塚田農場 (已結業)

老老實實都幾估唔到佢負評都幾多～整體都係離唔開「食環境勝於食物水準」～但早幾日我去食午餐個人認為佢不至於此bor 🤔🤔唔講食物，先講嘢飲先～一飲就知佢地係用「杉養蜂園」嘅🍊柚子蜜～平時屋企有飲開，一飲就知就係個種清香嘅果蜜味～證明佢地係飲品方面都冇「揸流攤」先～唯一唔好就係支紙飲管，攪2下已爛，不如走飲管好過～「美人框飯御膳」框飯揀左「蒲燒鰻魚飯」&「蟹肉三文魚子框飯」配天婦羅🍤～先講前菜刺身沙律🥗同冷豆腐～刺身沙律用上柚子醋香汁，上面2塊魚亦都好新鮮～切嘅厚度亦都剛好，配搭起上嚟非常開胃～至於冷豆腐用上日式萬能醋調味～豆香味濃，一樣都係0失敗嘅開胃小菜～但如果比我整我會搭配埋青瓜絲，會再清爽d～天婦羅🍤質素就中規中矩，唔會覺得得佢地先會做到嘅水準～一般稍有水準嘅日本餐廳都可以做到甚至更好～到重點嘅框飯，飯底已有醬油調味，比較煙韌軟熟～我鐘意嘅味道，一嚟我鐘意食「軟飯😜」，二嚟我有時係屋企都會咁樣煲飯，但偶有失敗會過鹹，但佢調味我就覺得啱啱好喇👍🏻👍🏻至於飯面嘅鰻魚同蟹肉三文魚子～前者燒到剛好，夠曬軟滑～後者鮮度十足，蟹肉三文魚子都冇腥味，撈飯一流～整體嚟講，我覺得呢個「美人框飯set

18號星期日六點半我地一家三口入座冇位要坐Bar臺，七點未上火鍋餸菜，我見到窗口位有檯埋單走人，想搬去坐，女服務員話唔得因為有人訂咗位，跟住一張一張檯埋單都系冇人入座，我地食到九點，一共有五六張窗口檯埋單都系冇人入坐。服務員咁懶，服務有幾好？可以想像，茶餐廳都好過佢！

位於海港城的塚田農場，除了吃他的食物外，那個無敵海景才是最重要，所以最好早一點打去預約，預留窗口位給你。今天和朋友午餐，大家都同樣點了雞白湯醬油拉麵御膳，配炸雞。他們將原隻雞髀放在拉麵裏面，雞髀用醬油醃好，其實原隻吃起上來有點不方便，但只是小問題，同時拉麵的配料例如洋蔥和大蔥丶竹筍等等很足料，湯底方面非常濃郁，但個人認為有少少油膩，吃到最後會有點「漏」。整個拉麵我會給70分。南蠻炸雞只是一般般，不是太脆，有少許失望。

一個143蚊pizza ,得手正常掌大。完全冇諗過細到咁，呢個價錢，對唔住顧客。仲要得果幾粒雞，好似一個pizza 飽咁。美人鍋既和牛肉薄過張紙，要7xx . 性價比低，牛肉亦沒有油花，沒有牛味，感覺就像被騙一樣，上了賊船。最可取係個景…唉⋯⋯一定冇回頭

今日星期日中午時段，餐廳只是半滿，尚有一半位吉嘅。我哋4人入坐，3大一小，服務員在靠牆位置的二人枱加一張座椅給我們4人！當時有最少兩張4人卡位，還有3-4張方形4人枱，另外尚有8-10張2人枱未有人坐！我問方形枱可否給我們，服務員表示已有人book，我表示可以兩張2人枱，但他沒有理會，說沒有位！真的嗎？4個人怎樣坐2人枱？我坐下個兩個人每邊凸咗一半出嚟，真的不能想像上菜後怎樣進食..。如果你冇位可以出聲，但全場只有一半人，枱只有一半滿，一半冇人，你唔係offer 我4個人坐2人枱咁小家呀？話哂你一個lunch set 都$250起跳，請問我做乜要咁屈就咁食一餐呢？

出街食飯踩地雷係人之常情，d嘢太難食冇嘢食落肚都預咗，連水都冇得飲就真係第一次。OpenRice 已經劣評如潮，但係朋友話有海港城coupon 就硬著頭皮吧。首先什麼魚生沙律，去爭鮮幾蚊一件也不會腥，這碟係腥臭😰然後火煱，五百幾蚊什麼澳洲牛加豬，牛肉一邊豬肉一邊，以為有嘢食啦，原來牛肉只係三塊😧叫左三個不同既卷，叫做正常，不過冇需要都唔好叫。什麼pizza，都係唔好叫叫左壼上既熱綠茶，d waiter 係好忙，所以唔會理你無論你點樣揮手。除咗本身壼中既水，之後最後成晚都冇加到水，所以成晚冇水飲😑之後綠茶芝士蛋糕，冇义冇匙羹，又係揮揮到傻，唔係用手嗱😪埋單$1700， 唔知咩原因coupon 用唔到。然後最唔明點解咁多人訂位同walk-in 等位。真心一文不值。

日本餐廳，坐低水/茶都冇杯，叫咗3樣食物2杯飲品，食物份量極少，味道非常普通，飲品份量正常但價錢略貴，埋單5百幾，好似冇食過嘢咁。唯一可取只有維港景。完全中伏，一定唔會再去！$68 四舊仔，未食過呢啲卷物三文魚薄到咁，包住一堆菜$58啤酒，$68桃味飲品，略貴$148 鰹魚片，得幾片仔，極唔抵仲有叫咗烤雞年糕薄餅，$148，下午茶size，仲細過餐廳俾我擺食物隻碟！呢間餐廳出名食美人鍋，我就冇叫，見到隔離枱2人份7百幾蚊得啲菜，肉都冇片，真係得啖笑，結論係唔會再嚟食。

等了大概半小時都沒有來食物，我叫了燒豚肉午餐，跟住侍應終於將食物放上枱面，一看之下，原來搞錯咗，唔係我叫嘅，嚟咗個雞午餐，侍應一聲不說便攞走剛送過來的，一句對唔住都冇講就攞返走嗰啲食物，我當然好唔滿意，我問返佢大概上餐時間仲係咪要等多半小時，佢話唔晒，應該大概等5分鐘左右，不過大概等20分鐘都未到，突然間有個侍應走來同我講話唔關佢同事寫單嘅問題，係廚房個廚師睇錯單，所以出錯，其實我理你邊個錯，總之攪錯個餐唔道歉就有問題！(張相係坐低接近一小時影嘅，除咗嚟咗杯咖啡乜嘢都未上)

因為有海港城coupon的關係,貧民即刻出海港城對住個海食個靚飯!我地相約左lunch time試試佢d lunch menu!佢出名係個個美人煱但係我食過,係無咩特別,純粹係睇住舊骨膠原溶化!最後我係點左 炭燒走地雞料理,覺得無簡錯!佢成個料理好豐富,有沙律有玉子仲有天婦羅!而個個炭燒雞肉,上碟的時間佢放在係石燒上面,上碟個滋滋聲令我地更加覺得肚餓外面有炭燒的香味!一入口係有雞油又嫩滑口感係超好加上個味道!值得再次食

為左記念六四，出尖沙咀搵野食。野食算好食。價格偏貴而份量不多。主要食海景，裝修都很一般。侍應服務都很一般。租金決定價格的餐廳。美人鍋本身唔平，好彩連刺身一起叫有優惠。1100元有齊和牛䳅一條魚。加左個烏冬先夠飽。由於渣左車，沒有叫酒精飲品。見到佢啲啤酒好似不錯。不過唔飲得。叫左烏龍茶和咖啡。價錢反映質素。38元一杯味道就普通。地點決定價錢，食物質素中上。但一定唔會係抵食。見佢餐牌有其他小食，或主食，反而唔算太貴。佢最貴都係美人鍋。駕車人士下午六時後入車，300元消費可免六小時泊車費。

第一次係度食lunch，睇落好多都吸引，最後每人1set，有飯有麵share黎食😌/一直想試雞白湯拉麵好耐，估唔到尼度有得食湯底好濃，偏杰身漿口，有d似佢個火鍋湯底，食左一半覺得咸左少少😂拉麵係粗麵，掛湯一流👍🏻反而雞肉丸肉質有d鬆散，口感麻麻。跟餐炸雞幾嫩滑，成份食晒好飽😳另一個set比較多人叫，但食落失色d😕可以揀2款飯，飯太淋，加上d餸冇乜特別，食完冇乜印象了👎🏻天婦羅中規中矩，咁岩秋葵同粟米芯都係我地唔食嘅，得返隻蝦同南瓜，南瓜爽口嘅🥲成個set都失望🙍🏻

如題好普通的火鍋店。無想象中咁好食，寧願食返台灣麻辣火鍋同埋火鍋配料餐牌唔多，純食牛肉豬肉多🥓豬肉反而比牛好食，我哋已經係叫靚既牛。唯一好既係中間湯底夠味，不用麻醬都ok，但整體上唔太驚艷！

星期日諗住同朋友食個Tea 點知撞正落場時間好多餐廳都冇開所以就同佢求其行咗入一間 諗住試吓咁我哋去到reception嘅時候佢係話仲接緊客嘅 我哋order左兩份定食全部野份量都好細 連埋+1差唔多$300一份 男士們應該唔係好夠飽講咗麵豉湯先 非常之鹹 越飲越口渴魚生沙律幾好食 沙律汁好酸幾開胃豆腐方面 亦都係太鹹 但係味道唔算差之後個唐揚炸雞 上到嚟嘅時候已經唔脆同埋都係好鹹 但都唔算難食然後就到兩個飯啦 牛肉飯個牛肉一咬落去成口粉 蟹肉三文魚子嗰個飯 蟹肉微腥 三文魚子非常腥佢個飯已經係黏到好似粽咁 而且味道好差重點係佢個Menu上面係冇提過佢唔係比正常白飯好啦最嬲都唔係食咪唔好食當時朋友病咗要食藥 但係全部職員喺晒沙發瞓覺有啲玩緊電話我問佢哋可唔可以幫忙倒杯水佢哋就大叫其他同事幫手但係完全冇人應跟住佢哋繼續玩電話繼續瞓覺完全冇諗過幫我依個客人但係我係要比+1服務費結果竟然要自己斟杯水嚟飲真係嬲到爆炸

2年前係我最喜歡既其中一間餐廳，2年後第一次再去，可一不可再，咁既服務，食物質數同份量，連水都唔比，話要錢，服務又唔係好，成間餐廳都煙霧彌漫，抽風好差，枱又污糟，憑咩收中環高級料理價錢，被騙一次就夠，唔會再去！

叫咗兩個定食坐吧枱，食就一般，不算太差，夥計服務態度就一般，比有些茶餐廳差，如果坐窗位或露台邊食飯，以食環境嘅價錢都可以接受，你冇期望就不會失望，如果天氣好坐在外邊食飯，同條女傾吓計，談下心就一樂也