土屋 (已搬遷) 新店位置

見呢排OPENRICE 人氣急升得咁西利 .. 就去試試 .. 一入到去無論係店長定店員都好熱情、好有禮貌 .. 而且會幫我地介紹一下佢地土屋既甜品 ..最後就同男朋友揀左個士多啤梨奶凍同埋榴槤木糠布甸 .. 一試之下係有驚喜的!! 士多啤梨奶凍入口香滑.. 有好香既士多啤梨味之餘又食唔出有D 咩化學味道~~ 令人食到停唔到口 .. 雖然售價 26 蚊, 份量唔算多 .. 但耐都不久黎食下都OK 既~~榴槤木糠布甸 .. 如果放耐一陣先食會好食D .. 因為D CREAM 會開始溶 .. 做成入口即溶既感覺 .. 八掛問過一下店長 .. 木糠材料是用瑪莉餅製作的 .. 所以味道都唔錯咖~~ 木糠+CREAM 一齊食 .. 就唔會感覺太漏/太DRY .. 再加上濃郁既榴槤味 .. 是個幾好既配答 .. 亦是現今甜品店「榴槤」系列既甜品比較特別之一~!

食完晚餐心思思想食甜品，之前只係試過呢度既 $ 1 布甸，未試過其他野，咁就誠邀我既媽咪同我一齊黎食啦，哈哈，有兩個人食無咁大罪惡感嘛。我地去到大概 10 點鐘，可能係甜品時間所以都幾多人，佢即刻有位安排俾我地，不過我地就坐左係條走廊既二人位度，有D窄，又無梳化坐，要坐摺櫈。不過好彩服務都幾好，有求切應，要紙巾有紙巾，要水有水，仲要好醒咁俾杯暖水我地添。叫左個朱古力木糠布甸同埋一個榴槤飄香。朱古力木糠布甸幾好，個人覺得算大個，而且食落去有好香既OREO味，好味。中間個層硬硬地，唔會勁甜，食完要抹抹咀，因為會食度周圍都係朱古力粉，哈哈。榴槤飄香就麻麻地，可能因為榴槤唔係當造既季節掛，因為實在係無咩榴槤味，唔夠濃，勁淡。如果榴槤唔靚就唔好勉強整榴槤既甜品啦，令成碗野失色不少。佢好似楊枝金露咁有D西柚，不過由於碗野味道唔突出，搞到D西柚酸味出哂黎。總之呢碗野麻麻地，唔建議大家叫榴槤既製品。笑面定OK面真係好難俾，話好好又稱唔上，話難食又唔係。雖然我都會再俾機會黎試第二樣，但由於個榴槤飄香真係幾麻麻，所以都係俾OK算啦。吃畢媽咪話而家食甜品分分鐘仲貴過餐飯，哈哈，唔係而家先知呀？

試左兩款甜品1) 朱古力木糠布甸2) 焗芒果酥皮卷1) 朱古力木糠布甸 --> 我初時以為會係可可粉，驚喜的是用oreo餅味的粉，應該係oreo的甜品。雪太硬，沒有入口即溶的感覺，但味道還是很好。2) 焗芒果酥皮卷　--> 好一般，賣$36有點貴，但旺角租貴這個價錢也可以接受。

原味牛奶布丁 - 奶味濃,質感比較實淨D,,似雙皮奶果種口感,,,原味木糠布甸 - 味道OK,,實淨型,,雪到凍一凍無咁膩,,GOOD分別為$27蚊同$20,,後者比較抵食,,,唯一意見就係布丁雪藏既方法可以改一改,,,5係D布丁吸哂D雪味就5好啦,,,

今日同朋友路經此地有新發現，見新店新裝修就入去試下，咁店員就推介左呢度最多人食的雪花冰同木糠布甸。我地一行4人叫左一個芒果雪花冰，一個榴槤木糠布甸，一個綠茶木糠布甸同埋一個香蕉pancake。個雪花冰夠薄未溶ok，不過d配料就好吾掂，用罐頭芒果仲要吾凍要扣分，榴槤木糠布甸個味假左d，超硬，同綠茶木糠布甸是一個對比(超淋)，冇乜準則，個pancake最離譜，諗住食香蕉吾會有隔夜啦，點知個皮厚，裡面d蕉有d變黑淋左，。需要改善吧！

老婆生日，去旺角同朋友唱k慶祝後，約11:00就去左呢間野諗住食d甜品，點知想食紅綠豆沙冇，芝麻又話冇，剩番d吾知乜鬼野吾敢叫，咁冇計就試其他野，最後叫左西瓜意式涼粉同榴槤飄香，個涼粉d西瓜吾系好新鮮，個榴槤飄香d榴槤就幾生下冇乜味，d芒果就梅梅地，不過都夠凍。但感覺有欠新鮮。

平時都淨係上黎搵野食懶得打食評今日去左旺角女人街側邊 一間叫土屋既甜品店食野老闆娘話呢度都有佢地既POST 返泥一睇 又係喎咁等我都獻出我既第一次 希望同大家分享下我今日係呢間小店得到既幸福啦話說丸子今日係最後既上課日 落左堂就緊係去食D好野慶祝下啦行過見到呢間新開既舖頭幾靚 門口個個伙記仲同我地推介1蚊奶凍見咁抵食就本住一試既心態入去喇入到去 白雪雪既奶凍即刻送到 未食先加分因為個杯真係好靚呀!之後老闆娘又介紹我地食木糠布甸 加上同學仔愛食榴槤最後我地總共叫左奶凍,木糠布甸,榴槤糯米卷同芒果布甸4樣野奶凍* 我地食既係原味 入口溶化 又香又滑 真係成個咀都係好香濃既奶味 而且又唔係太甜 食多幾匙都唔漏呀! 除左原味仲有好多其他味架 下次要試埋MOCHA味先!木糠布甸* 老闆娘極力推介! 入口好有餅香 而且唔似食開果D散收收好似粉咁 呢個既質地有D似雪糕 都幾好味! 同埋個木糠布甸都幾大份 可以分成八舊都只係$20 女仔的話2份食絕對OK!榴槤糯米卷* 一句講晒 榴槤又多又濃又甜! 愛食榴槤既人一定要試! (丸子果位愛食榴槤既同學係全情都讚緊呢個野好好食)芒果布甸* 由於丸子唔食芒果既

食甜品喇喂))))))原味木糠布甸: 由於個人唔太好木糠布甸, 但朋友對此布甸讚口不絕, 仲買多左個朱古力味外賣添原味奶凍: 好味~好奶味~正就正喇....但係26 蚊果杯仔....太貴喇！！！！係就係有得一蚊杯奶凍...但係....限時限刻...要星期5先用得唔係要特登果日再出過去掛....一.一''仲有喎木糠布甸大份過奶凍, 但係仲平過奶凍...啤～～～～～$25 + $26 / 3 = $17/人

今日同男友行街見到個易拉架廣告，見幾吸引就行去間鋪頭望下鋪頭門口有個姐姐仔係到派單張拉客姐姐仔見我地立即上前向我地介紹$1 杯奶凍，之後我地就半信半疑入左去食坐下後很快送上2杯 原味奶凍~此時看看張收據，真係$1杯無呃人!原味奶凍：好滑、好香牛奶味！而且唔太甜 Good~食完都諗過好無叫多樣野，因為食得個$2野，好似唔好意思咁....不過我一定會再黎食，下次想試椰子味奶凍

隊長好耐冇出動..今天來到評價幾好的土屋~一入到去未叫野已經有兩杯奶涷俾我地,我地冇$1coupon佢都收我地$1~~好nice..可能o個段時間唔係太多客~..奶涷唔會好甜,幾有奶味~可以再o黎食wor!跟住老闆推介試原味或朱古力味木糠布甸,佢話openrice好多人讚ga~哈哈..選擇了原味..以這個價錢分到8份,都幾抵食~唔會太稔,又唔太甜!~總括o黎講,o黎旺角想食甜品lee度都係幾好既選擇~

前幾日同男朋友食完飯行街...想食甜品因為之前行街記得經過過一次土屋.所以今次就黎左試喇..我地叫左士多啤梨奶凍同埋一個原咪木康布甸..土多啤梨奶凍:幾好味,可能士多啤梨味重左,唔係太食得出奶既味.但個口感好滑.原味木康布甸:值得試,食落去個口感好似食緊雪糕咁.唔太甜,岩岩好.因為食完之後店員比左2張單張我地話星期5,6,日有$1杯原味奶凍.所以今日又帶我家姐過黎試.絕對冇呃你..真係$1杯.不過要係3:00pm-6:00pm呢段時間.今次我地除左試奶凍之外.仲叫左個朱古力木康布甸.原味奶凍:好重奶味.好正..鍾意飲奶既人應該會好鍾意食.又係好滑,就連我家姐少飲奶既都覺得好味.朱古力木康布甸:好正,又係好似雪糕咁,唔會太甜,甜度岩岩好.可能比較鍾意食朱古力,本人覺得呢個好味過原味既木康布甸.鍾意食朱古力既人可以試食呢個.食野其間都覺得店入面個氣氛同環境都唔錯..d店員好nice..價錢合理..值得再回來^^

絕對無呃人，我同媽咪 兩個人只係用左 $ 2 食左兩個原味既牛奶布甸，佢話原價 $26，我諗而家做緊宣傳，所以咁平。我地今日行過女人街，又有哥哥係度派傳單，佢就俾左兩張優惠券我地，我一望見到係用 $ 1 食甜品，我同媽咪食完lunch就當然過去試下啦。佢有限時間的，只限於 3:00-6:00p.m.，我地大概 5:40p.m.去到，問佢個優惠可唔可以用，佢就好熱情咁招待我地坐啦。發現佢原本有好多野食，不過我地今日只係試左佢呢個 $ 1 既牛奶布甸。與某名人甜品店一樣，標榜用 3.6北海道牛乳，食落真係唔錯。個奶凍食落真係好滑，入口即溶，有d似食緊燉蛋咁。牛奶味唔係勁濃，不過係有淡淡既牛乳味漫延係口，喜歡牛奶製品既人應該都會喜歡的。佢個奶凍除左原味仲有好多其他既味道，例如朱古力，mocha等等。食完後老闆娘都有問我地好唔好食，我地當然話好食大讚啦，因為埋單只係俾 $ 2 人，其實真係唔係幾好意思。但由於我實在太飽，咩都食唔落。下次有機會我好有興趣試下佢既木糠布甸。=)

平時成日搵食都好懶唔寫食評..今次就黎奉獻我既第一次na 話說有次行開女人街見岩岩新開鐘情甜品既我肯定有殺錯冇錯過到第二次就介紹班fd黎食啦 推介 木糠布甸!!!唔似平時食開既木糠布甸有d旦糕+雪糕咁既質感 加上賣相一流 藍莓木糠布甸 : 藍莓味好濃好夠味 豬古力木糠布甸 : 全部都好味中既最推介 哈哈 特別係鐘意食豬古力既我地 原味木糠布甸 : 最簡單卻又不會給其它口味搶過風頭 綠茶木糠布甸 : 我對綠茶麻麻地 但有fd好鐘意佢夠綠茶味 =]服務態度細心有禮貌 好似番到一個大家庭屋企食甜品咁 老闆好好人同我地談天說地 仲送張即影即有既貼心服務tim 哈哈下次要黎再試其它甜品!!!

尋晚一大伙朋友見天氣好凍,所以約左去食羊腩煲,食完見時間仲早,就諗住去食番個糖水不過天氣咁凍仲食凍既糖水,個意欲又唔大喎...之後有個朋友話..佢知道女人街開左間新既甜品店,不如去試下,咁我地就搭的士去喇......一入到去...可能仲係新開...未係咁多客人..不過靜靜地環境都唔錯吖當我地苦惱緊食乜,其中一個朋友立即叫左個奶凍,佢食到好滋味咁...我地都每人叫左個奶凍.... 唔太甜...味道剛剛好仲叫左個焗芒果酥皮卷 & 焗榴槤酥皮卷 即叫即整...大約十五分鐘.... 暖暖地,真係好正...必食再黎多個原味木糠布甸...... 嘩.... 就依款甜品令我會再黎既最大原因因為木糠布甸可能好多甜品店都有...所以味道係比較之下...立即有分別PS. 唔知D員工本身係唔係一家人呢... 個feel好親切,亦都好有禮貌...食物好味之外,員工對客人既態度都好重要

2009年11月15日天氣: 寒冷 + 大雨 (即係一個你唔會想係條街到四圍行既timing!)食過晚餐, 到底要去邊到完成最後既甜品?諗到最近好似係女人街登打士街呢頭有間新開既甜品店, 咁就不如去試試~入到去, 第一個感覺係好warm. 我指既唔止係個室溫. 佢室內既顏色用左黃色, 有好暖好暖既感覺.一坐低佢就俾左menu我睇睇~ 都幾多款, 不過暫時唔係款款都有.都係既, 新開張, 要俾d時間佢run下~d伙計見到我地唔知要乜好, 就recommend左好幾款.可惜我地好飽, 所以只好叫左其中2個: 芒果木糠布甸 + 焗芒果酥皮卷.伙計好好心咁同我地講由於呢個焗芒果酥皮卷係即叫即焗, 所以要等15mins.明白!叫完我地就開始continue周圍望望~成間店得我地呢臺.係因為天氣抑或冇人知呢間甜品店既存在呢?比較冷清dd~ 希望之後既生意好d啦~忽然, 其中一位伙計就話:"出面咁凍, 不如俾2杯暖水你地暖下啦, 好冇?"幾好service喎~ 過左無耐, 就上芒果木糠布甸. 好凍好凍.因為由雪櫃到拎出黎, 所以又凍又硬.最後, 決定要佢暖返d (但唔好融!) 先食.果然好味d~ d