四寶食堂 (兆安廣場)

营业中

休息中

前個排約左2個朋友出嚟食飯，銅鑼灣呢個地段的確大家都好方便。一行3人行左周圍行下搵野食，見到呢間茶嘅大玻璃窗望到入面有一邊係花花牆，我地就俾吸引左入去了。店內裝修別一般茶餐廳，行別緻風格，牆身係藍綠色，正中間係花花牆。座位比較舒適同寬敞，枱同枱之間有一定嘅距離，完全沒有壓迫感，坐得舒服。餐牌內食物嘅選擇多元化！叫左3樣食物開心share!喜哥蔥油煎蛋豬扒飯($58)豬扒好大塊而且亦好厚身，但食落口完全唔難鞋，配埋大量蔥油，撈飯一流！太陽蛋亦煎得好靚，蛋黃一吉啲蛋油流出嚟呢件事好治癒！牛油黑松露雜菌焗原隻燒春雞($108)燒春雞份量一啲都唔野少，外皮燒得香脆，春雞燒得完全唔乾，切開仲非常juicy!!!明明話有黑松露嫁，食緊雞個下點解無嘅，食到最尾先發現，原來內有乾坤，啲牛油黑松露蘑菇收埋係入面，好味道呀😍！美國厚切西冷配陳年黑醋汁($128)西冷好大塊呀，我地怕食太多肉好膩，所以雞同牛扒呢2個主菜都係配沙律。如果太肚餓嘅，其實主菜係可以配磨菇飯/欖油香草意粉/炸薯角嫁。整體服務幾好得嚟，野食算大份實惠。

Trendy HK-style café with high quality food We love the decoration of the restaurant to start with – turquoise blue wall, stylist lighting fixture and flower wall. This is not something you expect from a Hong Kong style café.We ordered its 2 special – BBQ pork omelette on rice and pork chop in scallion oil with rice. Both are delicious! The omelette was very smooth and creamy, with generous amount of bbq pork covering the rice. The scallion oil on this super thick piece of pork chop adds lots of

12 點係時候放飯， 想一下吃什麼好，立即去公司樓下既茶記街搵食，見到呢間四寶食堂竟然係銅記開分店，而且座無虛席，決定等幾耐都試下。午餐🥣奉送咖啡☕️/茶，凍飲加三元。我地叫左個焗水牛芝士大啡🍄菇黑松露忌廉意粉🍝（HKD 58)：濃濃黑松露味，真材實料，意粉啖啖忌廉香氣，香氣四溢，仲做到掛汁既效果，好味過好多Cafe shop👍🏽蜜汁叉燒滑蛋飯（HKD 58): 🐖🥚🍚個蛋食落又真係超。級。嫩。滑！又有蛋香味，應該唔係加蛋粉黎炒。佢自製甜豉油，令到個滑蛋飯好好食，同埋食過幾次啲豉油唔多又唔太少啱啱好。叉燒係偏瘦，啱曬我呢啲怕食肥肉嘅人啦。總結： 價錢吾貴，食物有質素，好滿足，會再光顧。

約咗一個好喜歡去茶餐廳嘅好友見面，佢推介去銅鑼灣佢經常幫襯的茶記，名字叫「四寶食堂」。既然朋友大力推介梗係要嚟食番個靚飯， 必食之選蜜汁叉燒滑蛋飯，份量十足大大碟，上枱時已經聞到香噴噴。先讚一下，炒滑蛋真係好滑，而且好夠蛋香味， 蜜汁叉燒甜甜香香，肉質腍嫩，果然好優質。前菜想食健康點，所以點了秋葵燕麥雜菜沙律伴自家製醬汁，份量也不少，秋葵及沙律菜好新鮮，加上燕麥夠晒健康。我最喜歡就係佢哋嘅糯米釀雞翼，即叫即製，熱辣辣，入口有很重的糯米香，雞肉好夠滑，好食到停唔到口。朋友喜歡主菜是特選美國厚切西冷配陳年黑醋汁，仲配送脆炸薯角超大份，而且薯角條條好勁粗，好好食呀～至於飲品選擇好多，我深深被柚子氣泡茶吸引，呢款飲食可以話係茶餐廳見，非常創新，味道也不錯，清甜爽口，夏天飲好消暑，正!

銅鑼灣無論早午晚都係好多,特別lunch時搵位更難.所以特別會留意有咩新餐廳去試.最近朋友話lunch有間茶餐廳好多人排隊,但食物質素好高,等一陣都值.佢講到咁我當然要試下啦.由細到大都好鍾意食常餐,因為沙嗲牛麵係我最愛,而且仲配埋多士,炒蛋等.價錢都唔算貴. 麵底唔硬身,好易入口.沙嗲醬汁絕對足料,唔會好稀.,牛肉唔會韌.炒蛋好滑身,而且唔會炒得老.上面有少少牛油係到,好香牛油味.配埋特製奶茶,真係好有細個爸爸帶我去冰室個種感覺.另外,我都好鍾意食蕃茄湯底,所以都要咗個茄牛通.每粒通粉都充滿蕃茄味,加埋牛肉,蕃茄等每啖食落口都係好入味.同樣都配有多士同炒蛋.而且餐廳樓底高坐得好舒服,走個時仲見到好多人係到排隊等位.另外,我地仲好健康要多咗個牛油果沙律,下面全部都係薯蓉,如果大家想健康lunch揀呢個都可以.份量唔算好多,但牛油果都幾多,好新鮮.另外仲有D沙律菜添.

同朋友行完sogo 搵野食，去左四寶食堂 ，見間鋪好光猛 又大間，menu 又有中式西式，好似幾多野食揀，就入左去試。😂😂個位 好寛落，又有花花牆for打卡，裝修都算幾靚 。最後叫左幾個餸，逐樣評價下。蝦球滑蛋飯，d 蛋幾嫩幾多汁，煮得唔會老，又大份抵食。煙三文魚凱撤沙律好正，俾多好多塊 三文魚，好鮮甜 ，估唔到茶記整沙律都有咁高水準。仲叫左個巴馬臣芝士水牛城雞翼，煎得金黃，但勁juicy ，賣相都好吸引。最後 就叫左阿華田雪山同紅豆冰 ，飲品就正常。下次應該會叫大班人去再食。

夜晚係銅鑼灣行街，行得攰攰地，見到一間新開又裝修得幾靚既茶餐廳（冰室）-- 四寶食堂  。以湖水藍綠為主調、搭配新潮燈飾同超美花墻，而且食物都有別于其他普通冰室，屬於新派茶餐廳。我地分別叫左傳統茶餐廳食物豬扒飯--喜哥葱油豬扒煎蛋飯、非常特別既黑松露雜菌燒春鷄、同梳乎尼多士配鮮果雪糕。喜哥葱油豬扒煎蛋飯：有一塊半厚切豬扒，肥瘦適中、煎得剛剛好，非常鮮嫩！葱油都好香，配白飯非常對味！黑松露雜菌燒春鷄：燒春鷄就算鷄胸都唔會柴，而且都夠入味。鷄脾更加唔駛講！鷄入面塞飯就食得多，但塞黑松露雜菌就真係好少，雜菌吸曬鷄汁精華，真係好正好特別！不過美中不足就係無左隻鷄翼。。。 梳乎尼多士配鮮果雪糕：梳乎尼多士係吸滿蛋液，軟霖霖既多士、外面煎到金黃色，有少少脆。熱辣辣多士再加凍冰冰雪糕，簡直係絕配

大家冇眼花😎又係我最鍾意嘅花牆啊！從來都冇見過冰室或者茶餐廳係咁靚㗎，湖水綠嘅主題，加上超巨型花牆，簡直係靚嗰啲Cafe❤️招牌沙嗲牛肉公仔麵🍜配嫩滑炒蛋🍳沙嗲牛肉公仔麵好似周圍都食到，但係要整得好出色嘅話真係唔容易，四保食堂嘅沙嗲牛肉公仔麵真係值得推介！佢哋嘅沙嗲有啲似印尼串燒嗰種沙嗲味，而且牛肉嘅份量都比較多，牛肉完全鎖住味道，唔會太乾又唔會膩。炒蛋淨係個樣已經好吸引，半熟嘅狀態有少少流心嘅感覺，而且蛋味非常香，呢個港式招牌公仔麵我簡直比滿分💯！特選美國厚切西冷🥩配陳年黑醋汁一般嘅西冷牛扒都係配茄汁、黑椒汁，好容易就會食到好飽。今次嘅西冷牛扒配黑醋汁，食落比較爽口，而且牛肉唔算多筋，質素高於一般嘅茶餐廳。 蘑菇飯蘑菇飯係跟套餐，除此之外仲可以選擇橄欖香草意粉、黑醋雜菜沙律🥗或者脆炸薯角。飯粒好軟熟，而且蘑菇味好香濃。紅豆奶茶聽講呢間嘅奶茶好出色，所以我特登叫咗紅豆奶茶，果然又香又滑，奶同茶嘅比例恰到好處！

是日lunch, 揀咗四寶，12點半去到，已經好多人，好彩仲有少少位，唔洗等！間鋪幾大，環境幾好，坐得算舒服！Lunch 嘢食選擇唔多，但都有扒餐，有港式茶餐，都有意粉麵飯！叉燒撈公仔麵: 跟餐有炒蛋，奶酥多士，炒蛋夠滑，多士有驚喜，脆卜卜，加埋煉奶，好味！叉燒應該有醃製過，幾好味，撈麵都夠味，少辣，大部分人應該都接受到！跟餐奶茶都ok，滑得黎，無咩苦澀味！卡邦尼意粉： 好creamy, 味道較清淡，中意芝士嘅人應該幾中意！隻蛋好靚！總括黎講，嘢食ok，銅鑼灣黎講，價錢都可接受，值得幫襯！

這附近有好幾間茶餐廳。上次去對面的乜記時，見到這間新開的四寶餐室。常餐蕃茄薯仔鮮牛肉通粉 配嫩滑炒蛋及牛油丹麥酥炒蛋很滑，又濕，味道夠濃。丹麥酥還好，個人不喜歡帶甜的麵包，而且這麼厚不及薄多士般脆。牛肉幾嫩，以茶餐廳質素來說，算是不錯。蕃茄湯像羅宋湯，帶甜，薯仔是罐頭的質素。雖然不是鮮茄湯，但內有新鮮蕃茄，補充營養。通粉吃到最後，仍然彈牙，沒有被滾熱的湯浸腍，算是不錯。蔥油豬扒煎蛋飯豬扒很大塊。肉質不嚡不韌，卻有點咬口。大大隻蛋黃一弄穿，蛋黃便流出來。黏黏的，再加蔥和甜豉油調味，用來拌飯一流。份量夠大，都幾抵食。梳乎蛋多士 配鮮果雪糕像西多士，卻不是炸的，沒有一般茶餐廳西多士般油膩。中間軟腍腍，吸滿蛋漿的麵包濕軟得像吉士。如果均勻些，做到全部、每一口都是些口感就正。奶茶的奶和茶的比例不錯，沖得夠滑。以茶餐廳來說，這裡的環境很乾淨，而且新簇。

天氣愈熱,外出吃飯次數增多不少今日轉場去銅鑼灣食飯,見到四寶食堂新開張又不少食客,就同HONEY 一齊入內店內光明又樓高減少壓迫感餐牌內的美食, 不會太多反而種類不同一般餐廳有些驚喜之餘更沒想到連造型都不錯同HONEY 先叫個煙三文魚凱撒沙律大大盤, 多片三文魚,魚身新鮮有光澤配上多款沙律菜,蕃茄另上沙律醬, 對於減肥的我可以慢慢控制分量HONEY 就全數落去,因為可以方便混合食之後最期待的喜哥蔥油豬扒煎蛋飯好大碟,大大塊豬扒,肉嫩, 味道剛好,沒有太多肉鬆粉令肉質"梅淋" 感,抵讚.再加上好多爆香蔥綠,每啖飯食落都有不同味道混合又香又嫩,大家都大讚好味再配上咸檸7絕配。因為兩道菜味道不錯再可以叫黑松露什菌咸蛋醬薄餅當初有些擔心是麵包餅底原來是餅乾底可以減少油膩感。來到一看,不錯的外型如果菇類再薄一些平均分佈會更好而剛出爐的熱力, 令有三重味道更香,有咸蛋, 蕃茄及黑松露味,配上香脆餅乾底又另一番味道可能我喜愛濃味,但HONEY 覺得味道剛好.自己最欣賞其餅底一定要熱食, 脆香一絕。食了一個多小時,HONEY 都講, 於銅鑼灣區來說,價錢同質素都好親民。

再次來到這茶餐廳，今次係要試佢的下午茶，餐牌上都有不少選擇。同事要返夜學選了瑞士汁雞脾飯都只係$39.00去邊到搵完全無野講，但食物質素又唔會因此下降。我同樣點選了瑞士汁雞脾，但我拼菠蘿油，我這個重抵$36.隻雞脾汁做得幾好，少少甜的味道不會太重手，如果隻脾可以唔好煮太熟肉質會嫰滑啲，我好欣賞佢地的心機，個包裡面都有烘焙過，令到食落去內裡都脆脆的，做到外面香脆加上片牛油同脆脆的內裡，咬下去增加不少口感。還有個黑松露蛋沙律熱狗都係唔錯的選擇，同樣熱狗包裡面同樣有烘焙過。

係銅鑼灣shopping完緊係係附近揾下食醫肚la😎行過四寶食堂見入面咁多人幫襯，背景又有我仲意既花花，就入去試試lu😋食物果然又睇得又食得😁而且價錢非常貼地又大份，環境又舒服，真係建議朋友過來一試😁牛油黑松露什菌焗原隻燒春雞(配蘑菇飯)🐓 $108燒春雞外皮香脆可口，內裏肉質鮮嫩，加上香濃既磨菇汁飯，正🤤特選美國厚切西冷配陳年黑醋汁(配欖油香草意粉)🥩 $128厚切西冷真係好厚切，食落好彈口，好正😍香草白酒龍脷魚配羅勒蕃茄沙沙醬(配黑醋什菜沙律)🐟 $98龍脷魚好滑而且味道好香，配埋沙沙醬一齊食好夾ar👍糯米釀雞翼5隻🍗 $68微辣既糯米雞翼裏面塞滿煙韌既糯米飯，維持住雞翼既香味又不失糯米既口感味道😋焗水牛芝士酸瓜甜椒帆立貝🥟 $78一份有3件大大份元貝，原來芝士同酸瓜係咁夾，食多几隻都仲想食🤩喜哥蔥油豬扒煎蛋飯🍛 $58❤依個飯係我最欣賞既❤滿滿蔥油淋落舖左隻蛋既飯，每口飯都有蔥油香但又唔會油膩🤤豬扒新鮮香口彈口，非常有質素😋依個價錢有兩大塊靚豬扒，碗几就香蔥油飯，仲有靚蛋加少少菜，真係非常超值😎朱古力雪山🍹 $28奶茶🥤 +$3(跟餐)濃濃朱古力上面有香濃既厚cream，雙重香味

中午搵食，星期五心情特別好， happy Friday. 搜尋到新茶餐廳，婦見除了一般港式茶記食物，亦都有比較小見特別的呢，就決定lunch 來食Lunch 都係以碟頭飯為主架，我ordered 喜哥蔥油豬扒煎蛋飯，一隻大陽蛋，大大塊架豬扒，蔥油架鹹味，睇落好麻甩佬飯，但我確是一名女漢子，喜歡吃就不用理其他人眼光作為愛蛋怪人，叫多個炒蛋，試下有幾嫩滑同蛋香夠唔夠重再來一杯sugar free iced lemon tea 星期五食得好飽呀，希望中午回公司唔會飯氣攻心啦

好耐冇寫食評啦🤭早兩日去銅鑼灣茶餐廳食咗個唔錯嘅 #叉燒滑蛋飯$58於是決定同大家分享下。之前上網已經見到好多人讚，食落發現真係幾有驚喜。滑蛋煮得剛剛好，絕對不會太老也不會太生。而面頭鋪上的叉燒份量也恰到好處，配上一點甜豉油😋正。朋友叫的鐵板不過不失，分量取勝。🏠四寶食堂銅鑼灣謝菲道482號信諾環球保險中心地舖北角電氣道183號友邦廣場地下3至4號舖#四寶食堂 #hksoulkitchen #hkblogger #hkig #hkfoodie #hkrestaurants