土司工坊 (已結業)

唔太肚餓所以晚餐求其食碗麵。。收銀哥哥面黑黑。。坐底發現地下好污穢。。麵來到已經見到個湯好深色，而且聞到好大陣豉油味湯底係咸到腎炎，個麵完全唔熟勁硬，隻蛋overcooked。。雖然只係$39,但真係俾多佢。。普通餐蛋麵都可以煮到咁難食。。個湯真係極差，豉油沉麵咁，食咗兩啖頂唔順，放棄咗。。

到銅鑼灣辦年貨，只想快快解決午餐。眼前有間Toast Box，就這間吧。之前光顧過屯門店，老公頗有微言。説衞生情況不理想，餐桌没有抹乾淨，來到銅鑼灣店情況也如是，桌面有不少污漬。用餐區分為室內與室外，而我們坐室外。先排隊買餐，侍應先給你飮品，而主餐則由侍應親送，約5-10分鐘便送到。娘惹麵線套餐($45)個人較愛娘惹口味，加上這兒的喇沙只屬一般，於是便點了這款麵食。米粉較為乾身，煮得求其，軟硬度不一，加上已放涼了，口感不佳。此麵湯汁不多也屬正常，可是湯汁只是微温，青檸加上椰漿酸酸甜甜，味道不差，伴着生芽菜絲菜青味濃烈，生豆卜乾乾硬硬的，挺難入口，水煮蛋賣相不佳便沒有吃了，而蝦也是放涼了的，深深體會到店方為了快，可以有多求其。熱美祿(+$4)光顧星洲快餐連鎖，最好選美祿。這兒的熱美祿用上熱奶沖泡，美祿粉下得慷慨，滿口都是濃厚的巧克力麥芽香，不過要得到這份香濃要多付4元飲品升級。來Toast Box，求快真的只是唯一的賣點，換來的就是求其的質素。

想快快食個輕怡晚餐先返屋企，唸起呢度嘅叻沙唔錯，之前去星加坡玩仲特登去食過（當地好味）去到先入店內落單，先付款後取食物，地方簡潔淺木傢私，落單收銀小姐全程黑面，我先比了現金，才見到八達通機，我改付款方法都唔係好阻你啫！即刻黑面！仲要全程由我開口落單到嘟完八達通，佢一粒音都唔出，無覆單！機械式嘅多謝都無！我改用八達通，佢都只係郁一郁個膊頭就算（表示明白啩）飲品水吧會即沖即取走！男店員會問要幾多糖！我要了一匙糖！取到飲品就自己搵位坐低，當時店內已滿，店外商場電梯旁用圍板間起一個範圍放枱櫈，我搵到張二人枱！但好污糟（其實張張都污糟）係無人出來清潔，再棟出號碼牌等食物！店員會搵返號碼上菜！5分鐘有得食！星洲叻沙：敗筆湯唔夠熱，雖然夠濃微辣，即做即上都係唔熱！上面嘅蝦肉係凍嘅，我要浸落唔夠熱嘅湯暖下身先食！幸好味道正常，唔會霉！芽菜煮過籠，淋晒唔爽口，豆卜索晒湯，米線淋到斷碎晒，淥過籠淋得滯！成碗麵係無賣點！點解可以差到咁！熱檸茶：茶底唔夠濃！夠熱！檸檬唔澀！正常！如果保持唔到水準就唔好開咁多分店！浪費了我一個配額！

一向都鍾意吃吐司工坊既咖吔多士，蛋，加上我又係阿華田美祿既愛好者，所以好多區既吐司工坊都去過，食物質素都從來滿意。熱辣辣脆卜卜的咖吔多士，連很多牛油的我都唔覺膩，明明見到很大塊牛油，但竟然都覺得好好食。蛋，最欣賞其生熟程度，但最衰係好多時都凍冰冰上檯。唔記得左美祿呢杯叫咩名了，就係好好味囉，即使飲完好有罪惡感，但都會忍唔住叫黎飲。今次最嬲其實係呢到既服務態度。買餐後我問佢拎「叫餐no.牌」，小姐話唔使喇，有就叫我拎，等左個幾字都未有，我出聲問，佢竟然係店內垃圾檯上拎個餐比我😠我話「一早做好，你唔叫我？」佢話見無no.牌係到😤所以放埋一邊。我話「係你地話唔比no.牌我，話做好直接叫我架😡」佢就即刻話「唔好意思」激鬼氣，我話過以後都唔會再黎呢間呀😤

行到銅鑼灣時代廣場又諗唔到食咩，唯有落地庫幫襯土司工坊，望咗餐牌一陣又唔想幫襯佢地嘅叻沙，揀斑蘭蛋糕又怕唔夠飽，唯有揀它們的常餐A午餐肉煎蛋公仔麵配熱咖啡，由於午膳時間排隊都等了半個鐘才有位，不過勝在餐夠快上，午餐肉有兩塊煎得剛剛好，脆身又唔燶好味但煎雞蛋就太乾身，蛋黃太熟有點像麥記的豬柳蛋一樣，公仔麵夠嚼口不腍，湯底就一貫味精湯。咖啡今次失了水準，沖得不夠味道，即使落了煉奶，啡味仍然偏淡，可能太多人幫襯令水準不能保持。

自從上次去完星加坡旅行食過椰漿飯之後，就愛上咗呢樣食物，所以間唔中心思思想食既時候，就會來土司工房回味一下，唔知點解每次都會加$6飲美綠，可能因為美綠既味道令人回想起小時候, the good old days炸雞腿椰漿飯($48) - 我好喜歡食椰漿飯既原因，唔單只係因為啲飯好香椰汁味，主要原因係旁邊既小魚同花生，仲有果個類似X.O.醬既辣醬，用來撈飯超正! 件炸雞腿都唔錯，不是太乾那種。

晏就食完個heavy lunch仲唔夠喉（我認我太大食過左黎吐司工房整兩件先:^)但佢就算係平日下午茶都幾多人，唯有搭下枱細看menu先知原來有幾款吐司可以揀既傳統吐司就係兩片烤過既吐司夾餡南洋西多士就係炸多士啦鬆軟麵包係類似餐包咁夾餡既厚土司就係厚切烤多士:^)話明土司工坊，我梗係揀番多士啦！！潮州辣蝦米傳統吐司內餡唔多，要預左真係薄薄一層仔附住咁架咋內餡乾身，但比肉餡更為濕潤，鹹中帶辣，有少少似蝦醬既香氣吐司烤得金黃香脆，咬落有焦香味之餘，仲會慢慢有麵包香溢出咖椰厚吐司因為腸胃問題唔係好想食牛油，一問之下可以走就當然走油啦:^)呢個咖椰醬係佢地自家出品既，有一罐罐可以買番屋企用都係果句你要預佢係薄薄一層，唔好諗太多！椰香味重得黎算清，並非油膩類型，而班蘭香唔算好濃烈吐司厚身帶點脆度，配上香甜可口既咖椰醬，簡單但味道都不錯既煎蛋（餐）本身想要半熟蛋，但店員竟然話冇！！！！！好傷感……不過冇計啦都，只好轉點煎蛋/___煎蛋都幾細隻，煎得乾身全熟外皮金黃有焦香，咬落去外皮仲有少少脆度:^0加左豉油醬食重口味都ok既，只係冇半熟蛋真心好可惜……

Lunch time 沒甚胃口又有啲掛住斑蘭嘅清香同蛋糕的軟綿綿，去了土司工坊一止心癮，點了一件斑蘭蛋糕同一杯熱的咖啡煉奶。咬第一口有淡淡椰子味，蛋糕軟綿綿大件而清香，咖啡沒有苦澀味配少少煉奶已經夠晒香濃。

之前多數係食呢間既 LUNCH 或 DINNER, 從未嘗試過它的早餐因為太太不算太 LIKE 佢地既食物, 所以我多數係一個人既時候先食吃它們的黃薑飯 OR LAKSA NOODLE, 比我感覺是價錢相宜, 質素不錯不算是 OUTSTANDING 但 PRICE-WISE 是OK 的今日早上有會議，早左到達便到 TIMES SQUARE BASEMENT的 TOAST BOX 食個LUNCH本身都唔知附近有咩食, 因為試過TOAST BOX 的 LUNCH & DINNER所以心諗早餐應該都冇問題其實人地叫得 TOAST BOX, 我理應試佢地既 TOAST但講真幫襯左咁多次, 都冇一次食 TOAST 今次都不例外 (因為我好鍾意食 NOODLE), 叫左個五香肉丁 + 蛋 + 公仔麵$32 一個早餐確實不便宜, 不過心諗係 CWB, 都預左點知....叫埋凍啡要加多 $4, 這個接近 $40 的早餐究竟有幾好食?凍咖啡其實味道真係唔錯, 見住佢即場沖, 咖啡味在加左冰後仍然發出香味, 確實要試 (不是港式啡)不過那個麵...始終個麵餅唔係一丁麵, 唔夠彈 & 爽五香肉丁應該係 CA

走到時代廣場，小子覺得有D餓。遍看四周，都有名氣但貴。獨土司工坊又平又唔使等位。跟小子坐下，排隊點了土司餐$31。有雙蛋，花生醬厚多士。原來所有多士都在燒爐即哄，並先用牛油打底，才塗厚厚花生醬，色香味俱佳。飲品是星加坡拉茶，很滑而濃茶香，略甜但幾好味。黃金地段，又平又就腳，味道又OK。夫復何球！

一直不到訪Toast Box的原因有兩個:我不吃牛油和椰奶，但是早前我細心留意店鋪的餐牌才發現原來還是由我會吃的菜，因此在到訪旅遊展前會一會這星馬餐廳！半熟蛋(4/5):早餐吃蛋本是健康之選，可媽媽看到新聞不時報導不熟蛋的風險甚高就禁止我吃，但這家店是菜用經過消毒的巴斯德雞蛋，吃起來非常放心！配上星馬特色黑醬油和胡椒粉的吃法後讓滑嫩的蛋白變甜甜的，非常合我胃口，在等待厚土司時一口鯨吞了一半！蜜糖厚土司(3.5/5):這土司其實經過我的customization－走牛油和少甜，所以看起來沒有厚厚一層的蜜糖覆蓋，對於害怕過甜的我巧到好處，加上烘得香脆的吐司沒有不好吃的道理！總結:其實蜜糖土司並不是星馬特色菜，在家裡也能輕易作出，以套餐價$30而言可能會有定價過高的感覺，可是巴斯德雞蛋屬高價之物，讓我吃到他們也算是物有所值！PS.下次我要吃到這次沒有的strawberry口味，繼續我的非主流之路!!

一落樓覺得有 d 凍, 同事話不如都係唔好走出街喇, 於是就落左地底搵野食. 上次食完上海野行過已經想話試下土司工坊, 今日黎到見有位就梗係唔駛諗, 即刻坐低睇下食乜好啦.我地坐舖頭出面, 其實即係路邊, 叫野食要自己去 counter. 睇完餐牌我揀左個: 巴東牛肉配黃薑飯套餐, 飲熱奶茶. 俾完錢攞埋奶茶, 拎住個號碼牌就可以返座位等侍應送野食黎.碟飯賣相唔錯, 牛肉和飯分兩邊放, 伴碟還有蝦片和酸菜. 蝦片咬落口還是脆的, 值得一讚. 牛肉稍為韌左 d, 但都唔難咬開, 黃薑飯味道略淡, 酸瓜則很對味, 不錯不錯, 如果再多幾條就更好. 奶茶就唔夠滑又冇乜茶味, 不過都預左, 算 ok.

星期五晚，一個人行完街買完野，見個肚有D餓，就走左去呢間試下D野食。佢係買完野食就再搵位坐低既，同平時既快餐店既形式有D相似。我就叫左一個喇沙米線同埋一杯熱檸茶，D人會即刻係你面前沖好你既飲品，仲可以幫你落埋糖，等我可以唔洗自己落，感覺幾貼心。之後就搵個位坐低，等佢拎黎比我。等左一陣就有得食，個賣相真係唔錯，不過我就覺得比較細碗，如果比較大食既朋友仔一定唔夠填飽佢既肚。味道都唔錯，飲左一啖湯，有陣陣既椰香味，好濃郁既湯。米線比較淋身，但係就吸收左湯既味道，所以食落口既味道好濃。其他既材料都唔錯，不過覺得比較少同埋比較薄。整體係唔錯，不過都係份量比較少。下次再黎會試下叫其他，唔叫呢款。

雖然宅女一向不吃辣, 但唯獨對叻沙情有獨鐘這晚來到時代廣場附近出席活動, 但完結後才發現沒什麼落肚, 一個人當然又沒理由走去食通天那幾層吃貴價餐,最後還是來到地庫這家土司工坊吃個快餐算了.其實土司工坊都吃過好幾次, 感覺不是伏但又未稱得上好好吃.左揀右揀下選了個星洲叻沙套餐 (HK$45), 包一杯熱飲最後加HK$4要了自製鄉村檸檬意米水上來一大碗但內裡的幾隻蝦肉有點霉, 魚片還是幾彈口, 芽菜份量下得十分多, 喝口湯辣度幾刺激, 椰奶味不強, 但湯底其實有點稀身內裡全都是米線來的, 跟湯底不太對味, 感覺味道麻麻地其實是幾飽肚, 而且在時代廣場這地段來說收費未算好貴, 但味道就不太突出了.

以前曾在奥運站附近上班·所以很多時Toast Box會是我早餐的供應基地·今天經過它的銅鑼灣分店·很想回味那種好的味道·有些食評會批評它的多士普通·奶茶比港式差·可是我實在覺得它是好得不能再好·這個花生醬多士·麵包部分可是自家製(因它有Breadtalk供應·Breadtalk麵包質素是唔錯·)·烘過的麵包分成九小件·上面塗滿美味花生醬·焉會差?多士就是這樣子·普通?一間價格不高昂的小店·你想它的多士點出神入化·是否要求過高?我自己就愛煞這樣的多士·因它十分滋味·我給它八分半·奶茶是拉茶·茶味較港式清新·是另一種奶茶·無話誰勝誰負·我自己廷喜歡這種奶茶·煎蛋用的蛋蛋味濃·煎得唔差·好!三十元這個餐有這樣水準食物·有這樣環境·真是非常好了·那些寫食評的食家是否用酒店準則看待這些小店呢?(有些寫食評的食家可以批評點心專門店的蝦餃不夠十八摺·是否搞笑了點?那些名店可能一籠蝦餃七·八十·人地點心專門店價位是點?所以食嘢要知價·)