土屋 (已搬遷) 新店位置

行完街,最好既餘興節目就係食甜品喇北海道奶凍(原味) 店員話係招牌,用北海道3.6牛乳整嫁,咁就試試啦~入口真係好好好好好奶wo如果可以大杯d就好lu...唔駛整到我同個fd要爭食呀楊枝金露意大利涼粉 意大利涼粉就即係好似意粉既涼粉,一條條的.中間有個芒果碎冰好解渴,楊枝金露料多唔太甜同涼粉都幾match呀~!不過自己都係鍾意食粒粒涼粉多dd可能新鋪關係唔多人幾好坐(好怕去d糖水鋪d位勁迫又多人,講野好似要開火嘈交咁)同埋d員工真係really nice,好有禮貌.值得一讚

前兩日,同老婆仔&三個好兄弟出黎dinner,去左食西門町.食完佢地仲話想食甜品個d,.行過幾間鋪.見到有間新既甜品鋪,話開左幾日,見新野咪試下law.坐低左見到都幾多野choice,見到雪花冰, 咁咪個個都叫一個law…..開頭都唔會諗住有多好食….但食個下真係ok wor.因為我對甜野都係一般..但佢地整既味道真係剛剛好...哈..好過食雪糕.之後老闆娘仲送左 2 個奶凍比我地食…哈…本人極力推介朱古力雪花冰,牛奶雪花冰&朱古力奶凍Wa wa wa …….真係好濃味……..正!!!!!!!PS. 哈哈….我仲連續去左兩日…

食完晚飯後，我哋照舊周圍搵甜品食。（一定要食Ｄ正嘢呀！先至可以滿足辛勞工作嘅我！）行行吓，有位好nice嘅店員向我們熱情地「招巴」！咩呀？北海道奶凍？佢實在好有誠意，就試吓新嘢啦！我哋叫咗。。。　原味奶凍：（當時只賣淨兩柸），入口奶味好濃，不會大甜，總之係個口裡面香咗好耐啦！我見到我老死每食完一啖就陰陰咀笑，佢話「好嘆呀！」 　芒果奶凍：一樣係奶味十足！我老公話Ｄ芒果味好清香，甜得又適中，真係正wor！　焗香蕉酥皮卷：我一向最鍾意食哩味，原來依度都有，（價錢好似係平過平時我食o個Ｄ！）我叫老板娘為我焗得香Ｄ（即：燶Ｄ），佢照辦，期間仲細心地入㕑房跟跟添！講真，我係好「醃尖」o架！佢特意為客人跟眼，我真係好滿意呀！下次會試佢哋嘅雪花冰同Mocha奶凍！

今日悶悶地, 無端端俾老婆閙左一鑊, 一條友on dog dog 落左旺角, 忽然間想食個甜品, 走左入哩間甜品店, 本來諗住食我至愛紅豆沙, 但係兩個肥老闆娘極力推薦佢地招牌奶涷,咁就半推半就食左杯朱古力奶涷啦. 嘩!!!!!! 真係好ok, 超滑, 水準之作. 本來想叫多一 杯, 就問下個肥老闆娘仲有咩味好食, 佢話佢地咩味都好好食, 咁我就豁出去啦, 一次過叫多四杯, 朱古力同原味係我至愛, 木糠同mocha 都ok 啦. 推介推介..........

一行8人晚飯後再Encore要食甜品、因為頭先食唔飽！去到朋友介紹的土屋，因為人多試咗幾多唔同的甜品。我自己就最鐘意個石榴雪花冰：好香石榴味、甜- I like，雪花都幾棉，OK 招牌菜係北海道牛奶凍，真係用北海道牛奶做、好香濃的奶味；其實用蒙牛都應該差不多，不過而家冇人會用啦。特點係有多種味道，我喜歡的是Moca。我對棍榴槤就麻麻、不過D榴槤Fans話好OK，Pancake 同個脆皮都幾好！食物同環境都幾靚樣，下次會同D仔和老婆再返食。

是晚在旺角打完邊爐之後....一行十一人去左食甜品~即時諗起前兩晚去過ge"土屋"話說星期三第一次品嚐"土屋", 在門口已被雪花冰吸引, 於是飯後跟男朋友點了綠茶味跟石榴味的雪花冰...綠茶味好夠, 一睇就知足料啦!!!石榴味好清新好香!!!唔會好似其他鋪頭咁淡而無味~仲有呀...佢唔駛加錢都會有2-3款配料...$28...完全係抵食啦~老闆娘仲好好人咁送左款朱古力奶凍過我~嘩...真係不得了...超濃朱古力, 超滑, 食完就有種幸福ge感覺~要多謝老闆娘還送了一張幸福即影即有~到左尋晚, 十一個人wor...當然要試盡佢d雪花冰啦...推介呀!!!!本小姐今次仲試左另一款幸福奶凍...MANGO味, 同埋楊枝金露~奶凍好重奶味, 好滑, 好正~楊枝金露好重料, 仲有d沙冰架...好好味~最後要再次多謝老闆娘送ge芒果糥米糍~所有員工都very nice哦....幫我地影相個陣仲好有心機...10個掂呀!!!*其實今次有d想試傳說中ge"榴槤飄香"架...可惜是日沽清~唯有寄望下次有機會會一會佢啦~所有榴槤系列都好強勁...喜歡榴槤ge朋友一定要試!!!

想去旺角食甜品, 行左入去女人街, 見到一間新開嘅鋪頭, 裝修好高貴喎, 比佢放0係出面雪櫃嘅奶凍吸引, 因為係用我日日飲緊嘅至愛北海道3.6牛乳!!! 當然要立即試下啦! 好勁芒果同奶味, 食到有種好幸福嘅感覺, 原來個奶凍係老闆娘親自操刀, 難怪食落會咁窩心啦!我老公平時好鍾意楊枝甘露, 但呢間就...... 估佢唔到個碗大, 連d 料都咁多!!! 嚇C我! 其實我平時好怕食煮左嘅生果, 但老闆娘極力推介, 就試埋個焗芒果酥皮. 原來焗過嘅生果加埋酥皮係可以咁唔同味道! 要一讚佢嘅酥皮真係好香好脆, 同埋佢嘅芒果係好甜, 唔會好似出面D 租品屋咁酸! 雖然位置0係女人街裡面, 但只要行入幾間鋪就到, 其實都幾就腳, 下次去食糖水唔駛左搵右搵啦!