塘西豐味館私房菜

营业中

休息中

【西環。懷舊打卡私房菜😎】  #道道驚喜道道讚。 ❤️‍🔥= 極力推介的單品柚子冰川鮑魚 $58 ❤️‍🔥黑松露蝦仁炒滑蛋 $128炸子雞半隻 $168❤️‍🔥蜜椒金薯花尾龍躉斑球 $178🔸最近喺港大站發現咗間新開嘅私房菜，個裝修好有舊香港嘅感覺，有啲老上海風格嘅擺設，搞到成間舖好有格調，一入到去就好似穿越返去80年代咁😍🔸佢哋主打精緻粵菜，我試咗幾個招牌菜都幾驚喜。首先個柚子冰川鮑魚賣相一流，個鮑魚放咗喺個寶盒度，開蓋嗰陣仲有無限煙霧，真係打卡神器😁最緊要係啲鮑魚新鮮爽口，仲有柚子清香提升咗成個味道🔸跟住嚟個黑松露蝦仁炒滑蛋都幾出色，啲蛋炒得好滑，啲蝦仁新鮮彈牙，最特別係加咗黑松露，個香味夠香但唔會蓋過啲蝦仁嘅鮮味😋🔸佢哋隻炸子雞都係一絕，外皮香脆，入面嘅雞肉嫩滑多汁，醃得入味❤️‍🔥🔸最後個蜜椒金薯花尾龍躉斑球都幾吸引，用料新鮮，啲魚肉嫩滑，個蜜椒調味啱啱好，唔會太甜，配埋啲金薯，層次感十足

據悉是從灣仔某家食府搬到西環這裏重新開業。先來一壼熟悉感滿瀉的荔枝茶，熱茶温度由喉嚨流到胃部，激起了品嚐厚切茄子的慾望。茄子厚度如大姆指長，沾著鹹鹹惹味醬汁，茄芯燙嘴新鮮，是必食之選！然而一道正常發揮的拍青瓜，愛吃就點一客吧，芝麻香跟蒜蓉量都十足，絕不馬虎。黃金炸魚皮香脆可口，咸香令人垂涎欲滴。除了食物質素外，塘西豐味館還照顧到食客打卡需要。睇下呢道冰鎮柚子鮑魚，配個似水星的球體，誰也忍不住打卡。鮑魚煙韌有咬口，微酸柚子汁賦予帶咬勁鮑魚的生命。一波未平，剛以冷色調為主的擺盤，直接與紅噹噹的招財荔枝樹撞個正著。一粒粒由墨魚丸沾上米通炸脆的荔枝，脆口彈牙，旁邊放有一碟新鮮荔枝汁，淡淡荔枝清香，正好解炸物的熱氣感。（需要提早預訂）炸子雞想必很多食客都曾經嘗過，這裏的炸子雞特別之處就是嫩，外皮炸得通透卻不油膩，雞肉也保留了嫩滑肉質，就連雞胸肉也比坊間嫩得多。龍躉斑球與薯仔粒被甜蜜蜜糖包裹著，糖脆外身香滑肉芯，脆皮的裂縫中滲出魚香，啖啖肉入完一球再一球。這道蜜椒金薯花尾龍躉斑球要趁熱吃，涼了會變得很黏。真材實料砂鍋蟹粥，目測蟹蓋手掌大，鮮蟹將純白米粥染至金黃，湯匙一推，蟹香四溢，米粒分明，必點

塘西呢個名令人聯想到以前石塘咀，行過門口想裝又裝唔到入面🤣🤣因為貼咗磨沙貼紙，所以睇唔到入面，見到門面好似幾貴咁，有啲唔敢入去，但睇睇下個餐牌原來都唔算貴，咁抱住試下嘅心態啦…話唔埋試完可能以後會多個飯堂地方呢🤭🤭我哋一行5人，不過係3大兩細，所以都叫唔到太多餸，唯有精選咁揀幾個啦～見到有我最鐘意食椒鹽豆腐😝😝一定要叫，唔可以錯過😆😆跟住就係咕嚕肉，因為阿女要食，好餸飯😎不過個人認為份量少咗啲，但味道都yummy嘅😝仲有個荔枝球，先唔講好唔好食，淨係睇到拎出嚟個擺設已經有驚喜，有咁大隻招財貓，小朋友見到好鐘意🤣想拎咗隻招財貓返去🤭不過個荔枝球都好食，出邊嗰啲脆粒好脆，而且粒粒都大粒，食到好飽～炒麵都夠乾身，唔會好似有啲地方咁炒到好濕，啲麵都係幼身嗰種，正～仲有個茄子，唔記得叫咩名😆不過好多人都會order㗎！小食嚟嘅～可以叫多幾款🤣唔怕會太飽，另外個小炒王都炒得好夠獲氣👍呢間嘢會再幫襯㗎～下次試其他嘢先😎

聽了朋友推介,聽说晚上不訂座可能要等位,所以中午已打来訂了6点. 去到時已有几枱食客, 而且中間兩桌大枱已留了座,餐厅枱不多,6点半左右已全滿. 餐牌上的菜色也颇有特色,例如我们点的蜜椒龍躉,另外点了老火湯和鱼湯鱼腐浸菜苗,由於我们只兩口子, 只点了这些. 由於没味精,我们只吃餸没吃白飯也不觉膩,最后全部都被我们清盤了,實在好吃,份量也足. 还送了椰汁桃膠糖水,大滿足看到鄰座點了外观像荔枝的菜色,老板说是墨鱼膠颇驚喜,雖不知美味否,但外观已滿分,很想借来打卡. 店員服务也很殷勤,老板也熱情给我们推介菜色,还说菜牌上没有的,也可打电话来预訂,老板说他们是做私房菜的,所以客人可跟據客人要求訂製菜品,想不到小小的一家街坊小店也有這樣的服務.

吃過一次以後，已急不及待要再來這小館。  賞心悅目的牆上佈置，帶我們回到電影、音樂最輝煌的時代，視線被凝住了，未幾，特式小菜端上，色香味俱全，令人垂涎欲滴。  這裡已成為我和家人、朋友們用膳的理想地方。 

已到訪了塘西豐味館兩次，一次食午餐，另一次食晚飯。先講午餐果次，$60零蚊一個孜然乾炒牛河，跟熱飲同湯，十分抵食，最緊要碟牛河炒得很有鑊氣，香氣十足，而且牛肉夠淋，很合口味。至於晚飯，一行三人，點了脆炸豆腐、豬肺湯、炸子雞、蜜餞班球、荔枝墨丸及魚腐菜苗。雖然是新開小店，但份量十足，絕不欺場。我個人首推炸子雞，皮脆肉嫩，比酒店中菜廳還好吃，值得推薦。荔枝墨丸的賣相相當吸引，不單是美味佳餚，更是打卡首選的菜式。真想不到可以在這間新開的小店嚐到這些特色小菜，聽聞還有蟹粥及冰鎮鮑魚等菜式，下次一定再同朋友來嚐嚐。

第一次來到「塘西風味館」，點了一個黑蒜螺頭燉湯、蜜椒金薯花尾龍斑球、柚子冰川凍鮑魚、椒鹽豆腐、石鍋九層塔胡椒蝦、椒鹽墨魚丸、石鍋啫啫芥蘭及蟹粥！黑蒜螺頭湯非常之吸引😍😍，湯料非常足料,我們四個人喝得乾乾淨淨! 蜜椒金薯花尾龍斑球，斑球外被蜜糖包住，做到外脆內 軟,好味又特別！柚子冰川凍鮑魚,可以打卡而且又美味又醒胃,另外桂花鐵觀音茶🫖也很特別!😋😋還有一點特別要提，內裏有特別的打卡位，有90年代的黑膠唱片和金枝玉葉電影海報，充滿特色！

堅尼地城近年變化不少，新樓盤的進駐，連舊有的傳統餐廳亦逐漸流失，又加埋北上連綿，真的久違了香港的晚聚味道。最近在石塘咀有一間名叫塘西的私房菜，食落味道似曾相識，原來係前李公館主理人再戰江湖😀奈何我今次人數少，吃得未能盡興！ 前菜一貫水準，但係我會提議茄子能否切細少少，放棄用滾刀的切法。 甘味安格斯牛柳粒，牛柳粒有咬口、汁醬冇得頂、送飯一流。蔥燒龍躉球，剩係食料頭已經足夠，好惹味、龍躉塊處理得恰當好處👍🏻黑松露蝦仁炒飯 ， 坦白講，本人麻麻哋黑松露，最怕嗰浸石油氣味。但係今晚食呢個味道，出奇地冇石油氣味，可能他們懂得調放黑松露的份量，連蛋嘅質素也不錯，好香👍🏻我朋友成碟炒蛋用來送飯😀已經約了好友再來飯聚，希望下次仍然有驚喜😀

自從上次係豐味館俾左右兩張枱既炒飯香味吸引，已經決定要盡快再嚟食。上周末不用OT，即刻拿拿聲坐地鐵(香港大學站)去食飯~~石鍋福建炒飯。等左吾係好耐，一鍋熱辣辣既石鍋福建炒飯送到。炒飯好熱好香，配料同獻汁都好好味，不會太咸，剛剛好。因為用石鍋裝飯既關係，一直食到去飯焦，都能保持住熱度，冬天嚟食會更正。我平時不太好飯焦，怕太硬黏牙，但今次既飯焦硬度剛剛好，很適合我，讚！！！👍👍👍👍望望個餐牌，店長推介佢哋既午餐精選套裝餐蒸魚飯好抵食好好味，不過要早去食，才有機會食到。唯有下次再早D嚟食啦。

上星期和朋友經過塘西豐味館，看到這間新開張的餐廳，於是決定進去試試晚餐。餐廳的氛圍輕鬆舒適，內部裝修很有特色，牆上掛滿了戲院的海報，讓人感覺充滿了文化氣息。食物推薦拔絲龍躉球員工向我們介紹了新菜式——拔絲龍躉球。這道菜的龍躉球非常新鮮，外脆內嫩，配上特製的糖漿，吃起來甜而不膩，令人驚喜。龍仔蒸蝦飯接著我們點了龍仔蒸蝦飯，這道飯色香味俱全。蝦仁鮮嫩，飯味清香。魚腐上湯浸時菜最後，我們還點了魚腐上湯浸時菜，時菜的脆感也很棒。整體來說，塘西豐味館的食物新鮮，服務周到，餐廳的裝潢也令人印象深刻，是一個值得回訪的地方。期待下次再來試試其它菜式！

小女兒就快去英國讀書，見近石塘咀電車站附近新開張咗間中菜館叫做「塘西豐味館」，諗住今晚唔煮飯，多D 讓女兒食多D 港式小菜～ 一進門已經被室內木系裝設計吸引，牆上放置了三幅電影圖畫，彷彿真的置身於八十九十年代的電影院🎬內～ 另外，看到收銀處上也放置了不少懷舊的陳列擺設，包括即影即有相機，薄荷瑞士糖及金鷹朱古力食物罐，還有.. 那個☎️撥動號碼盤電.. 真的好久不見了.. 還有兒時會可錄音的Sony Walkman 📻呢～ 卡式錄音帶… 頓時很多很多七八十年代的回憶浮現在眼前～ 說回食物～ 我地一家四人叫咗1個小食.. 5個餸～金沙脆魚皮: 超好味！魚皮鬆脆可口，鹹蛋味香濃～ 一口咬下去，chop chop 聲。。完全停不了口，忍唔住一塊接一塊吃，老公也特意另外外賣一客返屋企送酒😂 砂鍋蟹粥：這個好像是要預訂的，幸好詢問職員今天有時令的奄仔蟹， 阿女最喜歡食海鮮🦀.. 粥底好綿也很清甜，蟹肉甘香美味😋～正！黑松露蝦仁炒滑蛋：一上菜已聞到黑松露香味～ 蝦仁爽口，炒蛋嫰滑不錯👍🏼如果再多D 韭菜黃相信會更美味🤤蜜椒金薯花尾龍躉斑球：甜甜辣辣味道有層次～ 肥厚嘅魚塊惹味，薯仔意外地好食～😍杞子魚

中秋節食晚飯，真係唔想揀中菜。見新開張，打電話問下，話無需叫套餐、無加價。咁就一於去試下。中秋節分2輪，5:30同 7:45。book左7:45，去到就入座，唔洗等，幾好。睇餐牌，同一般中菜小炒有啲唔同，啲餸幾有特色。訂位時，職員推介了幾款小菜，建議留左先，現場可能會賣晒。我們預留了 荔枝墨魚丸 和 黑蒜螺頭湯。現場吃了，實左好吃！想加個冰鎮咕嚕肉，可惜無訂無得食，唯有下次。總共叫左 3個小食， 1個湯，6個餸，1個粥，真係樣樣餐都好食，全部清晒！小食特別推介，話梅花雕蝦。餸就山葵沙律脆蝦球。粥係砂鍋水蟹粥，好鮮甜！7個人，吃了 $2200 。每人$310有呢個質素，唔貴，絕對會encore!

今日西環工作、 中午一陣大雨、又肚餓. 只想快快落腳、見到門口有人等位嘅餐廳應該不錯吧！待應姐姐很親切、 見我有大袋安排了單邊座位給我, 很窩心👍看看午餐餐牌、 好多種類、 A到N 咁多種選擇！ 最後選了「石鍋福建炒飯」等候時望望店内装修陳列、 有好多電影海報、 懐舊擺切、 盡是眼熟、 陪感親切😆食物上枱時嚇了一跳、 石鍋是熱到出煙、 而炒飯上有大隻蝦仁、菜粒、雞肉滿滿的⋯ 香味四溢！ 趁熱食、 好好味、 蝦仁有彈性、肉汁混和飯香、還有飯焦（驚喜）突然看到鄰桌、 有碟出煙、火候香味十足嘅炒河！ 2 位美女食客不奇然先索香味才起筷、 甚為可愛😆 證明這間餐廳是即炒、 廚師是高手！ 一向喜愛這些小店、 有香港獨特色彩、 親切、 高效率！ 而且出品超水準、 驚喜！ 甚少出食評、 但出品同店內嘅vibe 有莫明驚喜！ 下次要再來晚飯、 試試真章😝

而家做食肆已經非常困難，要味道好就更難，再比以前更好味，就更加非常難得。如果味道普普通通，那不如家裡求其煮就算。出外食飯，大家的要求更比以前高，這裡好味又要合理，達標！食例牌菜，豬肺湯，濃而不咸，椒鹽豆腐，外更脆內更軟，鮑魚大大隻，柚子汁甜味沒有蓋過鮮味，炒飯，粒粒乾身鮮香，吃完忍不住又再添。下次要試蟹粥。講冇用，去試試吧！

同同事去食lunch，總共8個人，因為lunch time關係，店內勁嘈，搵咗個長髮扎辮女職員落單，佢已經企喺我旁邊，但都好似聽力有問題咁，每講一句嘢都要講成3-5次，經歷咗十幾分鐘，終於落完單，果時已經1:20。到張單嚟到我哋再check下，發現飲品都係落錯，再叫返呢個阿姐過嚟，又再同佢講返叫佢改返啱。到1:30個阿姐又再行過嚟，話因為河粉供應不足，我哋原本叫咗4個炒河，只可提供2個俾我哋，叫我哋改兩個餐，咁我哋都好快改好咗。食物陸續上枱，但阿姐口中會留俾我哋果2個炒河到1:40都仲未見到，我哋就詢問其他職員，有個阿哥就幫我哋check，果2個原本留俾我哋嘅炒河已經失咗蹤，我哋又要再改其他餐。以打工仔嚟講，真係頂個阿姐唔順，落單要講十幾萬次都算！仲要錯完又錯，改完又改，你估打工仔食lunch時間好長？！講真，我而家食完真係胃都痛埋！如果大家真係要去食，建議搵男職員落單，千祈千祈唔好搵女職員！食物質素方面，炒麵飯果啲係可以的，湯米線就唔好試，同事話好難食