型點特色點心專門店

营业中

休息中

新年聚會梗係要食番中式野先夠氣氛，但又唔想去傳統酒樓，今次試左呢間新式點心店，又幾好喎，店員都好 nice，食得好開心。見到 menu 必點 #酥皮鮑魚糯米鷄 & #上湯金魚餃，真係鷄型既糯米鷄好有心思😆，外層酥皮夠鬆化唔油，內面糯米軟糯，加埋一齊口感好特別。上湯金魚餃面層一少撮金薄😍點綴令金魚更迫真。餡料好足料先可以令到金魚外形賬卜卜，蝦夠新鮮爽口。越黎越少見到既芋角，最後一碟我地啱啱好order 埋✌️，炸功一流，外層唔會油，夠鬆化，芋蓉餡料又係無得頂，新年食到芋角真係好運一條龍🧨🪅。黑松露燒賣、炸魷魚絲、臘味排骨飯、菜芯雖然係大路野，但竟然都有驚喜🥳。