型點特色點心專門店

营业中

休息中

大埔新開咗間新式嘅點心鋪，身為大埔人嘅我趁屋企人放假，緊係即刻同佢地一齊去試下佢😋🐠上湯金魚餃 ($32 兩條）金魚餃加埋藍色嘅碟好似金魚係魚塘咁😍 上湯餃外皮晶瑩剔透，內裡有鮮美嘅魚肉味，而上湯都好濃郁😋🐷流沙豬仔包 ($22 2隻)豬仔包入面嘅流沙餡好濃郁， 又唔會太甜， 個樣仲好得意添🥰🥠珍珠鹹水角 ($26 3粒)鹹水角嘅珍珠粉皮好煙韌，口感好嚼勁。加埋個金色架，好似係幾條雀仔係個鳥籠到咁，d擺盤真係無得輸☺️🔴流沙荔枝球 ($26 3粒)最後嘅流沙荔枝球甜品俾我嘅第一個感覺真係好似荔枝🤣而流沙餡加上鮮甜嘅荔枝果肉味，令成個口感都好清新。型點特色點心專門點📍大埔安慈路1號海寶花園地下15號舖

型點-海苔鮮蝦脆春卷脆皮菇蝦型點-招牌酥皮鮑魚糯米雞酥皮糯米飯菇雞型點-山竹牛肉球牛肉腐皮型點-山竹牛肉球型點-脆皮紅米蝦腸型點-招牌酥皮鮑魚糯米雞酥皮同糯米飯

打住洒店級廚師但係完全唔識管理，好心請返個識管理嘅人返嚟！食物用料有質素保證，原始味道（明嘅就明），價錢合理。流於表面忽略仔細地方，例如炸兩唔脆、包裝辣椒油。樓面服務比不上一般洒樓。員工零溝通！入坐安排混亂，未執好枱就叫客入坐，入坐後問三次幾多位。唔願落單但又冇俾自助QR code。………………………………………………………………………………

試左燒賣，叉燒腸，粉果，鳳爪排骨飯，除咗叉燒腸，其他都係好食嘅叉燒腸個皮唔係煙靭嘅，唔滑同比較滯燒賣同粉果好好食，不過得三粒，腸粉都係比－般細份D，小－條服務好－般，問佢有無辣椒油，店員用個背脊回答話係櫃桶，搵唔到叫極佢都唔肯擰轉頭，最後係隔離人地食緊果枱櫃桶拎－包俾我地。星級主廚們可能唔追求細節，可以接受堂食用一小包一小包外賣個種辣椒油，以為茶餐廳先會咁。本身冇林住寫食評所以無影相，但接受唔到打住又酒店級又用心做食物的招牌，但用啲咁嘅辣椒油，辣椒油難道唔係食物？可能用相對平民價錢食酒店級點心係唔應該注重依啲細節掛🙄

同屋企人去開嗰頭買嘢，係經過見到新開的點心店，見到幾多人所以等吓。點左幾個招牌菜，個流心豬仔包真係一流。埋單四個人唔使$500，香港地而家依個價錢邊度啊？仲要有咁嘅質素真係好正。金魚餃同埋酥皮，糯米雞都好正，全部都係師傅一早起身自己手工做，全部冇機器，好有心思有技術有味道。臨走前同師傅傾咗幾句先發現原來老闆之前係六星級酒店的中菜主廚，不單止手工好仲有情懷。兄弟姊妹們一定要支持本土情懷，點心老師傅！

食物質素沒有評論，因為沒有被安排入座！7月23日我們一行4人本想食個birthday lunch, 最後竟失望而回。事原係約13:30拿號碼票#71，直到一個小時後終於等到叫號70，眼見一張4人枱起身，我們已站在門前，店員竟然叫號78⋯ 當然我馬上上前理論一番，眼見我們71號被刪掉，78號飛已入座？！ What?! 店員答案係叫錯飛，真心嬲係喺外面33度高溫等了一個多小時，眼見其他枱都仲食緊，下一張枱要等到幾時？ 最後我係同店員講你地安排坐位真係超級有問題！我地唔食喇⋯比返張飛你⋯ 🤷‍♀️點解四人卡位分兩張二人枱入係咩玩法？正常都唔想對住兩個唔識嘅人仲要係咁細張卡位飲茶吧！？眼見連續三張二人飛都唔願意搭枱。我寫呢件事出嚟唔係想攻擊呢間小店，重點係更好食嘅食物，其實餐廳管理、安排、服務都同等重要。希望你們會改善一下！

晨早起身，由粉嶺跑步去大埔，見到一間新開茶居，於是入去試吓。叫咗幾個點心，全比酒樓嘅水準好，價錢又平過酒樓，仲有甜品送，佢個桂花糕，桂花好香，唔會一味得個甜字，甜度恰到好處！焗叉燒包，剛剛焗出來，外面脆，內面鬆軟，叉燒餡料足夠又唔會太多汁搞到好鹹，簡直是酒店級水準！其他點心都非常滿意，令我跑步更有動力！下次會再晨早起身跑步去吃！食完再跑返粉嶺！

大眾價錢酒店出品香片一般糯米雞外形極細緻外皮雪白酥松糯米香味鎖在皮内小乾鮑絕不迅色非常有心的設計形色味香 一絕紅米腸金纱米網春風得意唔係間間有做皮軟厚但可以米網略油夠脆蝦鲜量足八十分以上雞扎魚肚同花膠非入味芋頭夠香夠粉雞肉蝦餃筍香蝦鮮皮較軟芋角外皮極酥脆散發濃濃芋香芋泥夠粉菇香濃郁口感與味道極具層次製作精細用心實屬難得贈送的甜品小小的一口凍糕溫度與口感極佳陳皮持香酥餅香松脆價錢合理精心出品新派手法程現港式傳統美點每度菜式都能感受製作者嘅用心樓面姐姐都好勤快

同朋友三五知己見新開張點心店去試下, 係大埔想食點心多數去酒樓等位, 今日假期去(12:00)又唔係話等左好耐就有位, 入左去之後見到好多人係門口等位真係好好彩。新店裝修華麗有格調老闆應該有用心設計, 有個窗口位可見到師父們係入面整緊點心, 完全睇到環境同衛生都好好。間點心店係即叫即做(個人喜歡點心即叫即蒸, 咁先夠新鮮熱辣), 落單後要等一陣先會有野食。#上湯金魚餃  嘩! 見到真係"嘩"左一聲出黎 , 太精美簡直見到都唔捨得食, 真係好似條金魚游緊, 栩栩如生。整得唔止靚重好好食真正色香味俱全。#流沙豬仔包   有無攪錯, 又係咁可愛既都唔知食個頭先定食個尾先... 哈哈哈!  真係流心, 又係好好食#招牌酥皮鮑魚糯米雞    見到咁特別又未食過第一時間就點左佢, 果然黎到係同點心紙張相一樣, 點解樣樣點心都咁精美可愛, 又係唔捨得食。當然最後同朋友商量好點打開佢 (朋友話咁殘忍切開佢) , 果然梗係又好好食啦!#避風塘蘿蔔糕   平時食得多XO醬炒蘿蔔糕無咩特別, 依個比到驚喜我, 上面D炸蒜+埋蘿蔔糕真係堅好食, 重拎左少少蒜來撈個煲仔飯食#脆皮紅米蝦腸   其中一個我喜愛既點

點心一般以廣東菜常客來形容就沒錯了，因為香港的點心太多了，但這一間可以算是點心的藝術品店，常以普通的酒樓點心，來到型點後你會發現原來點心也可以這樣美，這樣生動，顛倒了我對點心的三觀，但這樣的點心我還沒試味道，已經先被眼球所征服了，哈 味道超正，豬豬小包斯開一半時燙熱的流沙奶皇伴著熱騰騰的蒸氣冒出來，蝦餃皮晶瑩通透，蝦味濃郁，我想問一問侍應可以終叫蝦餃皮嗎？ 喔 不說了 先食吧

每一款點心都好精緻，好好味😋尤其酥皮糯米雞同埋金魚餃，非常之靚😍#個酥皮糯米雞即叫即焗，熱辣辣又夠鬆化。#至於金魚餃整到成條金魚咁，仲有少少湯同食用花配搭，真係靚到唔捨得食🤣一定要影相打卡食咗個鹹魚肉餅煲仔飯，原條鹹魚蒸😝好抵食但建議如果要食酥皮糯米雞同埋金魚餃就要早啲，因為賣晒就冇（限量）最緊要坐得舒服，夠光猛，個冷氣又夠凍。喺嗰度有個大玻璃窗，可以見到啲廚師喺入邊做，果然係手工點心，啲師傅真係用心製作。