四寶食堂 (兆安廣場)

营业中

休息中

今日相約家人都這店提早慶中秋，步入店，已經見到美美的花花牆🥰店員安排我們坐卡位。店內有不少座位，位置都闊落，適合大夥兒聚會😍我們點了2個主食，一個小食及2杯特飲。主食方面，我們點了經典滑蛋叉燒飯及白酒香草忌廉煮蜆肉意粉。經典滑蛋叉燒飯好香，蛋都好嫩，白飯配上蛋汁，好好味☺️叉燒都有少少炭烤味😊白酒香草忌廉煮蜆肉意粉好重忌廉味好濃但又沒有蓋過蜆肉的鮮味。每條意大利面都食到忌廉味。隻隻蜆都有肉不是只有蜆殼。特飲方面，我們點了朱古力雪山及阿華田雪山。2杯雪山上面都有每每的忌廉，飲到阿華田及朱古力加上鮮奶忌廉的味道，消暑必點😌小食方面是糯米釀雞翼，雞翼炸到脆脆的，入口食到帶一點點辣的糯米伴上雞肉，好好味又無骨😌最後我們還點了一個甜品法式梳乎蛋多士配上鮮果雪糕☺️口感有點像面包布甸，熱熱的多士配上凍凍的朱古力雪糕，溫度好適中。為我們的迎月夜劃上完美的句號😍

放左工一個人在銅鑼灣搵食，行到謝菲道見到一間茶餐廳叫  餐廳外面的巨形BANNER 相當吸睛， BANNER上的幾款名物令我立即想衝入去試。現在各行各業市道都差,  遊客大減既飲食業首當其衝。這晚全間餐廳只得幾枱客，情況令人幾擔心。 以茶餐廳來說這裡環境很較突出， 卡位又闊落，以冷色為主調，感覺整潔、舒服。 目標明確， 我點了  $58 套餐包一杯飲品             幾分鐘 已送到面前。蛋汁半凝固，鮮黃的色澤閃閃生光， 應該是用上了兩款以上不同的雞蛋混合而成。炒蛋香滑不油，味道濃郁突出，加了蔥花令香味更提昇，薄切叉燒偏瘦、不靱，整體十分出色 美中不足略嫌白飯較小。 加 $7 有杯大大杯紅豆冰 ，超抵飲，汽水都唔止呢個價。 紅豆半沙半粒口感粉糯，半杯紅豆、半杯奶 。份量足，花奶香味突出， 完全沒有被溝稀過， 超推薦給紅豆冰粉絲。 

今日經過銅鑼灣搵餐廳食晏晝， 見到有間新開茶記， 入面有我最愛既常餐， 於是決定入去試下。餐廳中午時間都好多人， 我地搵左張枱搭， 好彩位置都闊落。餐廳光猛， 睇落都新淨整齊。餐牌都好多種類， 常餐， 飯類， 更有特式小食好似磚頭多士。呢個時間又有下午茶 岩哂大食細食既人。我地就叫左一份常餐， 一個蔥油豬扒煎蛋飯， 再加個雞槌薯角， 同雪糕西多士。轉個頭已經好快上菜， 滑蛋炒得好香好滑， 多士望到就覺得好吸引， 加上好鬆軟， 有d 麵包甜味。本身我唔係太中意食沙爹牛， 但係呢間又ok 喎， 麵底幾好食，沙嗲味都惹味， 肉都大塊。一望到豬扒飯哇左聲， 塊豬扒有成隻手咁大， 隻蛋煎得岩岩好， 做到流心效果。豬扒有醃到， 食落好香口， 雖然係炸但係唔油。唔使蔥油都夠味， 我地就搵蔥油撈飯好過。 跟住係泰式醬炸雞翼配薯角， 主要係想食薯角而叫， 薯角不負所望， 雞槌一般般雪糕配西多士， 店員好細心問我地雪糕想食朱古力味定雲呢嗱， 個雪糕球都好大舊 第一次食雪糕配西多士呢個組合， 結果出奇地好食， 熱辣辣炸起既西多士配上涼浸浸雪糕，真係好正同場加映好大杯既奶茶同凍檸茶男朋友話奶茶沖得幾好飲下次經

裝潢有別於一般茶餐廳，環境清爽明亮，座位寬敞，還有一大幅花花牆，相當搶眼！蜜汁叉燒滑蛋飯 ($58)光看賣相已看得出滑蛋非常滑溜，誘人食欲！軟綿綿的滑蛋加上大大塊的叉燒，十分美味。喜哥蔥油豬扒煎蛋飯 ($58)豬扒厚身，外層香脆內裡肉質鬆化，一點也不柴口。加上蔥油，散發淡淡蔥花味，香口又惹味！瑞士汁雞脾撈公仔麵配嫩滑炒蛋及牛油丹麥酥 ($52)瑞士汁夠色澤、甜度剛好，公仔麵軟硬適中。麵條盡吸瑞士汁，每口都甜蜜滋味，非常開胃。雞脾入味，但略嫌不夠嫩滑，仍有進步空間。

放工到銅鑼灣經過見到有間新餐廳裝修幾靚，望兩望先發現原來係茶餐廳或冰室，未食過就決定入去試下。🍴蜜汁叉燒滑蛋飯 hkd58叉燒好味唔會好乾肥瘦剛好，炒蛋好滑溜而唔係熟哂仲有蛋汁，撈飯一流！個飯份量十足大大碟，推薦！🍴喜哥蔥油豬扒煎蛋飯(轉炒蛋) hkd58一上檯就見到塊豬扒好大塊好厚身，煎得香口，而且唔會乾又夠腍，配埋特製蔥油同炒蛋好夾！個飯本身配太陽蛋但問侍應原來可以轉招牌炒蛋，所以唔食太陽蛋既都唔怕。整體食物質素好高，而且侍應服務質素仲好好，價錢亦合理。

嚟到銅鑼灣唔知食咩好咁啱就經過呢間新式嘅食堂裝修以藍綠色做主調望落座位亦都闊落就決定入去試吓一嚟就嗌左佢招牌嘅喜哥蔥油豬扒煎蛋飯餐廳仲有提供唔同嘅扒餐朋友想食清淡少少就揀咗香草白酒龍脷魚配羅勒番茄沙沙醬再配埋黑醋雜菜沙律小食就揀咗糯米釀雞翼仲有阿華田雪山同紅豆奶茶上菜速度都幾快先試下佢嘅招牌蔥油豬扒份量好多特別係塊豬扒仲大過我塊面咬落非常厚肉好Juicy夠腍身配埋特製嘅蔥油食落好惹味太陽煎蛋生熟啱啱好做到留心嘅效果加埋白飯所有嘢配合得啱啱好龍脷魚份量亦都好多有兩大塊肉質嫩滑配埋黑醋沙律好開胃糯米釀雞翼有驚喜即叫即炸熱辣辣釀係雞翼入邊嘅糯米辣辣地食落好過癮食完唔夠喉再加左份法式梳乎厘蛋多士配雜果雪糕有三大舊超級厚切口感有啲似食緊奶黃同麵包布甸之間感覺唔油膩配埋雪糕一流整體食物同服務質素都幾高中間唔小心跌咗碗筷侍應好快手就幫我換過個新份量偏多價錢亦都公道以銅鑼灣嚟講真係好難得

中午大雨中覓食，見到這間餐廳用Tiffany blue 裝飾，份外搶眼，一看餐牌，竟然是茶餐廳，而且價錢唔貴。喜哥蔥油豬扒煎蛋飯（$58），店員問我太陽蛋ok嗎，當然好，最喜歡半生熟蛋，豬扒煎得好香口而不燶，好厚身又juicy, 配上蔥油簡直是一絕，太陽蛋的蛋黃好有動感，配上白飯好滿足。香蔥蝦球滑蛋飯（$78），蝦仁大大粒又爽口，炒蛋好嫩滑，而且加了秘製豉油，好味到停不了口。瑞士雞髀（$25），並非太重味、太甜，正合我口味。鮮奶紅豆冰（+$7），紅豆好夠諗、略甜，如果紅豆連同鮮奶一齊飲，甜度剛剛好。熱檸樂煲薑（+$7），果然夠薑，好似媽媽煮的一樣。茶餐廳竟然有如此高水準的食物，下次一定要是他的晚餐，連pizza, 意粉都有。

今日收工晏左，所以同同事在銅鑼灣四寶食堂食埋飯先返家。我們點了一人一個飯加飲品，再加個糯米釀雞翼。喜哥蔥油豬扒煎蛋飯-個蔥油真係好香口仲要唔會太油膩感。豬扒都ok,唔會太淋或太硬。肉質都不錯。太陽蛋正常。香蔥蝦球滑蛋飯-蝦肉大隻爽口彈牙，蛋真係好滑身。糯米釀雞翼-雞翼入面糯米個味道都不錯，雞翼辣辣地更加野味。熱柑桔-味道良好，熱辣辣咁幾好飲。朱古力雪山-朱古力味都夠，仲有餅卷係士多啤梨味都幾funny。

New cha chan teng opened in Causeway Bay and as I live near by, I decided to give it a try. It was bright blue in color. But the most surprising of all was the hearty greeting of welcome from the staff. And then a proper pointing out of the value meals and a nice thank you when I ordered. This is surprising to me as usually when I go to a cha chan teng, I get grumpy service and  a lot of people ignoring me.Menu is in English and Chinese. There is no 10% service charge. During afternoon tea time,

同男朋友喺Apple Store整完電話之後就上網搵下有咩食，見到有間好多人讚一間有花牆嘅茶記，作為港女嘅我，當然要去試下！一入去就即刻覺得四寶食堂有啲似cafe，有雲石枱又有花牆，真係唔係平時一般嘅茶記。四寶嘅食物選擇都幾多，除咗有一般嘅茶餐，仲有好多比較西式嘅選擇，好似燒春雞同扒。小食我哋食咗泰式檳檸雞鎚，呢個大推！雞鎚熱辣辣送上，仲要起曬肉，方便食客，真係好細心。重點係雞鎚有泰式風味，有香茅味，點埋泰式甜酸醬，真係好好味！主菜我叫咗招牌推介嘅喜哥蔥油豬扒煎蛋飯。我好鍾意蔥油配豬扒呢個配搭，呢到嘅蔥油同豬扒絕不欺場，豬扒好大塊，仲有好多蔥油。豬扒兩面都煎得香脆，煎蛋個蛋黃仲係流心，白飯配上豬扒，蛋黃同蔥油，真係冇得彈！男朋友食咗幾啖都讚唔錯！男朋友係食肉獸，叫咗個特選美國厚切西冷配陳年黑醋汁。特別嘅係侍應會問你想幾成熟，真係好細心。我哋要咗七成熟，肉質唔錯而且幾有肉味，絕對唔係一般茶記嘅貨色。另一驚喜係個配菜—炸薯角，厚切熱辣辣，好惹味，我食咗一半有多！飲品方面，我試咗大家推介嘅朱古力雪山，朱古力味濃，配埋啲奶油好滑，唔會好甜，真係值得一試。男朋友就要咗，佢話都好足料，薑同檸檬嘅味

今日去左食銅鑼灣既四寶食堂食野，去到岩岩好下午茶時間，多左選擇添呀餐廳入面好大間呀，好多座位，入面有個店長好有熱誠同禮貌餐廳成個感覺係舒服既，仲有一大塊花海既背景我嗌左「叉燒蛋飯」「咸牛肉炒蛋潛艇」同「瑞士汁雞脾」飲品就嗌左奶茶「叉燒蛋飯」既叉燒好好味，燒得好香但係又唔會太乾，而且蛋炒得好滑，上菜速度好快，質素都唔錯「咸牛肉炒蛋潛艇」既麵包好香同鬆軟，咸牛肉同炒蛋都夠多，配合度好高「瑞士汁雞脾」真係最有驚喜呀，偷望廚房見佢原來係一直浸住喺瑞士汁入面，所以真係好入面，而且成隻雞脾好淋，瑞士汁又唔會太甜，最重要有陣果皮味，呢隻雞脾比其他標榜賣雞脾既店鋪整得更出色不過奶茶就無咩茶味，係奶味好重。

Thank GOD It's Friday！又一個星期五誕生，作為公司食物鏈最低層，每日返工就係為左等待呢一日！聽落好似好頹廢，但換個角度睇，其實都係每個打工仔既心聲。難得第二日放假，今日緊係放肆一下，去冰室嘆返個靚Lunch先啦。知道銅鑼灣開左間全新裝潢既新派冰室，聽聞奶茶同滑蛋都特別高質，去到見到排哂長龍，就知道果然係聞名不如見面呀！👇📌招牌沙嗲牛肉麵 配 嫩滑炒蛋    及 奶豬脆豬 - $50 (+$8)👉黎得冰室一定要食沙嗲牛肉麵！呢到話明招牌，果然無失望，沙嗲味比一般茶記更加出，牛肉質感有咬口彈性，食落唔會話太粉太腍，加埋招牌炒滑蛋，炒得夠香滑不特止，蛋味非常濃郁，證明大廚經驗老到，火喉控制相當唔錯！夾埋奶油豬一齊食就最好不過啦！📌蕃茄薯仔鮮牛肉通粉 配 嫩滑炒蛋 　及 奶油脆豬 - $50 (+8)👉最欣賞茄牛通就係個湯底，濃而不膩，但當中唔可以搶走蕃茄既鮮甜，呢個就係佢既靈魂所在。呢到既蕃茄湯裡有大量蕃茄肉，酸度岩岩好，感覺幾開胃。牛肉份量十足，絕對唔度縮呀！配埋滑蛋同奶油豬一樣咁好食！📌港式奶茶 - $18(H)👉成日認為一間冰室用咩標準去釐定佢夠唔夠水準呢？其實我自

🇭🇰#香港捐窿捐罅記 instagram: foodkiller_dk銅鑼灣食野出名貴 閒閒地都可能百幾二百蚊咁為咗洗少d錢 好多人都會揀係冰室或自己帶飯食 去節省開支 今日就介紹一間味道幾好 價錢又實惠既冰室 等大家中午多一個選擇🧐-🦖滑蛋叉燒飯🦖叉燒分為兩大類 分別為淋叉同爽叉 兩種叉燒都各有所愛 果日食果個係爽叉 食落好爽口 有咬口 🤪滑蛋煮得啱啱好 仲有少少生 唔會好似出面果d咁熟晒 撈飯一流😀個豉油就正正常常 普普通通 .🍍炸軟殼蟹蕃茄意粉🍍軟殼蟹不嬲係我既最愛 因為咬落去好多蟹膏食甘甘甜甜真係冇得輸🤪 但係蟹膏就好heavy 好容易飽 為咗解釋個問題 所以就用咗蕃茄意粉 中和咗 食完都唔會太飽😌餐廳食物質素好 價錢又唔貴 可以一試

.經過銅鑼灣sogo後面的街，有幾間茶記，但大部分都係連鎖店，見到有間新開茶記，環境又幾靚，就決定一試。餐廳以tiffany blue做主調，有一道佈滿花花的牆，完全唔似一般茶記😂..招牌叉燒滑蛋飯係真。滑蛋呀！好多地方的滑蛋叉燒飯都聲稱自己係滑蛋，可惜煮出黎的都係又乾又唔香。但呢間餐廳既滑蛋熟成度剛剛好，又唔會好油。叉燒唔會好肥，肉質軟腍得黎唔係乾柴的，我最怕食一舊舊肥肉，食落口油淋淋的叉燒，所以呢個飯好合我心意。..黎茶記食黑松露意粉其實好驚中伏，但呢個意粉又竟然冇伏！黑松露完全唔吝嗇，忌廉味香濃，大蝦都算幾爽口，如果大蝦份量可以更多就好。因為味道香濃，一個女仔食曬一碟可能會覺得太多，所以建議好似我地甘叫一份中式飯，另一份西式主菜會比較好。..阿華田雪山好少係茶記見到華阿田特飲，仲要有雪山，諗都冇諗就叫左。飲品比想象中的份量要大杯，阿華田味濃郁，男朋友好怕甜野，即使加上忌廉，佢竟然都唔覺得好甜。

聽聞上環有間茶記叫蛇竇 好出名食滑蛋叉燒飯 好似因爲加租結業左 可惜 一次都未食過 今次 見銅記開左間茶記 裝修幾光鮮 其中招牌食品是滑蛋叉燒飯 HKD58 就試下 滑蛋叉燒飯份量大 滑蛋幾滑 食的時候仲食到未完全熟晒 震震下的蛋汁, 今次叉燒比較瘦身 但蜜汁叉燒入味的, 至於叉燒飯的豉油 甜甜地 送飯一流 整體上, 叉燒飯的味道吾錯喔 而且價錢是可以接受的, 值得推薦給銅鑼灣的上班一簇 另外, 我的朋友點了午市套餐的西式意粉, 我嘗了幾口, 味道都很好, 擺盤都尚有誠意的. 意想不到的. 所以, 我下次準備試下它的西式午餐。