坐忘 (已搬遷) 新店位置

日本人主理既小店🍴全部餐點都無落味精👍每次黎都會必叫豬軟骨，係我食過最好食既😋😋🍴豬軟骨胡麻湯烏冬🍜$69慢煮7小時既豬軟骨用叉吉落去已經散左🤤入口即溶而且好入味😋配埋清淡既胡麻湯同埋雜菜就無咁膩😆🍴青芥胡麻汁豬軟骨定食🍛$69之前食過咖喱汁，今次試下新野。青芥胡麻汁好濃，有少少辣，幾開胃🤣不過始終2大舊肉。下次都係嗌返咖喱雜菜豬軟骨好d，無咁濟。如果係細食既女仔，可以2個人share都得😆

📍「坐忘Camper’s」- 天后今次食食食之旅嚟到天后😌呢間係👦🏻👧🏻天后嘅飯堂，因為佢嘅慢煮豬軟骨飯真係好好好好好食😍😍😍呢間餐廳係日本人開，菜式好多選擇，而且標榜住無味精、多菜，岩哂想食得健康嘅人士🥰而且價錢仲好平民化，性價比💯💯💯📷餐廳店面比較細，座位有少少🤏🏻逼🙈而且差唔多每次去都要喺門口排隊，就知幾受歡迎啦🤣🍴豬軟骨七小時煮野菜咖哩飯💰HK$69✨推薦指數：10/10呢款係👦🏻必嗌！首先佢份量好足，賣相好靚，滿滿嘅咖哩汁淋上大大件嘅豬軟骨同黃金玉米飯，仲配有好多唔同種類嘅蔬菜，真係未食已經覺得好吸引🤩🤩🤩豬軟骨食落係好腍身，燜得非常入味，啲骨燜到溶溶哋，同埋啲肉一齊食落口，係滿滿嘅骨膠原呀😍🤤連無牙嘅人都食到🤣咖哩汁香濃，配埋黃金玉米飯食，真係好夾好岩送飯，👦🏻每次都清哂成碟，一粒飯都冇剩架😂🤣！呢隻咖哩汁同咖哩雞飯個汁唔同，呢個偏甜多少少，用嚟撈飯好食啲😆配料都好豐富，有西蘭花、椰菜花、翠肉瓜、紅蘿蔔、豆角、西芹、薯仔，配埋咖哩汁食好好味🤗呢個配搭真係營養均衡又好味😍😘💯🍴青芥牛肋流心蛋沙律💰HK$84✨推薦指數：9/10呢碟嘅賣相都好靚💯🤩青芥牛肋有好多件，俾得好大方🤣

☞ 除咗大坑個邊，其實天后電氣道都有好多好西㗎～🤣呢間小店嘅豬軟骨烏冬好出名，最近去開附近就去咗試吓😋🍴豬軟骨七小時野菜咖喱烏冬（$69）❖ 佢本身係飯嚟，我揀咗轉烏冬，感覺吸引啲😋咖喱味好濃，個烏冬都好掛汁，不過略嫌個豬軟骨唔夠淋身😖因為expect佢係好淋好入味，所以食落就有啲失望。🍴豬軟骨七小時煮白芝麻湯烏冬（$69）❖ 我見好多人都揀咗呢款湯底，朋友就嗌咗呢款，不過佢覺得湯底味道好淡。豬軟骨都係一樣唔夠淋🧐

夜咗收工，係天后四圍，諗住求其食啲野就返屋企。點知行行下，見到一間餐廳好多一排隊，貪得意埋去望下。佢地係sell啲日式家庭料理，咁我地冇乜點諗就入咗去。我地對日式家庭料理好有好感，雖然餐廳既格局唔係日式風格，都係普通香港式餐廳，但見到其他食客既野食，已經令我地食指大動。豬軟骨七小時煮野菜咖哩飯 $69整體份量都算幾大，豬軟骨有3大舊，加埋野菜，同飯，普通人都應該夠飽。 首先，佢既飯唔係普通白飯，佢有放少少紅蘿蔔係入面。而豬軟骨，煮到淋晒，軟骨既部分中間又夾雜住一啲筋，食落口有醬住個口腔既感覺，好好食。 而咖喱都係偏甜既日本咖喱，但佢有加少少辣味，令成個飯唔會太膩。 而最大驚喜係啲野菜，有好多唔同款，紅蘿蔔，薯片，豆，芹菜，翠肉瓜，西蘭花，椰菜花等等。。。野菜好新鮮，唔會overcook，食到天然甜味，正呀！柚子烤雞親子丼定食 $69呢個一上枱已經聞到好香柚子同少少胡椒味。蛋都煮得好嫩，仍然有好多蛋汁。冇乜入面既洋蔥都煎得好淋，而且勁甜！ 雞肉用柚子醬烤過，食落去好香，柚子味又唔會太搶，仍然食到雞肉味。美中不足之處係蛋汁太多，令個飯有少少濕，但整體依然好好食。最後，我地先發現，原來係可以

放半日假梗係要衝出中上環食晏😝今日簡左好多好野食嘅天后，而坐忘一直都係我嘅list上面。今日終於可以去食😋😋友人話平日12.30前🕧無人等，但可能係星期五就要等下，不過都係等左10分鐘就入得😗豬軟骨野菜咖喱飯🐽🍛($66)嘩！上枱一睇超大碟！豬軟骨一啲都唔小，大大舊，煮得好淋，一督就會分開而咖哩汁又好香撈飯正。還配左西蘭花🥦椰菜花🥦薯仔🥔翠玉瓜🥒紅蘿蔔🥕等等，淨係食蔬菜都飽左3成😂另外個飯都好特別，係溝左啲南瓜蕃薯食落好甜！蕃茄牛肋野菜咖喱飯🐮🍛($65)牛肋骨份量都係好多😝牛肉都係煮得好淋，入口就溶，肥瘦適中👍🏻配菜方面除左西蘭花🥦椰菜花🥦薯仔🥔翠玉瓜🥒紅蘿蔔🥕重有蕃茄🍅而飯就要左普通飯。環境比較擠迫，食完就走，唔會坐得耐，店員都幾惡🥲推薦？🟡🟡🟡🟡⚪️？性價比高，抵食夾大份。去開天后可以一試！好多蔬菜食落都覺得好健康，多汁都唔怕😂

午市去開天后就食依間豬軟骨飯，以前喺天后返工嘅時候成日食，印象中係大份夾抵食，仲要啲豬軟骨整得好入味。今次去到我叫左豬軟骨同牛肋條兩份。唔上到嚟嘅時候覺得豬軟骨份量好少比以前少咗好多，不過味道依然係好好食。啲軟骨煮到好張住過嘴，啖啖骨膠原嘅感覺。佢煮得好林好入味，輕輕用筷子夾一夾就可以分開成舊豬軟骨。好少舖頭可以做到咁樣。而醬汁方面，鹹度適中好啱送飯。不過，如果可以多番幾舊豬軟骨就更加好啦！但可能而家食材貴咗所以份量少咗都理解嘅。但相反黑椒牛肋條真係有啲失望啦。啲牛肋條炆得唔係好林，本身以為同豬軟骨差唔多，都係一夾就可以分開嗰啲，呢個牛肋條就要咬好多下，而且啲牛有臊味，黑椒嘅味道唔係好出，不過佢就份量比豬軟骨多，有好多舊牛，但係如果要再揀嘅話，揀返豬軟骨會好味好多。如果未食過依間，真係一定要試吓佢嘅豬軟骨，好好食！

聽好多人推介依間餐廳，諗住夜晚黎試吓。下午未夠6:00就有一條長龍嗌咗一碗豬軟骨咖喱飯+白胡麻豬軟骨烏冬啲豬軟骨唔係真係想像中咁好食，連住豬骨嘅位係幾「綿」，幾好咬口。不過其他部位就好似阿媽煲嘅豬肉湯嘅豬肉咁咬咗一下覺得好乾。烏冬嘅湯底就偏鹹，豬軟骨俾啲湯浸住啲肉就更加乾身另外要講下啲職員嘅態度真係一般本身入面間隔嘅座位已經好迫，個職員仲一句講話「坐埋啲丫」比完錢諗住出門口點知比個職員阻住，等咗幾秒佢都無諗住行開，淨係招呼啲外賣客人之後一句唔好意思都冇講真真係唔係想像中咁好食室內環境好迫其實唔會再食多次

有一日同男朋友一早黎到天后，勢要食盡呢到既美食！係OpenRice上睇到好多好評 而且好多人排隊，決定第一餐就揀「坐忘」，貪開鋪時間唔洗排隊之下食到想食既野入到鋪後，第一下覺得好有去日本旅行既感覺呀！！雖然店舖唔多日本擺設，但主要用左木材做店舖設計，整個格調好舒服，容易令人回想日本旅行既情懷啊睇睇menu先⋯本人好愛吃烏冬🍜Order豬軟骨7小時煮白芝麻烏冬湯底有濃濃豬骨味，一啲油膩感都冇豬軟骨因為用左7小時黎慢煮，肉質好淋，老人家冇牙都食到而且每咬一啖肉都有滿滿既骨膠原黏住個咀😆烏冬彈牙仲好好掛湯後來食食下聽到原來有自選配搭 可以加多種唔同既菜下次都要試下先🥺真材真料大份又好味既烏冬，誠意推介

🍪【#天后】坐忘 Camper's💥15種野菜咖喱飯 私心推介椰香雞💥.🍪 男朋友主動話要去坐忘，應該開始掛住日本咖喱喇~ 餐牌唔單止有好多款咖喱配肉揀，仲兼顧埋素食者，蔬菜五顏六色好吸引！主食有4大種類︰飯、烏冬、拉麵同沙律。食物好大碟，不過菜佔大部份，食多咗都冇咁驚~✧ Guess that Camper’s Japanese curry is sorely missed when my boyfriend suggested going there for dinner. The extensive menu has got both vegetarians and meat lovers covered with eye-catching veggies and a variety of meat. The 4 main dish’s categories are rice, udon, ramen and salad. The big serving size doesn’t bring guilt of overeating. Instead, I kind of feel

🐽豬軟骨七小時煮白芝麻湯烏冬 $69招牌豬軟骨的確好出色 見到每枱都有嗌屋企人都有自己整過豬軟骨 之道工序繁複而且花時間呢度嘅豬軟骨燜到好淋好入味 但因為煲咗好耐所以軟骨已經邊到似啫喱 朋友好鍾意個人偏好啲咬到軟骨嘅感覺😬湯底帶香濃嘅芝麻味 配料雖然無咖哩飯咁豐富 但都有重點嘅半隻溏心蛋同埋啲椰菜絲烏冬滑溜 偏幼同埋軟身🍛烤雞野菜咖哩飯 $68日式咖喱醬汁頗濃稠而且甜味比辣味突出嗜辣嘅我甚至完全食唔出辣味。見到隔離檯嘅正常飯量都比上次食少咗。特別嘅係佢哋配嘅係栗米南瓜飯 味道香甜側邊有翠玉瓜 薯仔 甘筍 椰菜花同埋西蘭花主角烤雞雖然唔係唔係佢哋招牌但都好高質大概有4大塊煎至金黃色肉厚而且有肉汁 完全唔會乾硬或者鞋口！🥚溫泉蛋 +$8呢隻溫泉蛋就有啲失望啦同朋友原本諗住錄yolk porn點知溫泉蛋煮到過熟 蛋黃已經唔流心😢

天后同大坑一帶係充滿童年回憶既地方，基本上以前每個星期都會係度出現。今日舊地重遊，黎到天后呢間由日本人開設既#坐忘，餐廳主打日式家常菜，多菜少油又無味精！岩晒d注重健康飲食均衡既朋友！🇯🇵 今次叫左佢地招牌既豬軟骨野菜咖哩飯—個豬軟骨真係好出色，炆得超腍而且好入味，d骨腍到溶溶地再痴住d肉，大大啖骨膠原咁入口，真係腍到無牙都食到！可以話係近期覺得最好食既豬軟骨，另外個咖喱汁好香，送埋佢地誠意既黃金粟米蛋飯，大滿足！西班牙黑豚豬頸肉野菜咖喱飯豬頸肉大塊又爽口，口感好好，完全無肉腥味，再配合我鍾意既翠玉瓜同其他蔬菜，營養夠晒均衡！好似我咁，鍾意食住家飯既你地，不妨嚟到#坐忘，試下日系住家飯啦！

呢度既名物係咖喱飯同豬軟骨肉，麵控既我叫左個豬骨肉白芝麻稻庭烏冬，隔離位就叫咖喱飯🍛 豬軟骨好冧，好入味🤤白芝麻夠香，好夾烏冬❗️咖喱飯亦非常出色，咖喱夠辣，唔似其他日本咖喱咁偏甜～而且大大份，唔單止係肉，仲有蔬菜同飯，呢個質素同份量真心抵食👍👍👍蔬菜仲好鮮甜～隔離位本身唔鍾意食菜，但佢竟然清晒d 菜😌店家都好提倡「食多d 菜」，仲係menu 好貼心提大家。呢間絕對會回頭😋

星期六下晝1:30要人齊先入得，我搵咗一陣先搵到呢間舖頭，原來舖頭名只有英文，叫Camper’s。喺小店都預咗要搭枱。食咗豬軟骨咖喱飯，未試過叫一碟飯有咁多配菜而且唔會過林。之前睇過一篇食評話佢個豬軟骨唔林，但我食呢次就好林，好味！食完超級飽。又多唔同種類嘅蔬菜，好滿足。仲要唔收加一，一定會再嚟。不過我下次會叫佢少汁，想再清淡啲。我發覺周圍嘅人全部都係食豬軟骨😂，應該係鎮店之寶。不過佢個期間限定柚子炸雞親子丼飯我其實都好想食。食完2:15條龍仲長個頭先我入嚟嗰陣😬

《黑椒燒汁牛肋丼》$58呢個賣相係冇招牌豬軟骨野菜咖喱飯咁吸引但係反而帶俾我驚喜🤫 碗上面都有七至八舊牛肋骨 食起上嚟佢哋超冧 好容易咬 又冇骨 最有驚喜嘅係黑椒燒汁飯 呢個黑椒唔係辣嘅 係有一種令人不斷好想食 食上癮嘅感覺🥳 成個飯整體都好大份 好滿足🥰推薦大家可以試吓呢一個唔錯唔錯！！！整體：食物嘅質素真係唔錯 而且超級大份 細食啲嘅可能都食唔晒 而且店舖裏便嘅環境都幾舒適 留意一點嘅就係可能繁忙時段會比較多人等位

《豬軟骨野菜咖喱飯》$66一黎就見到啲豬軟骨超大舊😍 食起上嚟都好冧 而且有啲啫喱狀 好滑 所以特別好味🥰 略嫌個咖喱汁重味咗少少 同埋少少偏酸 但係整體都滿意 而且份量超級大份🥳整體：食物嘅質素真係唔錯 而且超級大份 細食啲嘅可能都食唔晒 而且店舖裏便嘅環境都幾舒適 留意一點嘅就係可能繁忙時段會比較多人等位