四喜麵包西餅

营业中

休息中

聖誕當然要吃聖誕蛋糕🎅🏻 買蛋糕送了聖誕老人裝飾，好可愛呢😍士多啤梨蛋糕 （迷你$68）三個人吃剛剛好。四喜餅店是一間傳統💛餅店，除了蛋糕外，還有不少麵包，很好吃的，價錢不會很貴。除了士多啤梨蛋糕外，還有黑森林蛋糕及雜果蛋糕，蛋糕甜度適中，咬落鬆軟好吃，咬下去中間還夾了少許士多啤梨，忌廉好多😋😋。 裏面還有曲奇，不同類型的麵包，cake，方包，價錢是跟普通餅店差不多，但是麵包的款式很多，我還喜歡吃合桃方包。

路經荔枝角一定要幫襯的麵包店， 由於店內有太多選擇，除麵包之外還有沙律和蛋餅及甜品，但因為已經食左中午飯，今次就買住曲奇和泡芙試試。曲奇我買了最小份量，20元，大約有8至9塊，我要了朱古力味和綠茶味。曲奇是正方形的，口感是脆口紮實的經典口感。朱古力曲奇， 唔甜有少少微苦，餅入面有粒粒朱古力， 如果鍾意食苦朱古力這個應該會啱你。綠茶曲奇， 有淡淡綠茶味入面有粒粒朱古力,但朱古力粒粒太濃朱古力味，變咗朱古力味重個綠茶味，但整體都好食泡芙大大件，外層夠酥脆，內裏的忌廉就是普通蛋糕上的忌廉 ，味道普通，但性價比高， 8元一件，15元兩件 ，值得一試。這麵包店還有很多種類的食物選擇，絕對值得再幫襯。

生日蛋糕唔一定要食無良心鋪頭既，其實同路既都有好多選擇☺️今次就試下四喜先😋·10個人訂咗2磅藍莓芝士腰果蛋糕，都喺係openrice先見到呢款蛋糕，有腰果好特別呀！問咗師父好彩都整比我哋😊，有芝士蛋糕食🤤·蛋糕味道都唔錯，原來腰果喺餅底，好鬼正🤤🤤，加咗腰果好香口呀☺️☺️，蛋糕個樣仲好靚仔💛生日牌中文可以寫15個字，我哋都用得好盡下，辛苦晒🙏🏼

今天同朋友睇完戲行過，朋友見到四喜即刻話去買包包，我見有煙肉洋蔥蛋餅同西蘭花蛋餅，望落好厚實，咪一樣買一件返屋企做晚餐，一焗爐返熱後，煙肉味香噴噴，西蘭花超大舊仲好香黑椒味，蛋味豐富真心推薦！

之前中秋節，大家都好鍾意食四喜月餅，今次就試吓佢哋平時整嘅餅同麵包啦！.🔷鬆餅口感較乾較厚實，提子鬆餅還好，朱古力味嘅粉味好重，一般般。.🔷蔓越莓五穀包($15)⭐️推介！！估唔到佢咁軟熟！蔓越莓，五穀份量唔算多，但麵包真係好軟熟好香。.🔷曲奇 ($20 1/4磅)🔸黑白芝麻曲奇食咗好多芝麻醉，好有口感，口感較脆較多微粒。🔸杏仁曲奇⭐️奶味重，有少量杏仁碎片，鬆脆。🔸腰果曲奇真係成粒成粒腰果咁樣擺入去，口感硬身啲，冇咁重奶香味。🔸綠茶朱古力曲奇⭐️好多粒粒朱古力，朱古力粒硬，餅滲出淡淡綠茶幽香。🔸朱古力曲奇滿滿既朱古力粒，口感較厚實。🔸牛油曲奇唧花曲奇，超鬆脆，一咬就好多碎跌出嚟，牛油香味重。

之前上網睇到報道講佢嘅月餅好特別例如有奶茶味同花生醬味一直都係我嘅list入面 不過仲未試😛今日路經荔枝角就去睇吓佢嘅麵包記憶中朋友 講過佢嘅伯爵蜂蜜合桃包出名所以今次就買咗呢款包同埋啲曲奇試吓伯爵蜂蜜合桃包佢嘅伯爵味真係好濃好香！！！ 配合埋軟熟嘅蜂蜜麵包體 再加上有咬口嘅合桃 完全無溢口同諗身 老實講 佢係我暫時食過最濃郁伯爵茶味嘅麵包朋友真係無介紹錯 我留咗半個返屋企比屋企人食 佢地都話正 四喜磅曲奇-雙重朱古力&抹茶味佢嘅曲奇唔可以用鬆化嚟形容 而係經典脆口紮實口感嘅曲奇 我自己對於鬆化曲奇冇乜追求 所以我自己就幾鍾意佢嘅雙重朱古力 因為朱古力味唔甜 仲會微微帶苦嘅味道如果平時食開濃度較高嘅朱古力 應該都會幾鍾意相較於抹茶味我覺得就比較一般因為抹茶味唔算話好濃 反而佢入面嘅朱古力粒味道更加重所以如果要買嘅話我個人推介朱古力味 下次再嚟嘅話好想試佢嘅蛋批見佢賣20幾蚊都好似幾吸引用嚟做午餐應該唔錯

«101»中秋應節post 祝大家平安﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷迷你伯爵茶味奶黃月餅 $110▶迷你花生醬奶黃月餅 $110▷雙黃紅豆沙月餅 $218靚盒靚包裝🌕⭐️成屋月餅推黎推去冇人想主動開黎食，一見到係伯爵茶味我即刻衝出黎食，又幾好食喎！雖然我覺得mix咗奶黃之後唔係好似伯爵茶味，但都係有啲茶味嘅，而且做到唔太甜，好食過啲甜到漏嘅月餅～黃先生食評：花生醬奶黃月極重花生味，但都係甜，all in 伯爵茶 thanks!雙黃紅豆沙個盒未開，應該都要一個禮拜先清得晒😮🥮🥮🥮🥮😵﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣四喜麵包西餅長沙灣青山道500號百美工業大廈地下B6-8號舖

四喜除了賣月餅和麵包出名之外，原來佢哋午市時間都有沙律Bar。沙律吧係$36一盒三款自選嘅沙律🥗，包括有紅菜頭、蕃茄、西蘭花、焗薯仔、雜果沙律、長通粉等等⋯以供選擇。主要適合一啲比較喜歡輕食或者想食得健康一啲嘅客人，因為佢有好多含抗氧化營養的蔬菜沙律，如紅菜頭、西蘭花和蕃茄。另外亦有焗薯和長通粉比較含有高澱粉質的食物，三選一的話可以按自己喜歡的飲食習慣，揀選來做午餐。另外亦可加錢order飲品。我order了紅彩頭、西蘭花、和雜果沙律，味道也不錯，而且我感到份量很足夠，適合想keep fit的女性朋友。如果想更有飽肚感，可揀選焗薯或長通粉，所以有時想買外賣回公司食，這個是幾好的選擇。

四起餅家出咗名係良心嘅餅店，但係由於屋企唔近呢間舖頭，所以一直都冇機會親身去店內選購。話說上年四喜出月餅，要朝早去排隊買，所以上年就冇機會食佢香港製造，又有良心，又新鮮嘅月餅。今年佢係中秋節前兩個月已經可以網上訂購，方便不少，所以一早就要訂了三盒。其實未開盒，淨係睇鐵罐嘅顏值已經十分滿意。除了豆沙和蓮蓉係鐵罐包裝之外其他較細個嘅例如伯爵奶茶，花生友，奶黃月餅都是用紙盒，但印製非常精美。而且買一盒鐵罐月餅還會送File一個.今年買了紅豆月餅，花生友和伯爵奶茶，比較令人意外的是伯爵奶茶的茶香非常濃厚，雖然細細個，但係吃一半已經夠飽。另外紅豆月餅個人覺得比蓮蓉月餅更加感覺細膩，而且不太甜，又不太多油。所以下年一定會返買的!

佢唔係普通嘅豬仔包呢個係食咗返唔到轉頭嘅🌊海🌊鹽🌊卷🥐食咗第一個好自然就想再追食第二個琴晚比曳仔阻止咗要留返俾佢做早餐暴龍決定今日要去encore🐰爸爸你快啲食個麵包👮🏾‍♂️聽日早餐夾麵包先食🐰唔使夾㗎，入邊已經有牛油其實個麵包真係好香濃嘅牛油味🤤#四喜麵包西餅 #SayHeyBakery #FleurDeSel #海鹽卷 #暴龍

月餅節梗係要食下月餅🤤 中秋節梗係要顯示下孝心，今年幫屋企買左三間黃店月餅💛💛 今次介紹吓四喜先！四喜月餅一路都好出名，次次都好快賣晒🤣 今次終於比我買到啦，仲有早鳥優惠🥳🥳 試咗傳統雙黃白蓮蓉同埋花生月兩款口味！雙黃白蓮蓉（$218）始終都係覺得傳統月餅係無可取替！蓮蓉加埋蛋黃超正💯 仲要係新鮮全人手製造，點都好食過_心、_華啦🥰花生月餅（$110）鍾意花生口味嘅朋友一定要試🥜 花生醬好香濃，食到粒粒花生🤤 外皮幾酥脆，但略嫌皮同內餡有少少分離🙈 但整體黎講都唔錯～#大大力懲罰黃店💛-四喜麵包西餅📍長沙灣青山道500號百美工業大廈地下B6-8號舖（荔枝角B1出口）抵食指數：😚😚😚😚/5舔舔脷指數：😚😚😚😚/5

早鳥價$110月餅劵，一盒月餅，四個裝，於是試下 其中兩款：花生醬同伯爵茶 口味，好特別~另外其他口味仲有奶黃....紅豆.....蛋黃蓮蓉個類傳統月餅。不過今年就無食到經典款，淨係食新穎款式~個包裝係紙盒既，好環保，而且仲紀錄左2019發生的時事，個設計真係好正、好有心！個盒食完都會再留低紀念！花生醬餡，好厚實足料，唔會太甜，幾有驚喜！包裝建議微波翻熱兩分鐘會更滋味，我擺入氣炸鍋焗左3分鐘，皮好脆鬆化，好似曲奇口感，唔錯唔錯！伯爵茶都試左，都好特別，好香濃茶味！不過叮完內餡會比較易散，個口感都係似曲奇，整體兩款都合我意，有新鮮感，回味難忘！花生醬個盒都好可愛~一分四一齊share大家都覺得幾好食！支持小店~之前2018個年既月餅，月老款都好得意，四喜年年既月餅都好令人期待！無論外表內涵都好高質、宜家已經等住食下年既月餅，加油！撐黃店~

上年買唔到四喜月餅，今年早早就落單，本身只係諗住支持下良心餅鋪，點知質素令人喜出望外，月餅盒設計玩味十足，行懷舊風格。包青天嗰盒係雙黃紅豆沙月餅，每盒附送一個file，呢款用黎送禮無試到。如果你食厭左傳統月餅就可以好似我咁試下迷你月餅，除左奶黃外仲有其他特別口味。 🥮《伯爵奶茶》迷你伯爵茶味奶黃月餅伯爵茶味濃濃郁，加左奶黃多左份香甜，放入焗爐140度焗5-10分鐘後茶味會更出，非常岀色。🥮《食花生未》迷你花生醬奶黃月餅鍾意花生嘅朋友唔可以錯過呢款，味道似細個食嘅花生醬包咁，食到一粒粒花生碎，唔會太甜膩或黏口，唯一要挑剔嘅係外皮同餡料較容易分離。 同場加映四喜曲奇，之前試過合桃覺得好重牛油味又夠鬆化，今次就買一磅樣樣執啲試下，想試味嘅可以叫1/4或半磅。 🍪合桃/咖啡/藍莓/芝麻/綠茶朱古力曲奇綠茶味有d人工，有朱古力粒粒所以朱古力味較明顯，方形曲奇中較鍾意芝麻，有好多芝麻碎，口感比綠茶味鬆化。唧花曲奇方面，咖啡曲奇少少甜，唔算太濃，淨返嗰兩款都係原味曲奇底，除左烤脆嘅合桃外可以揀藍莓乾，原粒曬乾無浸糖水，都相當唔錯，下次再買會all in合桃同藍莓。

一直都好想試下四喜月餅，玩味月餅，特別是花生醬味十分吸引，但每次都係留意得遲錯過了預訂時間，而地點對我來講又太唔就腳，去到又驚冇現貨，只好留意社交平台動向，見到30/9會有現貨賣，即想衝去買~但要返工，放工去到又怕售罄.....正當徬徨之際，光芒出現了!駐荔枝角的閨蜜知我好想食，竟然幫我買左(仲要係工作中偷偷地出左去買)~實在太感謝了!約收工後去荔枝角拎月餅順便一齊食飯。因為中秋前夕公司有得放早點，早左去到，等友人收工時順便去睇下四喜店的真身同月餅而加咩環境，去到間店即留意月餅，仲有現貨，同好多人買，但唔洗排隊(早上好多人排)，除了月餅，其他麵包蛋糕都幾吸引。迷你花生醬奶黃月餅及迷你伯爵茶奶黃月餅。迷你花生醬奶黃月餅(四件裝)，$122，紙盒裝，設計懷舊，據聞呢個花生是新封面來的，食住花生等睇戲，實在太貼提了!月餅賣相金黃，餅上印有四喜，究竟花生醬月餅咩味，要即試下了，餅皮口感鬆化，內餡真係好有花生醬味，同時有奶醬味，果然如傳聞中似格仔餅味，甜而不膩，估唔到夾到，適合一眾花生友。迷你伯爵茶奶黃月餅(四件裝)，$122，封面好港式懷舊之餘，背後有意思，最焦點係個月曆及電視，伯爵茶味食品尚

今年就只買了兩間的月餅而已。其中一間就是 四喜麵包西餅​！網上訂的，然後是經速遞送上門～不用特地去門市買也頗方便。訂了 - 迷你奶黃月餅 ($198/8個裝) & 迷你伯爵茶味奶黃月餅 ($110/4個裝)今年的月餅盒仍然是很有主題感！前者的是《堅有讀書》，後者是《伯爵奶茶》上年的盒子我仍然有保留著，可以用來裝飾物那些喜歡的話可以加熱來吃，焗爐140度焗5分鐘左右就夠了不過個人覺得伯爵茶味的話不要加熱比較好 ... 因為熱吃的話雖然茶味很突出，但相對甜度也變高。反而直接吃的話更能嚐到茶的甘香囉！月餅外皮香口鬆化，"奶皇"吃落不會很膩。話說沒想到會跟了一個紙袋，而且也太好看了吧！！如無意外下年會繼續訂這家 (笑)