型點特色點心專門店

营业中

休息中

第一次嚟大埔飲茶，見招牌好吸精就入咗嚟。叫咗幾款招牌點心，其中一樣係蒸蝦餃，餃子皮都幾薄透，內餡鮮滑，蝦都比出面嘅大份，鐘意食蝦嘅我差啲想叫多一份。香菇燒賣雖然common，但有驚喜，香菇嘅鮮香與肉餡的鮮嫩完美結合，而且都幾大粒夠抵食。同埋食咗春捲同埋咸水角，春捲外酥內嫩，咸水角唔算好油剛剛好。最鐘意飲湯，雞湯同紅棗湯都試埋，好香幾好飲，感覺兩款湯水材料幾夠，飲落都啖啖真材實料。總結嚟講整體食物質素幾好，感覺都係新鮮整嘅。服務都唔錯，見店員招呼街坊時都好好笑容。菜品呈現精緻，下次再嚟大埔都想encore。

咁啱今日想同朋友試吓新呢間點心鋪，果然係我食過最新鮮嘅點心。一入到門口就覺得間店幾有特色，啲海報幾得意，叫咗幾個招牌試下，有蝦餃、魷魚、叉燒包，全部比我想像中好食。平時唔出post嘅我都忍唔住要黎openrice贊好，希望多啲人認識佢哋，間點心一直做落去！

大埔好好食點心舖, 叫咗幾個人氣點心, 包括香菇燒賣皇, 經典蜜汁叉燒包,荷葉籠仔蒜蓉鳳尾蝦飯 等等, 價錢大約係一般酒樓7成, 但份量就多好多, 而且好好味, 新鮮熱辣. 牆上海報設計突出,  

🐑幾有驚喜，除咗小籠包，今日食嘅樣樣點心同蒸飯都唔錯：🐑酥皮焗叉燒餐包-焗得外皮鬆脆，叉燒餡香甜🐑脆皮紅米蝦腸-蝦夠爽彈，仲有脆脆嘅油炸鬼，夠香口🐑型點蝦餃皇-竟然食到有淡汁喺入面，好油潤，係少有超高質素嘅蝦餃，但建議4隻餃唔好黐埋一齊蒸，因為如果夾蝦餃嘅時候扯爛塊皮嘅話，蝦餃汁流失就會好浪費🐑香菇燒賣皇-肉香菇香共冶一爐🐑炸鯪魚球-熱辣辣炸出嚟冇得輸🐑蒜蓉蝦球飯-上枱蒜蓉味極香，蝦球爽彈，蒸飯水份用得剛好🐑馬拉糕-唔太乾唔太濕，糕底發得起，充滿彈性，甜度剛好，值得推薦

🫠🫠🫠🫠🫠食咗起馬5／6次 今次真係忍唔住要打食評 一句講哂 水準不斷下降🫠🫠🫠🫠🫠咸水角個皮成吋咁厚🫠🫠🫠🫠🫠餡又少 成舊粉咁 芝麻卷完全無芝麻味🫠🫠🫠🫠🫠少少香味都無 以為食緊啫喱糖紅米腸都失哂準..同以前相比真係兩回事但係價錢就愈黎愈貴🫠🫠🫠🫠春卷 蝦餃 馬拉糕就不過不失正常發揮 無特別🫠🫠🫠🫠🫠老實個句以前都唔係咁嘅水準。。 愈食愈失望🫠🫠🫠🫠🫠

呢間大埔的點心店真係抵食又超有水準，真係食得出係！佢哋嘅特色係即叫即整，每一道點心都保證新鮮熱辣。最好食嘅就係個蝦餃，蝦肉爽口，口感彈牙，咬下去真係令人回味無窮，絕對值得一試👍👍👍。另外，我覺得鮮魷土豆粉都好正，魷魚新鮮，土豆粉滑溜，配上特製醬汁，簡直係完美嘅搭配。食飯嘅時候，我仲遇到香港人老闆，佢好有心，唔單止親切，仲同我分享咗啲點心嘅製作過程，讓我更加欣賞佢哋的誠意。餐廳嘅服務態度都好好，服務員熱情周到，坐隔籬桌嘅客人都好似好享受，經常聽到佢哋讚呢度嘅食物。我覺得呢間餐廳真係唔錯，無論係食物質素定係服務態度，都值得推介俾大家👍👍。希望大家都可以來試試，唔好錯過呢個好地方！

想問問大家係未轉咗手？本身出名個幾個點心都消失咗，餐牌都唔同晒！鹹水角都冇左雞仔造型，整體食物味道普通，選擇亦都小咗好多，冇咗之前嘅精緻。同普通茶樓出品差品多。

新年聚會梗係要食番中式野先夠氣氛，但又唔想去傳統酒樓，今次試左呢間新式點心店，又幾好喎，店員都好 nice，食得好開心。見到 menu 必點 #酥皮鮑魚糯米鷄 & #上湯金魚餃，真係鷄型既糯米鷄好有心思😆，外層酥皮夠鬆化唔油，內面糯米軟糯，加埋一齊口感好特別。上湯金魚餃面層一少撮金薄😍點綴令金魚更迫真。餡料好足料先可以令到金魚外形賬卜卜，蝦夠新鮮爽口。越黎越少見到既芋角，最後一碟我地啱啱好order 埋✌️，炸功一流，外層唔會油，夠鬆化，芋蓉餡料又係無得頂，新年食到芋角真係好運一條龍🧨🪅。黑松露燒賣、炸魷魚絲、臘味排骨飯、菜芯雖然係大路野，但竟然都有驚喜🥳。

三人行飲茶， 叫佐點心如下灌湯餃乳鴿焗叉燒包芋角燒賣叉燒腸牛肉10:55分落單 57 分收落單紙5分鐘後黎芋角 再5分鐘後黎乳鴿到20 分向4眼呀姐查詢食物仲未到 幫忙追下 佢一句就話蒸緊 再15 分鐘仲未黎 再追 佢先行去廚房問 問完 我無大玻璃到先見個廚房d人去攞蒸籠 離哂譜 另一個呀姐見我燥燥地 佢先再入廚房問 廚房跟本漏哂單 4眼呀姐態度 超差 唔會再幫襯

星期四下午約2時半來到不用等位便可以入內，下午茶免茶介，可以點套餐，套餐包括一碗飯和3款1位份量的點心。一坐下便有人問要什麼茶，比較特別的是菊花茶，但要加10元，飯是盅頭飯類，點心我們選了雪山叉燒包、正常叉燒包和炸鯪魚球。飯方面，鳳爪排骨飯質素不錯。點心質素也不錯，炸鯪魚球份大大粒，但茶比較淡。一個吃一個套餐也是足夠飽的。

問佢攞辣椒漿，佢就打開櫃桶叫我攞辣椒油，我重覆話要辣椒漿，佢就同我講話佢要入去攞但辣椒油就唔使行入去，擺明就係俾說話我聽，話我麻煩佢叫佢行入去攞俾我，之後仲要黑面。真心唔想服務人就唔好做服務行業，態度差到不得了，第一次嚟亦都係最後一次。另外人哋落order佢send錯嘢，最後上菜錯咗話要轉，佢就俾說話人哋聽話人哋嗌錯，跟住係咁話自己冇錯，仲要不停重複係人哋嘅問題，完全冇想轉嘅意思，例牌又係全程黑面

你有耐性等位先好食！阿姐坐排入座係無譜既！初四公眾假期多人等位。我地9點50分等3人檯等左半個鐘，我地一早齊人，亦樂意等檯。但眼見佢地員工大大聲聲一直口講齊人先入座，但入座前前後後幾張檯都未齊人已經入座。有張6人飛，又係不停咁摧呀姐比檯，聲稱齊人但其實只得4個人，佢地入座後15分鐘先齊人。如果你地口口聲聲講要齊人先入座，就公平少少點好人頭先入座？5人檯9:55分取飛，黑口黑面摧個阿姐幾次，結果阿姐比左檯佢先，先入座過9:50取飛既3人飛，坐張4人檯。佢話理由係3人飛等派坐卡位、等卡位起身埋單，但卡位同佢地張檯其實一樣都係4人檯，而且係無限時既…鬼知人地打算坐幾耐咩…結果我地3個人齊人，型點就一直比檯根本未齊人既飛佢地入去霸住張檯慢慢坐住等朋友到喇。同時遲禁飛既5人大檯亦早入座過我地。無辦法，你想食佢既野咪比d耐性等囉，就算佢地入座安排得差都好。分享返我既經驗比大家做返心理準備，欺善怕惡架！

餐廳喺網上評語其實普普通通⋯不過我都好想支持大埔小店！星期六中午冇得預約！大概等咗15分鐘就有位！兩個人繁忙時間需要同其他人拼檯⋯枱面嘅空間略為細咗少少今次食咗咩呢柴魚鹹骨花生粥蜜汁叉燒腸上湯金魚餃珍珠鹹水角冇睇錯！全部點心都好好味柴魚粥配油炸鬼長輩超鍾意！肉眼已經睇得出用料豐富！而我自己就鍾意珍珠鹹水角！初初擔心雀仔造型會唔會好睇唔好食？熱辣辣超新鮮！完全意想不到咁出色！腸粉金魚餃一樣咁出色皮薄餡靚！最後埋單亦都唔貴！撇除個座位偏細之外！餐廳點心水準真係高！已經約好咗屋企人幾時再嚟食！

酥皮鮑魚糯米雞 ☺️一上枱幾得意 😂係雞仔造型 都算幾新奇 因為好少見用酥皮再包住糯米雞 味道正常 接受到 但會比傳統嘅少左荷葉香😗上湯金魚餃 內餡係韭菜（應該係吧？！），蝦，豬肉碎同馬蹄蝦🦐有咬口 彈牙 ；味道清淡 椒鹽魷魚鬚🦑炸漿開得幾好 👍🏿 好脆但油紙唔夠吸油 入口比較油膩咸水角係我最鍾意食😘 又係雞仔型小籠包有汁流出嚟 正常發揮紅米脆蝦腸內餡做得幾好 👍🏿 唔會淋哂

去咗一間大埔嘅點心店，真係叫到我心花怒放💖。首先，落口嘅荀粒鮮蝦餃，皮薄餡靚，啖啖蝦肉，真係彈牙爽口！香菇燒賣皇，個燒賣食落去肉質鮮美，香菇味足，真係好有層次感！椒鹽魷魚鬚嘅香脆，配上微微辣味，絲絲入味，根根分明，啊！真係過癮！再講下嗰個流沙荔枝球啦，外皮酥脆，入口後荔枝嘅清香同滑溜嘅流沙夾攻味蕾，會心一笑😊。最後，呢個避風塘蘿蔔糕，蘿蔔絲同各種調料炒得金黃爽口，即刻提升我嘅幸福感！總括來講，呢間店嘅點心真係精緻得嚟味道又好，用心造型嘅點心容易引起追捧，雖然位子排得密了啲，環境方面都算OK啦，總之間店真係值得一試！👏👏👏