四川重口味

营业中

休息中

小煮大魚不過不失，無驚喜呢隻四川醬板鴨真係極為失望，店舖內到處也張貼了醬板鴨的圖片，相信是招牌菜，可惜沒有任何味道，霉肉一般，跟友人吃了一件，真的沒辦法吃上第二件，非常難食服務態度差，呼呼喝喝，非常不禮貌

持續寒冷的天氣，放Lunch當然要食又重口味又辣的食物!這間「重口味」名符其實，食物非常重口，午市竟然有迷你雞煲、口水雞、水煮牛等多款選擇。多番掙扎後，我點了迷你雞煲，沒有辣味，但勝在醬汁夠濃，不算太咸。不過以這樣的價錢來說，性價比非常高!

每次經過餐廳都被餐廳既名 同門外既相片吸引當晚10點左右 決定會一會佢😏依個係炒土豆絲（餐廳有涼拌選擇 但個人中意熱食）一上枱已經聞到好香 入面既蒜味好出 加埋少少薑絲不消5分鐘 就得返小半碟可惜只係叫左小辣 的確冇乜辣味如果唔係可以清碟😜依個係水煮田雞 叫左中辣又熱又辣 的確好惹味田雞好嫩滑 不過整體份量少左啲除左田雞 只有芽菜同少量青瓜片依個係口水雞（例牌）同平時食既唔同叫左中辣但都唔辣反而酸味比較多依個係烤魚叫個陣職員講左要等半個鐘都係好想試 所以都照叫出到泥又係好熱好香好吸引（佢個面魚鱗 再鋪左層厚既粗鹽同孜然粉）夾左則面少少泥食 入面好滑然後揭開泥食（唔知係咪跌左啲鹽個啲落去）入面勁咸😵咸到苦苦地咁食左一半 有少少泥味因為有個汁 最後都食得晒總括泥講 炒土豆絲最好味😂水煮既系列都會再嗌下然後都會再去 試下其他野（因爲見到人地叫個啲 又好似幾正）

平時黎呢間食開雞煲不過最近打得太多邊爐所以今次試下炒小菜首先講左好既先味道都尚算正宗因為有小朋友關係，我地唔敢叫太辣不過四川菜關鍵係個麻字呢間就做得唔錯啦！唔係一味麻到食唔到而係令你想食更多強烈推介芹菜大盆雞味道好似麻油雞岩哂女士食，我太太讚口不絕而且員工服務態度好好！抵讚不過份量真係算小，最失望係水煮魚份量小而且唔平仲要冇薯粉底感覺唔值$188蚊而且除左辣野食我地個個蒜蓉炒菜都好淡而且份量都係偏少下次都係會打邊爐，小菜不了

兩個人食，食晒都好似無食過嘢咁！每樣食物份量都好少，味道主要係無乜味，環境 ok，服務...基本上我要求好低，唔黑面已經覺得 ok。但客人食緊嘢點解你會掃地？有無諗過掃起晒 d 灰塵？

一人五行訂左個六人海鮮餐 之前已經訂左餐同枱，呢度係行親民小店路線既 服務ok 甘啦 上菜速度有d慢。講返呢個海鮮餐 一讚個汁夠香 四川菜就係覆呢種麻香味！蝦都多架 新鮮 實肉蟹就好一般 吾入味係水蟹無乜肉食。要靠人手點汁。其他六隻鮑魚仔 少少扇貝係要玩finding nemo 甘 不過好的是 無沙！Ps 呢度叫左個蒜泥白肉 有驚喜 所以我覺得呢度卧龍藏龍的一定係小食！

一睇就知夠晒份量啦！有蝦同蜆n咁多隻，鮑魚4-5隻，青口3-4隻仲有兩隻蟹！好滿足！3人食完仲要加湯食薯粉同菜！當然點少得beer! 每人都唔洗150$ 超抵食！！

麻辣海鮮鍋 $388只可講一盤野每人$100都吾洗係抵，但海鮮最後留左1/4係度，大家知咩事啦，每人最後$130/位見到新某雜誌話4人去食$100好抵，當然即時叫朋陪去，去到影相的確幾靚，又話訂位果陣要新鮮買材料，滿心期待…菜吸晒味辣味夠又香，但入面的湯仲少過一節手指高，想加辣湯仲講話你炒菜都吾可以話要多汁啦，咁講真你一間麻辣店都有辣湯吧，得清湯都由佢朋友食左一隻蜆變面都怪，我一食就知咩事，入面勁多沙，粒粒都係。忍吾住有冇洗過，佢仲話洗左好耐，果d係胡椒粒定花椒粒碎，講真我第一次食辣野咩，香料碎一咬勁香料味沖出黎啦，點會聽到係沙沙聲，最後一大半蜆冇人食蝦只可講一部份新鮮一半普通，一甲就見到蝦同殼係離開，蝦頭同身分離，咁大家知新吾新鮮啦……最後黎左1/3係度冇人食鮑魚普通冇味，一人一隻蟹同用熱水整冇分別，一反開諗住影相，見到肉係白色就知有冇入過味啦，好彩用水蟹易咬難同點都吾會太難食唉……講黎勁失望，反而小食和紅薯粉吾錯，夠多蒜而辣度剛好，份量都吾少抵食

我認識嘅一位友人非常鍾意食辣野～四川菜重慶菜全部都係佢摯愛～咁啱我話我想食雞煲～於是乎友人就帶左我黎食呢間～佢話好食，咁我緊係信佢啦！ 雞煲有濕有乾可以揀，濕嘅雞煲可以打邊爐。但因為我地只有兩個人，食唔到咁多，只能食乾雞煲。雞煲一端上黎，其實已經熟左，只不過要再加熱幾分鐘先好食～揭開錫紙嘅一剎那，香辣嘅雞煲味撲面而來，再炒下佢，令佢更加入味～對於我呢個唔係好食得辣嘅人黎講，微辣已經足夠～雞煲裡面的配料非常多，有辣椒，麻椒，薯仔，蒜頭，洋蔥等等～炒埋一齊好香，而且雞肉嘅肉質都幾嫩，不會太老，而且好入味～薯仔我都好鍾意～外表有d焦焦地，其實好軟熟～再配上一扎酸梅汁～解膩又開胃～下次都會介紹朋友黎食😋😋

6點幾去到walk in, 唔駛等位， 裡面有數部電視， 啱電視精。上菜算快， 但配料嘅選擇唔太啱我本人心水， 見人見智。前菜叫左四川皮旦， 幾好味。雞煲麻辣算夠味， 但雞唔夠鮮。有濕同乾身雞煲選擇。服務態度唔錯， 有禮貌。朋友請食生日飯， 唔知埋單幾錢。

本人很喜歡吃川菜,可是不能吃太辣,今晚約了姐姐一起吃川菜,就在附近這個重口味試試,誰知道讓人失望.只點了三個菜,一個酸菜魚,熗炒土豆絲和口水雞.只想說酸菜魚不酸不辣,只有鹹味,酸菜只有一點,那魚肉梅梅地,不是很新鮮.自己做的都比它好吃還有那個口水雞,真心不覺得好吃,我叫了小辣,只有一點點辣.土豆絲不是土豆絲,那是土豆條,也是不酸不辣,只是覺得好油膩.那個酸辣粉也太酸了,把湯底其他味道都蓋過去了 

最中意就係食辣既菜式，無論係四川菜同湖南菜都好喜歡食，見到依間既食評好似唔錯，就襯行開依頭嚟試下係咪咁好食今次叫左黃金皮蛋，蒜泥白肉，水煮魚，熗椒炒土豆絲同埋椒醬炒牛心頂，全部都要中辣。首先到既係黃金皮蛋，皮蛋上舖滿蒜辣椒既醬汁，不算太辣太麻，食完幾開胃。蒜泥白肉上面鋪上大量蒜泥，白肉不太肥，肥瘦得宜，加上少少辣好惹味。燴椒炒土豆絲，土豆絲口感爽脆，入口微辣因為有少許花椒及乾辣椒，送啤酒一流。水煮魚選擇左用大魚，魚肉入口鮮嫩，水煮夠辣惹味，底下有芽菜薯粉索味，食落勁刺激又麻又辣，非常過隱。椒醬炒牛心頂，牛心頂即係黄喉，黄喉口感爽脆，炒得好夠鑊氣又夠香，又係送酒既不二之選。

食完自助餐,係時候要比腸胃休息下.係深水埗搵到一間叫四川重口味既餐廳,正是我既選擇!$48 水煮魚套餐,包白飯,但係又唔想食飯,所以加$10 轉酸辣粉!凍飲$8魚既份量非常既多,應該有十幾片既魚肉,不過河魚就係衰多骨.要慢慢品嚐先得.醬汁又濃又鮮又辛辣,但又覆蓋唔到魚肉既味道,真在一流.墊底大豆芽一大堆,有魚有菜好似好健康!酸辣粉既粉夠哂煙韌,索哂湯,又酸又辣好開胃!果然好重口味!晚上有火鍋,有緣再嚐

是日搞四川飯局, 相約一班食得辣既朋友一齊食呢間重口味, 睇下係咪真係甘重口味先, 哈哈入面以長枱為主, 完全聞到成場充滿住辣椒既氣味.所以對食店食物有所期待先黎一個麻辣雞煲: 芏要係辣椒乾身炒, 好香口惹味.之後可以落湯打邊爐!泡椒大腸: 高膽固醇之選但卻令人欲罷不能, 泡椒辣, 大腸好入味彈牙有口感燒側魚: 唯一吾辣既菜式(雖然點辣醬) 用鹽搽喺魚皮出面燒, 只會食入面D肉, 好滑身既肉.!辣子蝦: 呢個推介, 蝦大隻新鮮, 而且辣椒同蝦一起已炒到好脆口, 可以連殼食..正!四川皮蛋: 識食一定食四川款黃金皮蛋, 特別香同爽口D!拍青瓜: 一句講哂, 夠新鮮青瓜好味麻辣鵝腸: 呢隻鵝腸, 好大塊, 比較少油脂同咪爽口, 我覺得同打邊爐吾同, 辣食不用太肥膩, 所以OK!!毛血旺: 吾係度度都有!將吾同材料, 好似牙菜, 豬紅, 牛柏葉, 魷魚等等一齊以水煮既形式, 十分豐富!!總括而言, 值得一試!!

我呢種無飯一族都係好少係屋企煮飯，所以晚晚都要諗食咩，諗左好耐，突然好想食水煮魚！其實我唔算好食得辣，但係唔知點解一諗起水煮魚都好想食；係深水埗地鐵走左幾條街終於搵到佢（因為唔熟路 ）外面企好多人，以為要等位，原來外面果D都係度呼吸緊空氣。入到去地方唔算好大，雖然同隔離枱隔開左少少，其實都好有搭台FEEL一黎當然食我最想食既水煮魚,佢問要唔要火鍋底，我話有咩唔同，跟住佢就話，熱D同埋份量都多D喎，咁難得試一下都OK，加火鍋底都係加20蚊唧，朋友好想試下隻四川醬板鴨，結果半隻都賣晒，有D失望 ，之後都由得我點餸。個鍋底比平時既水煮魚少左好多湯，但係條魚（大魚）超好食，又夠滑，記得之前食過一次，果間價錢貴一倍，仲要係得幾片魚，超級唔夠喉，今次就夠晒滿足！口水雞中規中距，辣汁都好入味。呢碟黄金皮蛋算我少見識，我生平第一次食，個感覺好似日式水煮蛋，個蛋黄係生生地，好好味，同好有特式！我都好鐘意呢味餸，呢間都會有下次！