圓山台灣料理 (已結業)

講真台灣野通常都係食下牛肉麵, 好少話食一D好飲茶式既台灣野食。個日咁岩有個同事提議去呢間圓山飲茶,  呢間野經過就多, 食就第一次。估唔到上去都幾多人下, 平日都要等位先坐到入去, 感覺應該都唔錯。叫左個3款冷盤, 有蛋有腸有鴨肉。最好食係鴨肉, 幾入味好香口下。另外2款都唔錯, 不過我比較中意惹味D重味少少既野, 所以特別中意鴨肉。然後叫左個皮蛋食,佢有埋肉鬆同豆腐一齊配。加左肉鬆香口左好多, 幾唔錯第一次咁試。另外豆腐個味都特別, 幾彈口下唔會好散。同想像中有少少唔同, 感覺幾新款下。之後梗唔少得係蚵仔煎啦, 蛋好香, 味都幾濃加埋醬咁食都唔錯。同香港炸得好脆唔同款, 呢種煎, 會比較多蛋D。然後係胡椒蝦, 呢個真心好好食大家來到要試下~蝦肉勁香索曬胡椒味, 超惹味蝦肉又夠實夠彈, 食得出鮮味, 又唔細食。有D意猶未盡可惜大家都唔太大食唔係想另一款蝦食。仲有最後既酸菜魚米線, 估唔到台灣野都有酸菜魚食, 哈。 幾岩中意辣既我, 魚片都幾多下, 啖啖魚肉都幾香, 酸菜多所以個湯底味都夠濃, 配住彈牙米線咁食一流。分量都唔少, 岩曬一班人食。

小弟聽日就要去台灣旅遊，臨去之前都會喺香港食番餐台灣菜！呢間餐廳叫圓山台灣料理，位於尖沙咀金馬倫道，一上到去就覺得好有台灣本土餐廳嘅感覺。就咁睇，呢間餐廳同其他中菜餐廳好似冇乜分別，但係細心啲睇，佢有好多台灣特色菜！第一個台灣名菜就係三杯雞，三杯嘅意思即係用三杯唔同嘅調味料去煮，分別係米酒、醬油、麻油。呢度嘅三杯雞一煮出來，香味四溢，滋滋聲，熱辣辣，味道唔會太鹹，啱啱好，夠哂麻油味。第二個菜就係鹽酥脆豆腐，豆腐炸到外脆內軟，再用椒鹽調味，令人食完再食！第三個菜好特別，係咕嚕黑豚肉，平時廣東菜就成日都會見到咕嚕肉，估唔到喺台灣都會有，仲要用黑豚肉！佢呢度嘅咕嚕肉做得好出色，先走油，令每塊都鎖住肉汁，外脆內軟，味道又啱啱好，唔會太甜或者太酸。第四個係台式雙拼，分別係辣鴨舌同鴨肉，鴨舌非常惹味，微辣，又大隻；鴨肉啖啖肉，非常容易吃！第五個係招牌鮑汁海鮮炒飯，炒飯好多料，又元貝粒，又蝦肉粒，又有蛋粒，超級好味，極力推薦大家試下。最後一個就係台灣A菜，好爽，好得意嘅感覺。總括而言，圓山台灣料理係得嘅，大家快啲去食下啦！

朋友話想飲茶，然後話嚟依間食心諗台灣料理都有得飲茶既咩上到嚟發現除左台式既菜式外，都有好多港式飲茶既點心冰震鮑魚 $95/隻豪氣一下lunch食隻鮑魚個醬好特別，加埋爽甜既鮑魚招牌雪影叉燒包 $38不愧為招牌好多叉燒個面又夠脆好食好食春風香脆百花腸粉 $43腸粉好滑，而腸粉再包住個春卷係入面，特別得嚟又幾好食喎仲嗌左好多點心蟹子肉汁燒賣王 $38紅油抄手 $43花生鮑汁鳳爪 $43蚵仔卷 $50水晶鮮蝦餃 $43食咗咁多點心，其實都好飽但係!!!!都一定要嗌口腐花食即撞木桶豆腐花 $68依個豆腐花不得了一打開個蓋已經聞到好香好熱好滑好好食加埋黃糖真係好好食$68真係成大桶，無返3-4個人都應該食唔晒😂😂😂我一個人啪左3碗，可惜個frd唔爭氣最後都淨左半桶，原本佢地話打包會出水唔好食🥺經我苦苦哀求下，佢都無我咁好氣，比我外賣😂✌🏻拎返公司被人秒ko左🧐下次一定要再嚟食豆腐花

尖咀其實有好多台式中餐館，但係我諗就只有呢間 我會覺得係最舊式最貼近長輩口味～無錯就係呢間圓山台灣料理! 餐廳係中式茶樓格局 餐牌除左一般台灣料理，仲有點心炒粉麵我地想試多點正宗台式點心 所以四人先叫一個2 人餐試試水溫先2人餐價錢288包括有點心兩款/涼菜一款 +小菜兩款+老火湯兩位+肉燥飯/擔仔麵+甜品先有2 盅老火湯再來就是蝦餃加小籠包兩者都很出色 份量也很多到了小菜時間～蚵仔煎勁多蚵仔，蛋煎得好香三杯雞遠遠已聞到香味，用蔥薑爆香，很惹味擔仔麵/肉燥飯 兩者各一肉燥飯，肉燥半肥半瘦，用黎拌飯一流 ; 另外台南擔仔麵，湯底好香，配埋肉燥超惹味，細細碗淺嚐一流~ 再叫一啲點心蚵仔春卷 $50我expect入面好多蚵仔 但唔知點解食落同普通春卷無咩分別 可以留quota 比其他野台式胡椒餅 $38外面餅皮香脆，入口仲好熱，豬肉juicy再慢慢滲啲胡椒味出黎正呀~ 招牌雪影叉燒包 $38呢個好好味 叉燒熱辣辣 加埋上面嗰層脆脆 好得意醉乳鴿 酒香味濃 冰鎮南非鮑魚 2 隻 $98/隻呢個又係好正 鮑片爽口彈牙 多汁好有鮮味沙茶牛肉炒河 $118沙嗲味超濃！ 河粉完美吸晒啲味 不得了仲

呢間台式料理餐廳概有台灣菜色元素又有中菜特色，好岩一家大細嚟食🤣.鳳梨酥好有新鮮出爐嘅感覺！仲暖笠笠添！非常鬆化🤤鳳梨味濃郁！高質好味🧡.蚵仔卷見係新品又幾特別咁，就叫嚟試下。炸得非常脆口！蚵仔嘅味道都出，不過如果咬落去多啲汁好似會更好食🤣.懷舊水蒸鮮蝦餃細細粒蝦餃，皮夠薄，蝦肉爽口。.台式小籠包皮薄餡靚！有爆汁就效果！正😍值得一試！🤤.招牌極品流沙包包軟熟，流沙味道唔錯，呢個正正常常，幾好食。.黑木耳牛肉腸粉牛肉加黑木耳嘅配搭比較少見到，腸粉幾有咬口🤣個人比較鍾意再軟順啲嘅腸粉。

經常進過美麗華廣場的人都應該知道旁邊有一間台式料理，進過感多次今次終於係入去餐廳裏面食飯。餐廳燈光柔和，整體裝橫令人感到溫馨。店員亦主動有禮，對餐廳的印象不錯。餐廳原本已經出左父親節餐牌！黎食台灣料理當然要叫台灣好出名的三杯雞，除左三杯雞我地仲點左蛤蜊炒勝瓜和三杯杏鮑菇。三杯雞：雞肉鬆軟嫩滑鷄皮略帶酥脆，醬汁惹味濃郁之餘略帶少少辛辣。加上三杯雞使用了大量的天然香料，如羅勒，薑片，蒜等等味道豐富有層次。蛤蜊炒勝瓜：蛤蜊鮮甜無沙值得一贊，勝瓜味道香嫩爽口而且十分清甜，配合埋海鮮一起抄更是鮮上加甜。三杯杏鮑菇：三杯雞聼得多，未想過原來杏鮑菇都可以用這種方式製左成美味的菜色，首先醬汁和三杯雞的味道差不多，醬汁令杏鮑菇更為惹味。杏鮑菇爽口多汁，味道不錯。

諾士佛臺呢排多咗咁多唔同嘅嘢食 今日朋友帶路卒之可以試試呢間久聞大名嘅圓山台灣料理！佢有個388蚊嘅餐可以自選四款餸， 而且選擇都幾多！我同朋友都花咗啲時間先諗到食咩😂咕嚕黑豚肉咕嚕肉酸酸甜甜除咗有菠蘿之外仲有蜜桃，咕嚕肉皮脆肉厚啖啖肉，仲無咩骨好方便！ 我哋都忍唔住嗌左個白飯黎送飯食~蚵仔煎同平時食開嘅蚵仔煎有少少唔同， 呢個兩面煎得均勻香口， 邊位夠脆口，入口亦有蛋黃香，蚵仔亦都夠多夠大夠新鮮！台南肉醬茄子又係非常好送飯嘅一碟餸，茄子炆到好淋好滑而且入曬味，醬汁好濃香！鹽酥雞鹽酥雞炸得金黃香脆，唔會有一浸好厚嘅炸粉，而外皮雖然炸得惹味香口， 雞肉強保留嫩香肉滑， 而且大細適中，令人忍唔住一口接一口！

之前一直聽聞 圓山台灣料理 不錯, 甘岩經過尖沙咀美麗華附近就同朋友去食下~環境似中式酒樓~炒海瓜子, 姐係炒蜆, 幾新鮮, 蜆幾肥美, 冇沙, 加埋醬料甜甜地, 不錯~但之後就有點失望, 一直好掛住台灣的蚵仔煎, 同店員推介話必點, 就試下, 點知上黎時有點失望, 蚵仔煎既蚵仔同蛋都好乾, 粉水比例可以調配得唔太好 (普遍蚵仔煎的的粉漿係由地瓜粉, 太白粉, 麵粉, 水製造), 令應有既黏稠度亦不足~魯肉飯就不夠香濃, 偏乾身~擔仔面似中式意粉, 唔係講笑, 仲好油~諗住食甘多肉, 叫返d炒中和下, 點知炒A菜都好油下, 似油浸菜~好在最後的甜點, 椰汁棗茸糕都唔錯, 棗味幾出, 有椰香味~總結其實價錢都唔平, 明明食台灣街頭小食, 但就賣到成百蚊, 不過黎到香港都預左貴幾倍, 姐係質素有待改善, 食到有d懷疑人生XD 懷疑個廚可能去左罷工lol但發現原來星期1-4晚市有自選套餐供應就抵好多~

尖沙咀行開都可能會發現一間好似茶樓既台灣菜館，今日約埋幾個Friends 終於有機會試下~一入到去格局真係同酒樓差唔多，午市仲有點心叫，都幾特別😋今次4個人黎到就叫左幾道台灣小菜台式鹽水鴨，比較咸的冷盤，加埋白醋中和返味道唔錯三杯雞，地道台灣菜非常惹味，不過雞再嫩D就仲正炒A菜，即係油麥菜，夠哂健康蚵仔煎，台灣野又點少得呢? 不過佢為左迎合香港口味，比較似潮州蠔餅，蚵仔都幾足料，醬汁就幾酸酸甜甜，唔錯～紅糟豬手，豬手煮得非常入味，肉身好淋，正伙記最後仲送左紅豆椰汁糕比我地食，服務唔錯架😃

一行四人求其食，但被安排2樓一角落，估計為做多點生意强加的，因此冷氣不足有點焗。點了幾款小菜，不過不失。A菜有點老，苦味重，生腸和欖角骨不錯。埋單一千左右，性價比一般。

今天同學聚會，我們一行四人，其中一人就提議去食台灣菜，就揀了這間食肆。皮蛋肉鬆豆腐（$80）作為前菜，味道不錯。是晚我最喜歡秘製麻油鷄湯（$198），侍應一揭開蓋，就已經聞到香味，一大煲湯四個人分，每人可以飲3-4碗，鷄肉仍然不會太「鞋」，值得推薦，唯一是可能有麻油的關係，所以有點油。另一款樟茶鴨 （$178）也是值得推介，樟茶鴨不會薰得太乾，還附上包子可以夾住鴨肉來食。台灣著名小食蚵仔煎（$98）當然不會錯過，蚵仔煎配上酸酸甜甜的醬一起食，減去肥膩的感覺。金門欖角骨，應該是用上一字排骨，肥瘦適中。甜點對於女士們又怎可以缺少，所以點了兩款齊齊分享，有秘製糖蕃暮（ $68）和極品流沙包 （$38），筆者較喜歡流沙包，真的很流沙呢！

好耐無同屋企人食台灣嘢啦，今次搵到呢間台灣嘢，試試佢！首先一入到黎，呢度d服務都好好，好有禮貌，值得稱讚的！我地叫左蟶子，水煮魚，麻油雞湯......屋企人讚不絕口既就係呢度既麻油雞湯，真係好好飲😂d湯好濃郁，都好似之前去台灣飲過既麻油雞湯，同埋個份量好多，半隻麻油雞湯都夠五個人飲👍水煮魚佢係用左桂花魚去整，好滑好鮮👍鍾意食辣既人可以叫辣少少，因為我地叫得唔夠辣，不過個味係正既！鹹酥雞同埋蠔餅也是不錯的選擇，我個人就比較好蠔餅多d😍蟶子就真係新鮮既，同埋個味都比較特別，有少少泰國風味😂👍大家都可以試下佢有機會都會再黎食🤣

每逢經過美麗華商場都會留意呢間圓山台灣料理最初都以為價錢幾貴的，但仔細停落黎睇，又覺得幾抵食喎$388 就可以自選四款風味菜睇埋個4款內容，都幾多選擇下真係好驚喜啊~同埋我地目標都係想食下D甜品睇返佢地擺出黎既廣告竟然起FB LIKE AND SHARE就有得送埋椰汁紅豆糕真係唔執輸LIKE埋一份先起菜式準備之前，免費送上漬青瓜開胃小菜黎講，清清地健康D期待的三杯雞來的時候，香到口水都流埋雖然個三杯雞的醬汁少左D, 但個味道、汁都滲左入去雞件入面雞件比較骨細，所以啖啖肉，好香的酒味干煸四季豆送飯一流的肉碎與清新的四季豆結合可惜我地兩個人連菜都食不完，哪有位置食飯呢?所以好滿意的把啖啖美食放在口中油炮鮮魚估唔到呢個價錢會有魚食~~仲要係極新鮮的!!輕輕用油炮炸的鮮魚，就咁鼓油調味就已經好足夠~~同埋師傅清理魚身好乾淨，肉量都多~~沙茶牛肉沙茶味道一流，再加上用左菜芯鋪底就可以撈埋一齊食牛肉係肥牛那種，成個一齊食就無咁罪惡感四個菜，份量又多，味道又好，有魚有肉有蔬菜，邊度搵.....一人一件的椰汁紅豆糕椰汁極香，不要說免費的就不好食~~~芒果布丁芒果粒粒好正、雪到凍一凍~~~真係平時都好少

雖然店名話台灣料理，但系呢到下午有得飲茶，又有四川菜。呢到同中式茶樓差不多，座位多選擇多，最重要系份量好多又吾錯，大時大節約埋親戚黎都幾好。$388揀四款，有魚有雞有豬有牛有菜，樣樣齊。【台灣滷肉】上菜已經聞到陣陣香味，驟眼睇好大份，以為底下會墊左好多配料，原來只有幾片豆腐，索哂啲汁，大大件滷肉勁軟腍，嚼下嚼下八角出哂黎。【柯仔煎】呢到既柯仔煎有少少地方改良左，迎合返香港人口味， 薯料少啲蛋多左，食落紮實有蛋香，不過柯仔炸得耐，無哂鹹水鮮味。【五色鮮魚】抵食之選，炸到外層酥脆，魚肉滑嫩，完全無腥味，加埋好開胃既醬汁。【沙茶牛肉】牛肉吾系用打邊爐勁hea勁肥既肥牛，沙茶味好麻香幼滑，蓋過左啲牛肉味，芥蘭煮得比較軟，卻不失爽脆。

今日突然想吃正宗的台灣料理，到這間位於美麗華廣場旁的圓山台灣料理就最適合不過. 除了台灣菜外，午市也有粵式點心供應，選擇真係非常豐富. 迫不及待的第一道涼菜-麻辣鴨舌鴨舌的口感十分爽脆，麻辣的香麻令到鴨舌的味道更添層次，令人愈食愈想食，一口接一口。第二道菜小炒皇十分豐富、有各式各樣的混合材料包括韮菜花、大蔥、蜆肉、魷魚、蝦乾、魚仔乾和鹹肉。小炒皇鑊氣十足，略為炸過的蝦乾和魚仔乾帶點鹹香，蜆肉和魷魚則很鮮甜，令到整碟菜帶著複雜的口感和味道。最后黎翻道老火湯是蓮藕髮菜豬骨湯，湯料十足，味道鮮甜原味，十分滋潤。价格：價格低點最好了，可以多光顧咯；總括來說，我同朋友都覺得還可以，服務員態度好好一點吧。