堅信號上海生煎皇 (福榮街)

营业中

休息中

堅信號生煎包其實真係久仰大名啦～未幫襯之前己經聽聞老闆好多情史，令人津津樂道！開咗咁耐先幫襯，係因為好少食嘀娛樂圈人轉型開嘅食市，可能係偏見，成日形住會靠名氣，唔夠專業咁，有少少中途出家嘅感覺⋯但聽聞話幾好食，有次叫外賣見到，不如試下啦！老實講，我好怕食老一代個種舊式小籠包，個皮好粗好厚，但呢間小籠包我覺得拍得住樂天皇朝果隻！個皮夠薄，又多湯汁，我當日重有叫招牌生煎包，但個生煎包唔知係咪外賣，嘀汁索哂入個包度，冇小籠包咁好食同我好鐘意叫鎮江骨菜飯，因為嘀汁酸酸甜甜好送飯，菜飯自己又覺得懶健康咁，佢個味其實係可以嘅，如果個骨淋多少少，再俾多嘀汁就更加好嘞～個蒜泥白肉不過不失，我覺得講明白肉係要有肥膏，但如果肥膏比例咁高，我見意可以片薄嘀做得精緻嘀有一次見佢旺角開咗分店，試下堂食，雖然嘀呀姐好似譚仔呀姐咁鬼馬，但嘀野真係完全兩樣野！個小籠包就係之前講果種，好老派，厚厚嚡嚡果種，唔知佢係代理咗個名，用返自由師傅定點！但可以肯定佢地冇中央處理啦！因爲我之後重敢叫多次外賣，佢深水埗間店同第一次一樣，所以我唔會食佢第二間㗎啦！哈哈

出名生煎包 今日終於去深水埗分店試左。生煎包ok($36/4個)皮少少厚但我喜歡，底部煎得都好香脆，裡面湯汁都多濃味，不過食時要小心，好熱小心流走d汁 (店舖都好窩心有食生煎包三步曲便條貼左當眼枱上）*外賣係平d $30/4個*做緊優惠阿。另叫左酸辣湯水餃$48 - 好麻麻地 有d稀同淡 。還叫了秘製厚切豬扒拼密椒雞扒菜飯 $58 - 豬扒和雞扒都一般水準不過都欣賞雞扒配獨特甜密醬汁唔錯，不過個菜飯就欠決水準，飯沒有飯同菜香，我吃了一半都放棄了

食個酸辣湯麵🍜下午茶。。中伏了，個酸辣湯無材料，水一般，味道差。。。無言。。下午茶其實選擇都好多，雖然吾知其他食物質素係點。不過個人覺得上海店，酸辣湯麵應該係普通一定好食，點知可以差到咁一定無下次。。

我地一向節日唔會去食西餐 一黎價錢好貴 二黎只有好少選擇 所以通常節日都會選擇中餐或日本菜今日要去深水埗買電腦 所以係深水埗食晚飯 經過見到一間好光又未試過既餐廳 於是入去試下生煎包 我相信大部份人都知道這間餐廳是Oscar開 所以我都帶點期望 餐廳是採用自助點餐形式 在紙上點選自己想食的食物 再交給侍應 特別一提是這間餐廳沒有+1服務費 這個是可讚的我們先點四個招牌生煎包 一上枱的時候 侍應已多次提醒我們要小心燙口 要先咬一小口 啜生煎包內的湯汁 味道不錯 生煎包底是很脆口的雞絲粉皮可讚的是有很多麻醬 所以很美味四川擔擔麵麵的口感很好 好煙un 👍🏻上海豬扒粗炒味道不錯 豬扒很厚很鬆軟 不過粗炒份量不是太多 而且帶點油最後我們還叫了一個炸雲吞這個炸雲吞是全晚最伏的食物 首先雲吞皮很難吃 而且雲吞入面沒有蝦 是全肉 又沒有汁 我們只吃了一粒整體來說食物也不錯 價錢相宜 但是隔離枱的客人不停投訴說食物不夠熱 而且上菜比較慢

近排得知生煎包重新裝修，就今晚試一下。新裝修燈火通明，好過之前，店面亦大間左，不過啲路仍然係咁窄。叫左2個生煎包，一個秘製豬扒擔擔麵，一個上海粗炒。生煎包質素仍然keep到，肉汁足夠，味道不錯。豬扒要講下，所謂秘製其實係用左叉燒既整法去整個豬扒，你會食到有叉燒味，係就係幾鬆軟，但配擔擔麵就唔係好夾，又甜又辣咁？上海粗炒太油，要少油。總括而言，要再努力，今次除左個生煎包之外其他好似失左色，有少少失望。

我個人好喜歡呢一間嘅生煎包，皮薄多汁... 呢個生煎包質素，又唔貴，真係抵食... 另外佢個豬扒真心大塊，肉質係好嫩，所以每次去幫襯呢兩樣嘢都係我必點！今晚唔想出去食飯，所以我喺網上外賣平台叫咗外賣... 叫咗4個生煎包，1份豬扒菜飯。我滿心歡喜打開個生煎包盒嘅時候，見到有一條毛髮嘅物體喺其中一個生煎包上面，我用筷子都好難先整得走.............. 嗰刻真係咩都唔想食..... 食物好食當然重要，但可唔可以注意一下衞生問題呢？

和朋友逛完街，很餓要找吃的，離遠看到招牌很光猛，又是上海菜，所以就走進去。我們點了生煎包和豬扒擔擔麵。生煎包4個 （$34）吃這個要相當小心，因為一咬下去，裡面的湯汁會爆出來，而且是非常燙的，所以最好待一會才吃，慢慢咬，小心爆汁。味道不錯，皮厚度適中，底部的皮微微焦脆，size比較小顆。豬扒擔擔麵 （$58）擔擔麵味道不錯，有花生香，不過湯汁不夠濃稠，口感普通。麵質地厚度都適中，不過不失。豬扒非常多汁軟嫩，味道是甜的，比較一般。餐廳光猛潔淨，只是員工態度一般般，給人不耐煩感覺。

買生煎包時問是否即時有，又話係.點知要等十幾分鐘，都唔緊要。追左兩次又唔理人，點知你見住份外賣ready喺你前面，都要放喺度6分鐘，你再追先肯俾你.我唔會再幫襯

做完運動，覺得好餓，但又未去到下午茶時間，見到有間餐廳食上海野就去食場內開揚，可能我一點半進店，唔算太多人，早知等下午茶時間，但唔好餓壞自己都係食左先我叫了蜜椒雞扒菜飯，上海生煎包兩件，一杯豆漿蜜椒雞扒菜飯賣相都唔差，雞扒都大大件，而且皮很脆，肉質鮮嫩，更流出雞汁，煎雞扒沒有煎得太乾太硬，醃料都入味。菜飯都不過不失，他用日本米，但唔太夠水，硬左少少，但都可以接受。上海生煎包其中一個暖的，熱辣辣先好食，好彩仲有湯汁，我最中意加醋，醒胃的豆漿我係後加，因為都想飲下野濕下個口，天氣涼飲熱豆漿就最正

7點買外賣，係鋪頭門口等到8點先有都算。一直差個小籠包，但就係咁出到單比外賣APP，其他食物未入袋就放晒係到吹冷氣。之後搭的士翻到屋企，一開袋就發現中伏。叫咗四樣嘢 (上海粗炒 小籠包 水餃 雞絲粉皮)包得三樣比我。上海粗炒得個盒大，實際粗炒得三分之二，水餃五小粒，仲要涼既，左等右等既小籠包係凍嘅，雞絲粉皮仲消失埋。兩個人唔係比嘢食喂飽，淨係道怒氣都飽晒。打電話去問有無得網上外賣平台順路送翻，店員話下次去食補翻。禁即係唔洗食！因為無下次！Had been Waiting for an hour and paid for four dishes but only got three cold dishes on my hands. Blacklist !

今晚夜晚真係天寒地凍，收工後大概十點了，搵左間上海野食下先，一個獨自食晚餐，一入去2個姐姐態度已經一般，其中一個仲黑面，我叫左個上海粗炒同熱豆漿，(出面真係好凍，好想飲熱野)到了叫左野食後，熱豆漿來了(滿懷歡喜), 點知凍嘅，唔熱，我同其中一位姐姐講，可否比熱啲我(我心諗叮熱佢都好) , 佢一句答我無了，個煲洗左，唔會整了我即刻無出聲，佢又無再理會我！真的非常無內再者食物都等左20min 先有，真心不會再來

最近搬遷了的新店。餐紙上有一欄是專for素食者的食物，真的很有心。叫了個新豬肉碎四川擔擔麵(素)+ 芥末柚子粉皮(共$68)，加了兩元有一杯熱豆漿。(所有飲品也要加錢，包括可樂)這個新豬肉碎四川擔擔麵， 確實很不錯。 新豬肉的質感和真肉差不多， 如果不跟我說，也不知道是素。湯底很不錯，完全和正式擔擔麵沒兩樣。而芥末柚子粉皮(忘了拍照，以前在舊店未改名前，叫正宗上海生煎皇時，曾叫過。)以前味道給我感覺味道有新意， 也配合得很好。 但這次吃時不知為何沒有芥末味。 就變了柚子蜜加粉皮，像甜品。稍微浪費了這道菜式。朋友叫了下午茶T8.回鍋肉粗炒($48)， 我也吃了些少。 味道幾好。但如朋友所說吃上去像豉油王粗炒， 不是她想order的東西。 因為回鍋肉粗炒，她想像是那種回鍋肉辣辣的醬料與上海粗麵一起去炒。整體來說，店的出品味道ok， 但總有些地方好像不協調，未夠穩定。但論新豬肉碎四川擔擔麵(素)，是很不錯。 有位戴眼鏡，相對年輕的女侍應，如多點笑容就好了。

呢間鋪頭可以令我第一次打食評，希望大家食呢間餐廳之前可以慎重考慮下.....我平時住開深水埗行經呢間野都無咩留意係食咩既，本身諗住去食馬德里，咁岩同女朋友肚餓又見到呢間鋪頭未試食過又唔多人可以直接入去坐低食，咁就入去試下囉，點知就係中伏既開始.....坐低見到周圍都唔多食客，諗住同女朋友舒舒服服食個high tea。我地一共叫左紅湯魚濃湯拉麵，秘製豬扒菜飯，川麻雞翼兩隻，生煎包4隻同埋一杯豆漿。全部加埋盛惠168元以下係對各款食物既評價紅湯黃魚拉麵：我叫左呢個麵，其實味道同辣度都還可以，辣度相等於譚仔既2小辣左右，未去到好食既級數就係個湯底比較多油。2分秘製豬扒菜飯：女朋友叫左呢個飯，呢個豬扒飯真係經典，豬扒食落去係好甜，除左甜我已經諗唔到有咩形容舊豬扒，甜到咁既豬扒我真係第一次食，而且每舊豬扒甜度都唔一樣，有其中一兩舊甜到漏，食多兩件都驚會有糖尿病，你仲好意思話係秘製豬扒，我地真係得啖笑。再講下個菜飯，個飯睇落好似有味，但係食落去淡而無味，飯無飯味，菜又無菜味，真係好野。0分川麻雞翼：盛惠$18兩隻雞翼，姐係要成$9一隻，仲以為收咁貴梗係有d料到，點知又係中伏。雞翼味道其實都有d似譚

晚上同男友行完黃金後搵食，我們之前已提起過好像很久沒吃上海菜，剛好就被我們看到這間餐廳。我們知道這間店是主打生煎包，不過我們更想食小籠包就無點。灌湯小籠包 - 上海菜怎能少的了小籠包，每次食上海菜都會點! 一籠四個，皮薄多汁~不過餡料的豬肉的肉味不太突出。薑絲切得很細~啱我可以放包面一同進食。綠湯底。雪菜黃魚濃湯麵 - 不算很大碗，黃魚是拆肉變成魚柳，煎過後放在麵面，入口嫩滑；雪菜非常多，略咸。魚湯鮮甜，不過湯比較少，很快就被麵吸收了，多少少湯會好D。堅信號秘製厚切豬扒菜飯 - 豬扒又大又厚的切開上，味道像叉燒，不過入口還是豬扒啦~ 肉質正常~最後以一杯熱豆漿作結~