四川重口味

营业中

休息中

呢間店個名一直都好吸引我但又未有機會試，原因係平時都唔太食辣，不過同事話每款小菜原來可以揀大、中、小辣，見你咁窩心就一於試下你個重口味啦。7點鐘入到去見間舖冇咩人，重以為伏左，但唔夠10分鐘轉眼間成間舖full house你就見到佢嘅實力喇。無論裝修、擺設、服務呢間店都冇咩驚喜， 我咁講可能大家覺得我好刻薄，但今時今日喺香港地做飲食，如果你冇門面又好多人食，你就會果佢一定好有內涵喇。食飽飽後印證我嘅推敲係冇錯嘅。店內嘅姐姐都好親民，除左送餐都有任何意欲埋檯落order，可能深水埗算係半個英雄地吧 ，佢地一路行一路幫你落單嘅。記得落完佢埋完部電腦後你要提一提佢，呢個係絕對秘技如果唔係你有機會食唔到你想食嘅嘢。Anyway，最後餸總算到齊，起筷，哇果然有驚！埋枱我哋叫咗一份係麻辣豬耳同麻辣鵝腸， 佢哋用嘅香油冇過份地掩蓋咗麻辣汁嘅味道， 呢個係好難得嘅 因為通常太油膩嘅會令到麻辣汁原本嘅鹹、甜都大減，一係就好重好重咪味食完兩啖會口渴，但佢個油份同味道比例恰當， 就連豬耳同鵝腸原本嘅味道我都可以食得出，呢個位先比個讚。之後叫咗兩碟小炒一碟係鹹肉炒菜花，另一碟係炒大腸，大腸先走油後爆炒完全冇o

如果我今日上呢度睇過食評，我系吾會幫襯呢間甘既食店！其實我一粒星都吾想俾，真系吾值！太想食酸菜魚，就上網搜，發現屋企附近有間四川重口味，果斷去買，點知用$210買左一碗用外賣米線碗裝既魚骨反黎！拎既時候睇到用米線碗裝已經O嘴，但無諗過可以甘過份！夜晚食飯時羅出黎食，大失所望，味道吾好食之外，只有麻沒有酸，份量也極少，酸菜碎到吾碎，夾吾起，魚肉5只手指數得曬，其餘系魚骨，魚尾，魚頭骨，真系好過份既一間食店，可能人地覺得我外賣，所以亂甘黎，諗住我都無得追究啦！哦，仲有幾拄紅薯粉！用200蚊買一堆魚骨反黎，呢間x店永遠無下次！！！！！真系無食過甘垃圾既酸菜魚！

話說呢次中伏係自己攞嚟嘅，千揀萬揀揀著個爛燈盞😴。因為開始咗鐘意食辣，特別係麻辣，就決定捐窿捐罅挑戰味蕾。其實嚟之前，我已經十五十六試唔試好，因為覺得中伏機率高於一半。呢啲叫做明知山有虎，偏向虎山行🤣。一去到已經覺得好搞笑，就係門口招牌甩皮甩骨，舖名變咗「重口口」...。門口外面係望唔到入面嘅，帶份神秘感加不安感😅。一推開門後，發現餐廳幾大，而且仲有唔少人食緊，麻甩佬同學生妹嘅客人都有！不過店員就無縱影😯。冇幾耐之後中年女店員就行咗出嚟，問我係咪食飯呀，但啲飯賣晒啊。其後又喝令我等等，等佢煲咗飯先...，我心諗我都唔係食飯🍚。當佢就嚟搞掂之後，佢就幫我落單，但全程心散，我要重複講幾次。等嘅期間，我覺得自己置身於一個比大陸更大陸嘅地方，除咗因為餐廳係食四川辣野之外，嗰種紅底黃字嘅裝修環境真係好有中國特色🇨🇳。不過抵讚位係冷氣充足！餐廳午市有做特價飯餐、冬瓜湯飯餐、水煮餐同埋粉麵餐，我呢日就係嚟買碗粉當午餐嘅🍜。我要咗兩餸麻辣湯紅薯粉($32, 外賣加$1)，價錢都算平嘅，份量亦都多...。但可惜味道就有點驚嚇😱。首先佢毫無麻辣嘅香味，即係色香味俱全入面已經冇咗「香」呢個元素。至於「色」方

新搬黎樓上住，本身食得辣，又貪佢夠近，所以就連續黎過呢間兩次，第一次係尋日，買左個迷你雞煲，四川嘢，但中辣不但唔辣，仲無味，雞又少，唔好食。第二次諗住試下個米線，嗌左個大啦，等著十幾分鐘都未出。出餐時俾我見到廚房伸隻手指係嗰碗裡搞嚟搞去，仲係冇帶手套，呢個時期仲咁唔講衛生，舖頭人當我見唔到，繼續幫我裝，跟住我出聲話唔得，佢第一個反應係當唔知，話佢自己帶咗手套，冇掂盒嘢。跟住我話係廚房，佢又話重新做過。但邊個仲夠膽食，即刻要求退單走人，離晒譜！！

一直好鍾意屋企對面這間雞煲，各種口味嘅雞煲最鍾意麻辣雞煲。龍騰雞煲都有試過，比較乾，相對而言麻辣雞煲湯汁較多，越煮越濃味。另外覺得比較好食嘅係酸辣粉和夫妻肺片，朋友就話酸菜魚都唔錯喎

又到晚飯時候，兩個人夜晚想食酸菜魚，搵左位於深水埗既重口味，睇佢個名就知入面餸菜都係重口味，鐘意清淡就唔好揀e 間但又想間中放肆下就試下啦叫左酸菜魚（大魚），大魚係鯇魚，有桂花魚揀，但價錢就會唔同，份量都算多，兩個人食都夠，酸辣味夠，薑蔥多，仲有埋薯粉，但最唔好既係魚有好多細骨，每一啖都要細細食，唔夠豪涼伴土豆絲，凍就唔係好凍，但味道就足，辣味夠，可以分大中細辣👍🏻👍🏻麻辣花螺，非常入味，份量多，唔臭有咬口，值得一試

招牌辣子雞好味，骨都食到（有啲）﹏大中小辣任君選擇，水煮田螺夠晒味﹏黃金皮蛋好出色﹏三餸兩啤酒都係$295﹏值得一試下次試埋佢個雞煲再同大家分享，可以叫辣啲﹏再見👋🏼

事關我放工時間曰曰經過四川重口味呢間餐廳好，我今曰路過冇人排隊就入去試下午餐A口水雞點知個姐姐叫我食H迷你雞煲飯$40都ok啦，我正打評論⋯⋯⋯迷你雞煲飯就到咗啦，或者今日係初四嘅緣故我係第一個人客，個份量特別多，不過最緊要係食物嘅質素，首先我聞吓食物有冇香味😏結果同我想像中一樣唔可以抱太大期望。咁我就開始食雞肉味道夠晒重口味，辣中帶鹹，不過就真係有少少喊，正喺度諗點樣評論文章就見到個姐姐講晒粗口😳喺廚房漂向門口。當然係票得好慢啦，本身佢都有少少肉，原來重口味係咁嘅原因我就八卦望下佢做乜嘢😳😳😳應該就唔太滿意今日都要返工，正常啦好多人都要開工啦，不過我放到年初七。過咗一陣間佢就返嚟啦……我就見到佢喺度聽歌，🤔做咗一個order啫有冇咁大壓力呀！講番個雞煲，係一般般啦，雞肉太熟，喊中帶辣，香味就唔夠，而且水份太多，或者我食嘢要求比較腌尖，價錢非常合理，下次可以考慮食其他嘢。待⋯⋯

朋友推介話香港都有抵食嘅酸菜魚，咁梗係試試佢頂下引，唔洗特登北上潮聖食酸菜魚啦！一行4人，一入到去已經有濃烈嘅麻辣香味🤤我地嗌左個酸菜魚，揀左桂花魚冇咁多骨，魚都算新鮮，明顯有新鮮魚味，唔似有d餐廳用急凍魚，有好多真係零魚味。另外仲有嗌麻辣豬耳。豬耳正常味道，唔算特別好味，再黎多個雞煲，雞煲都唔算好出式，唯一嘅小小驚喜係雞煲入面有炒香左嘅薯仔，煲耐左入哂味好正😋食食下唔夠喉，再追加多份酸菜魚，今次再加多個薯粉底(原本都有薯粉底，不過份量唔多)，因為酸菜魚嘅份量真係好少😭兩個女仔唔洗一陣已經可以食哂一份，4個人嗌2份就啱啱好，唔洗爭，最後打算食返個菜中和下，嗌左個大盤咸肉菜花，以為佢清清地，點知上枱超重口味，好似食串燒嘅孜然粉味，不過好多穫氣👍🏼推介

重口味身處深水埗，完全靠物美價廉來吸引食客。來幫襯不止一次。對於嗜辣的人，這裡絕對不能錯過。極力推薦午餐的口水雞套餐，酸辣粉和辣子雞絕對是正宗的重慶味道。餐廳裝飾一般，走的是實用主義的路線，餐廳裡面的牆壁上貼滿了各種辣味的招牌菜宣傳照片，令人口水直流。餐廳的菜品不僅造型吸引人，而且味道正宗，價錢合理。中午來幫襯的食客並不算多，但是晚上也是人頭湧湧。如果可以和吃辣的朋友一起來，可以多點幾個菜。絕對令大家盡興而歸，辣的滿意。

作為一名窮L，假日緊係去蒲深水埗。但想經濟實惠，又唔想掃街！女朋友就提議人均四十消費嘅四川重口味。望落餐牌又唔係頹飯甘簡單!小食口水雞都係$22 咋。兩點半左右，包場甘濟，仲有電視睇。晚市主推雞煲,羊腩煲。我地叫嘅套餐包熱飲。蔥油雞飯餐$38大量新鮮蔥油鋪上雞上面， 而且雞份量都唔少，雞肉食落唔會鞋口。濃湯雲吞雞飯$48濃湯是比較重味嘅胡椒雞湯味。總共有四粒雲吞，非常大粒餡料勁多。雞肉份量都好多，同樣食落唔鞋口。以人均消費40幾蚊，有呢個質素仲想點。

原味椰子文昌雞鍋(半隻)唔好意思實在太好味了所以每人都有叫到人多一齊食最緊要係海膽飯海膽真係頂唔順太好味了另外叫竹笙墨魚卷紫菜響鈴文昌鴛鴦拼盤(自家手作水餃拼四季福袋)鴨血 四季牛肉拼盤(手切安格斯牛頸脊、A4和牛肉眼、黑安格斯牛小排、牛舌粒、牛舌長切、牛柳粒)四季火鍋拼盤(澳洲穀飼小羊片、玫瑰黑豚小腩片、澳洲穀飼豬爽肉、豬肩肉薄切) 椰青沙冰

記不起是第幾次吃四川重口味了，重頭戲藥材雞煲當然少不了，加上鯇魚片，蔬菜之類，鮮、香、辣、爽^ ^^-^麻辣豬耳跟夫妻肺片也是我們的不二之選，通常我們只會order微辣，但是配上啤酒也是一個沁人心脾！嗜辣的可以一試~~~

依排熱辣辣，朋友反而話想食d野出返一身汗，好耐之前聽過依間「四川重口味」，我本身不太好辣，而且每次吃辣都大汗淋漓😹13:30入座，內裡只有一枱，牆上都介紹著火辣辣的菜色，店員介紹除主餐牌外此時段有午市套餐。-⭐️肉沫炒酸豆角 $68酸豆角經常在川菜出現，雖然好像平平無奇，但這個組合絕對是絕配🙀點了「中辣」起初吃我覺得不算太辣，還可以接受，但後勁很強，愈吃愈辣。可能吃到辣椒籽🌶️唯獨是肉沬未夠入味。鹹香味不足。-因為我怕辣，所以點了湯飯，朋友說我格格不入。鮮魚骨腩冬瓜粒湯飯 $34應該不是用上新鮮的魚。魚肉雖然沒有腥味，但肉質是梅的。反而湯底有莞茜的香味，冬瓜粒完全吸滿了湯底的精華。

Spicy food during hot afternoon is quite good. My friend and I walked pass this restaurant. The atmosphere and setting are good. My friend ordered lunch set - fish soup with rice. The soup was strong of fish and not too salty. I selected the spicy and sour long bean with minced pork. I really love it as it was very yummy.