塩玉居酒屋 (已結業)

友人有家經常光顧的居酒屋，這次帶上了我。塩玉位於銅鑼灣，地點方便，適合朋友聚會！餐廳面積不大，但很有日式氣氛！開放式廚房可以看到師傅燒串燒！食物種類都很多，刺身，壽司，串燒和一品料理等都應有盡有黑松露白身魚薄切8片先來一份刺身！這個有點新式的感覺！薄切的魚刺身伴上黑松露醬，很特別的配搭本身刺身魚味不濃，是偏爽身的口感伴上黑松露醬後味道提升了不少！茶壺海鮮湯第一次嘗茶壺湯茶壺內的是湯，用上小茶杯喝湯味道鮮甜，材料用上大蜆和帶子等小口慢慢品嘗，確是一番風味燒佐賀和牛聽說這裡的串燒很不錯！就來了串和牛！師傅的技術十分好牛肉是剛好熟又保持了肉汁肉味非常香濃，進口的瞬間便溶化了滿口都是牛的油脂甘香，實在令人難忘！燒京都豆腐想不到豆腐同樣燒得美味燒過的豆腐外皮帶點脆口！內裏卻依然嫩滑加上大量木魚碎和燒汁，十分惹味！黑松露甜蝦卷還試了一份卷物，這個很有驚喜甜蝦做成溶加上黑松露在面入口有種軟綿綿的感覺下層是材料豐富的卷物，後勁是爽口的口感一啖吃進口，口感和味道都很有層次柚子雪糕最後吃了份柚子雪糕酸酸甜甜味道很不錯

第一次Team lunch , 同事們揀左呢間日本料理。 同事間叫各自喜愛，我就求其點左抬上的每月推介優惠-海之幸丼感覺，個樣無驚喜，飯屬暖和軟身相反個漬茄子幾好食同事隻蛋幾吸引燒靖魚幾抵食下

間中都中意去下居酒屋，靜靜地又有氣氛！食物多數都比較正宗，有日本嘅感覺！塩玉係永光中心，夠哂就腳！環境唔大，有一個師傅bar枱位但都坐得舒舒服服黑松露酢海葡萄沙律配魚生先食個沙律開下胃！我第一次食海葡萄，一串串咁有啲似爽嘅海帶魚生係大大粒嘅帶子，勁肥美加上黑松露非常香濃，令成個沙律味道好濃郁配上醋同橄欖油夠哂fresh!酸酸甜甜開胃！蔥呑拿魚腩薄脆招牌菜之一！蔥拖羅非常肥美加上蔥切粒均勻拌入拖羅溶中，夠哂香濃米通底勁香脆，食到有焦香兩者估唔到好夾！飛機壽司拼盤呢個拼盤好正！所有材料都係日本直運！保證新鮮又靚料！包括拖羅，劍魚，日本海膽，牡丹蝦，穴子，帆立貝，生螢光魷魚同鰹魚！真係超級豐富！劍魚表面輕輕燒過，連上小小皮嘅部分非常甘香，燒過令魚身味道更加突出！連皮部分有油脂香，而且帶小許咬口帶子同拖羅非常肥美兩者都有入口即溶嘅感覺而且非常鮮甜海膽亦都無令人失望味道鮮甜的，一啲腥味都無口感creamy，係高水準嘅食材！芝麻雪糕最後食返球雪糕夠哂大滿足！

最近食唔停都係至愛既日本野，有朋友共同分享真好餐廳位於銅鑼灣登龍街，近年多左好多餐廳，要搵食都容易好多餐廳唔大，但有種溫暖居酒屋既感覺黑松露酢海葡萄沙律 $98，新鮮蔬菜配海葡萄和鮮甜帶子，好好味又refresh 既starter飛機壽司拼盤$368，價錢有點貴，但店員說是當日飛機運到的，難怪茶壺海鮮湯$48，加少少lime, 一小碗一小碗的飲呢個湯係過癮既，yummy仲有大大隻蜆燒雞翼$34燒蔥蒜牛肉$58，滿滿既蔥連埋軟滑既牛肉期待下次再來一試清酒🍶加勁食串燒

鹽是煮食不可缺少的元素，優質的鹽可以大大提升食物的味道，現代飲食亦愈來愈注重鹽，海鹽、岩鹽、喜馬拉雅山粉紅鹽大行其道，高尚食肆標榜選用優質的鹽，今晚我來到以鹽名命的塩玉居酒屋，主理人更相信是鹽人生的寶物。本來以為餐廳會掛出自己用什麼什麼鹽的標語，原來只是輕描淡寫，反而強調自己烹調的方法是保持新鮮食物的原味，也許沒有說出的話就是，若然食物新鮮上乘，只需加少許鹽便已經是佳餚。居酒屋一貫的作風，什麼食品都有，新派沙律、刺身、傳統壽司、串燒等，每個類別選一兩款，二人飯局已經足夠。黑松露酢海葡萄沙律配魚生 主角是沖繩的海葡萄，晶瑩卜脆，長壽的秘訣。帶子及番茄新鮮汁豐，生菜爽口，反而黑松露酢，我認為可有可無，不過有黑松露油就多添一份香氣。黑松露白身魚薄切  我一向認為黑松露香太霸氣，跟新鮮刺身並不合拍，但凡事亦有例外，白魚本身魚味淡，甚至有時會有些腥，松露油成功補充不足，令白魚味道昇華。蒽呑拿魚腩薄脆  這一道抵食且美味，豐腴的吞拿魚魚腩與薄脆米通成強烈對比，口感一流。飛機壽司拼盤（8件）講明是飛機新鮮貨唔會假，但刺身都有分質素，居酒屋的自然不能與壽司專門店相比，算足料，不過不失。茶壺海鮮湯 細細

今次特登黎就係因為呢度做緊promotion，一份海膽魚籽丼只係賣＄98啲食物上枱個刻我呆左，因為估唔到係咁大份咁足料，海膽同埋三文魚子都多到就嚟瀉，最緊要係又平又好味，海膽鮮甜，三文魚子有鹹香，啲魚油撈埋飯真係好開胃。其他食物都有驚喜，例如呢個松葉蟹鉗卷佐甲羅燒，蟹膏份量多，同松葉蟹卷一齊食簡直絕配蔥吞拿魚腩薄脆係我最鍾意嘅嘢食，上面鋪滿厚厚嘅吞拿魚腩蓉，咁嘅份量都係賣＄58,又係抵到爛嘅食完以上嘅嘢食，都已經飽飽地，於是叫咗啲串燒填飽埋個肚。叫咗燒雞翼，燒五花腩，香蔥蒜牛肉，煙肉廣島蠔，同埋自家製嘅免治雞肉。免治雞肉同埋蠔都係佢哋介紹嘅，雞肉燒得仲係好juicy,蠔就好惹味。食咗咁多有啲渴，於是叫咗啲粒粒果汁飲，為完美嘅一晚作結

假期前夕，輕鬆一下，和男朋友吃日本料理。*雜錦魚生沙律($88)雜錦魚生很新鮮，有三文魚、八爪魚等等的；配上沙律菜和酸酸的沙律醋，很開胃。*蔥吞拿魚腩薄脆 ($58)薄脆用米通做，很香脆；上面放了吞拿魚腩蓉和蔥花；又脆又軟的，口感很豐富。*飛機壽司拼盤 ($368)上面一行，由左至右是日本海膽、生螢光魷魚、牡丹蝦和海鰻卷配紫蘇葉；下面是帆立貝、金目雕、劍魚和拖羅。生螢光魷魚很少機會食到，咬一口，魷魚就在口內爆墨汁，感覺很刺激；牡丹蝦很觧甜，上面放了蝦膏，和出面的做法有少許不同；海鰻卷配紫蘇葉，海鰻很薄很有魚味。*海鮮茶壺湯 ($48)茶壺內放了海鮮湯；味道很鮮甜，加了幾滴青檸汁，味道更鮮。*燒雞翼 ($34)雞皮燒得很脆，雞肉很嫩。*香蔥蒜牛肉 ($58)牛肉超淋的，又多肉汁，香蔥蒜很香。*黑松露甜蝦卷 ($68)甜蝦很彈牙，蝦肉很鮮；中間包了玉子、青瓜和蟹柳，比較普通。*櫻花信玄餅 ($68)信玄餅比預期硬了一點，像啫哩；沒有信玄餅應有的入口即蓉，有點失望。

是日同我的好姊妹去嘆日本料理, 餐廳名叫"塩玉居酒屋", 牆身貼上好多日本的街境, 令我好似身在日本的感覺前菜先迎來雜錦魚生沙律, 有新鮮三文魚, 帶子, 吞拿魚刺身, 醬汁酸酸甜甜, 清新又開胃!飛機壽司拼盤, 多款時令壽司, 不時不食, 有我最喜歡的海膽壽司, 食材很新鮮呀~~~~~食到咁上下, 突然好想飲熱湯來清新我的味蕾, 隨即送上茶壺海鮮湯, 味道不是太濃烈, 但保留海鮮的甜味。黑松露甜蝦卷，一份有6件，每件卷物的飯好結實，不會輕易一夾即散，黑松露香味重，幾好食。燒雞翼整得唔錯，非常香口，嚟到時仲熱辣辣。甜品就係櫻花信玄餅加士多啤梨醬，食落真係有一片片櫻花，整個甜品感覺新鮮，不會太甜，但質感有點兒水。我們兩個人食到好滿足, 餐廳最後給了一塊自家木版給我們寫上自己的願望掛在餐廳的牆上, 見唔見到我果塊呢? 哈哈

有日本朋友來港旅行，今晚約左一齊食晚餐，之前我去日本，朋友請我食左一餐豐富的晚餐，今次她來港，我當然要禮尚往來，今晚我訂左位於登龍街的塩玉居酒屋，是同事介紹的，因那兒與日本的居酒屋環境和食物都好相似，最適合招呼日本朋友。希望日本朋友喜歡！雜錦魚生沙律：魚生都好新鮮，有三文魚、吞拿魚、八爪魚、帆立貝。配沙律菜，再加入沙律醋，酸酸地好醒胃。蔥吞拿魚腩薄脆：面層的吞拿魚腩蓉，下層是米通，又滑又綿的吞拿魚蓉，脆卜卜的米通，2種口感2種味道，好特別的感覺！日本直運壽司拼盤：所有新鮮食材都是由日本直運，鮮味十足，每一舊壽司都由師傅親手精心製作，新鮮魚生肥美鮮甜，壽司飯調味適中，食後令人回味不已！海鮮茶壼湯：用茶壺盛載着足料的海鮮湯，有魚、蜆肉、帆立貝和冬菇等，味道鮮甜，好好飲！蒜香蔥牛肉：牛肉鮮味肉嫩，蒜味和蔥的香味令牛肉味道提升，好味！燒雞翼：雞翼開邊燒至金黃色，加些鹽吊味，皮脆肉嫩，十分惹味！黑松露甜蝦卷：加州反卷升級板，不用蟹子，用甜蝦蓉放在反卷上，再加上少許黑松露，口感好特別，黑松露香，甜蜜蝦蓉鮮，味道不錯！櫻花啫喱：樱花睇得多，但食新鮮樱花都是第一次，成朵花連堵喱食好特別，味道甜甜的，有

剛剛嗰個禮拜日去銅鑼灣購物，發現有間居酒屋幾好，比足野你食，燒物有心機做，喜歡用松露油，用的份量恰當，唔會奪了其他食物的味道，例如我哋食咗個黑松露海葡萄沙律配帶子，海葡萄保持爽脆，帶子鮮甜，黑松露香剛好替沙律吊起味，蓋了菜的草青味。另一款黑松露白魚薄切，利用黑松露之香味提升白魚本身魚味不足。居酒屋的串燒向來有水準，點了兩款，首先是招牌串燒－佐賀產和牛，很有心機燒，和牛保持肥美多汁，入口半溶，口感很好。另外是鵝肝釀雞翼，雞皮非常趣，鵝肝混合雞肉肥美。

之所以選擇這間餐廳是因為見到很多好評完全無負面評價，餐牌的照片同菜式都同我地平時經常光顧的一家品牌居酒屋非常相似，以為是同一品牌旗下的分店才來試新鮮。點知。。。。。中符。。。。星期日夜晚來光顧，餐牌上點咩冇咩。(我地並不是點黑板上嘅飛機貨，而是普通餐牌！)似店長的點餐人員仲要話，想食就要星期五夜晚來啦，到左星期日好多野都賣曬。但係銅鑼灣食廈開門做生意，連如油甘魚嘅基本材料都無，真係讓人無言。。。。之後無奈簡單點左幾樣基本野試試。左口魚本來系我地以為安全之選，點知魚唔新鮮，灰灰嘅肉色，肉質系散嘅。壽司飯超級散又無味蝦亦唔新鮮有腥味。食物慘狀令人唔想影相。全餐廳得一個人可以點餸，果個人忙著隔離臺靚女傾解，唔得閒理我地，我地揾其他人來，仲要點左一樣野轉頭走左，話自己唔可以接單叫我地等多陣，服務超慢。吧台後面廚師無工作服，著住便服聽耳機切野。不知所謂嘅日本餐廳。完全無興趣加單更加唔會再幫襯。千萬唔好俾咁多好評呃左。用openrice咁耐，第一次花時間寫食評都係因為覺得呢間餐廳真系非常令人失望。

塩玉居酒屋位於銅鑼灣登龍街永光中心10樓，這條是香港著名的«食街»，雲集了不少有質素的食肆。黑松露白身魚薄切八片 ($98): 白身魚色澤晶瑩剔透，肉質柔軟有彈性，味道清爽富魚香。飛機壽司拼盤八件 ($368): 包括吞拿魚拖羅、劍魚、金目鯛、螢光魷魚、甜蝦、帶子、海膽及穴子蟹籽壽司。拖羅富油香，有入口即化的質感; 海膽和帶子均鮮甜，同樣矜貴; 其餘中規中矩。燒佐賀產和牛 ($148/串): 每串共有四粒和牛粒，質素極上，確實極具品質。論味道，帶極濃郁和牛香，油花味重。論質感，牛粒幼嫩細緻，非常滑口，入口即化! 蔥吞拿魚腩薄脆 ($58): 油香和魚味並重的吞拿魚腩碎鬆軟，塗在脆口的米餅上營造一種食法，兩種口感。

呢排好想食日本野，呢個魔咒困擾咗我成個星期，係香港日本野唔平架嘛，唔可以想食就食，今日終於有人請喇!!!茶壺海鮮湯 (48)很特別，居然係用茶壺同茶杯黎飲湯，湯飲落極鮮甜，入面有元貝、大蜆、鮑魚等海鮮，飲完湯仲可以食埋。燒佐賀產和牛 (148/pcs) 價值$148既和牛串燒到底係咩味道，我自己都好想知呀，一串total有4粒和牛粒，一咬落去我就明白點解佢值呢個價錢了。一啖擺入口，肉汁好快由中間爆發出黎，裡面蘊含既油花好滑，收同肉既比例岩岩好係1:1，肉質好嫩，牛味都幾濃，大滿足!鵝肝釀雞翼 (48/pcs)鵝肝既味道唔係好食得出，但雞翼燒完香味四瀉，馬上食指大動，雞翼香微脆，咬落好Juicy，好有肉汁，肉質亦出奇地嫩，必須講，又真係幾好食!櫻花信玄餅 (68)平時食信玄餅，覺得無乜味，但呢個信玄餅係自己製既，而且仲加了櫻花，非常漂亮，面頭加了了少許果JAM，食落酸酸甜甜，好味!

今日同個朋友慶祝生日, 佢話想食日本野而且文連餐廳都搵埋...實在太好啦唔洗我煩. 所以放左工後就衝左去食...餐廳一出LIFT已經覺得好有格調.入到去原來係一間小小的居酒屋, 雖然店舖小小不過一d 都唔會迫張枱仲幾大添. 第一道係前菜蔥吞拿魚蓉下面配左脆米通. 嘩口感真係好好呀脆脆既口感配上拖羅既鮮味仲有面頭既小小蔥, OMG成件事真係好正.之後我地叫左個一個手握sushi platter. 每一件sushi都係唔洗沾豉油就已經夠晒味. 特別要提一提件海膽上面有黑魚子同埋海鰻做既花之戀真係好好好好好特別. 平時三文魚花之戀就食得多海鰻既都真係第一次估唔到出到黎既口感又真的很不錯, 味道都係非常夾, 果然係厲害!店員仲要超有耐性超好咁逐一介紹話我地知唔同的制法同埋魚的特別.呢個就係我好欣賞的角切魚生沙律, 成個沙律都好夠凍. 雖然話魚生有用日式醋拌過不過完全唔會覺得係唔新鮮. 菜同埋青瓜都脆卜卜完全係super fresh２個大飯桶絕對冇放過食飯既機會, 叫左一個黑松露甜蝦卷. 魚蓉上面既黑松露配埋魚蓉同埋中間既牛油果, 口感真係好rich好豐富. 呢個係店員推薦既一個海鮮湯. 佢地用

銅鑼灣不嬲都有好多高質素既食店，係強烈既競爭下，好多食店都環境氣氛同食物質素兼備，而呢間正正係上上之選。呢度環景幽暗，好適合同朋友伴侶忙碌完一日之後黎偷閒傾計，不過呢度最吸引都係啲食物。首先，前菜叫左個黑松露酢海萄萄帶子沙律，一入口黑松露味道強烈，配以帶子沙律好有層次感，稍嫌生菜偏苦澀，但亦無礙整體分數。之後點左個「鎮店之寶」葱吞拿魚腩薄脆，果然不負其名，呑拿魚既鮮味十足，配以米通係嶄新既滋味體驗。跟住就黎左個飛機壽司拼盤，有八款壽司包括拖羅、海膽、帶子等等日本時令食材，物超所值。之後再叫左個茶壼海鮮湯完全令我喜出望外，清淡得黎海鮮既鮮甜充斥住成壺湯。去到七成飽既時候，之後再黎左個小食燒雞翼，愈簡單既菜式更能睇得出廚師既誠意，外脆內嫩。最後仲嗌左綠茶雪榚作結呢餐食完真係覺得物有所值，如果大家想食高質素又有少少特別既日本菜，呢度會係一個好選擇。