扮去左台灣🤣🤣一啖咬入口，勁多材料！仲有餅皮好酥脆唔會覺得好油膩。睇下睇下👀👀芝士勁拉絲，拉到好長呀。。。鹽酥雞粒份量好多，粒粒酥脆好好味😋山楂甘草茶必點！好濃味，酸酸地好好飲。哇，咁樣食哂一份真係好飽好飽。今餐大滿足，下次要再試下其他配搭，但芝士真係要必點！

之前食開餵食貓，都覺得超好食！點知嚟到旺角，比我發掘到新嘅手抓餅，佢地配料超多，可以超選tick tick ，都有set比你，唔洗比你花多眼亂！我就食咗沙律醬，司華力腸 豬柳 蟹柳！我想講超好食！我外賣拎番屋企食，都仲係熱辣辣超好食！如果現場食，唔知會咩程度！我覺得配料簡單，但係你就係想追食！食一個都夠哂飽！唔洗再揀其他嘢食！佢手抓餅好脆，咬落去有脆口嘅聲音，令你勁滿足。沙律醬豐富咗個口感，睇嚟餵食貓有勁敵啦，如果佢地同場出現、真係唔知叫邊個好！因為兩間都好好食！

✈️繼續「偽台灣之旅」🧳唔好俾佢停嚕🥳好掛住台灣西門町呢個美食雲集嘅地方❤西門町簡直係愛掃街朋友嘅天堂呀🌈特別係台灣夜市裏面嘅手抓餅呢😍今次係旺中就搵到間超正嘅手抓餅專門店呀👍充滿住台灣嘅味道喔🥳🥳🥳🧇總匯A $40：我好鍾意食台灣嘅手抓餅😋今次揀咗大熱「總匯A」🥳裡面🈶️山菜🥦原味🌈蜂蜜芥末🐝奶油🧀蒜香味🧄雞蛋🥚粟米🌽吞拿魚🐟餅皮係一層一層冒天酥皮❤口感一流👍即叫即做🔥要趁熱辣辣嘅時候就即刻嚕🥳🥳🧇總匯B $40：另一個我就揀咗「總匯B」🥳佢裡面🈶️山菜🥦原味🌈奧爾良醬🧂奶酪🥛洋蔥味🧅雞蛋🥚鴨胸🦆肉鬆🐷嘩🥳🥳呢個我超級鍾意呀❤啖啖都食到鴨胸🦆同埋肉鬆🐷嘅味道🥳再配埋個呢個咁特別嘅醬汁嘅味道👍超夾呀💯呢個「總匯B」手抓餅我好推介呀🥳🍖拉絲熱狗棒 $15：依家仲可以半價買埋佢全手工仔飲品同埋小食❤我地今次加多條「拉絲熱狗棒」🍖大大支熱狗棒賣相已經超吸引😍加埋啖啖拉絲嘅效果🧀 真係太療癒喇🥳🥳🥤桂花酸梅湯 ：自家製嘅味道真係唔錯❤呢杯桂花酸梅湯味道真實🥳花香美味👍半價真係抵飲👍而且包裝仲好細心添🥳方便你一路食一路飲💯🥤山楂甘草茶：另一個我就揀咗呢個「山楂甘草茶」❤甘草嘅自然鮮味🥳好啱食完手 抓餅

呢間小店主打多款鹹甜口味台式手抓餅，全部即叫即做👨🏻‍🍳配料方面超過22款可自由組合；醬料方面亦有7種可供選擇🫔💗店長推介A手抓餅 + 芝士 ($45)原味手抓餅口感金黃酥脆，絕不油膩。加入雞蛋、肉鬆、火腿片同芝士，層次非常豐富🍖 配搭奶油蒜香調味粉同奧爾良醬料，醬濃帶BBQ風味🔥💗總匯B手抓餅 ($40)同樣選擇原味手抓餅，加入雞蛋、肉鬆同鴨胸，鴨胸令整體增添油脂香🦆配搭海苔調味粉同蜂蜜芥末醬，味道濃郁香甜🍯💗鹽酥雞粒 (+$15)鹽酥雞粒炸至外脆肉嫩，味道香濃惹味🐓💗山楂甘草茶 (+$15)山楂甘草茶每日新鮮煲製，無添加防腐劑同人工添加劑，味道酸甜解膩🌱

行到旺角中心🚶🚶‍♀️🚶‍♂️突然想食下台灣小食🇹🇼見到有間賣手抓餅🍘賣即刻衝過去買🧐今次叫左🦆煙鴨胸 + 🐖肉鬆+奧爾良醬🍖+ 奶油洋蔥味🧅+🍘手抓餅 （40HKD） 食落去第一個感覺「咸」🤧奧爾良醬味道較濃厚🧱🧱配合埋豬肉鬆味道偏咸😭😤 搶 曬其他配料味道🥱 🍘手抓餅口感脆脆🙌 唔會有太淋的情況出現😉總結： 口感唔錯😛👀味道偏咸😤 (因人而異😐我朋友覺得適中）😙😙

第三次幫襯…試埋佢第三款餅底💁🏻‍♀️<<香蔥>>($30)唔知哪裡來的勇氣🤷🏻‍♀️平時食嘢走蔥嘅我竟然會叫香蔥味餅底~~~好彩佢食落又唔係好覺有臭青味😂有啲似蔥油餅! 我接受到! 愛蔥者可以揀呢個! 最香係佢☝🏻不過我就私心推介紫薯底!! 甜甜哋又IG-able🤪追加配料都只係$5@🐷<<豬頸肉>> 一定走唔甩!上次介紹過佢肥瘦均勻又惹味! 最正係佢夠爽口呀👍🏻存在感極高嘅佢…就算俾海嘯式嘅<<吞拿魚沙律>>同<<粟米>>覆蓋晒，都仲咬到好多條!!!等我下次試吓數唔數到有幾多條先😂🌽粟米又係encore之選! Like 佢配乜都咁夾! 而且飽滿又多粒🙌🏻🐟吞拿魚沙律由細食到大，其實冇乜嘢好講~但 真係 真係 真係 要多謝店長介紹我配七味粉‼️冇諗過七味粉同吞拿魚沙律係咁夾‼️完全顛覆咗我對呢種配料嘅印象🫣我純粹想叫個酸酸哋濕濕哋嘅配料襯托乾脆嘅餅底~加咗七味粉，唔會好辣，但又帶俾你雙唇少少刺熱嘅感覺🫦好有驚喜👏🏻👏🏻👏🏻飲埋佢哋自家製嘅<<山楂甘草

今日第一次試旺中呢間手抓餅，其實１樓都開左一間手抓餅，不過既然上左二樓買飲品一於試２樓呢間先，叫左個店主推介手抓餅揀左原味餅、沙律醬、海苔粉，返到公司滿心歡喜，打開黎睇覺得饀料好少，睇睇下先發現原來比漏左肉鬆，即時打去同店家反映，佢話下次補返手抓餅感覺有少少油膩，比較滯，而且蛋都唔太香，味道非常普通，未必有下次

以前去葵廣成日食手抓餅，估唔到旺中都食到。手抓餅仲有得揀原味/紫薯味或者蔥味。可以揀幾款店長推介，亦可以自己逐樣材料揀😝。鍾意佢嘅餅皮真係酥皮一層層，係正宗嘅台灣手抓餅。每份手抓餅都有生菜。我哋揀咗一份粟米加肉鬆加芝士，配上沙律醬同埋海苔粉，味道都幾夾，仲好有台灣風味。另一份揀咗鹹牛肉同埋紫菜，值得一讚係鹹牛肉幾多，配埋醬汁鹹鹹甜甜幾特別。而家仲可以半價買飲品同小食。我哋叫咗一份牛油芝士粟米，好香好邪惡🤤。