塚田農場 (已結業)

終於到星期五啦！要好好獎勵自己，愛玩小生跟朋友去海港城行街，挑選了這家有維港海景的餐廳- 塚田農場。這家主打火鍋和燒肉，但我們就點了小菜，慢慢品嘗維港日落！1️⃣ 日本產油潰生蠔廣島生蠔就經常聽到，而日本油潰生蠔就第一次聽到呀！ 這個生蠔並非普通生蠔的海鮮味，而是帶有微微鹽的鹹味的生蠔。蠔肉不算肥美，但總算試過一次啦！2️⃣ 三文魚牛油果美人卷這個美人卷分量適中，而且製作精美！三文魚肉質彈牙，牛油果新鮮厚切，整體口感鮮甜！3️⃣ 香橙雙種芝士沙律因為跟朋友都很喜歡吃沙律，而且橙肉顏色吸引，又多維他命C，加上沙律菜非常爽口，非常好味呀！4️⃣ 三文魚親子鹽昆布炒飯至於主食方面， 三文魚親子鹽昆布炒飯是值得一推！份量多之餘，三文魚肉粒和三文魚子數量較多，配搭鹽巴調味，帶出三文魚甜味和昆布的香味！📌塚田農場(尖沙咀）地址：尖沙咀廣東道 3-27號海港城海運大廈2樓OTE202號舖*更多香港好去處： http://www.iplayhk.com

如題，但仍然有人排緊隊，除咗個view好睇D外，諗唔到再去的理由。魚生和牛壽司晤好食，叫了壽司豉油都冇，唔問又唔俾，個炒麵硬鐵線，shabushabu又唔好食，真係油麻地。

Tsukada Nojo is a restaurant originally from Miyazaki, Japan. Known for using it's own free range chicken and vegetables direct from it's farm, it was a true farm to table experience. They have several branches in Hong Kong but it was the Tsim Sha Tsui branch that was the most convenient location for a girls night out.Menu is in English and Chinese. They offer a la carte along with sets tha involve their popular hot pot. But as it was hot outside, we decided on the two people grill set for $1188

今日趁起身早，於是就黎田農場食午餐啦。呢間我地係距一開業既時候就已經食過啦，果時打邊爐🫕，坐窗邊位，睇住夜景，個用餐感覺都幾正面。 不過！！！服務方面簡直係差評！今次黎就簡直係一肚氣，由入門口開始，個肥肥地既侍應就唔多理我地，掃曬健康碼，量曬體溫，但完全唔帶位。直到另外一個侍應出來先問我地係咪兩位，我地話下，我地做曬程序，但你同事完全無視我地。 之後她先即刻帶我地入去。 服務方面，另外上菜既女侍應好求其咁擺啲野係我地面前，心諗乜呢度係茶餐廳？ 完全冇用腦冇用心去服務，憑咩收10%服務費呀？講翻野食啦！ 諗住如果野食OK就算啦，但係！！令我要寫呢篇食評既原因係！食物質素都好隨便！ 完全同唔印象中既差太遠！ 賣相求其，壽司跌曬都唔理！而且貨不對板！ 雖然價錢對唔地黎講唔貴，但係你差唔多200蚊一個午餐定食，可否三文魚生片唔好切到透明咁？可否個豬肉不韌？ 可否壽司餐既配菜正常少少？ 我食完翻到屋企肚痛！ 對於呢間餐廳！失望至極！ 怪唔得其他餐廳要排隊，得呢間係walk in 冇難度啦。

睇咗下網評話個海景好靚食物好正，所以預先訂位諗住嚟食個開心午餐啦！點知原來不是想像中咁正首先坐位梳化太冧，真係好睇唔好坐環境係對海但只限近海幾張檯，餐廳雖然開揚夠光猛，但係真係有啲熱冷氣唔夠涼😓食物上枱極失望，實物和餐牌圖片有差別！我個「美人」都唔係圖片上嘅美人擺樣極度失真😭本來開心見到份套餐即時沉咗一下😳唉！而且壽司上嘅刺身入口感覺唔係想像中咁新鮮，果3件天婦羅炸到冧哂😩而且入口就知d炸粉醬唔靚其餘倆份「框飯御膳」仲各加咗$20轉《大蒜里肌肉》，其實應該係日式豬肉嚟㗎！但上檯個下見到同食入口嘅係好似一份好不大體嘅薄切义燒囖大家心情再沉咗落去！本來嚟慶祝🪅都搞亂咗心情咁嘅價錢諗住食個靚午餐點知原來係咁嘅質素應該唔可能有下次再嚟啦！

最近食左呢間黎自日本宮崎既居酒屋，係海港城入面，窗邊位置海景一覽無遺😍呢度最多人點既應該係佢哋既美人鍋，但係我同朋友當日都唔係特別想食火鍋，所以就冇嗌到。 1️⃣鰻魚忌廉芝士美人卷（$68） 有啲似越南米紙卷，入面包住啲蔬菜、鰻魚、cream cheese，外面卷皮煙韌，入面係爽脆既，味道唔錯😌  2️⃣梳乎厘玉子燒 蟹肉（$108） 漲卜卜🤤食落帶甜味，蛋味香，蛋亦都唔會煮得老，入面夾雜蟹肉，好好食😋  3️⃣沖繩大島魷魚配豚肉炒麵（$108）鐵板上，上到黎既時候仲有滋滋聲～熱辣辣🔥炒得好香，豚肉大大片，係帶肥肉既位置，食落唔會乾韌。 

極不推薦呢間餐廳🙂，收得貴然後出餐極慢👿，叫左3個餐，用左一個鐘去等佢出餐😡（第一個餐等左半個鐘到，第二個等多15分鐘，第三個餐再等多15分鐘）黎到啲野食又唔係特別好食，收得又貴，性價比極低，唔會再食呢間餐廳😿美人框飯御膳 $198可以自選框飯同埋主食，依照自己個人喜好選擇想食的野，自由度係幾高的，飯係糯米飯，口感煙韌，幾特別，我地揀左炸天婦羅🍤，兩個餐的份量都明顯睇到唔同，即使係同一個餐😣清酒味噌燒 鹿兒島天然豚里肌肉御膳 $198普通燒豬扒咁樣，等左佢呢個餐成一個鐘先到🥵，黎到塊豬扒仲係燒到黑蚊蚊，勁燶🤬，中午時間由落單到個餐送到要成一粒鐘完全唔可以接受，個餐到左仲要趕頭趕命咁食，收呢個價錢俾呢個服務🙃，問佢地平時係咪出餐都要咁耐又話唔清楚， 完全不能接受！😡塚田農場 (尖沙咀)尖沙咀廣東道3-27號海港城海運大廈2樓OTE 202號舖

美人拉麵御膳 ～ 海港城Coupons之選抵食Lunch set 加 維港海景黎緊又落雨🌧⛈趁好天☀️去chill下食個晏😋雞白湯醬油拉麵御膳 + 南蠻炸雞起初以為佢同一般日式醬油湯底會好咸 驚喜地食落入味之餘又唔會口喝 仲可以飲左大半碗湯底😋細食既我 食左半隻大雞脾🍗都己經飽左 ～推介：🐷🐷🐷雞白湯柚子鹽拉麵御膳 + 豚丼柚子獨特既味道令到個拉麵湯底好清新，平衡反雞湯所帶黎既油脷感👍🏻（👅男仔食都話飽到嘔）推介：🐷🐷🐷🐷總括黎講，餐廳環境舒適，Lunch黎望住個海景會有種忙裡偷閒既感覺

同事話呢間嘢好有日本味道 而且對住海景 但係到店嘅時候店員話海景可能要排一個鐘 最後都係坐吧枱❣️ 南蠻炸雞年糕薄餅 $108炸雞上面淋咗醬 冇咗脆口嘅感覺不過係好食嘅 年糕份量唔多 切成小塊嘅話每塊大概有一條倒但最意外係個餅底 一心以為係平時Pizza嗰啲麵粉猜出嚟 點知原來係米餅底🍘 食落好似旺旺雪餅咁 感覺好得意❣️ 火炙三文魚壽司卷 $98講真同平時食落嗰啲冇乜分別 餡係幾多但都冇咩特別 玉子🥚青瓜🥒吞拿魚🐟蟹柳🦀如果冇乜Quota嘅話 呢個可以考慮下唔使嗌❣️ 炭燒鹽麴大蒜豚里肌肉 $198一份有10條 見個價錢咁貴就睇吓有咩特別 每條肉條都偏薄身 唔知係咪里肌肉本身就係咁有啲乾要伴水先食到 $200食幾條肉真心CP值好差❣️ 吞拿魚長芋美人卷 $68米漿做嘅皮薄薄地點埋豉油食 中間淨係包住啲蔬菜🥬入面包住嗰塊吞拿魚都幾厚幾大塊 覺得美人卷每款嗌晒都可以 似平時前菜食沙律好fresh好開胃❣️ 塚田梳乎厘玉子燒 $98之前喺YouTube見到好多次一直好想食 動L動L最啱用嚟打卡影 boomerang好鬆軟好軟熟真係好似梳乎厘 切開入邊勁香蛋味

去尖沙咀行街見到尼間幾吸引就去咗試吓三文魚親子鹽昆布炒飯🍱🍲佢有三文魚同三文魚子，三文魚子嘅咸香幾突出。Peach Tea🍑☕️唔係好假嘅peach 味 入面真係有白桃係入面，味道啱啱好，好解渴🤤。鰻魚忌廉芝士美人卷🥢🧀佢嘅外皮有小小煙韌，賣相好精緻，鰻魚同忌廉芝士加上菜，口感好豐富，味道好fresh。海蝦羽衣甘藍沙律🦐🥗海蝦好新鮮，亦都燒得啱啱好，除咗kale 之外，仲有粟米🌽，蓮藕同薯仔，佢自家製嘅醬汁好惹味

放工shopping完當然要搵間好嘅餐廳happy 吓見到呢間餐廳最出名嘅係日本地雞當然要試吓啦第一樣嘢梗係叫支啤酒先啦happy hour Time送酒嘅話就叫咗頭盤叫咗一個日本產油漬生蠔生蠔因為係用油醃製過所以生蠔比較乾身會比較鹹唐揚甑島海老你會食得出呢隻蝦係真係海蝦好有鮮味就算揸咗一年學識你都唔會覺得硬身蝦味濃郁甑島醃蒜燴銀帶鯡魚呢個餸就咁食有啲鹹 一定要叫炭燒黑薩摩地雞雞肉非常嫩滑而且佢係用鐵石上所以雞皮燒到有啲脆 一定要食！ 壽司叫咗個和牛壽司賣相幾特別打卡一流由最低嘅牛肉開始食到最高嘅牛肉頭兩格就普普通通但係第三至第五格嘅牛肉就入口即溶 你可以知道牛肉嘅level係完全唔同 可以再嚟因為嗰隻地雞真係好好食

二人午餐。叫咗兩份美人框飯御膳 (每份$198)，再加$20 upgrade主食做豚肉，另收加一。1) +$20 嘅豚肉 圖文不符。黎到好細份，極之失望。之後問店員，佢話餐牌係用咗正常份量嘅圖片，但係跟餐加$20係會細份啲。份餐牌十分誤導，接近呃人。佢話可以換第樣嘢俾我哋嘅，但又要繼續計我哋個半鐘要食完，所以最後冇換，費事搞。2) 啲飯上邊嘅餸全部都好乾，特別係件雞簡直係擦子膠嘅極致。件三文魚好似煮好擺咗幾個鐘，又係乾晒，個樣似曬乾晒嘅鹹魚。3)上菜次序怪，個主食同啲飯分開幾次到，中間隔咗約15分鐘。4) 餐廳景觀係好，但清潔唔足，好多地方都起晒塵。天花板同張布藝椅啲灰塵都幾影響食慾。-唯一抵讚係職員好友善客氣, 有禮貌。

高溫酷熱天氣之下到海運大廈，把事情搞定係時候搵間坐得舒服嘅餐廳涼冷氣避暑。睇中這間餐廳有無敵大海景、早嚟到仲有位即刻入座點我最愛嘅壽司刺生，清一色食凍嘢降溫先三色刺身盛合 配Mitsuru釀造醬油Sashimi Assorted 3 with Mitsuru Soy Sauce> 帶子和三文魚子okay鮮甜！吞拿魚和三文魚刺生正常發揮，三文魚上放咗紫蘇花好靚呀鰻魚忌廉芝士壽司卷Eel and Cream Cheese Sushi Roll> 不嬲都鍾意食鰻魚，呢個卷物中間有creamy芝士、口感有少少彈性幾特別喎；外層洒咗啲芝麻唔怪得之香口啦，一啖一件咁話咁快清碟海老牛油果美人卷Shrimp & Avocado Rice-paper Roll > 一熱個人胃口無晒，都係食清啲好！美人卷餡料有蝦/蟹柳/玉子/生菜等，透薄嘅米紙皮煙煙韌韌，點酸酸甜甜個醬汁食落幾新鮮清爽；份量較適合細食嘅人Bloody Mary> 天氣好似火爐咁熱，唔飲凍嘢真係頂唔順，但唔想成日飲汽水梳打之類，揀咗呢杯餐廳新出飲品血色瑪莉(不含酒精)，因為我鍾意番茄有抗氧護膚功效，加埋檸檬

我一行四人到該餐廳用膳，因有多張海港城$100減$50的coupon。當日我哋第一枱入座，我問職員可否分兩張單，佢話唔得。咁我話，我哋分兩張雙人枱。職員就特登安排我哋兩張雙人枱中間隔咗張吉嘅四人枱。然而當時有三張吉嘅相連嘅雙人枱，卻不予安排。既然該職員有心為難我哋，我咪由佢，照分兩張枱坐。食物方面，不過不失。份量唔多，女士啱唔好，男士會差少少。食物賣相影相打卡一流唯獨上菜時間比較耐我哋喺店舖十一點半開門入座，十二點二才上菜

今日又係海港城同朋友食晚飯，因為臨近Coupon到期，7:00左右間間餐廳都大排長龍，行完一間又一間，打算揾d野輕食都有困難。最後簡左依間完全無試過嘅日本野。門口望落日本裝修，一行入去，哇！原來有海景嫁！好surprise！因為真係無做功課就亂入。餐廳有火鍋、鐵板燒、壽司、炒飯等等選擇。我地叫左一個鰻魚忌廉芝士美人卷 （$68）。講明先，Menu張圖望落好似幾大卷，到上菜時，係四小卷。2人食係無問題嫁。食落芝士大大粒，配上生菜凍凍地，加包住個有咬口嘅皮，我覺得幾好食，有d似越南野禁～然後上網睇，佢地有個蟹肉玉子燒 （$108）出名。幾得意，係個碗到倒落個碟，蛋入面軟棉棉，蟹肉係哂蛋嘅底部，甜甜地嘅蛋，好味！然後我地再叫左個三文魚親子炒飯（ $118），侍應會將個蛋漿倒落個熱pan到幫你用pan餘溫炒埋個飯。侍應無講，直接倒完就炒埋一碟，最後完成品有d醜，所以影唔到靚相味道唔錯嫁，飯濕濕地，充滿蛋香。最後叫多個豚肉炒面（$108），太油啦。面又炒到好硬，豚肉超肥，依個唔洗考慮了。今晚試左間環境好，食物質素都中上嘅餐廳，有驚喜。