堅信號上海生煎皇 (福榮街)

营业中

休息中

當年屋企鄰近有間生煎飽店,佢地廚房有塊大玻璃窗,途人可以清楚睇佢地制作過程,而D生煎飽外相極吸引,但出奇地難食! (自問自己唔係咀刁人士,如果我都覺得難食的話相信外星人先會食!)從此對D生煎飽有小小介心.路過無數次深水埗堅信記,店內總係人滿,怕排隊無機會幫襯,今次經過見無咩人,女友又話啱咀形,終於有機會入去幫襯.但係….. 吸引我幫襯唔係生煎飽!打從20年前睇梁望峯嘅旅遊書,到現時李純恩嘅專欄,都介紹過上海有間麵店叫阿娘麵,佢地嘅黃魚麵一級捧!好想試試可惜我窮,到阿娘麵老板娘仙遊都未有機會親身去上海試試.極為可惜.今次係堅信記menu上見到有黃魚麵,即管試試香港嘅黃魚麵係咩一回事.生煎飽,小籠飽,厚切豬扒湯麵,外婆紅燒肉都叫咗一客.“外婆紅燒肉,你自己個肚腩咪有一大舊囉!”女友吋我…“我果舊唔係外婆紅燒肉嘛!係外公紅燒肉!”夾件生煎飽打算放入口,女友馬上 warning! 小心辣咀!無錯,不論生煎飽同小籠飽都係辣咀,但好奇怪,記憶中食親辣咀嘅生煎飽同小籠飽,都唔多覺餐廳貼出溫馨提示.生煎飽採用倒轉煎嘅方法,而所謂嘅底部煎得香脆,餡料充足豬肉唔會過咸.飽底香脆,飽面有芝麻,餡料及湯汁足夠

明星效應嘅食肆通常都係曇花一現，如果要持續咁經營落去，就一定要以食物質素為先。而上海生煎皇，睇住佢由小店開始，慢慢逐步逐步喺唔同嘅地方開分店，就知道佢有一定嘅實力，並非虛有其表。要留得住食客嘅胃，秘訣好簡單，就係抵食同好食，而堅信號就冇因為上咗軌道而大幅加價，價錢仍然非常親民大眾化，所以就算而家疫情下嘅午市時間，餐廳內都不乏顧客捧場。生煎包係佢嘅招牌菜式，每次嚟到都必食，佢嘅生煎包真係夠晒正宗，同我第一次喺上海食到嘅一樣，底部香脆而不硬，咬開嘅時候係有爆汁嘅效果。我就覺得比起某間米芝蓮推介餐廳正宗好味得多。皮蛋豆腐好滑，切成薄片，上面再加上皮蛋同雪菜，淋上醬汁，凍凍地好好味。食過前菜後，就食午市套餐，一份主菜加小食連飲品都只係$53起，份量仲好多，真係好抵食。堅信號秘製厚切豬扒真係好厚身，肥瘦適中，煎香後再搽蜜糖，食落甜甜地，配埋菜飯真係冇得彈！雞絲粉皮薄而滑，上面有雞絲青瓜仲加咗麻醬，係一道非常好味嘅開胃小食。另外仲叫咗個四川擔擔麵套餐，今次揀咗京汁茄子做小食。擔擔麵嘅湯底非常濃郁，帶微微的辣，麵質相對地較林身，同出面一般擔擔麵感覺唔同。京汁茄子係一個涼拌，佢嘅京汁甜甜地，加咗雪菜絲

放工都在福榮街食開Tea，呢間見佢都開左一排，平時好多人，又唔太想食連鎖店，今日早收見未係好多人就試下。一入黎就有店員搵位，同比口罩套，好有禮貌。環保能的我雖然知道佢係乜乜肺炎影響所以用即棄餐具，但都想用返可清洗餐具，驚喜就來了。她們會主動用熱水（真是很熱那種）浸住餐具奉上。讓人很放心。一放心就想食多少少，下午茶時間叫2個餐+小食都唔係特別貴。成檯食物，未食已經有另一種滿足感。試下佢個面，係我較鍾意嘅煙韌、較粗的上海麵。湯底較清，但都飲得出有上湯。清淡嘅麵係要襯托入味嘅豬手，颯得好淋，筷子可以插入去。D筋位可以輕易咬開，水準之作。麻辣鳳爪，辣味唔重，亦唔係好酸，很適合我嘅口味。食住熱辣辣嘅麵同生煎包再食下爽脆冰涼嘅鳳爪調和返個溫度就非常夾。孜然雞翼，表皮香脆，肉質嫩滑多汁，孜然味好自然均勻，唔會搶走雞翼嘅肉味。最正的無可否認的確是呢個生煎包。它的外皮實在非常爽脆香口，而奇妙嘅係裡面嘅湯汁多到標出黎，但就算我上左檯10幾分鐘先食（怕熱），表皮都冇比湯汁浸淋，好有心思同技巧嘅設計。除此之外，裡面嘅湯汁同肉餡都係份量十足，相當鮮味。完食照。埋單時候也和收銀哥哥傾了幾句，一邊食的時候也發現店員

今日返工放lunch時去左附近一間食上海菜既餐廳到食飯。呢間餐廳好體貼，會提供裝口罩既袋比客人。呢度有啲午市套餐，入面有主菜同小食，仲送埋野飲，勁抵食！今次就點左1號餐，主菜係呢個雪菜黃魚濃湯拉麵，呢個拉麵係即叫即製，所以需要一啲時間。黃魚炸到好香脆，勁惹味。拉麵既湯底都好香好濃郁！小食當然就揀呢到既招牌生煎包啦，生煎包真係我喺香港食過最好味既！包入面係勁多汁，好juicy！食既時候要小心，如果唔係真係有機親嘴。入面既肉好有鮮味，個包係微脆，唔錯！跟餐加兩蚊點左熱豆漿，正宗既上海風味啊！冬天特別想食一啲滋潤啲既野，所以另外點左蟲早花雲吞雞盅，啲雞好滑，湯好清甜，落左好多料，夠哂滋補。呢餐食到勁飽，好滿足！

是日星期五清年假，同媽味去左深水埗食上海野，最近已經有一排冇食過lu，食完覺得性價比幾高，質素唔錯 去到已經2點幾但間舖仲係超多人，勁旺 硏究完menu一陣見到雖然有下午茶但有都幾肚餓，決定要兩個lunch set小食京汁茄子好好食，入口細膩，諗身得黎又來有辣味，可惜得幾舊，食完唔夠喉 最期待既生煎包完全冇失望，外皮香脆，輕輕一咬已經好爆汁，唔似街邊好多假生煎包，其實不過係將菜肉包煎兩煎，呢度既係久違既真生煎包，而且油而不膩，絕對值得一試！糖醋排骨味道不俗，酸酸甜甜，相當開胃，味道一流，送飯送麵都好正 擔擔麵幾香花生味，湯底濃郁唔會太辣，麻香味重，比起正宗四川既擔擔麵更少辣，符合香港人口味 

記得幾年前, 因為知道老闆專成去上海學整生煎包而去幫襯過。 個時已留下深刻印象。 之後香港都陸續開左好多不同既生煎包店, 但我始終對這間既味道念念不忘。而家佢改左名, 就當係新店再去過。可能因為大搞左, 好似多左好多野食。今日晏左食飯, 但舖頭都意外地多人。因為晏左食, 所以變左要食下午茶好抵同朋友點左上海豬手麵, 上海牛肉麵(辣), 生煎包拼孜然雞翼。 因為下午茶時段，所以全都有野飲跟。 我地叫左熱豆漿。 好彩d野上得唔快, 如果唔係全部一齊黎都真係冇位擺。個豬手麵都幾大碗，2隻豬手都大件，不過就太大舊骨, 有d難處理。牛肉麵味道唔錯, 辣湯香得黎係唔辣。 但牛肉就普通, 同期望既上海牛肉麵有d落差。 不過都算ok.孜然雞翼好香, 炸得又剛剛好, 唔會死硬。而生煎包真係唔會令人失望。 我地都怕好熱, 留到最後食, 估唔到佢既肉汁都係爆多而且好熱。 真係比小籠包出色。 果然係爆汁生煎包。最好笑食完我地先見到餐紙有教學圖點食生煎包😄食次前要留意返😋

深水埗食店林立，要做到突出實在唔容易。嚟到呢度我諗大多數人都會買生煎包，我都當然係買埋一份。之不過我見到個menu仲有好多其他嘢食，我下午又唔使番公司時間多的是，我又忍唔住叫咗個糖醋排骨菜飯($60)同埋擔擔麵($53)set lunch試下。啲set本身唔貴，加凍豆漿都係俾多$2，呢個時勢算叫貼心生煎包個底脆得嚟唔會燶，咬嗰陣會爆哂啲肉汁出嚟個糖醋排骨菜飯排骨甜度適中，啲骨仲好林，有啲仲咬得吞得本人鍾意食花生，擔擔麵花生味比想像中少，花生都唔係好多，如果湯底係超重花生醬就好喇

之前堅信號唔係度度有，深水埗呢就其中頭幾間分店嚟，經過口痕起上嚟呢有時都會買嚟食。咁啱早排呢外賣生煎包仲有優惠，咁咪又要買嚟食下。深水埗呢間分店呢坐呢其實都幾擠迫，反而外賣一個出面擺咗張吧枱畀人企喺度食，仲有部機畀人攞飛，裝修都幾企理。講番個生煎包，講真呀香港真係冇乜邊間呢做到好似大陸小楊生煎咁好食，不過其實大陸嗰間嘢都會回回地塘，堅信號依間呢我覺得，汁係有嘅，不過未去到咁香，皮都幾脆，我覺得都做到八九成㗎啦。加埋佢啲酸汁酸醋嘅都獨立包裝嘅企理， 包裝盒有靚靚仔仔唔辣手。😉 推介！

正宗嘅上海野主打嘅就係好多麵食同埋澱粉質嘅包鋁例如小籠包生煎包鍋貼咁樣， 亦都正正係因為廣東菜主打原汁原味所以有時食得多西餐都總會想食返啲比較清淡嘅嘢😁堅信號生煎包皇都唔係第一次聽，但始終都未試過所以今次就真係要專程拜訪一下睇吓有啲咩真材實料😌入到去當然會聞到面嘅香味就好似廣東嘅面小館咁樣，聞到都的確幾開胃，同埋無意中會引到你都想食麵😂 首先小菜冷盤方面當然要食平時好少食嘅水晶肴肉，我自己平時都比較抗拒一啲油脂嘅食物，例如五花腩淨係食瘦嘅部份、叉燒都係要食瘦嘅但呢一個水晶肴肉的確令我對肥嘅嘢食有所改觀😖因為就算食每一個部份都完全感覺唔到任何肥膩嘅感覺。調返轉可以將本身係肥嘅嘢食整到好似啫喱咁樣真係非常之神奇，肉嘅味道當然係香濃，即使肉係凍嘅但係作為頭盤再配合少少醋一齊食的確令到胃口都會變得更加好。之後面色嘅話我會推介堅信號招牌豬扒湯麵，重點一定係熱辣辣又夠晒厚嘅豬扒，唔好以為口就一定代表韌，反而咬落有輕鬆咀嚼得來亦都輕鬆，啖啖都係肉，中大有少少香茅嘅味道，咁就唔會剩係得豬扒味咁寡啦，至於湯麵亦都有少少神來之筆，主要係面底唔同我哋平時食嘅上海麵或者刀削麵，粗幼度同拉麵差唔多但唔會有拉麵咁

🌕Hello我係Moon🌕講起生煎包突然就會諗起好出名嘅堅信號生煎皇，😛既然咁出名當然唔可以錯過啦✨首先一定要介紹主打菜生煎包，🤣未食之前已經見到好吸引個底泡落去仲有脆脆地嘅感覺，😳相信裏面就係充滿着湯汁嘅珍饈😋 果然招牌菜係名不虛傳一咬落去已經爆曬熱辣辣嘅湯汁💗再睇一睇裏面就係好精緻嘅豬肉餡，😍呢個一定要趁熱食如果唔係就錯過咗三者最鮮味嘅絕佳時機　🤪之後另外一個招牌菜我要推介嘅就係雪菜黃魚濃湯拉麵， 🤪雪菜同黃魚都係上海菜被受歡迎嘅菜式之一，😚今次就將兩者擺喺上面😍都的確係一個幾好嘅配搭。 🥰黃魚嘅份量都十分多而且幾乎係冇骨，🤣但主角一定係用鮮魚熬製嘅濃湯，🤩除咗冇味精之外亦都唔會落好重手嘅調味料所以即使飲晒成碗湯都唔覺鹹或者頸渴，😝的而且確係好滋潤又夠飽肚嘅一味主食。😇如果想要一啲頭盤或者涼菜嘅話雞絲粉皮係一個幾清新又開胃嘅小菜，💗粉皮夠晒大大條而且涼浸浸，😜配黑芝麻醬簡直就好似食緊冰鎮嘅腸粉咁樣🤩🌕最後MoonMoon真係好鍾意呢度嘅招牌生煎包，一咬落去就已經爆汁，餡料仲好豐富！🌕

上星期同friend係深水埗行街 行到咁上下覺得有啲肚餓 就順便喺深水埗覓食🤘🏻 咁岩見到呢間上海野 決定一試一坐低就會比個紙袋你裝口罩 貼心+100 我哋一行三個人本身叫左一個套餐 一碟生煎包 同一碟上海粗炒 但見佢個酸菜魚好似幾吸引咁 所以叫左個小辣嘅黎試 招牌果然係招牌 一咬落去就爆湯 超juicy 不過因為佢係新鮮熱辣出爐 所以大家記得要慢慢食🙈另一個招牌嘅係佢地嘅厚切豬扒 啖啖肉 上海粗炒夠鑊氣 都係水準之作作為蔥椒愛好者 呢個簡直係正中下懷 超多大蔥同三色椒 配埋好嫩嘅牛肉 送菜飯一流呢兩個小食係套食包埋嘅 兩碟都係正常發揮雖然係小辣 但都已經好夠味 魚夠滑 湯都好好飲 叫左咁多嘢都係人均唔使100蚊 絕對係超值之選🤣

一向知道深水埗係平民美食天堂！趁住Happy Friday，就約咗兩個friend一齊去覓食～行過見到個大招牌寫住麻辣酸菜魚，幅圖睇落賣相又好似唔錯，就決定試試佢！ 一坐低，姐姐就畀咗個紙袋我哋放口罩，而且提供即棄餐具，夠晒衛生！Menu方面，可以散嗌亦都可以套餐。套餐包括一個主菜，兩款小食同嘢飲，六、七十蚊食到咁多嘢，比起同類型餐廳性價比都幾高！最後我哋三人決定叫一個套餐，另外再搭其他小食。嚟呢度當然要試下佢個招牌生煎包啦～ 外皮煎到脆卜卜，好香口！咬開之後入面嘅餡肉都料足，尤其啖湯，鮮甜又唔會太濃！不過食嘅時候記得小心啲，唔好畀入面嘅湯汁辣親呀！ 主菜我哋叫咗個麻辣酸菜魚同上海粗炒。講下個酸菜魚先，一開始仲驚唔夠3個人share，但原來份量都唔細，女仔一個人食都未必食得晒！大推呢個湯底，酸酸辣辣好過癮，不過小辣度都幾辣下，唔食得辣嘅朋友記得留意。另外，食魚最怕唔新鮮，但估唔到呢個魚又ok喎，值得一試！個上海粗炒就不過不失，勝在豬扒醬汁夠惹味，唔夠10分鐘就清晒！另外仲有個京蔥牛肉片菜飯，牛肉唔韌好軟熟，加埋京蔥香氣十足，可惜掛住食唔記得影相…… 小食方面其實全部都唔差，不過私心推介

中午同同事近近哋去咗福榮街「堅信號上海生煎皇」食晏，呢間我唔係第一次幫襯，由隔離舊舖食到新舖，次次都好鬼多人。呢日又係等咗兩張枱先入得，不過好彩好快就有位😊。餐廳有做午市套餐，價錢都OK嘅😉，人均$5X-$6X包主菜、小食同飲品。食物選擇唔少，基本上海食物都有。不過我同同事嚟親都係食嗰幾味🤣，好食嘛！主菜份量超大份，男仔食都夠飽。堅信號厚切豬扒菜飯($60)，🐷厚切豬扒個樣好似唔同咗❓，唔係一般嘅酥炸排骨，反而係介乎叉燒與豬扒之間。豬扒肉質唔韌，味道甜甜哋，幾特別。🍚菜飯夾起先知勁多，每人食半份已經飽，哈哈。如果菜飯多啲菜粒就好。芝麻醬五彩冷麵($54)，我嚟親都必食呢味，份量又係超多，推到成座山咁高🤣。五彩包括雞絲、火腿、蟹柳、青瓜絲同甘筍絲，賣相幾吸引。麵質夠乾爽，唔會畀麻醬漿住。麻醬汁略嫌淡咗少少，好彩有五彩搭救🌈。堅信號上海生煎包，生煎皇嘅生煎包果然出色😋。生煎包好大隻又夠飽滿，入面真係爆哂湯汁，熱辣辣要小心燙親啊。生煎包底部煎到脆脆的，所以包皮同餡肉都好食！我認為一人食一隻唔夠喉囉😛。原來餐枱貼咗張品嚐生煎包嘅建議食法🥢。麻辣無骨鳳爪，無骨鳳爪啱晒我呢啲怕噒骨嘅人，鳳爪有四至

一直睇到啲人宣傳話呢間嘅生煎包好好食所以就過咗去深水埗嘅分店試吓已經過咗食飯時間去 但八點幾去到都係好多人 好彩都唔係等咗好耐位除咗生煎包必食之外然後見到有新出嘅酸菜魚都嗌左黎試吓麻辣酸菜魚嗌咗小辣 但比想像中辣但佢辣得黎幾過癮 再加埋酸味 個湯飲到停唔到啲魚都好嫩滑同埋啲酸菜都幾好食入邊仲有啲紅薯粉 吸晒啲湯汁既精華 京蔥牛肉片菜飯啲牛肉片炒得好惹味 好岩送飯再配埋清淡既菜飯 營養好均衡雞絲粉皮啲芝麻醬好香 雞絲份量都幾多 好開胃生煎包一開頭見到枱面有溫馨小提示 提醒小心爆汁彈到其他人 好搞笑但原來真係真嘅一啖咬落去爭啲辣親個口要咬開細細啖慢慢飲咗啲汁先食到秘製厚切豬扒粗炒啲豬扒好入味 甜甜地煎得好香 啖啖肉粗炒好有鑊氣 調味啱啱好 唔會太咸仲嗌多咗涼拌茄子 啲醬料好香

上星期去左位於深水涉既生煎包專門店，明星既店，相信都唔會太差既。先講下環境方面，店鋪唔算好大，不過位置都舒適，唔洗同隔離既人痴太埋，特別係宜家呢D時勢，有得隔番開D都食得放心D。野食方面，當然唔少得叫生煎包啦，仲叫左一個酸菜魚。本來以為酸菜魚，只有魚，原來底下仲有D薯粉，份量仲幾多。可能本身唔太食得辣既關係，我同女朋友2人都覺得幾辣下，最尾真係無辦法食得晒。生煎包方面，話明係生煎包專門店，當然都有番D水準，裡面湯汁超多，一唔小心都會爆汁出黎(店鋪亦好細心有晒提示應該點樣食，呢個加分)。所以鍾意食生煎包既朋友，記得黎試下。