塚田農場 (已結業)

尖沙咀海港城嘅❣️塚田農場❣️主打日本菜，無論壽司、火鍋、炸物都有提供，而最特式就係佢地嘅美人鍋同美人卷，啱哂貪靚嘅女士們。餐廳更可以飽覽維港景色，難怪成日都咁多人。𝗕𝘂𝗯𝘂推介🔥👍 三文魚牛油果美人卷美人卷近似越南米紙卷，加入日式食材，健康又好味。今次我就揀咗三文魚同牛油果呢個完美配搭，配上各款新鮮蔬菜，食落爽口，食多幾件都唔會滯💕👍 炭燒黑薩摩走地雞配稻庭烏冬上枱平平無奇，食落好有驚喜💯 黑薩摩走地雞作為餐廳招牌，肉質嫩滑之餘非常彈牙，帶炭燒香。充滿肉汁嘅湯汁配上煙韌烏冬，每一啖都係精華。📍塚田農場 尖沙咀廣東道3-27號海港城海運大廈2樓OTE 202號

一上枱覺得個豚肉分量好少，擺得好求其，整個餐味道也一般。餐飲成杯都係冰，小朋友點飲，撈起d冰無左三分一杯，大冬天駛唔駛放咁多。天婦羅後上，阿女話好食。枱與枱之間好密，先預訂卡位會舒服好多。

✨美人涮鍋 和風雞白湯(和牛) $788唔知關美人咩事😂賣相好壯觀好開心😍和牛底下全部菜😋好味啊不過都唔平 ✨和牛壽司盛盒$568Total 14件壽司 點生蛋醬油甜甜地好味 和牛無筋 ✨梳乎厘蟹肉玉子燒$108賣相成個菠蘿包咁🤓好嫩滑好味啊 蟹肉集中係中間 ✨炭燒黑薩摩地雞$278炭燒得好香 無炸咁熱氣 點wasabi 好夾 總括食物多選擇 味道係唔錯 不過少貴要book 位 夠鐘真係會叫你走味道：8/10服務：7/10環境：8/10 座位闊落 有海景✨性價比：7/10加一：✅

2023年第一餐希望食得好好地咁陽光曬住食Order咗美人鍋，影相一流，識落好似好多，但係其實兩個人唔係好夠食，亦都冇乜嘢醬汁可以選擇，最後問經理攞咗芝麻醬，唔夠辣點算冇辣椒醬，亦都冇Tabasco,再問咗經理攞咗七味粉，好過冇餐廳景色一流，食物睇落好好食，食落都唔錯，不過唔夠飽，再攞餐牌睇其實冇乜嘢揀，結果嗌咗甜品，食落都唔錯可惜匙羹超污糟換咗第二隻都係污糟到第三隻終於OK跟住再睇頭上吊燈，原來好多塵，果然唔係酒店級嘅餐廳真係真係差好多，但係收緊酒店給級的價錢個經理更不得了，因為新年所以著啲全新嘅白色T恤，食完之後小心地check一次完全冇污糟，結果個經理仔個給我收拾餐具滴左啲汁落張枱度收晒之後我發現我黐咗一點菜汁….. 我sure 喺條仔弄汚糟我件衫 很失望 如果係酒店食 我一定投訴到底 喺呢度唯有下次唔好食，或者避開坐出邊

一到節日條街多人，商場多人，餐廳又多人😂本身有間餐廳想食但係只可以食到三點三就要交枱，望一望時間都已經兩點半，九個字又真係唔夠時間食😂行過塚田農場見到唔洗等位就入左去食。.明太子年糕薄餅 $108年糕薄餅同我想像中好大出入，薄餅面頭鋪上沙律菜同厚切明太子，餅底係用年糕代替麵糰，烤完後薄又脆，煙煙韌韌幾特別，不過由於無任何醬汁所以無乜味同好乾.三色刺身盛合配Mitsuru 釀造醬油 $178刺身分別係帶子，三文魚同呑拿魚，帶子鮮甜，三文魚同呑拿魚就正常水準.鰻魚忌廉芝士壽司卷 $98卷物中間有一舊芝士，鰻魚同青瓜，芝士好creamy 配埋一齊唔會好溜，一啖一件好快食哂.宮崎南蠻炸雞(原味) $93雞肉尚算嫩滑，不過個汁有少少咸，點埋個沙律醬好有麥當勞既味道😂.甑島醃蒜燴銀帶鯡魚 $98一上枱就聞到好香，鯡魚配上醃蒜橄欖油，鮮味又入味.甑島醃蒜銀帶鯡茶葉天婦羅 $98鯡魚包住茶葉去炸，炸到外脆內軟而且食到有茶香味，幾特別.蒜香薯條配特製芝麻醬 $68薯條配埋蒜片，單食薯條就無乜蒜味不過食埋蒜片又有少少苦，薯條炸到好脆會令人一條接一條甘食好快就食哂

日本過江龍居酒屋🏮，一邊望住維港靚景，一邊品嚐日本料理還有鹿兒島菜色，用上鹿兒島盛產，當然要試吓😋鹿兒島鄉土料理～骨膠原雞飯好特別嘅料理，飯上放滿雞肉粒、蛋絲、紫菜、洋蔥、香脆薩犘芋，還有白色的骨膠原😍，倒入濃郁的雞湯，骨膠原就溶於飯中，整體味道香甜，仲暖笠笠🥰鹿兒島天然豚肉壽司卷外層及餡料都用上天然豚肉，肉質緊緻鮮味，加其他配料做成壽司卷，口感豐富薩犘芋＆紫薯茸雪糕甜品外型可愛，好似兔仔🐰，幼滑香口紫薯茸，裡面有香甜嘅薩犘芋雪糕，好味又搶眼✨ 三文魚牛油果美人卷透明嘅外層，可以清楚見到餡料的豐富，除咗鮮味三文魚及軟滑牛油果，還有芝士及新鮮蔬菜🥬，味道清新

尖沙咀嘅呢間塚田農場，我成日去，可以有好靚嘅環境之餘，食物亦都唔算特別貴。一個簡單嘅炒飯，大約係$100左右；另外我下午茶都會嚟呢度飲日式Cocktail，就係鍾意佢有落地玻璃對住大大個維港嘅海景。需要一提嘅係，呢度店員服務嘅態度真係非常非常之好，每一次都會用雙手將你想要嘅嘢奉上，殷勤招待。一坐低嘅時候，我一定會叫一杯飲品，我想要清新啲嘅味道，所以就叫咗Cucumber Calpis，特別一提嘅係，呢杯酒裏面加咗青瓜汁，青瓜汁本身除咗清新之外，亦都有一浸甜味，Shochu味道唔算太濃烈，所以係一杯好refreshing呢度嘅飲品。之後我都叫咗一個疏乎厘玉子燒，玉子燒，剛剛嚟到嘅時候係用一個鐵板裝住，然後點叫我起身玉子燒反轉，放落一個碟上面，領導玉子燒嘅外皮有一陣焦香，近乎焦糖味嘅焦香味；內裏有豐富嘅蛋汁，再加埋鰻魚配料，喺呢度嘅signature之一。我自己本身鍾意健康，所以揀一款沙律🥗，佢個Vitamin Tower賣相吸引，醬汁仲有紅蘿蔔汁同埋洋蔥汁供選擇，我就揀咗紅蘿蔔汁，整個沙律嘅菜都好多種類。最後我驚自己唔夠飽，所以都叫咗一份炙燒三文魚卷，炙燒過後嘅三文魚，會有一層香口嘅油。

今日三代同堂出TST睇燈飾，睇完就去左海港城食晚飯，去到塚田門口睇餐牌，其實之前食過一次，不過晚餐今次係第一次食，個女Receptionist可能見我孭住個訓著既BB 所以就通知左我先 講話淨返近門口既吧台位置，對我來講直情very good啦 又corner 又高櫈方便我起身 又近門口方便阿b喊果陣行出去 又可以望住師傅煮野食。之後入座好快就落左單，出菜速度控制得好好，基本上差唔多食完一道菜 另一道就上啦 唔會一次過隊曬出來。 望住師傅猛燒雞粒 燒得好香又好好食😋。仲叫左個雞加蛋既炒飯但冇影相，都好好食，侍應哥哥係我地面前倒隻蛋落去，靠個鐵鑊既温度煮熟隻蛋撈飯❤️期間個receptionist之後都有問我要唔要轉入卡位，不過唔緊要，我都係覺得吧枱舒服d❤️好有心 🙏 thank you 全場既員工都好有禮貌好有heart, 希望可以努力繼續保持落去❤️加油

今日放工向尖沙咀海港城shopping同埋打卡感受下聖誕氣氛🥰🎉🎉，行完街去海運大廈，係這家“塚田農場”餐廳，寧靜嘅環境對住維港夜景用膳，多麽醉人，當中亦點了輕型食物，食物方面賣相吸引，創意滿分💯✨［維他命Tower沙律］$98😋🥦🥒🍅用各色各樣爽脆蔬菜，用長杯子蓋著一層層🔪粒粒的，每層色彩絕美配上紅蘿蔔汁夠，充滿維他命 ，口感清新🥰🌟🌟🌟🌟🌟/5✨［海老天婦羅壽司卷］$98粒粒魚子入口爆，海老大大肉好有肉 ，夠鮮味🌟🌟🌟🌟🌟/5✨三文魚親子鹽昆布炒飯$178粒粒魚子、雞蛋、昆布、三文魚，炒到粒粒均勻，淡淡醬油香味適🌟🌟🌟🌟/5🥑［美人盛合牛油果］$178（揀以下三款）✅海老牛油果美人卷✅三文魚牛油果美人卷✅鰻魚忌廉芝士美人卷❎吞拿魚長芋美人卷選用上薄薄米紙，卷著幼絲絲嘅菜絲及其材料好fresh，卷內牛油果+忌廉芝士好match，清新又健康。感受到廚師的創意“手工卷”刀功了得，配搭得非常好！😋🌟🌟🌟🌟🌟/5#香港#尖沙咀美食推介#塚田農場 #日式餐廳 #沙律#米紙卷#海老 #卷物#創意#牛油果 #蔬菜#美景餐廳 #打卡 #tsimshatsui#fash#hkfoodstagram #

📍塚田農場📮尖沙咀廣東道3-27號海港城海運大廈2樓OTE 202號舖.去完日本之後總係掛著日本既食物, 為左一解思鄉之仇決左搵間日本菜食先得🫣.相信大家對塚田農場既名字唔陌生, 甚至已經食過好幾次, 餐廳主打日式鍋物, 礙於近來天氣涼左成日打邊爐既關係, 今次就試下佢地其他signature dish啦.鹿兒島鄉土料理「雞飯」HKD128呢款係期間限定當然要試下啦🤫雞飯係鹿兒島既特產, 配上一壺熱辣辣既雞湯, 倒落雞飯入面食落暖笠笠, 飯上面除咗雞肉, 仲放咗啲蛋絲, 紫洋蔥粒, 蘿蔔蓉, 炸天婦羅番薯片, 好有日本風味梳乎厘玉子燒·蟹肉 HKD108聽講好似係其中一款必叫item, 當然唔會錯過啦😛玉子燒好鬆軟好fluffy, 蛋香味濃郁, 加埋蟹肉令整個層次感更豐富炭燒清酒（結）味噌銀鱈魚 HKD198銀鱈魚肉質嫩滑, 輕輕帶有清酒既香味, 炭燒過後迫左啲魚油出黎, 食落味道香口魚油香味滿滿🤤炭燒黑薩摩走地雞配稻庭烏冬 HKD118雞湯同稻庭烏冬分開上, 要將烏冬先放落湯底再品嘗🤨烏冬幼滑口感彈牙, 湯頭唔算好濃, 而且唔係咁容易掛係烏冬上面, 食落味道較淡, 黑薩摩走地雞肉有肉

最近終於完咗sem，可以周圍去食嘢啦！今日嚟咗位於海港城嘅塚田農場～可以一路品嚐日本料理，一路睇住無敵大維港景，氣氛好好！沖繩大島魷魚配豚肉炒麵 $108炒麵用鐵板盛着，熱辣辣，非常惹味。炒麵材料豐富，主要有面、椰菜、豬腩肉同魷魚。另外，仲加咗日式紅薑絲，色彩鮮艷，酸酸地，好開胃。麵條佈滿醬汁，質地彈牙。椰菜同魷魚好爽口，為成道菜增加口感。豚肉充滿油香，好滋味。塚田農場梳乎厘玉子燒 $98師傅會即場喺食客面前從煎pan倒出玉子燒。玉子燒充滿空氣感，好fluffy，攞匙羹打佢會彈下彈下🤣🤣。玉子燒蛋味濃郁，外層煎過嗰part特別香，內裏玉子充滿湯汁，帶少少甜味。炭燒黑薩摩走地雞配稻庭烏冬 $118店員有我哋介紹佢哋主打走地雞，所以我哋嗌咗啦依個set。稻庭烏冬幼身啲，麵條非常滑。黑薩摩走地雞充滿明顯嘅炭燒味，好香，雞肉肉質彈牙、嫩滑，而且好入味。雞肉冇骨，方便客人進食。將烏冬加落湯，再加上蔥，味道非常好。Lychee Soda $48今期飲品買一送一，非常抵！我哋叫咗個荔枝梳打，好多氣，有一陣淡淡嘅荔枝香，好清新。White Peach Soda $48白桃梳打入面有好多細細粒嘅白桃果肉

海運大廈自從伸延出去海那邊，多了好多食肆進駐，選擇也多了，我也經常去搵食。今晚不太肚餓，去了一間日式餐廳，坐享香江夜景之餘，飲番杯酒，再加點小吃，滿足！柚子酒，柑桔酒品嚐得多，紅蘿蔔梅酒第一次試。色澤好美，有點似鮮榨紅蘿蔔汁，味道梅酒味比較重。海老牛油果美人卷，唔知點解叫美人卷，是否卷皮通透似女士們的臉頰…. 呢！餡料足，有口感。日本產油漬生蠔，質感似中菜的金蠔。蠔味濃郁，採用了橄欖油，不油膩。梳乎厘玉子燒-鰻魚。彈吓彈吓，有噱頭。玉子燒底站隱藏隱藏著鰻魚。蛋味濃厚，入口嫰滑。

上次食完定食，一直都好想試吓shabu shabu，所以今日專程過嚟試吓塚田農場的涮涮鍋。我哋預約咗中午1:00 ，準時到達餐廳。入座後我哋就即刻揀咗美人涮鍋（澳洲牛肉）壽喜燒Pineapple juice & Ice Yuzu tea，同上次一樣美人涮鍋，鍋邊鋪滿澳洲牛肉，下邊嗰層就係蔬菜，牛肉非常美味，係我喜歡的味道加上壽喜燒湯底好夠味。套餐包括兩個主食可以揀飯或者烏冬，我哋就揀咗烏冬，烏冬都唔錯，煙韌爽滑。仲配有兩個生雞蛋，可以增加牛肉美味的口感。總括嚟講今次比起上次食定食更加滿足，牛肉壽喜燒好美味用埋海港城coupon真係抵食。

終於有啲聖誕氣氛 海港城門口擺放左好多聖誕樹 打完卡就揀左呢間有得望住靚靚海景嘅餐廳撐枱腳❤️食飯可以望住海景真係好chill❤️除左大餐牌上嘅菜式 仲有套餐可以揀🤤比美人卷個賣相吸引左 外皮好薄好透 顏色好靚蔬菜新鮮 芝士味好濃👍🏻上枱嗰陣侍應會幫手淋上蛋液同兜一兜 動作太快影唔切相添😂都幾多料👍🏻鐵板燒到好熱 炒飯放一陣底部會有飯焦出黎 超正😋豚里肌肉食落唔乾 而且燒得好香 仲有幾舊醃蘿蔔令成件事冇咁單調超吸引嘅梳乎厘玉子燒😍睇住侍應喺隻碗度倒佢出黎 超動L😂熱辣辣出唒煙切開入面充滿水份 甜甜地好好食 仲有舊舊蟹肉紫薯茸雪糕好掂😍睇得又食得薩摩芋特別香 唔會好甜 仲有粟米片白玉紅豆等配料點睛😍正有別於平時嘅焦糖燉蛋 呢個布甸真係好好食😍好似茶碗蒸咁滑 面頭焦糖超脆超厚😍食得好過癮

每次行到海港城，都會掛住呢間塚田農場！知道呢間嘢由日本傳入，食材都係有日本輸入，所以對佢嘅期望都十分之高！呢排因為疫情嘅關係，都可以用到美食券，所以令到佢book位嘅程度大大提高，但係閑日平時中午去食嘅話Walk in都可以攞到位！如果咁啱中午喺附近又諗緊食咩嘅朋友可以考慮吓呢間！推薦：⭐️美人鍋牛肉鍋御膳（$660）：如果鍾意食精不食多，可以揀呢個鍋加和牛！建議個湯底煲滾之後，先試一兩啖個湯底之後再食和牛，而和牛亦都可以點蛋汁食。最後先擺啲日本直送嘅蔬菜落個鍋度煮。配飯食，簡直一流！⭐️炭燒雞：呢個係絕對要試，華聯嘅雞件會跟着鐵板上，預計雞件會有少少灰黑色，雖然睇上去唔美觀，但係食落去香嫩多汁。唯一要小心嘅係，如果着白色衫就要小心啲油會彈到上身！整體來講間餐廳嘅位置非常之好，如果朋友聚會，對住維港海景180度玻璃無死角，咁佢嘅價錢的確有可取之處！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼