塚田農場 (已結業)

帶暗戀對象嚟尖沙咀逛街shopping，買咗好多嘢，喺呢次出嚟見面之前，我就做足咗功課。我上網查咗下尖沙咀有咩好有氣氛嘅餐廳食飯，結果搵到咗呢間「塚田農場」食日本菜嘅居酒屋。-佢哋呢度有好多高檔日式料理，環境優美，靠窗仲有海景，帶暗戀對象嚟呢度食飯肯定好有氣氛，也為自己撐面子。-最終我哋係揀咗靠窗嘅位，當日嘅風景仲算唔錯，雖然有啲烏雲，但係都好有氣氛。-同美人食午餐，梗係要點美人壽司御膳畀佢，入面嘅壽司多樣，壽司包括帶子、魚籽、牛肉、三文魚、魚腐、蟹籽、蟹肉同鰻魚，仲有配菜沙律，每一個壽司都係精心製作，分量也剛好，唔會過飽。食材非常新鮮，仲食得到各種肉嘅鮮嫩。暗戀對象食得津津有味，感覺上仲營養豐富。-我自己就叫咗和牛燒肉飯御膳，和牛肉燒得非常剛好，唔會太老，仲食得到和牛獨有嘅油脂，每一口飯配住和牛肉都非常鮮香可口，仲有生蛋黃提味，口味更加豐富。-一邊食，一邊欣賞海景，好享受，我哋兩個都食得非常飽，也非常滿足，我哋之間嘅感情有更進一步嘅發展。-非常推薦大家嚟呢度試下佢哋嘅日本菜。

嗰日經過海港城海運大廈，見到一間餐廳大排長龍，抱住好奇嘅心行過去睇，原來係一間日式餐廳。我睇咗吓餐牌，覺得幾有興趣，就決定喺度食午餐。因為我一個人食飯，服務員好快就帶我入座，仲安排我喺露台食飯，令我可以一邊食午餐，一邊欣賞無敵海景，真係好享受。我叫咗美人滋鍋御膳，湯底係和風雞白湯，肉類我揀咗和牛同鹿児島天然豚肉。火鍋一攞嚟，我就聞到香香嘅和風雞白湯，睇住都流晒口水。雞白湯經過細心熬製，雞骨頭嘅精華充分咁融入湯水入面，味道好濃郁，濃醇得嚟又唔油唔膩啱啱好。放咗和牛同鹿児島天然豚肉落鍋，湯嘅味道變得更加豐富。和牛嘅肉質細嫩，煮熟咗之後咬落去肉汁豐富，好食到不得了，仲吸收埋湯汁嘅精華。鹿児島天然豚肉煮熟咗之後肉纖維幼細、鬆軟，入口軟腍帶彈性，含豐富肉汁，肉味香甜唔膩，仲完全冇肉臊味。食肉嘅時候仲可以配白飯，真係一餐豐富嘅午餐。

週末同老公到有靚景嘅日本餐廳塚田農場食晚餐。望住晚霞，食住好味嘅晚餐，放鬆吓心情，係非常正嘅體驗。-日本酒lover有雞胸肉, 芝士，蠔，明太子同枝豆, 每款小食都各有特色，尤其係蠔鮮甜可口，食落去非常開胃。-美人涮鍋 和風雞白湯（和牛&鹿兒島天然豚肉）香味四溢嘅和風雞白湯鍋，四周擺滿咗和牛同豚肉。乳白色嘅雞白湯用大火熬煮，令雞骨入面嘅精華釋出、乳化湯頭，形成香味濃厚嘅雞湯。和牛加熱後，白色嘅脂肪部分會順住周圍嘅瘦肉向入面融化滲透，有着非常柔軟嘅口感，令人回味無窮。瘦肉部分嘅美味同脂肪部分嘅香味巧妙融合，好好食。豚肉肉質緊緻多汁、口感柔軟有彈性、滋味甘甜鮮美、脂肪清爽唔黏膩，配埋雞白湯非常美味。-明太子年糕薄餅香濃芝士味嘅年糕底，配埋明太子嘅鹹味，仲帶有少少辣味，味道非常豐富。-日本產海膽和牛卷新鮮海膽同和牛完美搭配。可以食到鮮嫩多汁嘅和牛至於仲可以食到美味嘅海膽，真係一道神奇嘅菜色。-塚田農場 梳乎厘玉子燒蛋味香濃，外層有微微焦香而入面保持滑嫩，令人食得難以忘懷。

舅父同舅母難得從中國過嚟玩，就諗住帶佢哋去食啲平時比較少食到嘅日式料理。親戚之前有介紹過我一間食物唔錯嘅日式餐廳，叫。啱啱好就喺附近，就諗住帶佢哋去試吓。因為我哋都係第一次去食，就問咗服務員顧客常叫嘅菜品。服務員就介紹咗幾道比較多人點嘅菜畀我哋。玉子燒好大一份，內餡滿滿，一口食落去簡直太爽啦！玉子燒亦都特別滑嫩，入口即化！明太子年糕薄餅有少少辣，配上咸香嘅明太子，特別開胃！仲放咗我最愛嘅芝士喺年糕底，味道更加豐富，太愛啦💕！美人卷盛合係舅母最中意嘅一道菜，因為壽司嘅內餡好足，配上牛油菜簡直係完美嘅組合！舅母食到讚唔絕口！美人涮鍋嘅味道特別好，每一口都係濃郁嘅雞湯味，特別開胃，飲到停唔落。仲加入咗和牛同豚肉嘅味道，更加正！舅父同舅母都食得好滿意，仲話下次可以帶埋啲細路過嚟一齊試！

終於有時間約朋友星期六出嚟放鬆吓～chill吓～最近真係好大壓力又唔開心，所以朋友幫我約咗間超靚海景嘅日式餐廳俾我relax🤟🏻🤟🏻去到嗰陣啱啱好天氣好好，侍應就提議我哋可以揀balcony view嘅座位，朋友話平時都好難book到㗎😍一打開餐牌見到美人套餐❤️個名已經吸引咗我～仲可以揀兩款唔同味嘅飯同一個主食，所以揀咗牛肉時雨煮同三文魚籽，主食梗係我最愛嘅天婦羅啦。1個前菜，1碗熱湯，2碗飯，1個主食仲有啲小食淨係賣$198抵到爛！而且擺盤同餐牌上面嘅真係一樣，其他跟住嚟嘅小菜份量都比我預期中多，好滿足🤤首先係三文魚籽嗰碗飯，好惹味！魚籽一啖一粒‘卜卜’咁喺口入面爆，再加埋蟹肉一齊食，唔知唔覺就食晒。跟住嘅牛肉飯同魚籽嗰碗口感就唔同晒，牛肉煮得唔會太鞋，肉質都好實淨，配埋炸得好香脆嘅天婦羅，煩惱都已經唔記得晒～朋友就叫咗和牛燒肉飯嘅lunch set🥢一樣跟埋沙律、雞湯、小菜。牛肉煮咗6成熟，啲肉片仲俾得好足，一點都唔孤寒。牛肉口感好有咬口，又唔會煮到乾爭爭，撈埋蛋黃一齊食又食出咗另一種味道。蓮藕都炸得好脆口，又唔會太乾太鞋，撈埋飯一齊食，超級好食。仲有嗰碟睇落好普通嘅小菜-烤番薯，

上次老闆話尖沙咀嘅【塚田農場】裝修好高檔，食物好食仲有靚景睇。食多啲仲可以變大美人。我 聽咗當然唔可以錯過，就問同事要唔要一齊去睇吓，同事就答應今晚晚餐一齊去。我哋放工去嘅時候，人好多。但係好幸運我哋啱啱好坐到可以睇夜景嘅位，就特別放鬆，食物食得 更香!我哋點咗日本產油漬生蠔，特別大隻，份量好足，仲好鮮美，咬落去特別有彈性，食到我同同事好 滿足!美人卷盛盒有唔同口味嘅壽司，仲配埋醬料，味道更加絕!每一款壽司各有特色，食到令人停唔 低!美人涮鍋係呢間餐廳嘅招牌。湯底由雞骨熬到融化嘅特色雞湯，湯底非常鮮美!配上和牛同鹿兒 島天然豚肉更加好飲好食!美人鍋蔬菜盛盒有好多唔同顏色嘅蔬菜，睇落就好有食欲。而且每樣蔬菜再涮入湯底之後，仲帶 有雞白湯嘅味道，蔬菜更加正!同事同我都食得好飽，老闆介紹嘅果然係好嘢!

唔理天氣凍凍定係夏日炎炎，打邊爐就係聚餐好去處～更何況呢間餐廳仲可以睇到維多利亞港嘅美景，一邊打邊爐一邊望住美景，簡直係人生一大享受😌✨美人滋鍋御膳湯底鮮香濃郁，奶白色嘅顏色飲起嚟就知已經經過好耐嘅熬煮先得到嘅精華，涮住和牛同豚肉片，更加鮮味！和牛有住靚嘅大理石紋理，切得厚薄適中，放入滾湯嘅雞湯鍋底幾秒就夠，食落去鮮嫩多汁，肉味十足！豚肉都要重點講下，我最驚就係有豬騷味嘅肉片，但係呢個一點腥味都冇，反而仲帶住甜味，肉香醇厚！滿口嘅肉香味根本就唔難咀嚼，可以話係入口即化！打邊爐點少得配菜：✨美人鍋蔬菜盛盒食膩咗肉片，我哋就開始擺落蔬菜，蔬菜拼盤嘅花樣豐富，各種時蔬睇落就好新鮮😍✨美人卷盛盒三種唔同種類嘅刺身包裹喺米紙，蘸上醬汁入口非常清爽！吞拿魚、海老同三文魚都非常新鮮，再加上牛油菜同青瓜，食起嚟爽脆可口，一點都唔油膩😋✨油漬生蠔生蠔賣相就已經好誘人，超肥美嘅蠔肉，肉質飽滿而且奶油味濃郁，好juicy！✨明太子年糕薄餅好特別嘅披薩，年糕餅皮食起嚟軟軟糯糯嘅，上面仲鋪滿咗芝士沙律仲有明太子，有少少辣但係唔影響我哋對呢個特色料理嘅鍾意🥰🥰

我哋行吓行吓發現咗一間好高級嘅日式fusion餐廳。老師都覺得環境優美，就帶我哋入去試吓好唔好味。我哋睇咗餐牌，發現呢間餐廳啲野食好多樣化，仲有埋火鍋。每一樣菜品都好吸引我。梳乎厘玉子燒：玉子燒帶有濕潤嘅口感，咬落嗰一刻有濃郁嘅蛋香味，好好食！美人卷盛盒：有3種食材嘅壽司🍣仲畀咗三款味道嘅豉油嚟搭配。每一種壽司嘅味道都好特別，非常爽口！和風雞白湯：我哋揀咗和牛同埋鹿兒島天然豚肉嘅組合。和牛油脂分布均勻，而豚肉就特別滑嫩，非常入味！蔬菜盛盒：老師最鍾意食蔬菜。蔬菜嘅種類好多，每一樣都好新鮮，放進湯底煮熟之後，味道更佳。腐皮蔥卷＆豆腐：腐皮入面嘅蔥香味喺口中散開，真係好香！仲有滑滑嘅豆腐，入口即化！我真係非常感謝老師帶我嚟食咁高級，味道又好嘅日式料理！仲同老師傾咗偈，非常開心！

嗰晚同朋友喺尖沙咀行街，之後喺社交媒體搵到呢間日式餐廳。諗都唔諗就決定喺度食晚餐，因為喺度可以一邊食好味嘅日本菜，仲可以一邊欣賞維港嘅夜景，真係好靚。.👁‍🗨 維他命tower沙律.➰ 服務員會幫我哋打開，中間有溫泉蛋，之後服務員會撈勻，每一啖都係新鮮嘅蔬菜，好開胃。 .👁‍🗨 美人涮鍋.👁‍🗨 之後就食和風雞白湯配和牛&鹿兒島天然豚肉。湯底係由日本自家農場直送宮崎走地雞骨熬製而成，經過幾粒鐘嘅熬製，雞骨完全溶化成湯，充滿骨膠原，有美顏作用，味道濃郁鮮甜，好好飲。配埋和牛&鹿兒島天然豚肉，口感好鮮嫩，肉吸收咗湯汁嘅精華變得非常多汁，好食到吮手指。.👁️‍🗨️ 炭燒黑薩摩走地雞.➰ 雞肉分佈平均嘅脂肪，肉汁同鮮味喺咀嚼嗰陣會散佈喺成個口腔入面。.👁️‍🗨️ 田農場 梳乎厘玉子燒.➰ 口感好綿軟，有好多好濃嘅蛋香味，好食。.👁️‍🗨️ 塚田農場 玉子布甸.➰ 食落口感似布甸，好有彈性，入面好滑，好好味。.🔛 整體評分（7.5/10）

周年紀念日我揀去呢度食lunch～因為另一半平時最中意食火鍋 ，呢間日式嘅【塚田農場】有火鍋食，又有維港靚景，岩晒～維多利亞港真係好靚～我哋坐喺balcony打邊爐好chill，仲可以吹海風，氛圍實在係太好啦～我哋點咗份美人滋鍋御膳，搭配雞白湯湯底，可以兩個人食，仲可以揀要配飯定係麵。湯底都有兩種選擇：原味或者壽喜燒。我哋今次揀咗$528嘅和牛同豚肉。店員送上食物時，我地好驚訝，因為食物分量好足，我哋兩個人都食到好飽！雞湯特別濃郁，可以感受到廚師煮咗好耐，每一口都係精華，配飯特別香～嗰兩款肉都好新鮮，涮進湯底之後，味道更加甜，真係加分啦～

男朋友見到一間成日想試, 但次次都試唔成既店做緊openrice優惠, 立心決定要試一次～到店當日好好彩咁俾左個window seat我地睇住靚景食野真係無敵呀首先黎左2杯餐飲, 竟然有ginger ale, 正！叫左2個lunch set, 一個係舖頭既signature炭燒黑薩摩走地雞, 開頭仲諗緊會有幾特別, 食落去真係認同左😂好香炭燒味同真係熱辣辣上, 平時我唔食雞皮今次破例食晒！因為真係唔肥😂d雞點埋佢個sauce多少少咸仲好食天婦羅個炸漿都好薄，唔錯另一個set 就係美人框飯set, 好豐富！睇個樣以為樣樣都細份但原來食完都好飽個飯以為係白飯但原來係有味既飯, 日本米真係加分加埋個餐飲真係剛剛好

夜晚來塚田農場享受咗一頓高級嘅日式fusion料理，美食加美景，體驗相當唔錯😙美人涮鍋+和風雞白湯拼和牛係呢頓飯嘅亮點之一。個鍋上枱之後真係令我哋忍唔住嘩嘩聲😍靚到吖～湯底清淡但唔失味道，雞肉嘅鮮味融入湯中。和牛片入鍋之後迅速變色，肉質柔軟多汁。鹿兒島天然豚肉就帶有淡淡嘅甜味，口感比較結實， 需要多嚼幾下先可以品出其中嘅滋味。 炭燒黑薩摩走地雞外皮微微焦脆，但肉質保持鮮嫩。雞肉本身已經好有味道，炭燒仲增添咗一絲煙燻香氣，咬落去嘅時候可以感受到肉汁喺口中噴湧。叫咗個小食明太子年糕薄餅，外脆內軟，年糕嘅煙韌口感同脆卜卜嘅餅皮真係好夾，薄餅仲有住滿滿嘅明太子鹹香味。呢個係開胃菜 — 日本酒Lover呢款調酒是用清酒，口感順滑，酒精度適中，唔會過於嗆辣，酒本身嘅平衡度做得好好，既保 留咗日本酒嘅特色，又融入了創新元素。佢唔似傳統日本酒咁單一，但又唔會因為太多配料而喧 賓奪主。無論係單獨飲用定係搭配餐點，都相當合適。美人鍋蔬菜盛盒為成頓飯帶嚟咗清爽感，各種新鮮蔬菜擺盤精美，顏色豐富。蔬菜保持咗原有嘅 脆嫩口感，涮過之後依然爽口，同肉類形成咗好好嘅平衡。

之前喺好多地方都有見到呢間叫「塚田農場」嘅日本餐廳，佢哋係走居酒屋風格嘅，而且貌似嚟自日本宮崎，睇佢哋提供嘅菜色，相片睇落都已經好惹味。一個得閒嘅下午，睇冇嘢做，就拉咗老公去尖沙咀分店試下！今日我想坐喺靠窗，一邊睇海景，一邊食日本菜，諗下都好激動。雖然老公冇開口，但係我都感覺到佢好期待，平時佢最鍾意日本嘢。 我哋要求要坐靠窗口嘅位，真係非常享受，因為海景真係好靚。 老公話我係個美人，所以叫咗呢個美人框飯畀我。入面有5種框飯，可以揀2種，我同老公各揀一種。然後主食係揀咗天婦羅。 分量好大，配料好多，牛肉時雨煮框飯嘅牛肉鮮香無比，非常下飯，蟹肉三文魚籽框飯就好鮮，鮮味十足，天婦羅就好脆口。老公嘅五色刺身御膳，顏色好誘人，可以話係色香味俱全，各種刺身都好新鮮，肉質都好滑嫩。 睇住海景，傾住偈，我哋慢慢咁食完，呢一餐我哋都食得好滿足！！

女朋友話好耐冇食日本菜，今日就帶女朋友嚟食朋友介紹呢間日本餐廳。一到嗰邊服務員就好親切招呼我哋，仲安排我哋坐窗位，可以欣賞到維港海景，遠遠望向大海，無邊無際，真係風光旖旎。 我哋食咗兩個Lunch Set，五色刺身御膳同美人壽司御膳，都好有日本道地美食嘅感覺，採用新鮮嘅食材烹調而成，令人食得回味無窮。 五色刺身御膳係由五種唔同嘅新鮮刺身組成嘅刺身盛合，配有漬物小食、味噌湯同米飯嘅套餐。刺身擺盤都好精緻，每種刺身鮮味十足，尤其赤蝦更加美味，肥美嘅肉身，爽脆嘅口感，鮮甜嘅味道恍如喺口中融化，食得津津有味。而美人壽司御膳則係多款唔同嘅壽司盛合，配有小食同蝦天婦羅。特別鍾意鰻魚壽司，鰻魚肉質嫩滑，味道稍微帶一啲甜，而且營養豐富，鍾意食壽司嘅朋友，千祈唔好錯過呢個套餐。 整體嚟講，呢間餐廳食物精緻又好睇，味道好食又食得好飽，風景優美環境舒服，真係好Enjoy。

美食與景致於一體的餐廳不過就有d貴，淨係個鍋已經600幾蚊雞湯鍋底,底料係幾濃郁,係幾好味飲左幾碗個鍋包幾片和牛、鹿島豚肉和黑薩摩雞肉,肉質唔錯既不過份量有d少，以加埋一 成700蚊黎講火鍋有新鮮蔬菜,仲份量好多增添了火鍋的營養價值多到食唔哂無論是室內還是小露台，都能看到維港夜景。晚上用餐時,看到維多利亞港的燈光對於喜歡拍照打卡的朋友來可以去吓不過天氣熱,我就選擇坐在室內就餐。不過價錢都是偏貴，吃了不多就千元了同埋叫服務員拎杯，佢明明去左拎都可以唔記得左，等左好耐，唯有叫第二個服務生拎