影片
港铁柴湾站 A 出口, 步行约3分钟
继续阅读
电话号码
25584778
营业时间
今日营业
06:00 - 22:00
星期一至日
06:00 - 22:00
*9:30
以上资料只供参考，请与餐厅确认详情
夜晚洗完架车已经八点半！好肚饿😵💫😵💫，拿拿林揾下边度有好嘢食，见咁耐都冇食过大排档畀我揾到柴湾四喜大排档， 好有细个食大牌排档嘅风味😊 一食唔得了！ 质素水准一流！ 够镬气！净系讲个椒盐九肚鱼外脆内软！滑捋捋！够晒热！芥兰炒牛肉 又系冇得输！牛肉软淋淋、重牛味； 啫啫鸡煲最惊喜系有埋猪润！超好食！ 又系镬气十足！辣酒煮花螺同平时食嘅有啲唔同，佢真系好重酒味！而且唔散～请教咗师傅佢哋做法有另一套，好特别！ 钟意烈酒嘅朋友，可以一试！多宝鱼好大条！又滑！ 啖啖肉！真系食唔晒！ 时价今日＄180，超抵！两个人食五个𩠌，一碗白饭埋单＄654＊＊ 咁当然讲叫得大排档就喺街边， 通常都比较热闹
继续阅读
当日天气凉咗啲，所以决定去食大排档~假期生意都唔错，几乎坐无虚席，不过因为喺街边食，环境唔会好得去边😂嘢食都系普通大排档菜色，仲系用手写单，但对比起之前个间大排档，依家哩间明显贵咗😢=====================🍍菠萝咕噜肉 $88个人觉得呢个最好食，酸甜度啱啱好，个酱完美包裹住旧肉，仲几脆口🤤酸酸甜甜真系几开胃，送饭一流~🥦西兰花炒鲜鱿 $98呢个反而系友人觉得最好食，清清地，西兰花索咗鲜鱿嘅鲜味，鲜鱿又唔韧，而且份量都唔少💁🏻♀️🐚豉椒炒蚬 $88蚬肉唔算大粒，有好多都得返个壳😮💨同埋啲蚬唔系几靓，豉椒亦唔算特别惹味，偏咸少少，个人觉得一般般~=====================总体嚟讲，呢度嘅份量都几多🤰🏻我哋仲要叫咗两碗饭，差啲饱死🤣依家呢类大排档真系愈嚟愈少🥺喺呢度食嘢真系特别有feel~
继续阅读
今日黎到柴湾 由于我系搭巴士 落车后行一条好隐蔽嘅山路落到黎山脚 到店面感觉好似时光倒流左30年前🥸🥸 讲紧真系坐喺路边食饭🤣🤣个厨房系开放式，你会见到个厨师系喺度抛镬👨🏻🍳呢度净系做晚市，除左堂食亦都有外卖自取同者外送嘅服务除咗小炒之外亦都可以加工，我哋叫咗个炸子鸡、芝士两面王，跟住就系我哋喺附近买嘅海鲜进行加工。烧鸡 皮脆肉嫩芝士两面王我系第一次食，我喺其他餐厅都未试过感觉系几得意呀我觉得嚟到不妨一试。在炸咗嘅面上淋上中式嘅芝士汁再加埋香葱真系极之邪恶、好味道加工海鲜🦞一个系蒜蓉蒸扇贝、椒盐赖尿虾、清蒸星斑全部都好好味😋
继续阅读
📍#四喜大排档#MFJ柴湾 #MFJ中菜 #MFJ港式人均消费: HKD150以前食开隔离间大排档，今次机缘巧合下试咗四喜，睇下你好唔好食😆 佢虽然系熟食中心，其实系街边食，依啲先够地道！ ⭐️脆皮猪大肠🐷$88起初见到个样都谂住唔好食，点知又几好食㖞！个皮好脆但一啲都唔韧，内里亦都好软稔，咬落好有口感！ 而且佢单单靠个酱，佢本物捞咗好蛋香粉，食落仲惹味！ 💯豉汁蒸白鳝🐟$200好少食到拍得住妈妈牌嘅豉汁蒸白鳝！ 豉汁够晒入味，白鳝本身又够晒爽口，咬落去啖啖肉，满口豆豉香！ 下饭一流！ 🆗蚝仔煎蛋🦪$88我缘为系半煎炸果种蚝饼，原来真系煎😂 蚝仔都大只，仲有啲食落有少少鯹！ 蛋调味唔太够，有点平淡💯椒盐鲜鱿🦑$98大排档点少得椒盐鲜鱿！好好好正！ 个皮炸得超松化超级有口感！ 鱿鱼够晒香口而且一啲都唔韧，仲超级有口感！劲正！👎🏻葱油鸡（半只）🐔$100葱油鸡就真系差少少！ 葱油望落都冇咩色水，亦都唔香！ 鸡食落冇葱油味，连鸡味都冇😂 只鸡超瘦，好似食咩位都冇咩肉咁🙈💯椒盐猪手粒🐷$88又一推介！好少有嘅椒盐猪手！ 其实佢件件都好大件，一啲都唔粒！ 椒盐够闣香，佢仲有好多辣粉系上面，好香好辣！ 猪手软稔得不得了，仲要劲骨胶原果种！ 好正！ ⭐️豉油皇炒面🍝$55-65大大碟豉油皇炒面，味道唔会太浓/太咸！ 大人细佬都啱食！加埋6枝啤酒，6个人先一人$150，抵到痴咗线！ 虽然有1-2个𩠌系失色咗少少，但有好蛋款都十分出色！ 性价比完胜！ 推介✅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #chinesecuisine #chinesefood #hkfood #hkfood #DaiPaiDong #相机食先 #美食推介 #柴湾美食 #中菜 #港式 #大排档
继续阅读
一直以来都有听过呢间大排档嘅名，从来冇帮衬过。今日难得有朋友由外国返嚟，想食大排档，咁就一齐食呢一间四喜大排档啦。话明大排档，坐就冇咁舒服㗎啦，都系坐路边，但枱面都干净嘅，仲有纸巾、 热辣辣用滚水浸嘅碗筷、铺晒枱布，起码感觉上都干净啲呀。由于得两个人，所以我哋都冇嗌好多嘢食，我哋叫咗四样嘢再加一碗靓仔同埋一罐忌廉😬，埋单三百几蚊，价钱ok lah. 先黎脆皮炸乳鸽 - 好耐无食过！ 个皮系够脆嘅，个肉都可以的，又热辣辣，但系食落唔系太入味。🤔再上椒盐鲜鱿 - 个粉浆都几薄，啖啖肉，值得推介👍🏻仲有椒丝腐乳通菜牛肉 - 牛肉好大片，好多，通菜都爽既，但略嫌腐乳味淡咗啲😅最后黎一个荷兰豆炒腊肉 - 份量好够腊肉、润肠、腊肠、都有好多。荷兰豆满泻，够晒几个人食👍🏻一路食，一路听住师傅喺度炒野啲镬气声，个镬头d烟火蓬蓬声，感觉好香港，一家人一齐坐底食饭，有倾有讲有笑，呢d就系细个既味道，大个左就好少齐人食饭😢，呢啲就系我地又熟识又有d陌生既香港味啦🥺
继续阅读