四喜麵包西餅

营业中

休息中

咁啱路過見到，呢間咪之前中秋勁Hit嘅四喜？最先吸引我嘅係佢嘅泡芙同生朱古力🤤但當時剛食飽，出面又勁曬就無買到。入面一邊放住菠蘿、雞尾等麵包，而中間就有幾款榖麥大包，啱晒我👍🏻～～～🌾蔓越莓五榖包 ($15)一攞起就發覺佢幾墜手，傳統餅店果然係唔會賣空氣包！早餐食三片然後就飽咗🥰稍微烘過嘅五榖包口感有少少煙韌，五榖份量都算合格。（對我黎講加幾多都唔會夠😂）加上自製全素酸忌廉，呢個早餐一流呀！

根據網上消息整合，【四喜麵包西餅】被列為黃店原因如下：＊20200401「和你包」售賣店＊12/6、17/6、5/8 罷市＊蘋果日報報導：20190909【逆權中秋】100%香港製造 支持本土良心餅店！因立場舊客罷食 老闆哽咽：香港人明白我們便可以了 呢間d麵包西餅曲奇都係自家製，廚房就係舖頭後面，所以出品非常新鮮。今次買左2款麵包，不過係舖頭冇影相，唔記得個名，我大概作個俾佢地啦 1️⃣ 核桃提子乾包呢個包夠大個，2個人食剛剛好大大粒核桃食落更增添口感 2️⃣ 橙皮穀物包同樣都係健康系列麵包，呢款更加香，但除咗聞落去，食落去更食到粒粒橙皮，整體好match好健康

生日都要💛，身為新西人，又唔想食連鎖店，覺得買個💛蛋糕真係有啲難度，好在公司附近有間四喜，之前中秋排唔到佢啲月餅，今次就試住蛋糕先啦。舖頭入面既蛋糕選擇唔多，今次見到既都係懷舊蛋糕系列，同款仲有士多啤梨蛋糕、雜果蛋糕同芒果蛋糕。而Size 就有迷你，一磅同兩磅揀。4個人食訂左個一磅既，本身都驚佢成個都係Cream 會好飽，食唔晒。點知係我地已經食飽左正餐之後，就狂風掃落葉咁ko埋個蛋糕，仲好似唔多夠食咁，我就唔知係咪舊時個隻味啦，但係有時啲嘢簡簡單單咁都幾好啊～

今日終於又黎到長沙灣，有機會黎試吓呢間出名既四喜，買定聽朝既早餐先💪🏻💪🏻一共買左兩袋伯爵蜜糖合桃包同提子合桃包，整體麵包🥯好鬆軟，就算放左一晚，口感仲係不俗💪🏻💪🏻💪🏻💪🏻提子合桃包：提子🍇好足，味道好香😍😍伯爵蜜糖合桃包：伯爵蜜糖好香，又甜甜地，同鬆軟既麵包好夾🥰🥰😱😱😍😍整體來講係幾有誠意同CP 值高既麵包舖，難怪平日都咁多人黎排隊啦，如果經過開就記得要黎試下啦❗️❗️❗️❗️

剛行過屋企附近間四喜餅店。見到個白色芝士餅，賣相好正兼只係賣$12。馬上買回家做下午餐甜品。食落發現芝士同餅比例恰到好處。食到軟芯芝士，同意式芝士餅味道差唔多。真係好好食。個人推介一定要食。

依間良心餅店前排中秋勁火紅，香港班暴食之徒真係好恐怖日日都清佢地倉，我等緊下年中秋嘅來臨🤧餅店除咗馳名月餅，仲出名杏仁蘇、蛋批、生朱古力、泡芙、曲奇！餅店雖然賣好多傳統食品，但餅店老闆絕對係走在時代的尖端。而家香港局勢動盪，但餅店仍能保持本質，除咗100%香港製造，更係完全屬於香港嘅味道。💛黃店認證： 6.12、6.17、8.5、9.30、10.1、11.11、11.12、11.13罷市；11.25全場半價， 營業額不扣成本全數捐給立場；佢哋嘅設計師設計並大派連豬等圖案揮春👓煙肉洋蔥蛋批 $20批皮係酥皮，香口唔油膩，焗返熱先食會更佳。芝士配上蛋味道頗香濃，雖然有煙肉但唔會太鹹，洋蔥都幾多。超級厚蛋，滑溜質感有少少似蒸水蛋，但蛋之間係有空氣感唔會好實。依個價錢好抵食，蛋批厚身好大件會食到你飽一飽但味道又唔錯，出面cafe點只依個價！評分：7/10👓西蘭花鮮菇蛋批 $20好多菇菌夠哂菌香味，所以食落味道比煙肉洋蔥批濃味少少，但西蘭花唔算好多，如果多啲 西蘭花甚至有西蘭花批仲正🤤評分：7.5/10

過年前去長沙灣工作，時間有啲趕，原先諗住去王孖記買個外賣飯盒，點知佢落咗閘剩係畀攞糕嘅人入去😂，於是過對面馬路四喜，睇下有咩飽肚嘅買嚟食。一行到門口，就畀玻璃櫃入面啲蛋批吸引住，因為好少街坊麵包舖有蛋批賣，所以即刻買咗件三文魚味試下。廿零蚊大大件可謂性價比甚高，味道方面，蛋同芝士味頗香濃，三文魚肉都算多，再加上洋蔥，幾種食材加埋一齊，估唔到係咁好食😍！我又買咗個原味泡芙做甜品，咁大個先賣八蚊真係平到笑😆，咬一啖，口感偏硬，同一般嘅泡芙有啲唔同，可能有人會覺得唔夠鬆軟，但係我就好鍾意呢種口感。入面啲忌廉則屬正常貨色，唔太甜👍。聽講四喜最出名嘅係月餅，有機會一定要試試。

一去到已經好多人排隊，我買左半磅唧花曲奇，有藍莓、咖啡同合桃，我買既時候曲奇剛剛出爐，實在太興奮啦，超級香，香到未買都想食，店員幫我裝曲奇時，唔小心掉左一塊，即刻散哂，可見係鬆到不得了，返到屋企再食，仲有餘溫，超好味，其他店既曲奇可以行埋一邊，以後只買四喜一家，絕對絕對要翻兜！

之前食過四喜的包和牛角酥覺得十分好味道，牛角酥的牛油幾濃保持到之餘又脆口，一層層酥皮十分吸引，所以今日專登過去再買來吃，來到見到新鮮出爐十分吸引，今次的牛角酥比之前的深色但十分大件，牛角酥十元一件都不貴，一夾之下仲要感覺到十分脆口，再配一罐咖啡。買完拿上手時仲有微溫，一咬之下就有失望，感覺有燶的味道，而且牛油味沒有，有點乾身，但口感十分脆口。食到一半已覺得十分口乾，有點失望，下次會看沒有咁燶先會再去買過來吃。

Visited this bakery by accident as I was running to the post office. The quiche Lorraine caught my eyes. For $28 this quiche is quite good, with a nicely tanned top and smooth filling with bacon egg onion and cheese. I think usually if I buy this in Central the price should be double. Not much remain in the bakery when I arrived in the afternoon. Seems to be super popular.

四喜的麵包都是以舊式為主，不過有時都有不同的驚喜，今次就看到這店連續有幾款的大包，其中有一款叫伯爵茶蜜糖合桃包，都幾大個，價錢十七元，之後再加了八元要了一杯熱奶茶回公司。回公司拿包出來原來仲有點熱度，表面有一點粉，切都感覺有少少濕，帶有伯爵香味，咬落去真的有濕的感覺，但幾濃伯爵茶味，合桃都不少，不太甜都可以，之後等到下午再食都是有點濕，如乾身就更好食，十七元價錢都可接受，飲品奶茶不夠滑但茶味幾香。

中秋過後無月餅賣。買咗個$12德國燒芝士切餅。重以為個味道同意大利芝士餅差唔多。食落好重朱古力味同軟心芝士味。都好重Cream味。食落好易入口。好正。個餅造到好到好似五星級酒店水準，但係售價重平過美心。個人誠意推介。

話咁快就快中秋節，去深水埗買嘢咁順便買埋啲餅啦四喜月餅都算幾出名，今日過到去都人山人海，當然最出位就係佢個月餅盒嘅設計啦，都唔知算係傳統定新穎，但係就非常之過癮；今日佢冇豆沙味，有伯爵奶茶、花生醬仲有招牌奶皇味各一啦，當然當晚就係新鮮滾熱辣嘅甜品啦 奶黃味都幾夠香，但係咪鬆化得滯呢…一切就碎個月餅皮，花生醬我覺得冇咩特別普普通通， 我反而最鍾意係奶茶味，我又唔覺得佢好甜…但係個奶茶味幾濃幾香~ 佢出品唔算太差~但係又唔係極好，但係啲服務就非常之好…可能係因為做街坊生意啦，見到佢對客人盡量有求必應…呢啲叫人情味

公司附近嘅四喜餅店成日都好快比人買哂, 同事們個個都話佢地嘅🍪🍪好好食, 今日小妹又行過去踫下運氣, 點知皇天不負有心人, 比我撞正新!鮮!出!爐!嘅曲奇餅😆😆🤤🤤 佢E到可以買1/4磅, 半磅, 一磅等, 仲可以mix唔同味道, 食唔到咁多買少d又得, 想試唔同味道又得👍🏻 我就買左半磅朱古力味曲奇餅, 38蚊🍪😋 曲奇餅未食已經聞到好好好好好香嘅牛油味, 食落去熱辣辣, 十分鬆脆, 好有朱古力味但又唔太甜, 好好食, 完全會一塊接一塊咁食😋 所以1/4磅係絕對會好快食哂😂😂 雖然價錢小貴, 但足料又好食, 非常值得一試!👍🏻👍🏻

小店座落在長沙灣荔枝角之間的一角~裡裡外外都好多人流，除了月餅之外，還有平常的麵包、一些西式蛋餅及三文治。菠蘿油好大個、好厚牛油，下次會試吓!今年希望嚐試新產品，除了大集團月餅還有什麼選擇？在網上見到四喜盒上的兔仔幾有趣，就試一試分別買了花生及伯爵茶味月餅上無標明口味，而伯爵茶有獨特的點點，好易認切開無奶黃色，全個都是茶色，有伯爵茶味，不算特別濃好處是不會太甜~一次食一個都ok!雖然買的人很多，店員都保持禮貌，而且會每盒打開睇睇才賣，幾貼心