影片
以上资料只供参考，请与餐厅确认详情
食家推介
招牌菜
呢只炸子鸡真系不得了，只鸡本身够肥美，炸咗之后皮脆肉嫩，一啖咬落去juicy到肉汁横飞，系必点嘅菜式。虾多士又系必点嘅，因为都几大件，所以建议可以两个人share一件。多士炸得透，又无乜油𠮶吓劲。第三个必点嘅就系呢个葱花腊味煲仔饭，够香够干够入味，仲要有食得到嘅饭焦，无得弹。呢个就输人唔输阵，如果以味道黎讲只属一般。呢度嘅咕噜肉都唔错，够镬气，不过如果要同其他𩠌菜比较就会差少少，真系好想食或者个胃仲有位先考虑叫啦。差d 唔记得呢个鱼扣煲，一流，必点。首先如果无熟人攞又边度会有咁靓嘅鱼扣呢？入味惹味。
继续阅读
柴湾真系一个好远嘅地方，如果唔系朋友强烈推介都唔知道喺工厂区嘅呢个位置有一间咁精彩嘅饭堂，仲有一个咁惊喜嘅晚餐。呢碟叫鸳鸯凤皮甲，其实就系鸡皮包住墨鱼滑去炸，个底就系凉拌青瓜丝鸡丝海蜇丝，先食上面𠮶凤皮甲，然后再捞云下面嘅海蜇青瓜鸡丝再食，虽然系鸡皮但系又唔觉得好最恶，外层香脆，入面嘅墨鱼滑可以弹性。椒盐鲍鱼只只都好大只，而且啲鲍鱼好新鲜好有弹性。姜葱美国桶蚝煲好惹味，而且啲蚝好肥美。最后叫多碟菜，清炒嘅。
继续阅读
美食沙漠中的私房菜平时好多人都会预先订枱有时候都未必有位连平日去食都多人多熟客帮衬必食的系虾多士如果假期去记住要预先留虾多士虾多士好足料而且好食😋入面全部都系虾肉同埋虾胶用心制作👍🏼每日可能会有唔同嘅海鲜或者菜式去到可以问佢呢间私房菜主打每日有新鲜鸡依家好少地方会有新鲜鸡食同埋佢有唔同嘅煮法可以拣你想食嘅口味之前试过沙姜鸡相入面嘅系葱油鸡个人比较钟意沙姜鸡葱油鸡整得唔够热所以有啲影响咗炒豆苗好好食唔会老炒得啱啱好推荐豉汁蒸鳝同西兰花炒鲜鱿豉汁蒸鳝推介💖份量都多而且蒸得啱啱好炒圣子圣子好大只不过份量唔多唔系好推介马友就有人觉得有啲腥其他人都接受到既呢间系比较地道嘅私房菜仲有好多款式系柴湾住的不妨一试
继续阅读
个人觉得柴湾其实都算系一个美食沙漠好多时就算系连锁店，都系冇其他地方嘅咁好食。不过柴湾呢间泗兴，真系一间隐世私房菜系我难得一间食极都唔厌嘅舖头其实今日食咗好几样嘢不过太好食，唔系碟碟都记得影相记得影嘅就系巨型虾多士椒盐大鲍鱼仲有蟹膏蒸水蛋豆腐巨型到，又好食，又好打卡🤭其实佢仲有其他特别嘅嘢食例如煲仔炒饭、豉油王炒面都好好食瑶柱蛋白炒饭都系好够镬气最紧要唔重味精平时食呢啲食物都好怕会有味精，呢度食完一啲唔会口渴所以我都推荐俾屋企人食🤣远啲都推介因为值得坐车都要去食
继续阅读
{柴湾私房菜 - $300/人头}自从唔系学生哥，十几廿个朋友一齐食饭嘅机会真系少之有少，难得聚首一堂，当然要揾啲难得一试嘅美食！呢间泗兴食堂嘅私房手功菜式真系令人一试难忘！♦️鸳鸯凤皮甲集合鸡皮，虾滑，海蜇沙律，听落几样嘢好似唔夹咁，但拼埋一齐好似乳猪咁上碟真系令人哗哗声！无论味道同震撼度都出色。♦️虾多士虾多士就算系普通版都唔简单，呢个仲要唔系普通版！每一旧我谂入面有成十几只虾嘅精华，成碟我谂有过百只虾，明显系心机菜而且劲好味！♦️赛螃蟹冬瓜盅滑滑嘅蛋密舖在蒸到晶莹剔透嘅冬瓜上面，引来强劲嘅化学作用，又系哗哗声嘅杰作！♦️蟹膏蒸肉饼点估到蟹膏蒸肉饼真系摆埋两只大花蟹喺上面一齐蒸，成碟都充满住爆发性嘅蟹味，真心令人回味！♦️蜡味煲佬饭大大煲热辣辣，热到我地听住个煲爆左😂用呢个煲佬饭作结大家都劲满足！其实我地仲叫左啲小菜，不过就以上面呢几个劲精彩做个记录啦！美味程度：😋😋😋😋😋环境指数：🎇🎇🎇🎇番食机会：🦍🦍🦍🦍📍 #泗兴食堂 (柴湾)柴湾利众街37号地舖
继续阅读