堤岸酒吧及餐廳

营业中

休息中

餐廳同公司很近但又未試過！見有同事生日就揀咗呢間試下。我地揀咗呢個套餐：😍龍蝦都係用烤、用焗係最香既 牛扒冇筋，唔錯唔錯！揀咗五成熟，好味道！餐廳環境坐得好舒服，好有空間感！餐廳員工服務好有Heat！如果份餐既量可以多少少同大少少就更完美！😀還有每道菜等候時間可以再縮短少少就更好！😁

來到見到呢個海景就有少少失望囉先來個龍蝦湯，個湯配果件肉肉嘅龍蝦鉗🤤好正仲叫左兩杯紅酒嘆下🍷🥂第二杯仲有半價，同友人一人兩杯🤗主菜龍蝦青豆飯就一般我本人唔太鐘意食青豆，而飯嘅份量都比較少，對於一位男仕可能會唔夠再上埋半份龍蝦+$80仲有唔記得幾多g嘅牛扒牛扒唔錯兼都抵食

向海港城血拼完醒起附近既 pierside😏 但早前推出既 set 已經轉款了,失望.由於我地無 book 位 walk in, 職員話餐廳已 full 可改到樓下酒吧用餐. 改左呢款龍蝦狂熱晚餐. 一場黎到都試試喇. 每度菜都有龍蝦的, 如果唔食龍蝦既都無其他 set 選擇, 只可散叫其他. 但奇在職員表示散叫需時, 要起碼等上一小時, 奇怪!？最後我同朋友都點左龍蝦餐. 可優惠加配甜品但無得優惠加配飲品🤔 亦都無提供餐前麵包, 唔知係漏左定餐廳改左唔供應. 龍蝦湯賣相幾靚, 大大隻蝦蚶, 味道香濃😋 後來睇返相先知有酒的🍾😝青豆意大利飯, 連我唔愛青豆的都覺得幾好味. 原先我地選二份相同香烤龍蝦的, 可能職員落錯單黎左兩款唔同的, 費時再換黎換去照要了. 香烤龍蝦多肉鮮甜, 另加$80 既西冷都唔錯, 牛味濃又嫩, 但份量真係超少只得二小塊. 但焗龍蝦米多就無乜肉食, 只有好多菇. 等左好耐先上到甜品, 其實一開始落單職員已話要落埋甜品, 但都唔明點解要等甘耐. 綠茶心太軟又幾特別, 用杯盛載係幾靚既, 但唔太方便食囉, 都食唔到下層既雪糕佢已經溶晒😅職員都幾 nice 但唔夠細心

慶生飯去左Pierside，於中港城皇家太平洋酒店內！餐廳門外充滿聖誕氣氛，放置大大隻熊啤啤，我地當然吾會放過呢個影相區啦！今次早點訂位，可以要求window seat，但其實景觀一般！可能外出有工程及不是高層！做緊Happy hour 買一送一，但每人要飲下兩杯飲料，真系有D難道！White wine$78，味道較淡！Cosmopolitan $88，麻麻地，好似藥水味！Sangria red $88，較甜易入口，味道酸酸甜甜的！餐湯做到Cappcinno 泡沫，口感像喝奶泡！餐包要另點加＄40，聽說系自制的洋蔥包！Scallops Spagetti$380，其實是不錯的，但有以下兩款主菜給比下去！Pork belly$268，皮也脆口，吃落有點豬腩肉感覺，肉味很香！Ribeye$480，質數很好，7成熟肉汁也豐富，牛味濃郁。甜品有兩款，Green tea 心太軟，甜度十分高，不會流心，似蛋糕！送上Chocolate bownie淋上冧酒後點火，可能加入了冧酒，吃下去有點苦味。整體甜品味道麻麻，相反主菜很不錯！仲要多謝好友生日晚餐及窩心的禮物！

公眾假期臨急臨忙約左朋友想食下午茶，間間酒店都話無得book，係walk in先到先得，打到去皇家太平洋酒店竟然有位！本住事旦有得食就得既心態望都無望過有乜食就訂左個下午茶去到，咦？無人既？死啦實係伏泥架喇，公眾假期都無人...仲嗌左個下午茶，唉算啦，當自己包左場，去食景啦店員幫我地一人斟左杯sparkling wine話今日每人都包一杯，然後話下午茶係即叫即做，大概等左15分鐘就有野食喇哇！好靚喎！佢既港女下午茶並唔係三層，而係只有一層，但都做到好靚，有個大棉花糖係上面好夢幻，我地心諗，靚既都應該不太好食，不過佢靚就已經當抵反架喇佢既下午茶有分咸點同甜點，食左咸既先，竟然每一道都好好味！甜點稍微失色，不過220一個人呢個價錢絕對係太抵呀！

3-course Set Dinner前菜有兩款選擇 呢個玉米濃湯配脆爆谷十分特別 香甜而且玉米味濃👍🏻而我最滿意就係呢個香煎比目魚伴刁草青口汁 外皮煎得好香脆 魚肉亦十分嫩滑 配上刁草青口汁唔會太油😋另外佢個意大利飯味道好好 菇味又濃 不過呢 份量就少左d 男仔一定食唔飽😳最後甜品我比較喜歡焗蘋果卷配雲尼拿雪糕 微酸既蘋果卷加上雲尼拿雪糕 perfect match😚而且重點係 佢係望到海景架 好浪漫😍

周五晚上臨時想出外吃飯，很多時沒訂位都要等到天荒地老，最怕等待的我倆一邊乘車一邊上網拿靈感，突然想起一家上個月十分火紅的店子，酒店餐廳以二百多元三道菜作招徠，立即撥個電話碰碰運氣。 酒店坐落在中港城碼頭旁，地點方便，餐廳門外放置了一幅聖誕裝飾佈景，大大隻熊啤啤公仔勾起了我的少女心，忍不住一拍再拍。徐徐踏上樓梯，見餐廳有一排靠窗望維港的座位，可惜我們沒預先訂到，被安排至另一邊較幽暗的角落，而晚餐價錢比上個月調整近五十元，每位二百八十元起跳，合理範圍之內。 Caesar Salad $108臨出門前吃了少許東西，心想來個簡餐也不錯，菜單上只有兩款沙律可選，可惜這最基本的凱撒沙律也實在太令人失望。先不論它份量極少，說好的homemade Caesar dressing居然只帶卡夫奇妙醬的味道，而所謂的toasted focaccia也是薄薄兩小片垂死的放在上面，不脆也不香，加上那些不否煙肉成份的假煙肉脆脆，超伏。 澳洲田園沙律伴香辣虎蝦 (Set)染上紅菜頭顏色的沙律一上桌甚有萬聖節的感覺，牛油生菜、青瓜等新鮮，蝦肉爽口，混入了少許近年大熱的藜麥和微酸的紅菜頭，清新開胃，比起散點的好多了。

今天媽媽生日，每年都尋找一間老少咸宜的餐廳，其實媽媽比我還懂得食，不過老佛爺開心一齊都值得，可惜轉左set dinner ,無左我想食個幾樣不過今晚都不錯，餐廳服務員好nice上次同姊妹死都叫seafood pot,幸好captain 叫停，幸好信他，否則我就嘗不到其他今晚帶子意大利麵最好，三文魚扒比較普通，甜品還可以

這次是慶祝友人生日，我在此網看到，感覺不錯，我預早訂位的，電話時服務員十分有禮。當天去到餐廳，感覺環境一流，安靜又有海景，重點價錢很便宜，套餐210元，我們三位女生各點了套餐互吃，包湯或沙律，一個主菜和甜品。不過份量太小，所以我們另再點多一個套餐互吃，賣相也很美。四個套餐我們都嘗了，都十分滿意。玉米湯夠濃，沙律有火腿。肉眼排(5成)味濃不硬，茄汁意粉開胃，魚柳較清不太夠吃，飯很好。最後甜品我們不叫布朗尼，全點了蘋果酥餅配雲尼奶冰淇淋，也太好吃了，一咬相當鬆脆，配上蘋果果肉。飲品方面是另叫的，9點前happy hours cocktail買一送一,她們點了sex of the beach(88$),我試了一口，味道像 fruit punch,酒味不濃，非常適合我這種不愛喝酒的人。我就點了椰奶加鳳梨草莓汁，忘了名，很好喝，椰香味很重(45$)。真的值得再吃😊

煩惱去邊度食飯慶祝結婚兩週年, 係報紙見到有段小介紹, 皇家太平洋酒店的 "Pierside" 有個 Three Course Dinner ($210 + 10% ), 平時聽得多人講既係佢地既BUFFET, 見今次個MENUS 幾吸引, 價錢又可接受, 即刻打去訂枱, 仲話明係慶祝結婚兩週年, 希望佢係甜品上, 可以幫我地寫上字!去到個感覺都幾舒服, 枱與枱之間都不算太密, 兩位經理都好熱情招呼客人!我地每人點左一個餐, 頭盤, 甜品, 各選一, 咁就可以試齊晒, 主菜楝左牛同意大利飯!而家仲緊 PROMOTION, 好似係九點前叫酒精類飲品, 都有 buy 1 get 1 free, 我見枱枱都叫哩款, 我都叫左杯黎試下 "Cocktails & Ice Pop", 第一杯見到支冰條就即刻食左佢, 點知杯野飲落好淡味, 到第二杯, 我地決定等支冰條自己溶, 飲落既味道即刻唔同左, 重味啲, 不過總括杯野都係麻麻, 冇乜特別!因為佢地知我地係SHARE 食, 每樣食物都係逐樣逐樣咁上, 時間上安排得幾好!Caesar Salad with air-cured ham, 好新鮮, 啲

見到openrice上咁多好評，環境又近碼頭夜境應該不錯，一早Book定位食飯粟米爆谷忌廉湯🍿湯身濃滑，的確有驚喜5成熟牛扒唔會過硬，但牛味欠奉$2百幾蚊一個餐，的確超值，食物只是一般，但食的是服務質素同環境😁

中港城皇家太平洋酒店一直是不少遊客的集散地，遊客熙來攘往，又有幾位會發現堤岸酒吧及餐廳(Pierside Bar& Restaurant)晚餐的精彩呢？餐廳最近推出了晚市套餐，3道菜也只是$200多，而且食物質素真的不差，份量也大，絕對是區內少數性價比高的選擇。前菜兩款選擇，玉米濃湯配脆爆谷絕對是必食之選，以整條白玉米打蓉煮成，香甜而濃郁，沒有添加過多的牛油/忌廉令湯變厚重，反而那原汁原味更讓人喜歡。焦糖爆谷原以為會搶走湯頭的清甜，但反而更添了口感，又沒有蓋過本味。4款主菜選擇各有特色，亦能配合不同食客之喜好，然而當中以 海鮮汁大蝦扁意粉 尤其出色。大蝦固然肥美，夾入茴香、蕃茄，和由多款海鮮調製而成海鮮汁，濃郁的味道不用多說，而自家製意粉煮得剛好，有少許彈牙，aldente的狀態讓人不得不多食。另外，香煎比目魚伴刁草青口汁也在可試之列，自小已很喜歡刁草的味道，這次是恰到好處的香味。比目魚的外皮煎得香脆，廚師巧妙的把魚塊放了在青口之上，讓魚塊保持了香口，也沒有讓魚皮變軟，這裡真的加分了。或許，青口改用小藍青口，口感又會更不一樣。香烤澳洲西冷牛扒，可說是「牛迷」的選擇，但這夜的牛扒肉質雖好

什麼叫抵食，相信沒有人會相信在酒店內能以二百多元享用一個三道菜晚餐，事實勝於雄辯。位於中港城的皇家太平油酒店內的堤岸酒吧及餐廳，由現在起至十月尾，推出了一個精選晚市套餐，有前菜、主菜及甜品，每位連加一也只是二百四十元左右，價廉物美。 雖然酒店位置有點偏遠，但其實只要從九龍公園經天橋進入，就可以避開繁雜多人的海防道而走到餐廳位處的酒店了，途中更可欣賞一下公園內的紅鸛池。踏進餐廳，一半的地方都是落地玻璃窗，有著優美的維港景色，如果早點到來，更可欣賞到燦爛的夕陽。 當看見這個精選晚市套餐的價錢後，不禁會展現笑容，真的非常抵吃，而且更有為夏日而推出的特式雞尾酒買一送一優惠，分別是Lolly in Bubbles及Berries Swizzle，為炎炎夏日清新消暑一下。 前菜可從玉米濃湯配脆爆谷及凱撒沙律伴風乾火腿中揀選，還是喜歡玉米濃湯多一點。玉米濃湯入口滿是鮮甜，味道濃郁滑溜，配個焦糖脆爆谷來喝，別有一番滋味。而沙律的份量很大，上面更舖滿了一層風乾火腿，十分吸引。 主菜方面也有幾款可作選擇，以香烤十安士澳洲西冷牛扒最為吸引，不過要另加$60才可享用，既然套餐已經很划算

開學了，同時是為放縱吃喝玩樂的暑假清算一下，特別是錢銀方面。順利渡過糧尾，卻未至糧頭的光輝歲月，但不代表外食無望。不想隨便選址，以兩三百吃頓正正常常不求其的西餐，有可能嗎？　　相隔一段時間，繼上回跟友人的豐盛晚膳後再次來到Pierside。酒店內的三道菜晚餐，竟以$238（已加一）供應。價位跟昔日經常來吃的Semi-buffet Lunch相差五六十左右，以晚餐而言夠便宜了。仍然以澳洲食材入饌，吃過十多次午餐及早前的兩人盛宴，對這兒的出品頗有信心。（其實食過咁多次都冇打過有關佢既文……不過以前會放相上Facebook既……）　三年前左右，發現了這兒，當時還是加一後百五左右的Semi-buffet Lunch。價位相宜，就算是任食也不會像坊間一些餐廳那些頹做馬虎。還記得當時有一大條煙三文魚肉可自取作頭盤，而自助甜點賣相味道亦很正路。另外，這家的麵包是回憶來著，以前就算吃Buffet也要先吃完他們的自製麵包再說。這晚嚐到的Focaccia外帶微脆，中心濕潤鬆綿，暖熱上桌，香口得很。　　Sweet Corn Bisque（Served with Crispy Popcorn）以原條澳洲粟米製

早前曾在海港城內上班，偶爾會在皇家太平洋酒店內的餐廳用膳，但Pierside Bar & Restaurant卻是初次造訪。 靠近窗邊的座位，能看到往來中港的輪船進出，充滿了動感的畫面，如果踫上夕陽西下，那片片餘暉，的確令人心醉，亦是一個不錯的Fine Dining地點。 餐前送上Homemade麵包，既脆又香，根本無須蘸點陳醋。 Berries Swizzle ($108) 雖然加入了Vodka，但比例不高，混和了果汁後，清甜易入喉，女孩子都會不期然喝上一杯。 Lolly In Bubbles ($108) 是Sparkling Wine 與冰條的組合，似乎較適合男士，畢竟酒精度會較高，但在炎夏中來一杯，又幾清涼透心。 Appetizers Classic Caesar salad with air-cured ham 凱撒沙律伴風乾火腿 沙律菜清新爽脆，伴著咸香的火腿，作為開胃菜是最適合不過。 Sweet corn bisque served with crispy popcorn 玉米濃湯配脆爆谷 份量雖然少，但每口都香濃幼滑，口腔充滿了粟米的